查看完整版本: [-- گۈلنىھال : شىئېر --]

تەۋپىق مۇنبىرى -> مۇنبىرىمىز ئەزالىرى ئىجادى شىئىرلىرى -> گۈلنىھال : شىئېر [打印本页]

登录 -> 注册 -> 回复主题 -> 发表主题

گۈلنىھال

2014-02-17 22:43

گۈلنىھال : شىئېر

         شىئېر

       گۈلنىھال

  ‏ئۆتكۈزدۈممەن 34 قىشنى ،
‏ھەم ئۆتۈپتۇ 34  باھار .
‏بەرگەندۇ ئەل قانداقچە باھا ،
‏ئىزتىراپتا بۇ قەلبىم يانار .
‏
‏
‏كۆڭۈل ، ۋىجدان تارازىسىدا ،
‏ئۆلچەپ باقسام باسقان ئىزىمنى .
‏ئۆستۈردۈممۇ ئىتىقاد بىلەن ،
‏ھەم ‏شىر يۈرەك قىلىپ ئوغلۇمنى .
‏
‏
‏يۈرىكىمنى تىڭشىسام ئۇزاق .
‏ھەر بىر ئىشنىڭ سورىقى باركەن .
‏ياخشى ئەمەل قىلغان ئادەمگە ،
‏ئىككى دۇنيا  ياخشىلىق ياركەن .
‏
‏مەنبە :  ئۆز قەلەم
‏
‏2014  -  يىلى  17  -  فۋرال .

تۆتتاش

2014-02-18 00:21

شېئىرىڭىزنىڭ 1- ئۇقۇرمىنى بولغانلىقىمدىن  خۇشالمەن.

كۈندىن -كۈنگە  پىشىۋاتقان قەلەم  قۇۋىتىڭىزگە بارىكاللا. مۇنبىرىمىزدە  سىزدەك تىرىشچان  شائىرە، باغۋەنلىرىمىزنىڭ  كۆپ  بۇلۇشىنى ئۈمىد قىلىمەن.

تەكلىپ:2- كۇبلىتنىڭ 4- مىسراسىنى  قايتا  بىر  ئويلىشىپ  باقامسىز.

ئىجادىيىتىڭىزگە  ئۇتۇق  تىلەيمەن.

قاراخان	2014-02-18 09:28
شېئىرلىرى ياخشى چىقىپتۇ، ئىزتىراپتا يۈرمىسىلىمۇ بولىدۇ، خەلق سىلىگە چوقۇم ياخشى باھا بېرىدۇ.

گۈلنىھال	2014-02-18 09:46
تۆتتاش:شېئىرىڭىزنىڭ 1- ئۇقۇرمىنى بولغانلىقىمدىن خۇشالمەن.كۈندىن -كۈنگە پىشىۋاتقان قەلەم قۇۋىتىڭىزگە بارىكاللا. مۇنبىرىمىزدە & .. (2014-02-18 00:21) ‏تۈزىتىپلا بەرگەن بولسىڭىزچۇ ، خۇش بولاتتىم .

گۈلنىھال	2014-02-18 09:47
قاراخان:شېئىرلىرى ياخشى چىقىپتۇ، ئىزتىراپتا يۈرمىسىلىمۇ بولىدۇ، خەلق سىلىگە چوقۇم ياخشى باھا بېرىدۇ. (2014-02-18 09:28) ‏سىزگە رەھمەت !!!

مىېھرىما	2014-02-18 16:40
ياخشى يېزىلىپتۇ سىزگە ئامەت تىلەيمەن.

ھەزرەت	2014-02-18 18:03
شېئىر تونىغا ئورنىۋالغان گەپكەن . تەكلىپ : شېئىر يېزىشنى كۆرەك مشىق قىپ بېرىڭ ، ھەم نادىر شېئىرلارنى ئوقۇپ بېرىڭ .

