查看完整版本: [-- «قەترىگە يوشۇرۇنغان دېڭىز» دىن تامچىلار (2) --]

تەۋپىق مۇنبىرى -> تەرجىمھال ئەسەرلەر -> «قەترىگە يوشۇرۇنغان دېڭىز» دىن تامچىلار (2) [打印本页]

登录 -> 注册 -> 回复主题 -> 发表主题

ئايزىبا

2014-02-01 16:11

«قەترىگە يوشۇرۇنغان دېڭىز» دىن تامچىلار (2)

              ئوڭ قول بىلەن سول قولنى تۇتۇش

      يېقىندىن بۇيان سورۇنلاردا، «قىزچاقنىڭ قولىنى تۇتساڭ، ئون سەككىزگە قايتقاندەك بولىسەن، ئاشناڭنىڭ قولىنى تۇتساڭ، كۆڭلۈڭ يايرىغاندەك بولىسەن، قېينىسىڭلىڭنىڭ قولىنى تۇتساڭ، ئۆتمۈشۈڭگە پۇشايمان قىلىسەن، خوتۇنۇڭنىڭ قولىنى تۇتساڭ، ئوڭ قول بىلەن سول قولۇڭنى تۇتقاندەك بولىسەن» دەيدىغان بىر گەپ تارقىلىپتۇ.
     بىر كۈنى بىر سورۇندا بىرەيلەن يەنە مۇشۇ گەپنى قىلىپتۇ. ئەرلەر ئارىسىدا ئوتتۇرا ياشلىق بىر ئايالنىڭ بارلىقىغا دىققەت قىلماي كۈلىۋېرىپتۇ. كېيىن ئايالنىڭ كۈلمىگەنلىكىنى كۆرۈپ كۈلكىسىنى توختىتىپتۇ، بۇ ئايال:
      _ قالتىس گەپ بوپتۇ، _ دەپتۇ.
ئەرلەر ئۇنى تەنە قىلىۋاتىدۇ دەپ:
     _ چاقچاق قىلىپ قويدۇق، بۇنى راستمىكىن دەپ قالماڭ، _ دېيىشىپتۇ. ئايال ئەسايىدىللىق بىلەن:
     _ ئوڭ قولۇڭ بىلەن سول قولۇڭنى تۇتقاندەك بولىسەن، دېگەن گەپ تازا كېلىپتۇ. بىرىنچىدىن، سول قولغا ئوڭ قول يېقىن، ئىككىنچىدىن، سول قول بىلەن ئوڭ قول ئۆزۈڭنىڭ، ئۈچىنچىدىن، باشقا قوللار سېنى ھەرقانچە خۇشال قىلسىمۇ، ئۇنى تاشلىۋېتەلەيسەن، لېكىن، ئۆز قولۇڭنىلا تاشلىۋېتەلمەيسەن، تاشلىۋەتسەڭ چولاق بولۇپ قالىسەن، شۇنداقمۇ؟ _ دەپتۇ. سورۇندىكى ئەرلەرنىڭ ھەممىسى بۇ گەپكە قايىل بوپتۇ. ئايال يەنە:
     _ سىلەر بۇ گەپنى خوتۇنۇڭلارغا دەپ بېرىڭلار، قېنى ئۇلار نېمە دەيدىكىن؟ _ دەپتۇ.
      ئەرلەرنىڭ دادىلراقلىرى قايتىپ بېرىپ خوتۇنىنى سىناپ بېقىپتۇ. دېگەندەك بۇ گەپكە خوتۇنلارنىڭ ھەممىسى سورۇندىكى ئايالدەك چۈشەنچە بېرىپتۇ.

