ئۈرۈمچى غەربىي شىمال ئاياللار دوختۇرخانىسى قاتارلىق تۆت داۋالاش ئورنى قانۇنغا خىلاپ ھالدا داۋالاش ئېلانى بەرگەنلىكتىن، يېقىندا بىر قىسىم بۆلۈملىرىنىڭ داۋالاش كىنىشكىسىنى بىكار قىلىش، ئىشتىن توختىتىپ تەرتىپكە سېلىش جازاسى بېرىلدى. داۋالاش ئېلانلىرىنى كۈندىلىك كۆزىتىش ئەھۋالى ۋە ئاممىنىڭ پاش قىلىشىغا ئاساسەن، ئۈرۈمچى خۇاشيا دوختۇرخانىسى، ئۈرۈمچى ئەيدېخۇا دوختۇرخانىسى، ئۈرۈمچى غەربىي شىمال ئاياللار دوختۇرخانىسى قاتارلىق تۆت داۋالاش ئورنىنىڭ قانۇنغا خىلاپ ھالدا داۋالاش ئېلانى بەرگەنلىكى مەلۇم بولدى. ئاپتونوم رايونلۇق سەھىيە نازارىتىنىڭ سەھىيە نازارەتچىلىكى ئورنى يۇقىرىدا ئېيتىلغان داۋالاش ئورۇنلىرىنى كۆپ قېتىم ئاگاھلاندۇرغان ۋە ئۈرۈمچى شەھەرلىك سەھىيە ئىدارىسىگە ئالاقە ئەۋەتىپ ئومۇمىي ئۇقتۇرۇش قىلغان بولسىمۇ، ئۇلار داۋاملىق قانۇنغا خىلاپ ھالدا داۋالاش ئېلانى بەرگەن.

  ئىگىلىنىشىچە، 2007-يىلى 1 –يانۋاردىن ئېتىبارەن داۋالاش ئېلانىنى باشقۇرۇش چارىسى يولغا قويۇلغاندىن بۇيان، داۋالاش ئېلانلىرىدا داۋالاش تېخنىكىسى، كېسەلنىڭ نامى، دورا ئاتالغۇلىرى قاتارلىقلارنى ئېلان قىلىشقا، مۇبالىغە قىلىپ تەشۋىق قىلىشقا بولمايدىغانلىقى ئېنىق بەلگىلەنگەن. بۇ تۆت دوختۇرخانا بەلگىلىمىگە ئېغىر خىلاپلىق قىلىپلا قالماي، ئاگاھلاندۇرۇلغاندىن كېيىنمۇ خاتالىقىنى تۈزىتىشنى رەت قىلىپ، مەسىلىنى ئېغىرلاشتۇرۇۋەتكەن.

  شۇڭا، ئاپتونوم رايونلۇق سەھىيە نازارىتى داۋالاش ئېلانىنى باشقۇرۇش چارىسىدىكى بەلگىلىمىلەر بويىچە يۇقىرىدىكى تۆت دوختۇرخانىنىڭ داۋالاش ئېلانى تەكشۈرۈلگەنلىك گۇۋاھنامىسىنى قانۇن بويىچە بىكار قىلدى ھەم  ئۇقتۇرۇش چۈشۈرۈلگەن كۈندىن باشلاپ، بىر يىلغىچە ئۇلارنىڭ ئېلان تەكشۈرۈش ئىلتىماسىنى قوبۇل قىلماسلىقنى قارار قىلدى. شۇنىڭ بىلەن بىللە، داۋالاش ئېلانىنى باشقۇرۇشنى كۈچەيتىپ ۋە قانۇن  نىزامنىڭ كۈچىنى نامايان قىلىپ، خەلقنىڭ  ساغلاملىقىغا كاپالەتلىك قىلىش ئۈچۈن، ئاپتونوم رايونلۇق سەھىيە نازارىتى ئۈرۈمچى شەھەرلىك سەھىيە ئىدارىسىنى ئۈرۈمچى خۇاشيا دوختۇرخانىسىنىڭ تاشقى كېسەللەر بۆلۈمى، ئاياللار كېسەللىرى بۆلۈمى، ئۈرۈمچى  ئەيدېخۇا دوختۇرخانىسىنىڭ ئاياللار كېسەللىرى بۆلۈمىنىڭ داۋالاش كىنىشكىسىنى بىكار قىلىشقا؛ ئۈرۈمچى غەربىي شىمال ئاياللار دوختۇرخانىسىنى ئىككى ھەپتە تاقاپ تەرتىپكە سېلىپ، لاياقەتلىك بولغاندىن كېيىن، ئاندىن دوختۇرخانىنى ئېچىشىغا رۇخسەت قىلىشقا بۇيرۇدى. 

ئۈرۈمچى خۇاشيا  دوختۇرخانىسى    乌鲁木齐华夏医院

ئۈرۈمچى  ئەيدېخۇا  دوختۇرخانىسى    乌鲁木齐爱德华医院

ئۈرۈمچى غەربىي شىمال ئاياللار دوختۇرخانىسى    乌鲁木齐西北女子医院
                                                  ئۇيغۇرلاردا تىبابەت تورى


[ بۇ يازما چالىقۇشى تەرپىدىن 2007-10-29 13:28 دە قاي ]