قاراخان

2014-02-18 18:06

ھەزرەت:شېئىر تونىغا ئورنىۋالغان گەپكەن . تەكلىپ : شېئىر يېزىشنى كۆرەك مشىق قىپ بېرىڭ ، ھەم نادىر شېئىرلارنى ئوقۇپ بېرىڭ . (2014-02-18 18:03)

ھەزرەت ئەپەندىنىڭ شېئىرلىرىنى ئوقۇپ باقسامكەن دەيمەن، بولسا ئېسىل شېئىرلىرىدىن بىر قانچە پارچىنى ئوقۇرمەنلەر ئۈچۈن يوللاپ قويسڭىز تولىمۇ خۇشال بولغان ئىدىم، رەھمەت!

گۈلنىھال	2014-02-18 18:08
ھەزرەت:شېئىر تونىغا ئورنىۋالغان گەپكەن . تەكلىپ : شېئىر يېزىشنى كۆرەك مشىق قىپ بېرىڭ ، ھەم نادىر شېئىرلارنى ئوقۇپ بېرىڭ . (2014-02-18 18:03) ‏ماقۇل ، مەن كۆپرەك مەشىق قىلىپ ئاندىن يوللاي

گۈلنىھال	2014-02-18 18:09
‏ ‏ئۆگەنگىدەك ئىش بولسا ، داستىخان قىلىپ بارىمەن !!!

ھەزرەت

2014-02-18 18:23

بولىدۇ ،،، ئۇگەنگۇچىلىكى بولمىسىمۇ مۇنۇ  شېئىرلاردىن ھوزۇلانغاچ  تۇرۇڭلار ،،،، تىللاشقىمۇ تامامەن بولىدۇ

-گە

سوزۇلۇپ ياتىدۇ تىنىق  كۆزلىرىڭ،
تۇمانغا باغرىنى يايغان دەريادەك.
يۈرىكىم توساتتىن توختايدۇ بىر پەس،
سىزىمەن ئىچىمدە يۈرىكىڭ باردەك.

ھەر كېچە مەن ساڭا بېغىشلىنىمەن،
تۇيغۇمدا سىيلايدۇ  يۈزۈمنى قولۇڭ.
نەپەسنىڭ رولىنى ھېس قىلالمايمەن،
قۇچىقىم ئىلكىگە ئۆتكەندە ئورنۇڭ.

ئەينەكتەك بىر نازۇك سېغىنىشتا مەن،
يېنىمدا قۇشلاردەك يۈرسەڭمۇ ئەگىپ.
ئۆزۈمنى دەرياغا تاشلايمەن چوقۇم،
قورقۇنچاق سۆيگۈمنى تېنىمگە قېتىپ.

ئازابلىق ياشاشقا مەجبۇر قىلمىغىن،
مەن ئۈچۈن بىر قېتىم خۇشاللىق ئەۋەت.
لىۋىڭنى لىۋىمگە ئاستا تەگكۈز-دە،
باغرىمغا پىچاق سال،مېنى ئۆلتۈرۋەت.

سەنسىز كېچە

قاراڭغۇ كېچىلەر، ھۇشسىز دەرەخلەر،
كېلىدۇ ىۇجراڭدىن ئىسسىق تىنىقىڭ.
ھۇشلىنىپ دەرەخلەر ئىرغاڭلار يەڭگىل،
پىلتىڭلار قاچىدا ئالتۇن بىلىقىڭ.

ئېسىمگە يامىشار جىمجىت سۈرىتىڭ،
سېغىنىش قىلىچى باغرىمنى يېرىپ.
قۇچاقلاپ قويىمەن تۇيغۇمدا ئىللىق،
سىمايىڭ دولقۇندەك كېتەر چېچىلىپ.

ئازابتۇر ئۆتكۈزۈش كېچىنى سەنسىز،
گۇناھتۇر ئاھ بىللە ئۆتكۈزۈشمۇ ھەم.
قىسىلىپ بارىدۇ روھىمىز چوڭقۇر،
ئازاب ۋە گۇناھقا يېپىشىپ مەھكەم.

ھېلىمۇ قەلبىمدە بىر گۈلسەن مەسۇم

ھېلىمۇ قەلبىمدە بىر گۈلسەن مەسۇم،
بىر سېنى سېغىنىپ كېلىمەن تەنھا .
يۈرىكىم دەردىڭدە لەختە -لەختە قان،
ئاھ، مېنى يادىڭغا ئالغىن ئەي دۇنيا.

