جۇبىسنىڭ ۋەسىيىتى

دۇنيادىكى 500 كۈچلۈك كارخانا سېپىدىكى بىر شىركەتنىڭ باش ئىجرائىيە ئەمەلدارى بولۇش سۈپىتىم بىلەن، ئىلگىرى سودا دۇنياسىدا زور ئۇتۇقلىرىمغا تايىنىپ ھەيۋە بىلەن ياشىغانىدىم، ھاياتىم مۇۋەپپىقىيەت بىلەن تولغانىدى. ئەمما خىزمەتتىن باشقا قىزىقىشلىرىم بەك ئاز بولۇپ، كېيىن ھاياتىم نۇرغۇنلىغان ئارتۇقچە نەرسىلەر بىلەن تولۇپ كەتتى.
شۇ دەم مەن كېسەل كارىۋىتىدا يېتىپ ئۆزۈمنىڭ ئۆتكەن ھاياتى ھەققىدە ئويلىنىدىغان بولۇپ قالدىم. ھازىر شۇنى چوڭقۇر ھېس قىلىپ يەتتىمكى، ئىلگىرى مەن چەكسىز پەخىرلىنىدىغان بايلىقىم ۋە جەمئىيەتتىكى نام-ئابرويۇم، يېتىپ كېلىش ئالدىدا تۇرغان ئۆلۈم ئالدىدا ئەھمىيىتىنى يوقىتىپ ھېچنىمىگە ئەرزىمەس نەرسە بولۇپ قاپتۇ.
كېچىلىرى ئۆزۈمدىن قايتا-قايتا «ئەگەر ھاياتلىقىمدىكى بارلىقىم ئۆلۈم ئارقىلىق باھالىنىپ قىممىتىنى يوقاتسا، ئۇنداقتا مەن ھازىر نېمىگە ئەڭ موھتاج؟ بايلىق ۋە نام ئابرويمۇ ماڭا بېرەلمىگىنى زادى قانداق نەرسە؟ بايلىق ۋە نام-ئابرويۇممۇ ماڭا بېرەلمىگەن شۇ نەرسە زادى مەۋجۇتمۇ؟»
قاراڭغۇلۇق ئىچىدە ھەرخىل مىتال تەكشۈرۈش ئاپپاراتلىرى چىقارغان سۇس يېشىل رەڭ ۋە چىر-چىر ئاۋازلىرى ئىچىدە ئەزرائىلنىڭ ماڭا بارغانچە يېقىنلاپ كېلىۋاتقانلىقىنى ھېس قىلماقتىمەن.
ھازىر شۇنى چۈشەندىمكى، ئادەمنىڭ ھاياتىدا پەقەت يېتەرلىك بايلىقى بولسا، ئاندىن بايلىق بىلەن مۇناسىۋەتسىز نەرسىلەرنى قولغا كەلتۈرۈش ئۈچۈن تىرىشالايدىكەن، بايلىق بىلەن مۇناسىۋىتى بولمىغان نەرسە چوقۇم ئادەم ھاياتىدىكى ئەڭ مۇھىم نەرسە، بەلكىم ھېسسىيات بولىشى، سەنئەت بولىشى ۋە ياكى بالىلىق ۋاقىتلىرىدىكى غايىلىرى بولىشى مۇمكىن.
تىنىم تاپماي بايلىق توپلاش پەقەت ئادەمنى تويماس قىلىپ، ھاياتىنى مەنىسىز قىلىپ قويىدىكەن، ئادەمنى خۇددى مەندەك بىر بىنورمال مەخلۇققا ئايلاندۇرۇپ قويىدىكەن.
پەرۋەردىگار ئادەم يۈرىكىنىڭ ئەڭ چوڭقۇر قاتلاملىرىغا ئالدىن ئورۇنلاشتۇرۇپ قويغان مۇھەببەتنى ھېس قىلىشىمىز ئۈچۈن ئىنسانلارنى ياراتقان ۋاقىتتا بىزگە يېتەرلىك سەزگۈ ئەزالىرىنى ئاتا قىلغان، پەرۋەردىگار بۇ سەزگۈ ئەزالارنى ھەرگىزمۇ ئىنسانلارنى بايلىق ئېلىپ كېلىدىغان خىيالىي تۇيغۇلاردىن ھوزۇرلىنىش ئۈچۈن ئاتا قىلمىغان.
مەن پۈتۈن ھاياتىمدا تىرىشىپ-تىرمىشىپ يىغقان بايلىق ۋە تىكلىگەن نام ئابرويۇمنى ئۇ دۇنياغا ئېلىپ كېتەلمەيمەن، ئېلىپ كېتەلەيدىغىنىمنى پەقەت ئەسلىمىگە ئايلانغان ساپ ھاياجان شۇنداقلا ماددىي بايلىق بىلەن قىلچە مۇناسىۋىتى بولمىغان مۇھەببەت ۋە ھېسسىيات، ئۇلارنى ھېچكىم ئىنكار قىلالمايدۇ شۇنداقلا بۇ نەرسىلەر يوقاپمۇ كەتمەيدۇ، مانا بۇلار ئادەم ھاياتىدىكى ھەقىقىي بايلىق.
خاتىمە: دۇنيا تېخنىكا ساھەسىنى زىلزىلىگە سالغان مەشھۇر شەخس سىتىۋ جوبىز ئالەمدىن ئۆتتى، ئۇ بىزگە بىزنىڭ چوڭقۇر مۇلاھىزە قىلىپ ئويلىنىپ كۆرۈشكە تېگىشلىك ۋەسىيەتنامە قالدۇرۇپ كەتتى. بەلكىم ھەربىر ئادەمنىڭ مۇۋەپپىقىيەت، بايلىق، نام-ئابروي، مەرتىۋىگە بولغان مۇئامىلىسى، كۆز قارىشى ۋە ئىنتىلىشى ئوخشاش بولماسلىقى مۇمكىن. ئەمما شۇنى ئىنكار قىلىشقا بولمايدۇكى، ھەممىمىزنىڭ بىر ئورتاق كۆز-قارىشىمىز بار، ئۇ دەل بەخت ۋە خوشاللىققا ئىنتىلىشتۇر. ئۆز غايىسى ئۈچۈن كۈرەش قىلىۋاتقانلار شۇنى ئۇنۇتماسلىقى كېرەك، ئەتراپىڭىزدىكى سىزنىڭ ئەڭ يېقىن كىشىلىرىڭىز، ئاتا-ئانىڭىز، سۆيگىنىڭىز، بالىلىرىڭىز، قېرىنداشلىرىڭىز، دوست-بۇرادەرلىرىڭىز سىزنىڭ قوللىشىڭىزغا ۋە كۆڭۈل بۆلىشىڭىزگە بەك موھتاج.

