مەھمۇد كاشىغەرىي

مەھمۇد كاشىغەرىي

مۇقەددىمەــــ ① ئىلىمىي، ئەدەبىي، مۇزىكا تىياتىر ئەسەرلىرى ۋە گەپ- سۆز نۇتۇق قاتارلىقلارنىڭ كىرىش قىسىمى، باشلىنىشى.
                 ② بىرەر ئىشنىڭ بېشى، دەسلەپكى باسقۇچى.
خاتىمە ـــ ① بىرەر نەرسىنىڭ ئاخىرى، تۈگىشى، تاماملىنىشى؛ 7bL48W
             ② ماقالە ياكى ئەدەبىي ئەسەرلەرنىڭ ئەڭ ئاخىرىدىكى خۇلاسە خاراكتىرلىك قىسمى.
             ③ ئاياللارنىڭ ئىسمى.
بىئوگرافىك ــــ مەلۇم شەخىسنىڭ ھايات يۇلى ۋە كەچۈرمىشلىرىنى تارىخى يول بىلەن ئەكىس ئەتتۈرۈپ بىرىش.
چېرىك ــــ ئەسكەر، لەشكەر.
تېكىن ــــ Ⅰ شاھزادە، شاھ ئوغلى.  Ⅱ مىھنەت قىلمايدىغان، ئەجىر سىڭدۈرمەيدىغان.
سانغۇن ــــ   ھەربىي ئەمەل نامى. سانغۇن سۆزىنىڭ مەنىسى يۇقىرى دەرىجىلىك ھەربىي ئەمەل نامى ۋە شۇ ئەمەلگە ئىرىشكەن كىشىنى كۆرسىتىدۇ.  ئېلىمىزنىڭ شىمالىدا ياشىغان بىر قىسىم ئاز سانلىق مىللەتلەرنىڭ ئۇرۇش ۋە جەڭلەرگە قۇماندانلىق قىلىش ئىقتىدارى يۇقىرى كىشلەرگە بىرىدىغان ئەمەل نامى ۋە شۇ ئەمەلگە ئىرىشكەن كىشىنى كۆرسىتىدۇ. ھازىرقى گىنىرال بىلەن ئوخشاش دەرىجە.
جەدە ــــ قىزغۇچ سېرىق رەڭ ( ئات ھەققىدە ).
قەلئە ــــ دۈشمەن ھۇجۇمىدىن مۇداپىئەلىنىش ئۈچۈن سېپىل ۋە خەندەكلەر بىلەن ئۇرالغان قۇرغان، شەھەر؛
قۇت ـــ بەخت، تەلەي، بايلىق.
مەھرەم ـــ ① پادىشاھنىڭ ئوردا- سارايلىرىدا ھەم ئەمەلدارلارنىڭ يېنىدا ھەر خىل خىزمەتلەرنى قىلىدىغان خىزمەتكار؛
              ② مۇھاپىزەت خادىمى؛
              ③ ئەر ياكى خۇتۇننىڭ شەرىئەت بۇيىچە بىر- بىرىنى كۆرۈشى مۇمكىن بولغان ئەمما نىكاھ راۋا بولمايدىغان قېرىندىشى.
مۇددەرس ــــ مەدىرسلەردە دەرس بىرىدىغان كىشى، مەدىرسە ئوقۇتقۇچىسى؛
ئۆلىما ــــ ئىسلام دىنىنىڭ بارلىق تەلىماتلىرىنى بىلىدىغان دىننى جەھەتتىن يۇقىرى بىلىمگە ئىگە بولغان كىشى، دىننى ئالىم.
نۇپۇز ــــ  ئىززەت-ئابروي، تەسىر.
پەرىجە ــــ ياقىسى ئۇيۇپ چىقىرىلغان، تۈگمە بىكىتىلىمەيدىغان ئىچ يانچۇقلۇق ئۇزۇن چاپان، تون.
شېۋەــــ بىر مىللەتنىڭ ئورتاق تىلىنىڭ مەلۇم دائىرىگە رايۇنغا خاس تارمىقى. ئادەتتە دىئالىكتتىن كىچىك بولىدۇ. دىئالېكتنىڭ ئىچكى قىسمىدىكى مەلۇم بىر رايۇن ياكى مەھەللىۋى تىلىنىڭ يەرلىك ئالاھىدىلىكىگە قارىتا ئېيتىلىدۇ.
تالىپ ــــ ① مەدىرسلەردە ئوقۇيدىغان ئوقۇغۇچى؛
            ② ئەرلەرنىڭ ئىسمى.
قاپۇغــــ قەلئە.
چىراغپاي ــــ ياغاچ ياكى مىتالدىن چىراغ قۇيۇش ئۈچۈن ياسالغان سايمان.