                      خۇدا ھەممىنىلا بېرىۋەتمەيدۇ
        ياۋروپادىكى مەلۇم دۆلەتنىڭ يۇقىرى ئاۋازلىق مەشھۇر ئايال ناخشىچىسى ئوتتۇز نەچچە ياش تۇرۇپلا ئاجايىپ يۈز تېپىپ دۇنياۋى شۆھرەت قازىنىپتۇ، يەنە كېلىپ ئۇنىڭ كۆڭۈلدىكىدەك ئېرى، بەختلىك ئائىلىسى بار ئىكەن. بىر قېتىم ئۇ قوشنا دۆلەتكە يالغۇز كىشىلىك ناخشا كېچىلىكى ئۆتكۈزۈشكە كېلىپتۇ. ئويۇن بېلىتى بىر يىل ئاۋۋاللا سېتىلىپ بولغانىكەن. شۇ كېچىدىكى ئويۇنمۇ قىزغىن ئالقىشلىنىپتۇ. ئويۇن ئاخىرلاشقاندىن كېيىن ناخشىچى ئېرى، ئوغلى بىلەن تىياتىرخانىدىن چىققاندا، ئۇنى خېلىدىن بېرى بۇ يەردە ساقلاپ تۇرغان تاماشىبىنلار ئۇنىڭ بىلەن بەس- بەستە پاراڭلىشىپ، ئۇنى ئالقىشلاپ، ئۇنىڭغا ھەۋەس قىلىدىغانلىقىنى بىلدۈرۈپتۇ. بەزىلىرى ناخشىچىنىڭ ئالىي مەكتەپنى پۈتتۈرۈپلا داڭ قازىنىشقا باشلىغانلىقى، دۆلەت دەرىجىلىك ئوپېرا ئۆمىكىگە كىرىپ ئاساسلىق روللارغا چىقىدىغان ئارتىس بولۇپ قالغانلىقىنى ماختاپ ئۇچۇرسا، بەزىلىرى ناخشىچىنىڭ چوڭ بىر شىركەتنىڭ پۇلدار خوجايىنىغا تېگىۋالغانلىقى، يەنە كېلىپ يېنىدا شوخ، ئوماق، چىرايىدىن تەبەسسۈم كەتمەيدىغان ئوغلى بارلىقىنى ماختاپ ئۇچۇرۇپتۇ.
       كىشىلەر گەپ- سۆز قىلىشىۋاتقاندا، ناخشىچى ئاڭلاپلا تۇرۇپتۇ، ئۈندىمەپتۇ. ئۇلار دەيدىغىنىنى دەپ بولغاندىن كېيىنلا ئاندىن ئاستس سۆزلەپتۇ:
     _ مەن ئالدى بىلەن كۆپچىلىكنىڭ ماڭا ۋە ئائىلەمدىكىلەرگ ئوقۇغان مەدھىيىسىگە رەھمەت ئېيتىمەن، خۇشاللىقىمىزدىن سىلەر بىلەن ئورتاق بەھرلىنىشنى ئۈمىد قىلىمەن. ئەمما سىلەر مەسىلىنىڭ بىرلا تەرىپىنى كۆرۈپ، يەنە بىر تەرىپىنى كۆرمىدىڭلار. دېمەكچىمەنكى، سىلەر شوخ، ئوماق، چىرايىدىن تەبەسسۈم كەتمەيدۇ دەپ ماختاۋاتقان بۇ بالا بىر بەختسىز گاچا، يەنە ئۇنىڭ ئۆيدە سولاقلىق بىر ئاچىسى بار، ئۇ بىر روھىي كېسەل.
      ناخشىچىنىڭ بۇ سۆزىدىن ھەيران قالغان كىشىلەر ھېچنېمە دېيەلمەي، خۇددى بۇ سۆزگە ئىشەنمىگەندەك بىر- بىرىگە قارىشىپ قويۇپتۇ.
     شۇ چاغدا ناخشىچى يەنە سوغۇققانلىق بىلەن:
     _ بۇلار نېمىنى چۈشەندۈرۈپ بېرىدۇ؟  ئېھتىمال، بىرلا قائىدىنى چۈشەندۈرۈپ بەرسە كېرەك، ئۇ بولسىمۇ خۇدا كىمگىلا بولسا ھەممىنىلا بېرىۋەتمەيدۇ، _ دەپتۇ.

