查看完整版本: [-- « قەترىگە يوشۇرۇنغان دېڭىز » دىن تامچىلار ( 14 ) --]

تەۋپىق مۇنبىرى -> تەرجىمھال ئەسەرلەر -> « قەترىگە يوشۇرۇنغان دېڭىز » دىن تامچىلار ( 14 ) [打印本页]

登录 -> 注册 -> 回复主题 -> 发表主题

ئايزىبا

2014-02-11 19:17

« قەترىگە يوشۇرۇنغان دېڭىز » دىن تامچىلار ( 14 )

                                                   سىياھ دېغى

    رەسىم ئوقۇتقۇچىسى تاپشۇرۇق ئورۇنلاشتۇرۇپ، بىر قىزچاققا بىر ئۆي سىزىشنى تاپشۇرۇپتۇ.
  ئۇ قىز ئۆينى سىزىپ بولۇشىغىلا توساتتىنلا رەسىمنىڭ ئوتتۇرىسىغا بىر تېمىم سىياھ تامچىپ كېتىپتۇ، يېڭىۋاشتىن سىزاي دېسە ئۈلگۈرەلمەيدىكەن، قىزچاق تىت – تىت بولۇپ يىغلىۋېتىپتۇ.
   ئۇنىڭ يېنىغا ئانىسى كېلىپتۇ، ئۇ رەسىمگە قاراپ كۈلۈپ كېتىپتۇ:
  − مۇنداق ئاسانلا روھسىزلىنىپ كەتمەڭ، قارىسام بۇ سىياھ دېغى ئالا كۈچۈكنىڭ شەكلىگىلا ئوخشىشىدىكەن. سىز ئۆيدە ئۇخلاۋاتقان ئالا كۈچۈكنى سىزسىزىڭىزلا بولدى... ئېسىڭىزدە بولسۇن، مۇنداق ئىشقا ئۇچرىغاندا ئاسانلا ۋاز كېچىدىغان ئىشنى قىلماڭ، ئىشىڭىزنى داۋاملاشتۇرىۋەرسىڭىز، ھەمىشە ئويلىمىغان يەردىن مۇۋەپپەقىيەت قازىنىسىز، چۈنكى جاھاندا باشتىن - ئاخىر ئۆزگەرمەيدىغان ئىشلار كەمدىن - كەم ئۇچرايدۇ.
    قىزچاق كۆز يېشىنى سۈرتىۋېتىپ، ھېلىقى سىياھ دېغىنى چۆرىدەپ بىر كۈچۈك سىزىپتۇ.
   ئەتىسى بۇ رەسىم ئوقۇتقۇچىسى ۋە ساۋاقداشلىرىنىڭ بىردەك ماختىشىغا سازاۋەر بوپتۇ، ئوقۇتقۇچىسى يەنە:
  − قاراڭلار، بۇ كۈچۈك رەسىمنى ئوبدانلا جانلاندۇرۇپ قويۇپتۇ، − دەپتۇ.

