ماڭا شۇنداق قىز كېرەك                                            
                                                   
                                         نۇرى

                                                  ‹‹سەن كىم››دېسە، ‹‹ئۇيغۇر قىزى››دېگۈدەك،
                                                       چىمەن دوپپا،ئەتلەسلەرنى كىيگۈدەك،
                                                  قىرىق ئۆرۈم چېچى بىلەن يۈرگۈدەك،
                                                     پاچاق ، مەيدە ئوچۇق ئەمەس كۆرگۈدەك،
                                                  بىلسەڭ ماڭا ئەنە شۇنداق قىز كېرەك.

ۋاز كەچمىگەن ئەسلى زاتى ئۇيغۇردىن،
   ۋاز كەچمىگەن ئەخلاق ،ۋىجدان،غورۇردىن،
ۋاز كەچمىگەن ئېتىقادتىن ،ھەق يولدىن،
  ۋاز كەچمىگەن،تۇغۇلغان جاي، شۇ يۇرتتىن ،
بىلسەڭ ماڭا ئەنە شۇنداق قىز كېرەك.


                                            مودا دېسە ئاۋال كىيىم سالمىغان،
                                               بىلىم ئېلىپ چاڭقاق قەلبى قانمىغان،
                                            ئۈشبۇ يولدا جاپالاردىن يانمىغان،"
                                                  ‹‹ئاي ››بولسىمۇ ئەسلىسىدىن تانمىغان،
                                              بىلسەڭ ماڭا ئەنە شۇنداق قىز كېرەك.

قورال قىلغان شەرمى-ھايا،نومۇسنى،
   مىزان قىلغان بىر يار بىلەن كۈلۈشنى،
ئەلا بىلگەن شەرمەندە بوپ ياشاشتىن،                                                                                         
   ئىپپەت ساقلاپ ئاپئاق پېتى ئۆلۈشنى،
بىلسەڭ ماڭا ئەنە شۇنداق قىز كېرەك.

                                            تەييارلانغان:‹‹ مەن كەلگۈسى‹ ئانا›››دەپ ،
                                              ‹‹قۇربان قىلاي بارلىقىمنى ‹بالا ›››دەپ،
                                           ‹‹ۋۇجۇدۇمدىن چىققان سۈتتە ئېمىتەي››.
                                               ‹‹كەلگۈسىدە باقار مېنى ‹ئانا›دەپ››،
                                           بىلسەڭ ماڭا ئەنە شۇنداق قىز كېرەك.

ۋاپادارى بىلەن تارتىپ جاپانى،
   خوشال كۈلگەن گەر كىيسىمۇ ماتانى،
يۇقتۇرمىغان سۆلەتۋازلىق- ۋابانى،
سەزدۇرمىگەن سۆيگۈنىگە ‹‹خاپا››نى
بىلسەڭ ماڭا ئەنە شۇنداق قىز كېرەك.

                                                      كېچە-كۈندۈز جانانىنى كۈلدۇرۇپ،
                                                       ئىككى تەرەپ تۇغقىنىنى تەڭ كۆرۈپ،
                                                       دوستلار بىلەن ھالاۋەتنى تەڭ سۈرۈپ،
                                                        دۈشمەنگىمۇ دوق قىلغۇدەك يەڭ تۈرۈپ،
                                                        بىلسەڭ ماڭا ئەنە شۇنداق قىز كېرەك.

ئەجەل باشقا، تىرىك تاشلاپ قاچمىسا،!
تاپقان تەرگەن بىساتىڭنى چاچمىسا،
يېغىرىڭنى سىرتقا چىقىپ ئاچمىسا،
مەيلىتىغۇ رەنجىگەندە باتنىسا،
بىلسەڭ ماڭا ئەنە شۇنداق قىز كېرەك.

                                                    رەنجىگەندە ئالمىسىكەن ھوتۇتتىن،
                                                     بوپ قالمىسا ھارمايدىغان كوت-كوتتىن،
                                                      ئەنسىرەيمەن زۇۋان چىقماس ‹‹لاي بۇت››تىن،
                                                      ھەم قورقىمەن ياسانچۇقتىن ،بەك‹‹ شوق››تىن،
                                                              بىلسەڭ ماڭا ئەنە شۇنداق قىز كېرەك.

تۇرمۇشنىڭمۇ باردۇر تەتۈر چېقىنى،
ئۆينىڭ دەردى قىلغۇزمايدۇ نېمىنى،
تەتۈر قۇيۇن كېلىپ ئۇرسا يېقىلسام،
تاشلاپ قاچماي،تارتسا تۇرمۇش غېمىنى،
بىلسەڭ ماڭا ئەنە شۇنداق قىز كېرەك.

                                                     ۋاپادار بوپ ئالتە كۈنلۈك ئالەمدە،
                                                     تەڭ ياشىساق،تەڭ قېرىساق ئۆلگۈچە،
                                                     كۆڭۈل خۇشى ئىزلەپ يۇرمەي تالادىن،
                                                      كۆز يۇمساقكەن رەقىبىمىز كۈلگۈچە،
                                                       بىلسەڭ ماڭا ئەنە شۇنداق قىز كېرەك.

بىلمىگەنگە شەرتىم شۇنداق بەك ئېغىر،
ئەمما ئۇيغۇر قىلىپ كەلگەن ھەممىنى،
شېئىر يازدىم ،ئۇيغۇر قىزى بارمىدۇ؟
ئاڭلىغۇدەك مەن يالغۇزنىڭ دەردىنى!!!
  بىلسەڭ ماڭا ئەنە شۇنداق قىز كېرەك!;

تەكلىپ بىرىڭلار............