                        دەز كەتكەن كومزەك
       ھىندىستانلىق بىر سۇچىنىڭ ئىككى  كومزىكى بار ئىكەن، ئۇنىڭ بىرى دەز كەتكەن، يەنە بىرى ساق كومزەك ئىكەن. سۇچى ھەمىشە يىراقتىكى ئېرىقتىن ئىككى كومزەككە سۇ ئېلىپ خوجايىننىڭ ئۆيىگە توشۇپ كېلىدىكەن، ئەمما ھېلىقى دەز كەتكەن كومزەكتە مەنزىلگە يېتىپ كەلگۈچە يېرىم كومزەكلا سۇ قالىدىكەن. شۇڭا سۇچى ھەر قېتىم خوجايىننىڭ ئۆيىگە قايتىپ كەلگەندە، بىر يېرىم كومزەكلا سۇ ئەكىلەلەيدىكەن.
      ھېلىق ساق كومزەك ئۆزىنىڭ ساقلىقى ھەم گۈزەللىككىدىن بەكمۇ سۆيۈنىدىكەن. دەز كەتكەن بىچارە كومزەك ئۆزىنىڭ تەبىئىي دېزىدىن ئىنتايىن خىجىل بولۇپ، ناھايىتى بىئارامچىلىقتا يۈرىدىكەن. ئىككى يىل ئۆتكەندىن كېيىن بىر كۈنى، ئۇ ئېرىق بويىدا سۇچىغا:
      _ مەن ئۆزۈمدىن خىجىل بولۇۋاتىمەن، شۇڭا سەندىن ئەپۇ سورىماقچى، _ دەپتۇ.
      سۇچى:
     _ سەن نېمىشقا خىجىل بولىسەن؟ _ دەپ سوراپتىكەن، ئۇ مۇنداق دەپ جاۋاب بېرىپتۇ:
      _ ئۆتكەن ئىككى يىلدا سەن خوجايىننىڭكىگە كېتىۋاتقىنىڭدا سۇ دەز كەتكەن يېرىمدىن سىرغىپ كېتىپ يېرىم كومزەكلا سۇ توشۇيالىدىڭ، سەن كۆپ جاپا تارتقان بولساڭمۇ، ئەجرىڭگە تۇشلۇق  پايدىغا ئېرىشەلمىدىڭ.
      سۇچى بۇ گەپنى ئاڭلاپ  مۇنداق دەپتۇ:
     _ خوجايىننىڭكىگە قايتىپ كېتىۋاتقىنىمىزدا، مەن سېنىڭ چىغىر يول بويىدىكى ھەر خىل گۈللەرگە دىققەت قىلشىڭنى ئۈمىد قىلىمەن.
    ئۇلار تاغقا چىققاندا، ھېلىقى دەز كەتكەن كومزەك چىغىر يول بويىدىكى ئېچىلىپ تۇرغان چىرايلىق گۈللەرنى كۆرۈپتۇ، بۇ گۈزەل مەنزىرە ئۇنى ئازراق خۇشال قىلىپتۇ. سۇچى مۇنداق دەپتۇ:
     _ سەن بايامقى چىرايلىق گۈللەرنىڭ يەنە بىر تەرەپتە ئەمەس، بەلكى سەن تەرەپتىلا ئۆسكەنلىكىگە دىققەت قىلمىدىڭمۇ؟ بۇنىڭ سەۋەبى شۇكى، مەن سېنىڭ دېزىڭنى ئاللىقاچانلا بايقىدىم ۋە ئۇنىڭدىن پايدىلاندىم، سەن تەرەپكە گۈل ئۇرۇقى چېچىپ قويدۇم، شۇنىڭ بىلەن ھەر كۈنى ئېرىق بويىدىن قايتىپ كېلىۋاتقىنىمىزدا سەن ئۇلارنى سۇغاردىڭ. ئىككى يىل داۋامىدا مەن بۇ گۈللەرنى ئۈزۈۋېلىپ خوجايىنىمنىڭ ئۈستەللىرىنى بېزىدىم. ئەگەر سەن بولمىساڭ، خوجايىن ئۆزىىنڭ ئۆيىنى مۇنداق چىرايلىق گۈللەر بىلەن بېزىيەلمىگەن بولاتتى.

