| نۇرسىمانگۇل |
2013-12-24 23:31 |
ئاققاش ئوتتۇرا مەكتەپنىڭ پىسخىك مەسلىھەت پىلانى
ئاققاش ئوتتۇرا مەكتەپنىڭ 2013-2014-ئوقۇش يىلى 2-ماۋسۇملۇق پىسخىك مەسلىھەت بېرىش پىلانى
پىسىخولوگىيە-روھ توغرىسىدىكى ئىلىم بولۇپ،پىسخىك ھادىسىلەر ۋە ئۇنىڭ قانۇنىيتىنى تەتقىق قىلىدۇ. پىسخىك ھادىسىلەرنى دۇنيادىكى ئەڭ مۇرەككەپ ھەم سەرخىل ھادىسىلەر دىيىشكە بولىدۇ.ئادەملەرنىڭ پىسخىك قۇرۇلمىسى مۇرەككەپ بولۇپ ئۆسۈپ يېتىلىۋاتقان تولۇقسىز ئوتتۇرا مەكتەپ ئوقۇغۇچىلىرىدا پىسخىك ھادىسىلەرنىڭ ئىپادىلىنىشى ئېنىق ۋە مۇرەككەپ بولغاچقا،ئۇلارنىڭ پىسخىك روھى ھالىتى ئۇلارنىڭ ئۆگىنىشى،كىشىلىك مۇناسىۋتى ۋە ساغلام ئۆسۈپ يىتىلىشىگە چوڭقۇر تەسىر كۆرسىتىدۇ.شۇڭا،مەكتىۋىمىزدىكى بارلىق ئوقۇغۇچىلارنىڭ پىسخىك ساپاسىنى ئۆستۈرۈش جەھەتتىكى تەرەپلەرنى چىڭ تۇتۇپ ئىشلەپ ،ئوقۇغۇچىلارنىڭ ئادىمىيىلىكنىڭ ساغلام تەرەققى قىلىشى ئۈچۈن ،ئۇلارنىڭ كەيپىيادىكى تۈرلۈك ئۆزگىرىشلەرگە نىسبەتەن ئەمەلىيتىنى چىقىش قىلىپ ،ئالدىنقى ئوقۇش مەۋسۇمىدىكى تەجرىبە ساۋاقلارنى يەكۈنلەپ تۆۋەندىكى خىزمەتلەرنى قانات يايدۇرىمىز .
(1).ئوقۇغۇچىلارنىڭ ئۆز-ئۆزىنى چۈشىنىش ،ئىتراپ قىلىش ،ياخشى بولغان ئۆگۈنۈش قابىلىيتىنى يىتىلدۈرۈش،ياخشى بولغان كىشىلىك مۇناسىۋەت ئادىتىنى يىتىلدۈرۈش،ئادىميىلىكىنى ساغلام تەرەققى قىلدۇرۇشقا يىتەكچىلىك قىلىپ،ئاز بولمىغان ئوقۇغۇچىلارنىڭ ئۆزىنى تۆۋەن كۆرۈش ،ئشەنچىسى يىتەرلىك بولماسلىق سەۋەبىدىن ئۆسۈپ يېتىلىشى تەسىرگەئۇچىراش ،ئۆگۈنۈشكە ماسلىشىشچانلىغى كۈچلۈك بولماسلىق ،كىشىلىك ئالاقىدە تەسىرگە ئۇچراش قاتارلىق مەسىللەرگە ۋاقتىدا ئۈنۈملۈك مەسلىھەت بېرىپ ،ئۆزىنى بايقاش ،ئۆزىنى ھۆرمەتلەش،ئۆزىنى كۈچەيتىش ،ئۆزىگە ئىشىنىش ئىرادىسىنى تىكلەپ،ئۆزىنىڭ يوشۇرۇن قابىلىيتىنى قېزىپ چىقىش ئۈستىدە ئەتراپلىق ئىزدىنىپ، ئۇلار ئارىسىدا ساقىلىنىپ كىلىۋاتقان مەكتەپ بىلەن، ئوقۇتقۇچى- ئوقۇغۇچىلار بىلەن قارشىلىشىدىغان، ئۇلاردىن بىزار بولىدىغان، مەكتەپ مال- مۈلۈكىنى قەستەن بۇزىۋىتىدىغان قىلمىشلارغا قارتا ئوقۇغۇچىلار بىلەن ئايرىم سۆھبەت ۋە كوللىكىتىپ سۆھبەت ئېلىپ بېرىپ، ئوقۇغۇچىلاردا ئۆزىگە ماس ئۆگۈنۈش پىلانى تۈزۈپ ،مۇۋاپىق ئۆگۈنۈش ئۇسۇلى ئۈستىدە ئىزدىنىپ،مۇستەقىل پىكىر قىلىش،ياخشى ئاقىلانە بولغان كىشىلىك ئالاقە ئورنىتىپ،كۈچلۈك بولغان ئىجتىمائى ماسلىشىش قابىلىيتىنى يىتىلدۈرۈشكە نىسبەتەن يىتەكچىلىكنى كۈچەيتىپ، ئوقۇغۇچىلاردا ياخشى بولغان روھى ھالەت بەرپا قىلىشقا تىرىشچانلىق كۆرسىتىمىز.