گۈلنىھال	2014-01-17 00:26
بۇرۇنراق يوللانغان بولسا ، تېخىمۇ ياخشى بولاركەن ، رەھمەت ، ھارمىغايسىز

مىېھرىما	2014-01-18 18:32
ئەجىر ئۇنتۇلماس. رەھمەت.

گۈلنىھال

2014-01-19 11:40

‏يېڭى سۆزلەرنىڭ مەنىسىنى ئىزاھلىغاندا ،ئۇيغۇر تىلىغا باشقا تىلدىن كىرىپ ئۆزلەشكەن سۆزلەرنىڭ ( مۇددەرس ---- ئەرەب تىلىدىن كىرگەن ) قايسى تىلدىن كىرگنلىكىنىمۇ قوشۇپ قويساق ( ئىمكانىيەت يار بەرسە ) بىز ھەم ئوقۇغۇچىلارنىڭ چۈشىنىشىگە تېخىمۇ ئوڭاي بولامدىكى دەيمەن . قايسى سۆز تۈركۈمىگە تەۋەلىكى ھەم ‏ئىزاھلانسا . ....

tawpek

2014-01-21 23:45

قايسى تىلدىن كىرگەنلىك ھەققىدىكى مەلۇمات بىزدە تولىمۇ ئىشەنچىسىز،

لۇغەت كۆرسىڭىز تاسلا قالىسىز بىزدە ھەممە سۆزنى خەقتىن ئىلىپ ئۆزىمىزنىڭكىنى تاشلىۋەتكەندەك تۇيغۇ بەرگىلى.

ئەينى چاغدا شۇنداق بر تىلشۇناسلىق بوپتىكەن، سۆزلەرنىڭ تەۋەلىكى ئايرىش تەتقىقاتى دەيدىغان،

ئۇ تەتقىقاتچىللىرىمىز تارىخى تەتقىقاتلارنى چۆرۆپ قويۇپ ئالدىغا ھەر مىللەتنىڭ لۇغەتلىرىدىن يىغىۋىلىپ سۆز ئاختۇرۇپ ئەگەر ئۇلاردىكى بىرەر سۆز بىلەن بىزدىكىسى ئوخشاپلا قالسا دەررۇ ئاشۇلاردىن قوبول قىلىپتىكەنمىز دەپلا توننى پىچىپتىمىشكەنتۇق.

كىيىنكى ئىزدىنىشلەردە نۇرغۇن سۆزنىڭ ئەمەلىيەتتە ئۇلار بىزدىن قوبول قىلىنغىنى ئىسپاتلاندى.

بۇ ھەقتە خىلى نوپوزلۇق كىشىلەرنىڭ بايانلىرىنىمۇ ئوقوغانمەن، لىكىن ئىنىق دەلىل كەلتۈرۈشكە ئاجىزمەن.

خۇددى خەق بىزدىن ئزلەشتۈرۈپ باقمىغاندەك، بىزنىڭ باشقىلارغا تەسىر قىلغۇدەك ئۇنداق تارىخىمىز يوقتەك.

ھىلىقى كۈنىمۇ كوت كوت توپىمىزدا لەغمەننى خەنزۇچىدىن ئۆزلەشكەن سۆز لامىيەن دىيەلمەي لەغمەن، لەڭمەن دىگەن پەتىۋالارغا جۇدۇنۇم ئۆرلەپ توۋا ما تىلشۇناسلارنى دەپ سالغىنىم ئۈچۈن ۋەتۋەرىكىمنى چىقىرىۋەتتى، كۈندە تىل ئىشتىپ كۆنۆپ قالغاچقا بوپتۇ دەپ گەپ قىلمىدىم.

مەنچە ھازىرقىدەك مۇشۇنداق بىر ۋەزىيەتتە شۇنداق ئويلاشنىڭ ئۆزىمۇ بىر ۋىجدانى جىنايەت، ئوقوتقۇچى تۇرۇپ ئاشۇنداق خىيال قىلغانلىقنىڭ ئۆزىمۇ بىر سىياسى قۇللۇق، ھەرقانداق ۋىجدانى ئويغاق كىشىنىڭ جۇدۇنى تۇتىدۇ، تىخى مەن ھىسيات بويچە ئىش قىلىپتىمىشمەن.

查看完整版本: [-- مەھمۇد كاشىغەرىي --] [-- top --]

Powered by phpwind v8.7 Code ©2003-2011 phpwind
Gzip enabled