بىر يىلدىن بىرىقى تۈركىيە-جۇڭگو مۇناسۋىتنىڭ يىقىنلىشش مىۋىلىرى كۆزگە كۆرۈنۈشكە باشلىدى،جۇڭگو تەرەپ ھەر قايسى مىللەتتىن بولغان دىنى خادىملارنى ،ئىماملارنى تەربىيلەپ بىرىش تەكلىۋى ئۆتكەن يىلى تۇنجى قىتىم مەتبۇئاتتا ئاشكارىلانغاندىن كىين،بۇ يىل رەسمى ھۇججەت شەكلىگە كەلدى.ئەلۋەتتە،ئىمام ۋە دىنى خادىملار تىل جەھەتتە ئاسان بىلىشىدىغان تۈركى مىللەتلەر،جۇملىدىن ئۇيغۇر،قازاق مىللەتلىرىنى كۆرستىدۇ.ئەمما بۇنىڭ چىكى بولىدىغانلىقى پەرەز قىلىنماقتا.ئەلۋەتتە بۇ ئۇيغۇر مۇسۇلمانلار ئاممىسى ئۈچۈن كۆپ پايدىلىق.
تۆۋەندىكىسى تۈركيە ئاۋازىنىڭ بۇ ھەقتىكى خەۋىرى.

تۈركىيە ئاۋازى رادىيوسى خەۋىرى: تۈركىيە بىلەن جۇڭگو دىنىي تەلىم – تەربىيە خىزمەتلىرى بىلەن دىنىي نەشىرىياتچىلىق ۋە ھەج قىلىش ئىشلىرىدا ئۆزئارا ھەمكارلىققا يۈزلەنمەكتە.

بۇنىڭغا مۇناسىۋەتلىك پىلان – لاھىيە كېلىشىمى، جۇڭگودا زىيارەتتە بولۇۋاتقان تۈركىيە دىنىي ئىشلار ئىدارىسى باشلىقى مەھمەت گۆرمەز ۋە جۇڭگو دىنىي ئىشلار مىنىستىرى ئوتتۇرىسىدا ئىمزالاندى.

كېلىشىم دائىرىسىدە، جۇڭگودا ياشاۋاتقان مۇسۇلمانلارنىڭ پەرزەنتلىرى تۈركىيەدىكى تولۇق ئوتتۇرا ۋە ئۇنىۋېرستېتلاردا دىنىي كەسىپلەردە ئوقۇيالايدۇ. ئوقۇغۇچىلارنىڭ بارلىق خىراجەتلىرىنى تۈركىيە دىيانەت ۋەقپى ئۆز ئۈستىگە ئالىدۇ. جۇڭگودا خىزمەت قىلىۋاتقان ئىماملارمۇ تۈركىيەدە بىلىم ئاشۇرالايدۇ. قۇرئان كەرىم بىلەن نۇرغۇنلىغان ئىسلامىي ۋە كىلاسسىك ئەسەرلەر خەنزۇچىغا تەرجىمە قىلىنىدۇ.

پىلان – لاھىيە 14 ماددىدىن تەشكىل تاپقان بولۇپ، تارىخىي ئەسەرلەرنىڭ قوغدىلىشى ۋە ئاسىراشقا مۇناسىۋەتلىك مەسىلىلەرمۇ لاھىيە ئىچىدىن ئورۇن ئالدى.