ئەرلەر قانداق ۋاقىتتا ئاجرىشىش تەلىۋى قويسا بولىدۇ

نىكاھ قانۇنىنىڭ 34-ماددىسىدا: «ئايال ھامىلىدار مەزگىلدە، تۇغقاندىن كېيىن بىر يىل ئىچىدە ياكى ھامىلىنى چۈشۈتىۋەتكەندىن كېيىن ئالتە ئاي ئىچىدە، ئەر ئاجرىشىشنى تەلەپ قىلسا بولمايدۇ. ئايال ئاجرىشىشنى تەلەپ قىلسا ياكى خەلق سوت مەھكىمىسى ئەرنىڭ ئاجرىشىش تەلىپىنى بىر تەرەپ قىلىش ھەقىقەتەن زۆرۈر دەپ قارىسا، بۇ چەكلىمىگە ئۇچرىمايدۇ» دەپ بەلگىلەنگەن.بىراق بۇ ھەرقانداق ئەھۋال ئاستىدا ئەر مۇشۇ مەزگىلىدە ئاجرىشىشنى ئوتتۇرىغا قويسا، سوت قوللىمايدۇ، دېگەنلىك ئەمەس. ئەر ئالاھىدە ئەھۋال ئاستىدا، يەنى «خەلق سوت مەھكىمىسى ھەقىقەتەن ۆرۈر دەپ قارىسا»، «بۇ چەكلىمىگە ئۇچرىمايدۇ».ئۇنداقتا «ھەقىقەتەن زۆرۈر»لۈكىنى قانداق بېكىتىش كېرەك؟ بۇنىڭدا كونكرېت دېلونى كونكرېت بىر تەرەپ قىلىشقا ھەم بۇ «زۆرۈر»لۈكنىڭ دەرىجىسىنىڭ قانچىلىكلىكىگە قاراشقا توغرا كېلىدۇ. ئەگەر ئايالنىڭ ئەرنىڭ ھاياتىغا، ساغلاملىقىغا خەۋپ ئېلىش كېلىش ئېھتىمالى بولسا ياكى ئايال تويدىن كېيىن باشقىلار بىلەن بۇزۇقچىلىق قىلىپ بويىدا قالغانلىقىنى ئېتىراپ قىلغان بولسا ۋە بۇنىڭ ھەقىقەتەن راستلىقى تەكشۈرۈپ ئېنىقلانغان بولسا، بۇلارنىڭ ھەممىسى «ھەقىقەتەن زۆرۈر» دېگەن دائىرىگە كىرىدۇ.
قانۇنچىلىق گېزىتىدىن ئېلىندى