كېزىدۇ باغرىمنى ھەر بىر تۈن-كېچە،
يېقىملىق سىمايىڭ شۇ مەغرۇر سۆيگۈڭ.
كۆزلىرىڭ شۇنچىلىك پىغانلىق،مۇڭلۇق،
ۋە لىكىن سەزمەيدۇ سۆيگۈمنى سەزگۈڭ.

مۇھەببەت ئازابلىق جەرياندۇر بەلكىم،
مەن مەڭگۈ دەردىڭدە قايغۇرۇپ ئۆتەي.
سەن ئاشۇ سېھىرلىك كۆزلىرىڭ بىلەن،
داۋام ئەت قىيناشنى،مەن ئۆلۈپ كېتەي.
ئەي گۈزەل سەھرانىڭ تەنھا گۈزىلى

ئۆتمەكتە ئىلگىرىكى شاۋقۇنلۇق ھايات،
سەھرانىڭ ئۈن-تىنسىز باغرىغا چۆكۈپ.
سۆگەتلەر ئىگىلگەن ئېقىنلار گۈزەل،
رىۋايەت ئېيتىدۇ شىلدىرلاپ كۈلۈپ.

نەقەدەر سۆيۈملۈك ئۇندىكى قىزلار،
غۇبارسىز قەلبىنىڭ ئۆزى بىر ھايات.
ئەي،گۈزەل سەھرانىڭ تەنھا گۈزىلى،
مەن ساڭا بىقارار ،بول ماڭا ھىمات.

مەن ئەمدى بۇ يەرگە ياشايمەن سىڭىپ،
شەھەرمۇ ئۇنتۇلۇپ كېتەر بىۋاقىت.
تەسەللى بىرەلمەس ياشلىق كۆزلەرگە،
ئۇندىكى ئادەملەر بولۇپ ئىسكىلىت.

جاپالىق كۈنلەرگە قويارمىز قەدەم،
بۇ يۇمران قوللىرىم تۈگىشەر قاناپ،
بىز ھەتتا ئەڭ ئېغىر پەيتنى كۈتەرمىز.
شۇندىمۇ سۆيۈملۈك تۇيۇلغاي ئازاب.

ئامرىقىم قانچىلىك تارتايلى كۈلپەت،
بىز چوقۇم بەختلىك ياشايمىز كۈلۈپ.
مەيلى سەن تاشلاپ كەت ئاداققى دەمدە،
مەن سېنى يەنىلا قالارمەن سۆيۈپ.

مۇھەببەت گاھى ئۇ مەغلۇپ قوزغىلاڭ

مەن سېنى پەرىشتە چاغلايتىم جانان،
قەلبىمنى لەرزىگە سالاتتىڭ ھەيھات.
دەريانىڭ قىرىغا ئۇرۇلغان سۇدەك،
تېنىمنى پەيدىنپەي قىلاتتىڭ بەربات.

ئۆزۈمنى جازالاپ كەلدىم بۈگۈنگە،
بېغىشلاپ بىر ساڭا ئىچ ۋە تېشىمنى.
يۈرەككە ئىستىھكام قۇرۇش قىيىنكەن،
ئاھ دەردىڭ ئاققۇزدى دەريا يېشىمنى.

غەم قايغۇ ئىلكىدە يىتىلگەن باغرىم،
ئىشقىڭدا ئۈن-تىنسىز تالان-تاراجدۇر.
ئېتىمال ئادەمنىڭ ئازاب تارتىشى،
سۆيگۈگە تۆلەنگەن خەرج-خىراجدۇر.

مۇھەببەت گاھى ئۇ مەخلۇپ قوزغىلاڭ،
قالىدۇ ئالغىنى ئىسسىق قېنىڭنى.
سۆيگۈ دەپ قۇچاقلاپ ئەمدى نە قىلاي،
ئاھ سېنىڭ چەيلەنگەن يۇمران تېنىڭنى.

مۇھەببەتنىڭ يىلتىزى

كېچىنىڭ مەن بىلەن بار تونۇشلۇقى،
ئۆيۈمگە سوزۇلۇپ كىرىدۇ يورۇق.
ھىلالنىڭ مەڭزىنى سىيلىغۇم كېلەر،
تەنھالىق ئىچىدە تۇرمۇش قۇپقۇرۇق.