                           مۆجىزىنىڭ ئىسمى ئاتا
       1948 - يىلى بىر ئاتا ئامېرىكىدىكى خوتۇنى بىلەن ئۇچرىشىش ئۈچۈن كىچىك قىزىنى ئېلىپ ئاتلانتىك ئوكياننى كېسىپ ئۆتىدىغان پاراخوتقا چىقىپتۇ.
     بىر كۈنى ئەتىگىنى بۇ كىشى پاراخوت بۆلمىسىدە ئالما ئاقلاۋاتقاندا پاراخوت قاتتىق لەپەڭلەپ كەتكەنلىكتىن يىقىلىپ چۈشۈپتۇ - دە،   قولىدىكى پىچاق كۆكرىكىگە كىرىپ كېتىپتۇ. ئۇنىڭ پۈتۈن ۋۇجۇدى تىترەپ، كالپۇكلىرى بىردەمدىلا كۆكىرىپ كېتىپتۇ.
      ئۇنىڭ ئالتە ياشلىق قىزى بۇ تۇيۇقسىز ئىشتىن قورقۇپ كېتىپ، چىرقىرىغىنىچە ئېتىلىپ كېلىپ ئۇنى يۆلىمەكچى بوپتۇ، ئەمما ئۇ كۈلۈمسىرىگىنىچە قىزىنىڭ قولىنى ئىتتىرىۋېتىپ:
     _ ھېچ ۋەقەسى يوق، قىزىم، يىقىلىپ كەتتىم، _ دەپتۇ. ئاندىن پىچاقنى ئاۋايلپقىنا ئېلىپ، ئورنىدىن ئاستا- ئاستا تۇرۇپتۇ- دە، تۇيدۇرمايلا باشمالتىقى بىلەن پىچاقنىڭ ئۇچىدىكى قاننى ئېرتىۋېتىپتۇ.
      شۇنىڭدىن كېيىنكى ئۈچ كۈندە بۇ كىشى ئادەتتىكىگە ئوخشاشلا ھەر كەچلىكى قىزىغا ئەللەي ئېيتىپ بېرىپتۇ، ھەر كۈنى ئەتىگەندە ئۇنىڭ چېچىنى چىرايلىق تاراپ قويۇپتۇ، ئۇنىڭغا زەڭگەر دېڭىزنى كۆرسىتىپتۇ. ھەممە ئىش ئادەتتىكىدەك ئۆتۈۋېرىپتۇ، ئەمما قىزچاق ئاتىسىنىڭ بارغانسېرى ئاجىزلاپ، تاتىرىپ كېتىۋاتقانلىقىنى، كۆزلىرىدىكى پەرىشانلىقنى تۇيماپتۇ.
       مەنزىلگە يېتىپ بېرىشنىڭ ئالدىنقى كېچىسى بۇ كىشى قىزىغا:
      _ ئەتە ئانىڭىزنى كۆرگەندە ئۇنىڭغا ئېيتىپ قويۇڭ، مەن ئۇنى ياخشى كۆرىمەن، _ دەپتۇ.
     قىزى بۇ گەپنىڭ تېگىگە يېتەلمەي:
      _ لېكىن سىز ئەتىلا ئانام بىلەن كۆرۈشىسىزغۇ، بۇنى نېمىشقا ئۇنىڭغا ئۆزىڭىز دېمەيسىز؟ _ دەپ سوراپتۇ.
       ئۇ كۈلۈپ كېتىپتۇ – دە، ئېڭىشىپ قىزىنىڭ مەڭزىگە سۆيۈپ قويۇپتۇ.

قاراخان	2014-02-01 18:10
ھەقىقەتەن تىرىشىپسىز، كونۇپكا باسقان قوللىرىڭىزغا دەرد تەگمىسۇن.

مىېھرىما	2014-02-03 11:28
كۆپ ئەجىر قىپسىز رەھمەت.

ئەكبەرنىياز	2014-02-03 14:46
ئوڭ قول بىلەن سول قولنى تۇتۇش ، دەز كەتكەن كومزەك ، قاتارلىق تېمىلار ماڭا ئالاھىدە تەسىر قىلدى ئايزىبا، ئەجرىڭىزگە كۆپ رەھمەت ، ھارمىغايسىز !!!

查看完整版本: [-- «قەترىگە يوشۇرۇنغان دېڭىز» دىن تامچىلار (2) --] [-- top --]

Powered by phpwind v8.7 Code ©2003-2011 phpwind
Gzip enabled