                                                        پىچاقنى بىلەپ تۇرۇش

    «پىچاقنى بىلەپ تۇرش» ئۆمۈرلۈك ئىش، بۇ ئالىي مەكتەپنى پۈتتۈرۈش ھارپىسىدا پىشقەدەم ىروفېسسور ئۆزىنىڭ ئىككى ئوقۇغۇچىسىغا قالدۇرغان خوشلىشىش سۆزى ئىكەن.
    ئەمما پىشقەدەم پروفېسسور بۇ ئىككى ئوقۇغۇچىسىنىڭ كېيىنكى ئەھۋالىنىڭ شۇنچە چوڭ پەرقلىنىپ كېتىشىنى ئويلىمىغانىكەن.
     ئون يىلدىن كېيىن ئۇلارنىڭ بىرى مۇھىم رەھبەرلىك ئورنىغا ئۆستۈرۈلۈپتۇ، ئۇنىڭ ئەتراپىغا زور بىر تۈركۈم ئىختىساس ئىگىلىرى يىغىلىپتۇ، ئۇ باشچىلىق قىلغان پەن – تەتقىقات تۈرى غايەت زور مۇۋەپپەقىيەتكە ئېرىشىپتۇ، ئۇنىڭ ئىسمى جۇڭگو ۋە چەتئەللەرگە تارقىلىپتۇ...يەنە بىر تەس كۈندە قاپتۇ، ئۇ كەينى - كەينىدىن بىرنەچچە ئىدارىگە ئالمىشىپتۇ، ئەمما باشقىلار بىلەن چىقىشالماپتۇ، ھەمكارلىشالماپتۇ، ئالدىنقى يىللاردىكى سەرخىللاشتۇرۇپ تەشكىللەشتە تېخى «سەرخىللاشتۇرۇلۇپ» چىقىرىۋېتىلىپتۇ، كېيىن بىراقلا ئۆز ئالدىغا ئىشلەپ يەنە قويمىچىغا ئۇچراپ كېتىپتۇ...
      بىر كۈنى ئۇلار ئىككىسى پروفېسسورنىڭكىدە تاسادىپىي ئۇچرىشىپ قاپتۇ، ھال - ئوقىتى ياخشى بولمىغىنى ئالدى بىلەن ئەغرىنىپتۇ:
   − ئۇستاز، مۇشۇ يىللاردىن بېرى مەن سىزنىڭ پىچاقنى بىلەپ تۇرۇش توغرىسىدىكى تەلىمىڭىزنى زادىلا ئۇنتۇپ قالمىدىم، بىلىم توپلاشنى ۋە ئۆز تىرىشچانلىقىمنى بوشاشتۇرۇپ قويمىدىم، پىچىقىمنى بىلەپ تۇردۇم دېسەم بولىدۇ، ئەمما نېمىشقا بىلىمىمنى ئىشلىتىدىغان جاي تاپالمايمەن؟
     ئۇستاز گەپ قىلماي تۇرۇپ يەنە بىرى ئېغىز ئېچىپتۇ:
    − مۇشۇ يىللاردا مەنمۇ پىچىقىمنى بىلەپ تۇردۇم، ئەمما پىچاقنى ئىتتىك بىلىگەندىن باشقا، بەزى چاغلاردا سەل گالراق بىلىدىم، شۇنى بىلىش كېرەككى، بەزى چاغلاردا پىچاقىنى بەك ئىتتىك بىلۋەتسەك، باشقىلارنى زەخمىلەندۈرۈپ قويۇش بىلەن بىللە، ئۆزىمىزمىنىمۇ زەخمىلەندۈرۈپ قويۇشى مۈمكىن.

                                                          تىل زىياپىتى

    قەدىمكى يۇناندا مۇنداق بىر ھېكايە تارقالغان:
      بىر دانىشمەن ياش ۋاقتىدا بىر ئاقسۆڭەككە قۇل بولغانىكەن. بىر كۈنى ئۇنىڭ ئىگىسى بەزمە قۇرۇپ شەھەردىكى ئاقسۆڭەكلەر ۋە داڭلىق ئەربابلارنى تەكلىپ قىلىپتۇ ھەمدە دانىشمەنگە مېھمانلارنى ئەڭ ياخشى ھاراق - شاراب، نازۇنېمەتلەر بىلەن كۈتىۋېلىشنى تاپشۇرۇپتۇ. دانىشمەن ئىگىسىنىڭ بۇيرۇقىنى تاپشۇرۇۋالغاندىن كېيىن، تۇشمۇتۇشتىن ھەرخىل ھايۋانلارنىڭ تىلىنى يىغىپتۇ. زىياپەت باشلانغاندا ئۇنىڭ ئىگىسى بۇ ئىشتىن ھەيران قاپتىكەن، دانىشمەن كۈلۈپ تۇرۇپ مۇنداق جاۋاب بېرىپتۇ:
  − ھۆرمەتلىك ئىگەم، تىل ھەر خىل بىلىمگە  باشلايدىغان ئاچقۇچ، بۇ داڭلىق ئەرباب بىلەن ئاقسۆڭەكلەر ئۈچۈن ئېيتقاندا، تىل زىياپىتى ئەڭ ياخشى زىياپەت ئەمەسمۇ؟
   ئۇنىڭ ئىگىسى دانىشمەننىڭ ئەقىل - پاراسىتىگە ئاپىرىن ئوقۇپتۇ.
    ئەتىسى ئۇنىڭ ئىگىسى دانىشمەنگە:
    − ئەتە ماڭا بىر بىر زىياپەت ئۇيۇشتۇۇرپ بەر، ئەڭ ناچار قورۇمىلارنى تەييارلا، − دەپتۇ.              ئەتىسى زىياپەت باشلىنىپ قورۇمىلار تارتىلغاندا يەنىلا تىل كەلتۈرۈلۈپتۇ، ئۇنىڭ ئىگىسى بۇ ئەھۋالنى كۆرۈپ قاتتىق غەزەپلىنىپتۇ، دانىشمەن ئالدىرىماي، تەمتىرىمەي:
  − «ئېغىز يۈگۈرۈكى باشقا چىقار» دەيدىغا گەپ بار، تىل ھەممە بالايىئاپەتنىڭ يىلتىزى ئەمەسمۇ؟ − دەپتۇ.
ئۇنىڭ ئىگىسى بۇ گەپنى ئاڭلاپ ھېچنېمە دېيەلمەپتۇ.