تۆت تامنىڭ ئىچىدە كۆيىدۇ بەدەن،
چاڭقىغان يۈرەككە غەمخورلۇق كىرەك.
مۇھەببەت ھەققىدە سۆزلىمە بۈگۈن،
تەلمۈرۈپ ئەي ئايغا تەقەززا رۇجەك.

تامدىكى ئېسىلغان ئەينەك بىر سىموۋل،
كۆرۈنەر ھەر دائىم بىر ئەرنىڭ ئەكسى .
ھاياتقا مۇھەببەت بېرىپ تۇرىدۇ،
مەن سۆيگەن بىر قىزنىڭ ئوماق كۈلكىسى.
ئۈرۈمچىنى ئەسلەش

1

قېپ قالدى پەرىشان گۈزەل كەچمىشلەر،
سەھەردەك كۆزىنى ياشلاپ غېرىبان.
قېپ قالدى يوللاردا تالاي كۈتۈشلەر،
ئاداققى خوشلىشىش بولۇپ نامايان.

قېپ قالدى بىز تالاي ئۆتكەن سىردىشىپ،
كۈتۈشلەر ئەۋجىدە يانغان بىكەتلەر.
قېپ قالدى ئۈزلۈكسىز يىلىنجاپ مەيۈس،
يامغۇرلۇق ئاستىدا پۈتكەن تىلەكلەر.

قېپ قالدى گاھ سوغۇق ،گاھ قىزغىن ھايات،
يىراقتىن ئاھ مەيۇس قول پۇلاڭلىتىپ.
قېپ قالدى ھەسرەتلىك تەلمۈرۈش بىلەن،
بىر شەھەر كۆڭۈلسىز دەردكە ئايلىنىپ.

قېپ قالدى ۋاقىتتەك سۆيۈملۈك بىر قىز،
گۇناھكار ياپراقتەك تۆكۈلۈپ ئېغىر .
قېپ قالدى ياپيىشىل خىلۋەتلەر ئارا،
كۆز ياشتەك تەپچىرەپ سۆيۈملۈك تەقدىر.
2
دىلدىكى بىر پارچە جاراھەت كەبى،
يىلىنجاپ تۇرىدۇ ھەر بىر ئەسلىمە.
سۈزۈلۈپ بارماقتا خىياللىرىمدا،
گۈزەللىك،رەزەللىك ،ئەركىنلىك ھەممە.

توسقۇنسىز بىر پارچە سېھىرلىك دۇنيا،
مەپتۇنكار قىزلارنىڭ خۇلقىدا ھايات.
ئۇرۈمچى بەرسىمۇ بىر تالاي ئازاب،
كۆكلىتەر ئادەمدە يېڭىچە قانات.

تۈتۈنلەپ تۇرسىمۇ ئۇندا ھۆل يۈرەك،
يەنىلا تەلپۈنۈپ تۇرار يۇلقۇنۇپ.
ئون بەش يىل بولمىدى ،كۈن بولدى پەقەت.
ئېھ ھايات جەنۇبتا چۆككەن دۇغ بولۇپ.

سىزىلدى ئازابنىڭ ئۇلۇغۋارلىقى ،
مېھىرلىك كىشىلەر شۇنچە بىچارە.
شەرققە ھەسرەتلىك سوزۇلغان پويىز،
قارايمەن ئالدىمدىن ئۆتسە ھەر بارە.
3
ئادەملەر ھەممىسى ئايلانغان چوغقا ،
تۈگەيمىز بىر-بىرلەپ كۆيۈپ ئېھتىمال.
ئۈرۈمچى بىر ئوتسەن،پەرۋانىدۇرمىز ،
بەرباتلىق يولىنى تۇتقان بىمالال.

قانائەت تۈتۈنگە ئايلانغان ئۆتمۈش،
يامغۇرغا چىلىشىپ ئىرىيمىز ئاستا .
پەرىدە ئىسىملىك بىر قىزنىڭ قەلبى،
قېپقالغان شۇ يەردە ھەسرەتلىك ياشتا.

