توۋا !

بۇ  ئىشلارغا  توۋا  دەپ ئۈلگۈرەلمىگەنلىكىم  ئۈچۈن  ماۋزۇسىنى  مۇشۇنداق  قويدۇمغۇ .
تىخى  ئالدىنقى  ھەپتە  ئەخلاق  تەربىيىنى قايتا ئۆتكۈزىۋىلىش  ئۈچۈن كەلگەنلەرنى  ئۇزىتىپ  بولۇپ ،  مېڭىش -تۇرۇشنى  مەشىق قىلىمىز ، تازىلىق  قىلىمىز  دەپ  كۈنلەپ  قىلىپ  قالغان  دەرسلەرنى  تولۇقلاپ  ئۆتەيلى  دەپ  تۇرساق ، بۈگۈن  ئىدارە  ئوقۇتۇش  تەتقىقات  گۇرۇپپىسىدىن بىرەيلەن خىزمەتلىرىمىزگە‹‹  يىتەكچىلىك ››قىلغىلى  چىقىپتۇدەك . 3-سائەتلىك دەرسكە ئەمدى كىرىپ  تۇرغان ، جىددى  يىغىلىش  قوڭغۇرىقى  چىلىنىپ ، ھەممىمىز  ئەنسىزچىلىكتە  سىنىپ -سىنىپلاردىن چىقىشىپ ، دىجۇرنى  ئوقۇتقۇچىنىڭ  يەتكۈزۈشى  بىلەن 3-قەۋەت  يىغىن زالىغا  جىددى يىغىلىشىمىز  كېرەكلىكىنى  ئۇقۇپ  ، دەرسنى  شۇ يەردىلا  تاشلاپ  يىغىن زالىغا  ئۈندۇق ۋە  كەينىمىزدىن  ھەيۋەت  بىلەن  كىرىپ  كەلگەن ئوقۇتۇش  تەتقىقات خادىمىنىڭ  ئىغىزىغا  تىكىلدۇق . گەپ  باشلىنىپ  10مىنۇت  ئۆتە-ئۆتمەي ، يىغىن زالىنى نارازىلىق ، ئۇھسىنىش ، مەنسىتمەسلىك ، بىزارلىق كەيپىياتلىرى بىر ئىلىپ ، مۇئاۋىن مۇدىر  ۋە  ئىلمى مۇدىرىمىزنىڭ ‹‹قورقۇتۇشى ›› بىلەن بىر ئاز پەسەيدى .
ئەسلىدە  دۈشەنبە كۈنى ۋىلايەتتىن  باھالاش  كىلىدىكەن ، ئۇلار بىزنىڭ مەكتەپكە چىقماقچى ئىكەن ، ئۇلارنىڭ  كۆرىدىغىنى ئوقۇتقۇچىلارنىڭ  مەكتەپتە  تەربىيلەش  خاتىرىسى ئىكەن ،  بىزمۇ  ئەينى ۋاقىتتا  يەنى 2009-يىللاردىمىكىن شۇنداقراق  بىر ئىشنى قىلغىنىمىز  ئېسىمدە . شۇ ۋاقىتلاردا  بىز مەكتەپتە  بوش ۋاقىتلىرىمىزدا (  بوش  ۋاقىت دېگەن نىمىكىن تاڭ ، ئىشقىلىپ  مەن ئۇچراتمىغىلى ئۇزۇن بولدى ) خەنزۇتىلى ئۆگىنىمىز ، يېزىقچىلىق قىلىمىز ، ھۆسنىخەت يازىمىز ،رەسىم  سىزىمىز ..دېگەندەك پىلانلارنى تۈزۈپ بىر  ئارخىپ  خالتىسىغا  سالغاندەك  قىلغان ،  كىيىن ئىدارە  بۇ  ئىشلارنى  قايتا تەكىتلىمىدى ، مەكتەپمۇ سۈرۈشتۈرمىدى ، بىزمۇ خەنزۇتىلى ، كومپىيۇتېر دېگەنلەرنى  قۇربىمىزنىڭ  يېتىشىچە ئۆگەندۇق ،ئەمما مۇنداق، مۇنداق  نەرسىلەرنى ئۆگەندىم دەپ خاتىرىلەپ مېڭىش  كىمگە  خوشياقىدۇ دەيسىز ؟ئەمما  دەل باھالاشقا  لازىمى بىزنىڭ  خاتىرىمىز ئىكەن ، مائارىپ  ئىدارىسىنىڭ  كادىرى بىزگە  ‹‹ئىتبار ››قىلغاچقا  بىز  ئەتە - ئۆگۈن  ئىككى كۈندە ‹‹ۋاقىت ئىچىدىن ۋاقىت  چىقىرىپ ››ئىككى  ماۋسۇملۇق مەكتەپتە  تەربىيىلىنىش  خاتىرىسى  تولۇقلايدىكەنمىز ، يەنى  ھەر  ھەپتە ئۈچۈن  بىر پارچىدىن رەسىم ، بىر پارچىدىن ھۆسنخەت ، بىر  پارچىدىن كومپىيۇتېر  ئۆگىنىش خاتىرىسى،  بىر  پارچىدىن خەنزۇتىلى ئۆگىنىش  خاتىرىسى ، بىر پارچىدىن كىتاب ئوقۇش خاتىرىسى ....قىنى  ھىسابلاب  بىقىڭا ، ئالدىنقى ماۋسۇم 18 ھەپتە ، بۇ ماۋسۇم 13 ھەپتە ، جەمئى 31 ھەپتە بولىدىغان ئوخشايدۇ ، ئاخىرىنى ھەر قانچە  قىلساممۇ ھىسابلاشنى خالىمىدىم ، چۈنكى  ھەر قانچە قىلساممۇ بۇ ئىشلارنى ئىككى كۈن ئىچىدە  پۈتكۈزەلەيدىغانلىقىمغا ئىشەنمىدىم ، تىخى  دەرسمۇ ئۆتۈشۈم ، تاپشۇرۇق كۆرۈشۈم ...كېرەكقۇ ؟ ھىلىقى كادىر جۈمە  كۈنىگىچە  قىلىپ  بولالمىغانلارنى شەنبە - يەكشەنبە دەم ئالدۇرماي قىلدۇرۇپ  بولۇشنى ، شۇ چاغدىمۇ تۈگىمىسە دۈشەنبىدىن باشلاپ خىزمەتتىن توختىتىپ  قويۇشنى ئېيىتتى ،