                                                        ياقۇت يول

      بىر دېھقان بىر كۈنى كەچتە شېغىل يېيىتىلغان يولدا  كېتىۋاتسا، توساتتىنلا غايىبتىن بىر ئاۋاز كېلىپ:
    − دوستۇم، ئالدىڭغا ئېڭىشىپ ئايىغىڭنىڭ ئاستىدىكىە تاشتىن ئازراق تېرىۋال، ئەسقېتىپ قالسا ئەجەپ ئەمەس، − دەپتۇ.
دېھقان ئالماپتىكەن، ھېلىقى ئاۋاز يەنە:
   − تاشنى ئېلىۋېلىپ ئۆيۈڭگە ئالغاچ كەتسەڭ، مۆجىزە پەيدا بولىدۇ، − دەپتۇ.
     دېھقان يەنىلا يولىغا كېتىۋېرىپتۇ. بېلىنى ئېگىپ تاش تېرىپ يۈرمەپتۇ.   تاڭ يورۇي دەپ قالغاندا ھېلىقى ئاۋاز تېخىمۇ كۈچىيىپتۇ:
  − دوستۇم، پۇشايمانغا قالىسەن!
   دېھقان ئىككىلىنىپ قېلىپ، ئايىغىنىڭ ئاستىدىن بىرنەچچە تال تاشنى تېرىۋېلىپ ئۆيىگە ئالغاچ كېتىپتۇ. تاڭ يورۇغاندىن كېيىن ئۇ ھەيرانلىق ئىچىدە بۇ تاشلارنىڭ ياقۇتقا ئايلىنىپ قالغانلىقىنى بايقاپتۇ. شۇنىڭ بىلەن: نېمىشقا شۇ چاغدا كۆپرەك ئېڭىشىپ، ياقۇتلاردىن بىرنەچچىنى ئارتۇق تېرىۋالمىغەندىمەن؟ دەپ پۇشايمان قىلىپتۇ.
   كېيىن ئۇ يەنە ھېلىقى يولنى تېپىۋاپتۇ، ئەمما بۇ يولدا تاشتىن باشقا ھېچنېمە كۆرۈنمەپتۇ.

                                                 كىم دوزاخقا چۈشىدۇ

     بىر پوپ ۋەز ئېيتىۋاتقاندا ئۇنىڭ بىر مۇرىتى ئۇخلاپ قاپتۇ، شۇنىڭ بىلەن پوپ باشقا مۇرىتلىرىغا:
  − جەنننەتكە كىرىشنى خالايدىغانلار ئورنۇڭلاردىن تۇرۇڭلار، − دەپتۇ.
ئۇخلاپ قالغان مۇرىتتىن باشقا كىشىلەرنىڭ ھەممسى ئورنىدىن تۇرۇشۇپتۇ.
    ئارقىدىن پوپ يەنە:
    − دوزاخقا چۈشۈشنى خالايدىغانلار ئورنۇڭلاردىن تۇۇرڭلار، − دەپتۇ.
   شېرىن ئۇيقۇغا كەتكەن ھېلىقى مۇرىت ئويغىنىپ كېتىپ، بىلىپ - بىلمەي ئورنىدىن تۇرۇپتۇ.
   پوپ ئۇنىڭغا:
   − ئۆرە تۇرغىنىڭغا قارىغاندا، سېنىڭ راستىلا دوزاخقا چۈشكۈڭ بار  ئوخشايدۇ! − دەپتۇ.
    بۇ مۇرىت بىر ئەتراپىغا، بىر مۇنبەردىكى پوپقا قارىۋېتىپ، − سىزمۇ ئۆرە تۇرۇپسىزغۇ؟ − دەپ جاۋاب بېرىپتۇ.
  پوپ ئۇنىڭغا ھېچنېمە دىيەلمەپتۇ. كىشىلەر باشقىلارغا تەنبىھ بەرگەندە ھەمىشە ئۆزىنىڭمۇ مۇشۇ كىشىدەك خاتالىق ئۆتكۈزۈۋاتقان بولۇشى مۈمكىنلىكىگە سەل قارايدۇ. شۇڭا يەنىلا دانىشمەنلەر ياخشى ئېيتقان: ئىنسانلارنىڭ ياكى ئۇنداق ياكى مۇنداق كەمچىلىكلىرى  بولسىمۇ،  بىز يەنىلا  ئەپۇ قىلىشىمىز كېرەك، چۈنكى ئۇلار دېمەك  بىز دېمەك.