ئۇنتۇغۇم كەلمىدى ئازابلىرىمنى ،
ئايلانغۇم يوق ئەسلا جىمجىت بىر تاشقا.
بىر ئۇلۇغ خىيالنى قىلىپ ئولتۇرۇپ،
بىھۇدە سوقۇلغۇم كەلدى بىر تاغقا.

چىكىنىپ چىقمىدىم خىياللىرىمدىن،
ۋە لىكىن ئىلگىرلەش تېخى نۆل پىتى.
ئۈرۈمچى قوينۇڭغا سىغدالدىم يەنە ،
دەپ چوقان سالغانچە كىرىمەن تېخى.
4
يارىدار بوپ قايتمىدىم سەندىن ئەي شەھەر،
سېغىنىش ئىلكىدە چانالدىم قات-قات .
قەلبىمنىڭ پارچىسى قالدى سېنىڭدە ،
ھەي سېنى تەۋەرۈك ئۇنۇتاي قانداق ؟

چۈشلىرىم ئۈن-تىسىز ئۆكسىسە ئۇزاق،
خوش دېمەي قايتقىنىم كەلدى ئېسىمگە.
ھەممىڭلار شاد-خۇرام يۈرسەڭلار ئۇندا،
مەن قانداق ياش تۆكەي ئېسىلىپ كىمگە.

قول سوزۇپ تۇرىمەن،توپىلىك يوللار-
قەلبىمگە مېھرىنى تۇرسىمۇ چېچىپ.
ئاسىيلىق كۆركىدە كۆرەڭ ئازغۇنمەن،
قېپ قالغان سېنىڭدە يۈرىكىم يېنىپ.

تەلمۈرۈپ تۇرغاندۇ بەلكىم شۇ تاپتا ،
مەن تېخى سۆيۈشكە ئۈلگۈرمىگەن قول.
رەھىمسىز باغرىڭدا تاۋلىناي مەيلى ،
ماڭغىنىم داغدام بول ياكى تۇيۇق يول.
خوشلىشىش

بىز ئەمدى خەيرلىشىپ كېتەيلى جېنىم،
بۇ غەمكىن يۈرەككە ئېيتىپ تەسەللى .
ئىشەنچسز تەقدىردىن كۈتمەيلى شەپقەت،
بىز ئەمدى قانداقچە ياشايلى مەيلى.

خوش دېگىن قولۇڭنى كۆتۈرۈپ ئىگىز،
چەكىمىگىن دەرد-ھەسرەت ياش تۆكۈپ لىكىن.
بىز ئەمدى قەيەردە بولايلى ئوخشاش،
بەرىبىر ئايرىلىش پەيتىمىز يېقىن.

پەرىشان بولمىغىن كۈنلەرنى ئەسلەپ ،
تۇرنىلار ئۈستىڭدىن ئۆتكەندە رەت-رەت.
بىز پەسىل قۇشلىرى بوپ قالالمايمىز ،
بۇ قىيىن دەملەردە چەكسەكمۇ ھەسرەت.

ئاھ،باھار

بىز تېخى ئۆز-ئارا خەيرلەشمىگەن،
ئاداققى ئارزۇلار ھەقتە سۆز ئېچىپ.
بېكەتنىڭ ھەسرەتلىك پەيتلىرىنى ھەم،
ئۇزۇتۇپ قويمىغان ئاھ قۇچاقلىشىپ.

مەن ئۈنسىز يوقالدىم بۇ يەردىن بۈگۈن،
بىر ئېغىز خەير-خوش دېمەيلا ساڭا.
ھەممىدىن ئايرىلىپ ياشىغۇم كەلدى،
يېنىڭدا بىرسىنى سەزگەن چېغىمدا.

شاۋقۇنلۇق باغرىغا سۈمۈرۈپ مېنى،
ناتونۇش بىر شەھەر ئالدىمدا مانا.
ئاھ،باھار سەن نەدە سېغىندىم سېنى،
ھېكايە ئېيتىپ بەر ،تۈگىمەس ماڭا.

