ھېكمەت خاتىرەمدىن ئۈنچىلەر....

***تۇرمۇش ھەرخىل ئىدىيە بىلەن تولغان جەڭ مەيدانى. ***تارىخ ھەر قانچە ئېچىنىشلىق بولسىمۇ ئۇنى ئەسلەش كېرەك. ***ئىنساننىڭ قەدىر-قىممىتى ئۇنىڭ ئېرىشكىنى بىلەن ئەمەس،بەلكى تەقدىن قىلغىنى بىلەن ئۆلچىنىدۇ. ***دۇنيادىكى ئەڭ بەخىتلىك كىشىلەر،ئەڭ بەخىتسىز كىشىلەر ۋاز كەچكەن نەرسىلەردىن ۋاز كەچمىگەن كىشىلەردۇر. ***ئادەمنىڭ قىممىتى ئانىغا،خىسلىتى ئاتىغا باغلىق بولىدۇ. ***چاناققا پاتمىغان ياش،يۈرەككە قان بولۇپ تامىدۇ. ***چېپىلغاق دەشنالغا يېقىن،كۆڭۈلچەك پۇشايمانغا. ***دۇنيادىكى ئدڭ پەسكەشلىك ۋە نامەردلىك-باشقىلارنىڭ ئازابى بەدىلىگە خۇشاللىققا ئېرىشىش. ***ئاڭلىغانغا ئىشىنىۋېرىش،كىشىنى كۆرگەنگىمۇ ئىشەنمەس قىلىۋېتىدۇ. ***بەش بارماق يۇمۇلمىغىچە مۇشقا ئايلانماس. ***ئادەم ھاياتى ياغاچ بۆشۈكتىن يەر بۆشۈكىگىچە. ***ئالا كۆڭۈلنىڭ كۆڭلى قىشتىكى قۇياشقا ئوخشايدۇ،ئۇ ھەر قانچە پارلاپ تۇرسىمۇ ساڭا بەرىبىر ھارارەت ئاتا قىلالمايدۇ. ***سۆز ئېغىزدىن چىققۇچە ئادەم سۆزنى باشقۇرىدۇ،ئېغىزدىن چىققاندىن كېيىن سۆز ئادەمنى باشقۇرىدۇ. ***دوستۇڭنىڭ ساداقەتسىزلىكى ھاياتىڭنى،سۆيگۈنىڭنىڭ ساداقەتسىزلىكى قەلنىڭنى ئۆلتۈرىدۇ. ***تۈنۈگۈن بۈگۈن ئۈچۈن جاۋاپ،بۈگۈن ئەتە ئۈچۈن سوئال. ***باشقىلاردىن <<سەن كىم >> دېگەن سوئالنە سوراپ تۇرغىچە ئۆزۈڭدىن <<مەن كىم >>دېگەن سوئالنى سوراپ تۇر. ***ئاداۋەت ئانچە ئۇزاق داۋاملاشسا،قىساسى شۇنچە چوڭقۇر بولىدۇ. ***سەن سەل قارىغان ئىش بۇرنۇڭغا دەل تەگكەن مۇش. ***نادامەتتە قالماي دېسەڭ،نامەرتلەرنىڭ قولىغا سۇ بەرمە. ***ھەقىقەتنى چۈشۈنۈپ يەتكەن ۋاقتىڭدا ئاللىقاچان سەپسەتە ئىچىدە ياشاۋاتقانلىقىڭنى ھېس قىلىسەن. ***تىلىمىز ئوخشاش بولغىنى بىلەن دىلىمىز ئوخشاش بولمىسا بىز يەنىلا ئىككى قۇتۇپتىكىلەر. ***تارىخ-ھېكمەت تەربىيە بەرگۈچى بوۋاي؛ھازىر-ئىشچان تىرىشچان،مەسھۇلىيەتچان دادا؛كەلگۈسى-بەخت،ئامەت،قۇت تەلەيگە ئىنتىزار بالا. ***تاغدەل خاتالىق ئۆتكۈزۈپ قويۇپمۇ ئاناڭنىڭ ئادىغا بېرىپ قۇچىقىغا بېشىڭنى قويغىن،ئۇنىڭ يۈرۈكى شۇ تاپتا شۇررىدە ئېرىپ،سېنى چىن دىلىدىن كەچۈرىۋېتىدۇ.ئانا قەلبى ئەنە شۇنداق كەڭ ھەم ئىللىق.

كۆرۈلۈشى:1053

قوشۇلغان ۋاقتى:2013/4/8 15:26:44

يوللىغۇچى ئەزا:admin