تۆتتاش

2013-11-20 23:34

يۇقۇرىدىن باھالاشلارنىڭ  كىلىپ  تۇرۇشى  ئاچچىق  كۈلكە بىلەن  ئېيتقاندا  شۇ  ئۇرۇنغا  يۇقۇرى دەرىجىلىك  ئەمەلدارلارنىڭ نەزەر سالغىنى، كۆڭۈل  بۆلگىنى.
بىپەرۋالىق بىلەن  ئېيتقاندا شۇ ئۇرۇننىڭ باشلىقى ئۆزىنى كۆرسىتىدىغان  پەيتنىڭ يىتىپ كەلگەنلىكى.
مەنسىتمەسلىك بۇيىچە ئېلىپ ئېيتقاندا زىرىكىپ قالغان باشلىقلارنىڭ  ئىچ پۇشۇقىنى چىقىرىپ مەززىلىك بىر ۋاخ تاماق يەپ ساراڭدەك ئىشلەۋاتقان بىچارە، قورقۇنچاق مۇئەللىملەرنى كۈرۈپ قاھ قاھ لاپ كۈلىشى  خالاس.

gulhan	2013-11-20 23:37
قاچانمۇ شەكىلۋازلىقتىن خالى مائارىپىمىز بولار....

گۈلزىبا

2013-11-20 23:44

تۆتتاش:يۇقۇرىدىن باھالاشلارنىڭ كىلىپ تۇرۇشى ئاچچىق كۈلكە بىلەن ئېيتقاندا شۇ ئۇرۇنغا يۇقۇرى دەرىجىل .. (2013-11-20 23:34)

ھەي ، شۇ باھالاش نىمىشقا ئالتە يىل ئوقۇپ ساۋاتىسىز ھالدا تولۇقسىزغا كۆچكەن ئوقۇغۇچىلارنىڭ مۇشۇنداق بولۇپ قىلىشىنى تەكشۈرمەيدىغاندۇ ؟
تولۇق ئوتتۇرىنىڭ 1-يىللىقىغا مەجبۇرى يىغىپ ئەكەلگەن ئوقۇغۇچىلارنىڭ يول بويلىرىدا ، مەكتەپ ئىچىدە ھىيىقماستىن پۇرقىرىتىپ تاماكا چىكىشىپ يۈرگەنلىرىنىڭ ، ھاياسىز چاقچاقلارنى قىلىشىپ تىزىلىپ تۇرۇپ كېتىشكەنلىرىنىڭ سەۋەبىنى تەكشۈرمەيدىغاندۇ ؟
ئىشقىلىپ پىسخىكامنى تولىمۇ نورمال چاغلايىتتىم ، ئەمما بۈگۈن چىدىيالمىدىم ، نەچچە ۋاقىتتى بىرى قىلمىغاندىكىن ‹‹قىلمىغان ››دەپلا راسىت گەپنى دەۋىتىپ ، كىلەر ماۋسۇمدىن باشلاپ ، قىلىشقا تىگىشلىك بولۇپ قالسا قىلساق ئۇلار ئېتىۋىتەرمۇ زادى ؟!

تۆتتاش

2013-11-21 00:05

گۈلزىبا:ھەي ، شۇ باھالاش نىمىشقا ئالتە يىل ئوقۇپ ساۋاتىسىز ھالدا تولۇقسىزغا كۆچكەن ئوقۇغۇچىلارنىڭ مۇشۇنداق بولۇپ قىلى .. (2013-11-20 23:44)

مەن ئىشلىگەن مەكتەپتە ئىشلەپ  قالماڭ، بولمىسا   چاتاق  بۇلاركەن.
بىزنىڭ  ئىشلار  سىلەرنىڭكىدىن  قېلىشمايدۇ.
مۇمكىن  بولسا  ۋاقىت چىقىرىپ  «شىنجاڭ مائارىپى ژۇرنىلى»نىڭ 2013 -يىللىق 11 -سانىدىكى  ئەيساجان تۇردى ئاچچىق نىڭ «پادىشاھنىڭ يېڭى كىيىمى»  توغرىدىكى ماقالىسىنى ئۇقۇڭ.يىنىكلەپ  قالىسىز.

گۈلزىبا	2013-11-21 22:11
تۆتتاش:مەن ئىشلىگەن مەكتەپتە ئىشلەپ قالماڭ، بولمىسا چاتاق بۇلاركەن.بىزنىڭ ئىشلار سىلەرنىڭكىدىن قېلىشمايدۇ.م .. (2013-11-21 00:05) d";+8S ھەئە ، ئۇ ماقالىنى بۈگۈن ئوقۇدۇم ، سىلەردىمۇ شەكىلۋازلىق بىزدىكىدەك ئىغىرمىدۇ ؟

مەرىپەت0999	2013-11-25 18:45
سۆھبىتىڭلار بەك قىززىپ كىتىپتىغۇ،‹شەكىلۋازلىقلار قاچانمۇ تۈگەر ›دەپ قاتتىق ئۇھسىنىمىز-شۇ!!!