گۈلنىھال

2014-02-18 18:28

ھەزرەت:شېئىر تونىغا ئورنىۋالغان گەپكەن . تەكلىپ : شېئىر يېزىشنى كۆرەك مشىق قىپ بېرىڭ ، ھەم نادىر شېئىرلارنى ئوقۇپ بېرىڭ . (2014-02-18 18:03)

‏مېنىڭچە سىز ئاۋۋال خەتنى توغرا يېزىشنى ئۆگەنسىڭىز بولغۇدەك . بىر ئۇيغۇر تۇرۇپ ، ئۇيغۇرچە خەتنىمۇ توغرا يازالمىسىڭىز ، بۇنى نىمە دىگۈلۈك ئەمدى ؟؟؟!!!

ھەزرەت	2014-02-18 18:32
ھى ھى .... ماقۇل ... بارا -بارا ئۈگۈنىۋالىمەن

گۈلنىھال	2014-02-18 18:35
‏ھەزىرەت ئەپەندى ، رەھمەت !!!

گۈلنىھال

2014-02-18 18:52

مەن سېنى پەرىشتە چاغلايتىم جانان،
قەلبىمنى لەرزىگە سالاتتىڭ ھەيھات.
دەريانىڭ قىرىغا ئۇرۇلغان سۇدەك،
تېنىمنى پەيدىنپەي قىلاتتىڭ بەربات.

‏تېنىمنى پەيدىنپەي قىلاتتىڭ بەرپات ...
‏
‏بۇ مىسرانى :
دىلىمنى پەيدىنپەي قىلاتتىڭ بەرپات‏ ...
‏
.
‏
‏دەپ ئالساق بولارمۇ !
‏
‏
‏بوپ قويدىكەن .
‏ئەمما ، گەپلىرىڭىزسىلىقراق بولغاي، ھەممىمىز ئۆگەنگۈچى !!!

گۈلنىھال

2014-02-18 18:55

بىز تېخى ئۆز-ئارا خەيرلەشمىگەن،
ئاداققى ئارزۇلار ھەقتە سۆز ئېچىپ.
بېكەتنىڭ ھەسرەتلىك پەيتلىرىنى ھەم،
ئۇزۇتۇپ قويمىغان ئاھ قۇچاقلىشىپ.

‏بىكەتنىڭ ھەسرەتلىك پەيىتلىرىنى ...
‏
‏
‏بۇ مىسرانى :
‏
‏سۆيگۈنىڭ ھەسرەتلىك پەيىتلىرىنى ...
‏
‏دەپ ئالساقچۇ ؟؟؟

گۈلنىھال	2014-02-18 18:57
‏بىكەتنىڭ ھەسرەتلىرى ... دېسە ، جايىغا چۈشمىگەندەكلا ! ‏ ‏ ئاتكاچىلىقىمنى كەچۈرۈڭ ! بەلكىم ھېسسىيات جەھەتتە ‏ئورتاقلىشالمىغاندىمەن .

گۈلنىھال

2014-02-18 19:00

ھەزرەت:بولىدۇ ،،، ئۇگەنگۇچىلىكى بولمىسىمۇ مۇنۇ شېئىرلاردىن ھوزۇلانغاچ تۇرۇڭلار ،،،، تىللاشقىمۇ تامامەن بولىدۇ -گە....... (2014-02-18 18:23)

‏ئادەمدىكى ھېسسىيات ، ئىپادىلەش ئۇسسۇلى ئوخشاش بولمايدۇ ، تەنە ئارىلاش گەپ قىلماي ، قاملاشمىغان تەرەپلەرنى تۈزەتسەك بولاتتىغۇ دەيمەن .
بوپتۇ .

گۈلنىھال

2014-02-18 19:20

قاراڭغۇ كېچىلەر، ھۇشسىز دەرەخلەر،
كېلىدۇ ىۇجراڭدىن ئىسسىق تىنىقىڭ.
ھۇشلىنىپ دەرەخلەر ئىرغاڭلار يەڭگىل،
پىلتىڭلار قاچىدا ئالتۇن بىلىقىڭ.