                                                        كۆز يۇمۇش

       ئۇنىڭ بوۋىسى ئۆمۈربويى تاشقى كېسەللەرنى داۋالاش بىلەن شۇغۇللىنىپ بىر ئېغىر كېسەلنى ئوپىراتسىيە قىلىۋاتقاندا يىقىلىپ چۈشۈپتۇ.
   دوختۇرخانىدىكىلەرنىڭ ھەممىسى:
   −  چارچاشتىن قازا قىلىپتۇ، بولمىسا نېمىشقا كۆزىنى يۇممايدۇ؟ − دەپتۇ.
  بوۋىسى  ھايات چېغىدا نەۋرىسىگە ھەممىدىن ئامراق ئىدى، نەۋرىسى بوۋىسىنىڭ قۇلىقىغا:
   − مەۋسۇملۇق ئىمتىھاندا مەكتەپ بويىچە بىرىنچى بولدۇم...، − دەپ شىۋىرلاپتۇ.
  بوۋىسى يەنىلا كۆزىنى يۇمماپتۇ.
  ئوغلى ئۇنىڭ قۇلىقىغا:
   − دوختۇرخانىمىز بۇ قېتىم مېنى چەت ئەلگە چىقىپ بىلىمىمنى مۇكەممەلەشتۈتۈپ كېلىشكە ئەۋەتمەكچى بولدى، − دەپ شىۋىرلاپتۇ.
   بوۋىسى يەنىلا كۆزىنى يۇمماپتۇ.
   مومىسى يىغلامسىراپ تۇرۇپ بوۋىسىنىڭ قۇلىقىغا:
  − ھېلىقى ئېغىر كېسەلنىڭ ئوپىراتسىيىسى ناھايىتى ئوڭۇشلۇق بوپتۇ، كېسەل سالامەتلىكى ئەسلىگە كېلىپ دوختۇرخانىدىن چىقىپ كېتىپتۇ، − دەپتۇ. بوۋىسى شۇندىلا كۆزىنى يۇمۇپتۇ.

[ شىنجاڭ خەلق نەشرىياتى نەشر قىلغان «قەترىگە يوشۇرۇنغان دېڭىز» ناملىق كىتابتىن ئېلىندى ]

ئەكبەرنىياز	2014-02-11 20:49
سىياھ دېغى ، پىچاقنى بىلەپ تۇرۇش ، كىم دوزاخقا چۈشىدۇ ، دېگەن ھىكايەتلەر ماڭا بەكرەك ياقتى . ئايزىبانىڭ ئەجرىگە كۆپ رەھمەت ، ھارمىغايسىز !!!

مىېھرىما	2014-02-12 13:12
سىياھ دېغى ، پىچاقنى بىلەش، كىم دوزاققا چۈشىدۇ ،بۇ ھىكايەتلەر بىرىدىن بىرى ئېسىلكەن رەھمەت

tawpek	2014-02-16 01:05
سەھىپىسىنى توغرا سۇنساقمۇ بوپتىكەن، A )%A! 54 >- WTImRXK4 نىمە دەيلى ئەمدى بۇنىڭ سەھىپىسىنى؟

查看完整版本: [-- « قەترىگە يوشۇرۇنغان دېڭىز » دىن تامچىلار ( 14 ) --] [-- top --]

Powered by phpwind v8.7 Code ©2003-2011 phpwind
Gzip enabled