(2).تولۇقسىز ئوتتۇرا باسقۇچى ئەڭ ھالقىلىق باسقۇچ بولۇپ، بۇ ۋاقىت ئوقۇغۇچىلارنىڭ فىزلوگىيلىك ئۆزگىرىش يۈز بېرىپ، ئۇلارنىڭ روھى ھالىتى تۇراقسىزلىشىدىغان،ئاسانلا يات جىنىسلارغا قىزقىپ قالدىغان، شۇ سەۋەپلىك چىكىنىپ كېتىدىغان ئەھۋاللار كۆپ يۈز بېرىدۇ.شۇنىڭ بىلەن بىرگە ئوقۇغۇچىلارنىڭ مۇھەببەت،جىنسىيەت جەھەتتىكى بىلىمى يىتەرلىك بولماسلىق سەۋەبىدىن كىلىپ چىقىدىغان گاڭگىراش،بىئارام بولۇش،توسالغۇغا ئۇچراش،جىدديىلىشىشنى يېڭىش ،ئۆزىدىكى ئۆزگىرىشلەرگە توغرا مۇئامىلە قىلىش ،ئۆزىنى چۈشىنىش،ئۆزىنى قوغداش ئېڭىنى كۈچەيتىش،نورمال ئجتىمائى مۇناسىۋەتنى ساقلاش،ئۆزىنى ھۆرمەتلەش، ئۆزقەدىر- قىممىتىنى ساقلاش،ئۆزىنى كونتىرول قىلىش،ئازاپتىن قۇتۇلۇش قاتارلىق تەرەپلەردىن ئاكىتىپ يىتەكچىلىك قىلىپ، ئۇلارنىڭ ئۆزى ئۇچىرىغان تۈرلۈك توغرا پوزتسىيە تۇتۇش ۋە ئۇنى يېڭىپ چىقىشىغا كۈچ چىقىرىمىز ۋە تۈرۈتكىلىك ئوينايمىز.
(3) ئۆتكەن بىر مەۋسۇم ئىچىدە مەكتىۋىمىزدىكى ئوقۇغۇچىلار ئىچىدىن ئاتا- ئانىسى ئۆلۈپ كەتكەن، ئاتا-ئانىسى ئاجىرىشىپ كەتكەن ئوقۇغۇچىلارنى ئېنىقلاپ، ئۇلارنىڭ تىزىملىكىنى چىقارغان ئىدۇق. بۇ مەۋسۇم ئاشۇ ئوقۇغۇچىلار بىلەن بىرمۇ- بىر سۆھبەتلىشىپ، ئۇلاردىكى ئۆزىنى تۆۋەن كۆرۈش، ئۆزىگە ئىشىنىش تۇيغۇسىنىڭ كەمچىل بولۇشى،مەكتەپتىن كۆڭلى سۇ ئىچمەسلىك جەھەتلەردىكى تەرەپلەرنى ئاساسى ھالقا قىلىپ،ئۇلار بىلەن ياخشى بولغان سۆھبەت مۇناسىۋىتى ئورنۇتۇپ، ئوقۇغۇچىلار يولۇققان تۈرلۈك توسالغۇلارغا نىسبەتەن ئەتراپلىق تەربىيلەش ئېلىپ بارىمىز.
(4) ماۋسۇمدا بىر قېتىم ساغلاملىق بويىچە مەخسۇس تېمىلىق سىنىپ يىغىنى ۋە قارا دوسكا ئىشلەش پائالىيتىنى قانات يايدۇرۇپ، ئوقۇغۇچىلارنىڭ پىسخىكا بىلىملىرىگە بولغان تونۇشىنى يۇقىرى كۆتۈرۈپ، ئۆزىدە ساقلانغان تۈرلۈك مەسىلىلەرگە نىسبەتەن ۋاقتىدا مەسلىھەت سوراش، پىكىرلىشىش، مەسىلىنى ۋاقتىدا بىر تەرەپ قىلىش خىزمىتىنىڭ ئۈنۈملۈك ئېلىپ بېرىلىشىنى ئەمەلىي ئىشقا ئاشۇرۇشقا تىرىشچانلىق كۆرسىتىمىز.