گۈلنىھال	2014-01-09 10:56
ياخشى ماتىرىيالكەن ، نەزەر دائىرەم كېڭىيىپ قالدى ، رەھمەت .

مىېھرىما	2014-01-09 14:02
بۇ ماتريال پايدىلىنىش قىممىتى باركان نۇرغۇن يىڭى بىلمگە ئىگە بولېالدىم رەھمەت سىزگە.

ياسىنجان510	2014-01-09 14:57
تەربىيىۋى قىممىتى ھەقىقەتەن يوقۇرى ،تەسىرلىك يازمىنى يوللاپسىز .بىز يوللىغان تېمىلار باشقىلارغا تەسىر قىلالمىسا ،ھېسيات ئۇرغۇتالمىسا ئۇنىڭ ھېچقانداق ئەھمىيىتى بولمايدۇ.

سەئىدىيە

2014-01-09 21:20

بۇ ماتىريالنى ئوقۇپ مەنمۇ بەك تەسىرلەندىم . ھەقىقەتەن شۇنداق ، بەخىت ،ھېسسىيات ،
خۇشاللىق ، مېھرى -مۇھەببەت ..... دىگەنلەرنى ئادەم ئۇ دۇنياغا ئېلىپ كېتەلمەيدۇ .
شۇنىڭ ئۈچۈن ھاياتلىقىمىزدا ئەتراپىمىزدىكىلەرگە كۆپرەك كۆڭۈل بۆلۈپ ، ئۇلارغا مېھرىبانلىقىمىزنى يەتكۈزشىمىز كېرەك . بۇنىڭ ئۈچۈن كەڭ- قورساق بولايلى ، قېرىنداشلار !
بىر -بىرىمىزنىڭ كۆڭلىگە ئازار بەرمەيلى .

تىما ئىگىسىگە كۆپ رەھمەت .

مەرىپەت0999	2014-01-10 11:57
يار ئەپەندىم ،يېڭى بىلىملەرگە ئىگە قىلغىنىڭىزغا تەشەككۈر!!!

ئەكبەرنىياز

2014-01-10 18:42

ھەقىقەتەن تەسىرلىك ، تەربىيىۋى ئەھمىيىتى زور تېما ئىكەن ، بىز كۆپىنچە ۋاقىتلاردا ئۆزىمىزمۇ بىلىپ -بىلمەي ئەتراپىمىزدىكى يېقىن كىشىلىرىمىزنىڭ كۆڭلىنى ئاغرىتىپ قويىمىز ، ھەتتا بەزى چاغلاردا كىچىككىنە مەنپەئەت ئۈچۈن ئارازلىشىپ قالىمىز . كەڭ قۇرساقلىق ھەر بىر ئىشىمىزدا بىزگە يولباشچى بولسا مېنىڭچە ، بۇ دۇنيا يەنىلا ئىنتايىن گۈزەل !!!

tawpek

2014-01-14 19:24

بەلكىم جوبىس پۇل ئۈچۈن ئەمەس ئۆز قىزىقىشى ۋە ئۆز ئىقتىدارىنى نامايان قىلىش يولىدا ئۆز رەقىبلىرىنى يىڭىش ئۆز تەسىر دائىرىسىنى كىڭەيتىش خىيالىدا ئۆزن رىقابەتچىللىرىدىن ئىشىپ چۈشۈش نىشانىدا توختىماي ئىلگىرلەپ ئاشۇ دۇنياغا ئىرىشىپ قالغاندۇ.

ئۇنىڭ ئاشۇ نىشان،تاللىغان يول،ئاكتىپ خىيال، ھەممىسى ھىسيات بولماي نىمە؟

مۇۋەپپەقىيەت بىلەن بەخىت ۋە خۇشاللىق قارمۇ-قارشى نەرسە بولىشى مۇمكىن ئەمەس.

بەلكى مال-دۇنيا خۇشاللىق ۋە بەخىتنىڭ كاپالىتى .

查看完整版本: [-- جۇبىسنىڭ ۋەسىيىتى --] [-- top --]

Powered by phpwind v8.7 Code ©2003-2011 phpwind
Gzip enabled