تەۋپىق مۇنبىرى - Powered by phpwind

لەقەم

لەقەم
1.    ژانېرى: ئېتوت
2.    ئاپتورى: شايىم شابايېف__ قازاقىستان دۆلەتلىك ئۇيغۇر تىياتىرىنىڭ ئىجادىيەتچىسى
3.    يېڭى سۆزلەرنىڭ مەنىسى:
توڭكاي(ھىڭگاك چىش)، جىرتاق(قىڭغىر كۆز )
4.    مۇھىم مەزمۇنلىرى:
① مەركىىزى ئىددىيىسى:
بۇ ئېتوتتا ئاتا بالىنىڭ ۋەقەلىكى ئارقىلىق ، تۇرمۇشتىكى يارىماس ئىللەتلەر ،چاكىنىلىقلار قاتتىق تەنقىت قىلىنغان.ئەستايىدىل،مەسئۇلىيەتچان بولۇشنى،ئىتتىپاقلىق ۋە ھەمكارلىققا ئەھمىيەت بېرىشنى ، ئۆزىنى ۋە ئۆزگىلەرنى ھۆرمەت قىلىشنى ،تىل ئەدىپىگە دىققەت قىلىشنى ،ھەركىتى سىلىق-سىپايە بولۇشنى ،باشقىلارنى ئورۇنسىز ئەيىپلەيدىغان، زاڭلىق قىلىدىغان پاسسىپ تۇرمۇش ئۇسۇلىدىن نېرى تۇرۇشنى تەۋسىيە قىلغان.قىسقىسى ،بۇ ئېتوتتا كىشىلەرگە كەلسە-كەلمەس ھالدا سەلبى لەقەملەرنى قويۇشنىڭ مەدەنىيەتسىز ۋە ئەخلاقسىزلىق ھېساپلىنىدىغانلىقىدىن ئىبارەت ئىدىيە ئالغا سۈرۈلگەن.
② ئۇيغۇر ئېتوتچىلىقىنىڭ مەيدانغا كېلىشى ۋە تەرەققىياتى ھەققىدە نېمىلەرنى بىلىسىز؟ ــ ئۇيغۇر ئېتوتچىلىقىنىڭ شەكىللىنىشىنى 1980-يىللارنىڭ ئاخىرقى مەزگىللىرىدە شىنجاڭ سەھنىلىرىدە ئوينالغان قازاقىستان ئۇيغۇرلىرىنىڭ ئېتوتلىرىدىن ئايرىپ قارىغىلى بولمايدۇ.19990-يىللارنىڭ ئالدى-كەينىدە قازاقىستان ئۇيغۇرلىرىنىڭ «مېھمان»، «لەقەم»، «تۇغۇلغان كۈن»،« بىر مىنۇت» ،« تېپىشماق»... قاتارلىق ئېتوتلىرى ئۇيغۇر تاماشىبىنلارنىڭ ياقتۇرۇپ كۆرۈشىگە نائىل بولدى. نەتىجىدە،ئۇيغۇر ئېتوتچىلىقىنىڭ شەكىللىنىشىگە ئاساس سېلىندى. شۇنىڭ بىلەن تۇرسۇنجان لېتىپ قاتارلىق بىر قىسىم ئېتوت يازغۇچىلىرى ۋە ئادىل مىجىت،خالمۇرات ئۆمەر، ئابدۇكېرىم ئابلىز قاتارلىق تونۇلغان ئېتوت ئارتىسىتلىرى مەيدانغا كەلدى.ھازىر ھەر يىلى ئاز بولغاندا 20دىن ئارتۇق ئېتوت سەھنىلەشتۈرۈلۈپ، تاماشىبىنلار بىلەن يۈز كۆرۈشمەكتە.
③ ئېتوت قانداق ئالاھىدىلىككە ئېگە سەنئەت ئەسىرى؟ ـــ ئېتوت يۇقىرى ماھارەت بىلەن ئورۇنلىنىدىغان ئوپېرا ۋە دىراممىلاردىن مۇتلەق تۆۋەن تۇرىدۇ.لېكىن ، ئېتوتتىمۇ بەلگىلىك زىددىيەت-توقۇنۇش بولىدۇ.توقۇنۇش ئارقىلىق خاراكتىر يارىتىلىپ، ئىجتىمائى تۇرمۇشنىڭ مەلۇم بۆلىكى ئەكىس ئەتتۈرىلىدۇ.ۋاقىت، ئورۇن ، شارائىتنىڭ چەكلىمىسىگە ئۇچرايدۇ.تىلى قىسقا ، ئىخچام ،مېغىزلىق بولۇپ ، جەلىپ قىلارلىق بولىدۇ.تۇرمۇش پۇرىقىنىڭ كۈچلۈكلىكى، ۋەقەنىڭ قىزىقارلىق بولۇشى، تەربىيىۋى ئەھمىيىتىنىڭ كۈچلۈك بولۇشى بىلەن خاراكتىرلىنىدۇ.
④ پىرسۇناژلار ئوبرازىنى تەھلىلى قىلىڭ:ــ بالا- شوخ،كەپسىز، ئۆگىنىش قىزغىنلىقى تۆۋەن، ئويۇنقېپى، ئامما، يۇمۇرىستىك ، قىزىقچى خاراكتىرگە ئېگە. دادا- تىلغا ماھىر ، يۇمۇرىستىك سۆزلەيدىغان، باشقىلارنىڭ ئەيىپىنى كۆرسىتىشكە، ئەيىپلەشكە ئامراق ، ئۆز ئەيىپىنى ئاڭلىسا رەنجىيدىغان ئادەم. ئومۇمەن ئۇلارنىڭ ئائىلىسى ئىنتايىن ساپاسىز ئائىلە بولۇپ ، قىلچىمۇ كۆڭۈللۈك ۋە ئىللىق ئائىلە ئەمەس .

/bbs/read.php?tid=8331

nadiraay:.19990-يىللارنىڭ ئالدى-كەينىدە... ئىملاسىغا بىر قارىۋەتكەن بولسىڭىز.بۇنىڭغا يەنە ئوقۇتۇشنىڭ باسقۇچلىرىنىمۇ قوشۇپ يېزىۋەتكەن بولسىڭىز مۇ .. (2013-12-01 14:33)