| مىېھرىما |
2014-01-11 20:37 |
چەكسىز ئىشخانا: (ئادىل تۇنياز )
تەكچىدە شېشە.
شېشىدىكى نۇر.
بىر تال پەي.
ئىش تەرتىپى.
قەغەز دۆۋىسى.
خۇددى رەتلىك تۇرغاندەك
قالايمىقان ئىشخانا ئىچى.
غېرىپلىق بىلمىگەندەك غېرىپلىقنى
بىلمەي قالدىم نېمە قىلىشنى.
ئات قويۇلمىغان ھاياجان
ئايلانماقتا توختىماي مېنى.
قەغەز مەركىزىدە
بىر جۈملە ئايال.
ئايال ھەرىپلەرنىڭ
ماڭا قاراپ يالىڭاچلىنار
ياش قەبىلە باشلىقى.
دېرىزىنى ئېچىشىم بىلەن
تەكچىدىكى قۇرۇق شېشىگە
ئۇدۇل كېلىپ چۈشتى كۈن نۇرى.
شېشە يېنىدىكى چاقناش.
ئۈستەل ئۈستىدىكى چاقناش.
كۈلدان ئەتراپىدا جىمجىتلىق.
جىمجىتلىقنى بۇزۇپ بىردىنلا
قەلەم سوراپ قالدى ئىشدېشىم...
1993-يىلى 12 - ئاي
مەنبە:« بويتاق شائىرنىڭ مەخپىيىتى» ناملىق كىتاۋىدىن ئېلىندى. |
|