بۇ كۇبلىتىڭىزنى مۇنداق ‏ئۇقۇپ باققۇم كەلدى :
‏
‏قاراڭغۇ كېچىدە يۈرىمەن تەنھا ،
‏كېلىدۇ ھۇجراڭدىن ئىسسىق تىنىقىڭ .
‏جۆر بولۇپ دەرەخمۇ مۇڭلاندى ئاستا ،
‏مەست قىلدى بىزلەرنى شۇ تاتلىق ھېدىڭ .
‏
‏
‏
‏
‏

گۈلنىھال	2014-02-18 19:33
يارىدار بوپ قايتمىدىم سەندىن ئەي شەھەر، سېغىنىش ئىلكىدە چانالدىم قات-قات . قەلبىمنىڭ پارچىسى قالدى سېنىڭدە ، ھەي سېنى تەۋەرۈك ئۇنۇتاي قانداق ؟ ‏قەلىبىنىڭ پارچىسى ئەمەس ، يۈرەكنىڭ پارچىسى قالار ؟؟؟ ياخشى چىقىپتۇ !

ئوتقاشئەرقۇتى

2014-02-19 23:07

        تاپقىنى گۈل كەلتۈرەر ،تاپمىغىنى بىر باش پىياز !كۆپچىلىكنىڭ گەپ سۆزدە ئىلمى ،يىقىشلىق بۇلۇشىنى چىن دىلىمدىن ئۈمۈد قىلىمەن !
      ھەزرەت يازغان شئېرلىرىنىڭ ياخشىكەن !مۇنبەر ئەھلىدىن ئايمىغايسىز!
      تور نامىڭىز منىڭ 2-يۇرتۇم قەشقەرنى ئىسمگە سالدى .
     ئىناقلىق ياشىغاي !

بابۇر0725	2014-02-20 17:53
ھەقىقەتەن پەلسەپىيۋىلىككە ئىگە ياخشى شئىېركەن

بابۇر0725	2014-02-20 17:54
ھارماي قابىلىيتىنىڭزنڭ جارى قىلدۇرۇشىڭىزغا تىلەكداشمەن

nadiraay

2014-02-20 22:29

ھەزرەت:بولىدۇ ،،، ئۇگەنگۇچىلىكى بولمىسىمۇ مۇنۇ شېئىرلاردىن ھوزۇلانغاچ تۇرۇڭلار ،،،، تىللاشقىمۇ تامامەن بولىدۇ -گە....... (2014-02-18 18:23)

ھەزىرەتنىڭ بۇ شېئىرىنى ئوغۇللار يادلىۋېلىپ قىزلارغا ئوقۇپ بەرسىمۇ ياخشى ئۈنۈمگە ئېرىشكۈدەك

nadiraay

2014-02-20 22:33

شېئىرىڭىز  ناھايتى  ياخشى  يېزىلىپتۇ.
ئەگەر  مەن بۇ  شېئىرنىڭ  ئاپتورى  بولغان  بولسام  ماۋزۇسىنى  باشقىچە  قوياتتىم.  مەسىلەن ‹‹  ؟  ››  دېگەندەك.
بۇمۇ  مېنىڭ ئۆزۈمنىڭ كۆز  قارىشىم. لېكىن  شېئىرىڭىز  ھەقىقەتەن  ياخشى  يېزىلىپتۇ.
مەنچە  شېئىرنىڭ  مەزمۇنىنى  تاللاش بىلەن بىرگە يەنە  ئۇنىڭ  ماۋزۇسىنىڭمۇ ئوقۇرمەنلەرنى جەلىب قىلىش  كۈچىگە سەل  قاراشقا  بولمايدۇ.

parixta

2014-02-20 22:42

بىر ئاشىققا نىسبەتەن ئۆز مەشۇقى دۇنيادىكى بارلىق گۈزەللەردىن يەنىلا گۈزەل كۈرۈنگەندەك، بىر ئىجادچىغا نىسبەتەن ئۆز ئىجادى ئەمگىگىمۇ شۇنداق ئۇز كۈرنىدۇ ئەلۋەتتە. بىز ئۆزئارا ھۆرمەتكە، مەدەتكە ۋە قوللاشقا مۇھتاج.
كەمتەرلىك ئىمان جۈملىسىدىن قېرىنداشلىرىم!
‹‹دىل ئازار اللا بىزار››