(5) بايراق چىقىرىش مۇراسىمىدىن پايدىلىنىپ، ماۋسۇمدا توققۇز قېتىم پىسخىك ساغلاملىقى بويىچە لىكسىيە تەييارلاپ، ئوقۇغۇچىلارغا پىسخىك ساغلاملىق بىلىملىرى،ئىمتىھان تەشۋىشلىكى،كىشىلىك مۇناسىۋەتتىكى توسالغۇنى يېڭىش،ئۆگۈنۈش مەسلىسى،توغرا بولغان ئۆگۈنۈش تاكتىكىسى ۋە مۇھەببەتكە توغرا مۇئامىلە قىلىش ،يەنى بالدۇر مۇھەببەتلىشىشنىڭ ئۆگۈنۈش ۋە باشقا تەرەپلەرگە كۆرسىتىدىغان تەسىرى، جىنسي بىلىملەر قاتارلىق جەھەتتىن كوللىكىتپ تەربىيە ئېلىپ بېرىپ، ئۇلاردا توغرا بولغان روھى ھالات يېتىلدۈرۈشكە تىرىشىمىز. مەكتەپتىكى ئومۇمىي ئوقۇغۇچىلارنى ئاساس قىلىپ، ئوغۇل، قىزئوقۇغۇچىلارنى بىرلىك قىلىپ،بىر قېتىم ئايرىم تەربىيە ئۇسۇلىنى قوللىنىپ، ئۇلارنىڭ ساغلاملىق بىلىملىرى بويىچە چۈشەنچىسىنى چوڭقۇرلاشتۇرىمىز.
(6) ئوقۇتقۇچىلار ئارسىدا ساقلىنىپ كېلىۋاتقان ئۆزىنى تۇتىۋالالماسلىق، ئوقۇغۇچىلارنى ئۆزىنىڭ ئورنىغا قۇيۇۋېلىش،ھە دىسە ئوقۇغۇچىلارغا كىچىككىنە گەپ ئۈچۈن تەن جازاسى بېرىش، مەكتەپ ئىچىدە گەپ- سۆزگە دىققەت قىلماسلىق جەھەتلەردىكى مەسىلىلەرگە قارتا ئۇلار بىلەن پات- پات پىكىر ئالماشتۇرۇپ، ئۇلارنىڭ روھى جەھەتتىن ساغلام خىزمەت قىلىشىغا نىبەتەن تۈرۈتكىلىك رول ئويمايمەن.
(7) ئۆزۈمنىڭ كەسپى جەھەتتىكى سەۋىيەمنى يۇقىرى كۆتۈرۈپ، كۆپلەپ ماتىرىيال كۆرۈپ ۋە توپلاپ، ئوقۇغۇچىلارنىڭ كەيپىياتىنى تەڭشەيدىغان، ئۇلارنىڭ روھىنى كۆتۈرىدىغان مول مەزمۇنلۇق تېمىلارنى توپلاپ، بۇ جەھەتتىكى ئىزدىنىشىمنى يۇقىرى كۆتۈرىمەن.
ئوقۇغۇچىلارغا ئېلىپ بېرىلدىغان پىسخىك تەربىيە لىكسىيە كالىندار پىلانى
ھەپتىلەر لىكسىيە مەزمۇنى لىكسىيە سۆزلىگۈچى ئىزاھات
1-ھەپتە ياخشى بولغان روھى ھالەت شەكىللەندۈرۈپ،مەكتەپ تۈزۈمىگە ئاڭلىق بويسۇنايلى ئابدۇراخمان تۇرغۇن كوللىكتىپ تەربىيە
3- ھەپتە جىنسىيەت تەربىيسى ئايگۇل غوپۇر قىزلارغا ئايرىم
5- ھەپتە توغرا بولغان ئۆگىنىش ئادىتى يېتىلدۈرەيلى مەخسۇم مامۇت كوللىكتىپ تەربىيە
7- ھەپتە ساغلام بولغان روھى ھالەت بەرپا قىلايلى نۇرسىمانگۇل باھاۋدۇن كوللىكتىپ تەربىيە
9- ھەپتە تورغا خۇمار بولۇپ قېلىشنىڭ زىينى تۇرسۇن غوپۇر كوللىكتىپ تەربىيە
11- ھەپتە ئۆزىمىزنىڭ قەدىرى- قىممىتىمىزنى ساقلايلى ئايگۇل غوپۇر قىزلارغا ئايرىم
13- ھەپتە ئوڭۇشسىزلىققا توغرا مۇئامىلە قىلىپ، ئۆزىمىزنىڭ ئىرادىمىزنى چىڭىتايلى نۇرسىمانگۇل باھاۋدۇن ئايرىم تەربىيە
15- ھەپتە ئۆزىنى تۆۋەن كۆرۈش پىسخىكىسىنى تۈگۈتۈشنىڭ ئۇسۇللىرى نۇرسىمانگۇل باھاۋدۇن كوللىكتىپ تەربىيە
17- ھەپتە ئۆگىنىش توسالغۇسىنى يېڭىش، ساغلام ئىمتىھان بېرىش تەيپىياتنى تۇرغۇزۇش مەخسۇم مامۇت كوللىكتىپ تەربىيە
|
|