| جەسۇر16 |
2013-12-10 11:25 |
16. كەچ كۈزدىكى غېرىپلىق دەرس تەييارلىقى(1-سائىتى)
سىنىپ : 9-يىللىق
ئوقۇتقۇچى :
دەرس سائىتى : (1-سائىتى)
ۋاقتى : -يىلى -ئاينىڭ -كۈنى
دەرس تىپى : كۆرسەتمىلىك دەرس.
ماۋزۇسى :
16. كەچ كۈزدىكى غېرىپلىق
تۇرسۇنجان لېتىپ
(1945-يىلى)
يېڭى دەرسكە باشلاپ كېرىش :
ساۋاقداشلار، دۇنيادا ئەڭ ئۇلۇغ بىر ئىنسان بار، ئۇ كىم؟ نېمە ئۈچۈن ئۇنى ئەڭ ئۇلۇغ ئىنسان دەيمىز؟ دېگەن سۇئال ئارقىلىق يېڭى دەرسكە باشلاپ كېرلىدۇ.
ئوقۇتۇش مەزمۇنى:
ئەسەر ئوقۇلىدۇ، يېڭى سۆزلەرنىڭ مەنىسى چۈشەندۈرۈلىدۇ، ئاپتۇرھەققىدە توختىلىپ ئۆتۈلىدۇ، بىر قىسىم كىچىك سۇئاللار ئارقىلىق ئەسەر مەزمۇنى مۇستەھكەملىنىدۇ.
ئوقۇتۇش نىشانى:
1.بىلىم نىشانى: ئەسەر مەزمۇنى ۋە يېڭى سۆزلەرنىڭ مەنىسىنى بىلدۈرۈش. (موھىم نوقتا)
2 .ھېسيات ، پوزىتسىيە ، قىممەت قاراش نىشانى : ئاتا- ئانىلار ياشىنىپ قالغان ۋاقىتتا ئۇلارنىڭ ھالىدىن ياخشى خەۋەر ئېلىش تەربىيسى ئېلىپ بېرىش . (موھىم نوقتا)
3.ئىقتىدار نىشانى: ئەسەرنى روللارغا بۆلۈپ ھېسياتلىق ئوقۇش ئىقتىدارىغا ئىگە قىلىش. (قېيىن نوقتا)
ئوقۇتۇش جەريانى:
1. ئالدى بىلەن ئەسەر روللارغا بۆلۇپ ئوقۇلىدۇ.
(ئوقوغۇچىلارغا ئۆلگە ئۈچۈن بىر ئاز ئوقۇپ بېرىلىدۇ، ئاندىن ئوقۇغۇچىلار ئۆزلىرى روللارغا بۆلۈنۈپ ئوقۇيدۇ.)
2. يېڭى سۆزلەرگە ئىزاھات :
1) ئاخىرەتلىك – ①كىشى ئۆلگەندىن كىيىن، شۇ كىشىنىڭ ئۆلىمىنىڭ ئالدى- كەينىدە ئىشلىتىلدىغان پۇل- پىچەك ۋە نەرسە- كىرەك .② كۆچمە مەنىسى: ئۆمۈرلۈك .
2) پۇرۇچ-: تېرە- رەخىت قاتارلىقلارنىڭ كىيىم- كېچەك پىچقاندا قالغان ئۇششاق پارچىسى .
3) پەرۋانە- ① بىر خىل ھاشارەت .②كۆچمە مەنىسى : مەھلىيا، ئاشىق، مەپتۇن .
4) ئونسور-① ئېلمىنىت ②دۈشمەن .
5) مېلودىيە- بەلگىلىك ئاۋاز ئېگىزلىكى، ۋاقىت سەرپىياتى ۋە ئاۋاز مىقدارىنى جانلىق بىرلەشتۇرۇش ئارقىلىق بېرىلگەن يەككە تاۋۇشلۇق ئاھاڭ .
( ئوقۇغۇچىلار ئەسەرنى ئوقۇش جەريانىدا مەنىسىنى چۈشىنەلمىگەن سۆزلەرنى تېپىپ ئوتتۇرىغا قويىدۇ، سۆزلەرنىڭ مەنىسى چۈشەندۈرۈلىدۇ، ئوقۇغۇچىلار شۇ مەنە ئاساسىدا جۈملە تۈزۈش مەشىقى ئېلىپ بارىدۇ.)
3.ئاپتۇر ھەققىدە:
تۇرسۇنجان سېيىت 1945-يىلى ئۈرۈمچىدە تۇغۇلغان. درامماتورگ. «ئېزىتقۇ» ناملىق دراممىلار توپلىمى نەشىر قىلىنغان. «مىھمان»، «كۆپۇك»، «يولدا» قاتارلىق ئىتوتلىرى، «قېرى يىگىتنىڭ تويى»، «تانسىكەش تۆمۈر خوتونلار» قاتارلىق دراممىلىرى مەشھۇر .
( ئاپتۇر ھەققىدە چۈشەنچە بېرىلىدۇ، ئوقۇغۇچىلار خاتىرە قالدۇرىدۇ.) 4.مۇلاھىزە قىلىش سۇئالى ؛
سىز ئانىنىڭ ياشىنىپ قالغانلىقىنى قايسى مەزمۇنلار ئارقىلىق ھېس قىلدىڭىز؟
ئانىنىڭ ياشىنىپ قالغانلىقىنى يېڭنىگە يىپ ئۆتكۈزەلمىگەنلىكى، ماغدۇرسىزلىنىپ قالغانلىقى، نەۋرە- چەۋرىلىك بولغانلىقى قاتارلىقلار ئارقىلىق ھېس قىلىشقا بولىدۇ.
(ئوقۇغۇچىلار مۇلاھىزە قىلىشقا ئۇرۇنلاشتۇرۇلىدۇ ۋە مۇلاھىزىسى ئاڭلاپ ئۆتۈلىدۇ .)
ئەخلاقىي تەربىيە نوقتىسى:
(دەرس ئاخىرىدا ئوقۇغۇچىلارغا ئاتا- ئانىلار ياشىنىپ قالغان ۋاقىتتا ئۇلارنىڭ ھالىدىن ياخشى خەۋەر ئېلىش تەربىيسى ئېلىپ بېرىلىدۇ)
دوسكا لايھىسى:
16. كەچ كۈزدىكى غېرىپلىق
تۇرسۇنجان لېتىپ
(1945-يىلى)
1.يېڭى سۆزلەر:
2.ئاپتۇر ھەققىدە:
ئوقۇتۇش ۋە ئۆگنىش قوراللىرى:
دەرسلىك دىتالى، كۆپ ۋاستىلىق ئوقۇتۇش ئۈسكۈنىلىرى، ئوقۇتۇش قوللانمىسى.
تاپشۇرۇق:
ئۆتۈلگەن دەرس مەزمۇنىنى تەكرارلاپ كېلىش، ئەسەرنىڭ مۇھاكىمە ۋە مەشىق سۇئاللىرى بويىچە ئالدىن تەييارلىق قىلىپ كېلىش .
ئوقۇتۇشتىكى قايتا ئويلىنىش :
گورۇپپا باشلىقىنىڭ ئىمزاسى:
|
|