ئەكبەرنىياز	2014-02-20 23:30
مۇنبەرداشلارنىڭ دېگىنى ناھايىتى توغرا ، ھەممىمىز ئۈگەنگۈچىلەر ئەمەسمۇ !؟ شۇڭا ، يەنىلا گەپ-سۆزدە ئىلمىي بولغىنىمىز ياخشى مۇنبەرداشلار !!!

ataxkiz	2014-02-21 15:38
گۈلنىھال قەلىمىڭىزگە يەنىمۇ بەرىكەتلەر يار بولغاي ! ھەزىرەت لېرىكىلىرىڭىز يېقىشلىق ئىكەن ، مۇنبەر ئەھلىگە كۆپرەك سۇنۇپ تۇرارسىز . ھەر ئىككىڭلارغا ئۇتۇق يار بولغاي !

بابۇر0725	2014-02-22 18:38
‏كۆڭۈل ، ۋىجدان تارازىسىدا ، ‏ئۆلچەپ باقسام باسقان ئىزىمنى . ‏ئۆستۈردۈممۇ ئىتىقاد بىلەن ، ‏ھەم ‏شىر يۈرەك قىلىپ ئوغلۇمنى . ‏ بۇ مىسرالارنى بەكمۇ ياخشى دەپ قارىدىم

بابۇر0725	2014-02-22 18:41
‏كۆڭۈل ، ۋىجدان تارازىسىدا ، ‏ئۆلچەپ باقسام باسقان ئىزىمنى . ‏ئۆستۈردۈممۇ ئىتىقاد بىلەن ، ‏ھەم ‏شىر يۈرەك قىلىپ ئوغلۇمنى . ‏ بۇ مىسرالار ماڭا بەكمۇ ياقتى

ئالپاغۇت	2014-02-22 23:10
ياخشى يېزىپسىز، قولىڭىزغا دەرد بەرمىسۇن.

ئەشمە	2014-03-11 18:53
سىزگە رەخمەت.

ئالىپئەر	2014-04-08 15:54
شىئېرنى ياخشى يازىدىكەنسىز ، يازمىلىرىڭىز ئۈزۈلمسۇن .

فاخرى	2014-04-12 12:47
قەلەم تۇلپارىڭىزنىڭ داۋاملىق چىپىپ تۇرغاي!!!

رەيھان	2014-04-24 11:31
بىرىنچى كۇبلىتتىكى ئىككىنچى مىسرانى ھەم ئۆتكۈزدۈم 34 باھارنى. دەپ ئالسىڭىز قانداق بولار ئوغلىڭىز ھازىر قانچە ياشقا كىردى ھازىرلا شىر يۈرەك قىلىۋەتتىم دەپ كېسىپ ئېيتالامسىز؟

توغراق	2014-06-03 13:18
ھەزرەت ئەپەندىنىڭ شېئرلىرىنى كۆرۈپ باقساق.

ئارزۇيۇم	2014-06-13 10:58
مەن سىزگە بولغان ھۆرمىتىمنى ئىپادىلەپ،شۇنچە كۆپ ئىنكاسلارنى يازغان ئىدىم.بىراق سىز بىر قېتىممۇ جاۋاپ قايتۇرمىدىڭىزغۇ؟

ئارزۇيۇم	2014-06-13 10:59
سىزگە يازغان ئىنكاسلىرىمنى كۆرەلمىدىم.يوللىنىپ بولغاندىن كىيىن ئۆچۈپ كەتمەيدىغاندۇ-خە؟

گۈلنىھال

2014-06-13 11:36

ئارزۇيۇم:سىزگە يازغان ئىنكاسلىرىمنى كۆرەلمىدىم.يوللىنىپ بولغاندىن كىيىن ئۆچۈپ كەتمەيدىغاندۇ-خە؟ (2014-06-13 10:59)

كەچۈرۈڭ سىڭلىم . سىز يازغان ئىنكاسلارنى كۆرسەملا جاۋاپ قايتۇرۇپ ماڭغانتىم .
نىمە ئىش ئىكەنلىكنى بىلمىدىم جۇمۇ !

查看完整版本: [-- گۈلنىھال : شىئېر --] [-- top --]

Powered by phpwind v8.7 Code ©2003-2011 phpwind
Gzip enabled