ھەر قايسى پەن ئوقۇتقۇچىلىرىنىڭ ئەرلەرگە بەرگەن باھاسى；

جۇغراپىيە ئوقۇتقۇچىسى: ئەرلەر ھاۋارايىغا ئوخشايدۇ، ئۇنىڭ نېگىزىنى ئۆزگەرتىش مۇمكىن ئەمەس. ئاياللار سىم - سىم يامغۇرغا ئوخشايدۇ، ئەمما ئۇلارنى ئەرلەرلا ھەم ياغدۇرالايدۇ، ھەم توختىتالايدۇ. 　　ئەدەبىيات ئوقۇتقۇچىسى: ئەرلەر ۋەقەلىككە تويۇنغان بىر رومان، ئۇنى ئاياللارلا ئوقۇيالايدۇ. ئاياللار گۈزەل بىر شېئىر، ئەمما ئۇنى ئەرلەر يازىدۇ، ئاياللار ئۆزلىرى ئوقۇيدۇ. 　　پىسخولوگىيە ئوقۇتقۇچىسى: ئەرلەر پالچىغا ئوخشايدۇ، ئۇلار سىزگە نېمە قىلىشىڭىز كېرەكلىكىنى ئېيتىپ بېرىدۇ، ئەمما نەتىجىسى كۆپىنچە ھالدا خاتا چىقىدۇ. ئاياللارمۇ پالچىغا ئوخشايدۇ، ئەممە ئۇلار ئۆزلىرى پال سېلىپ، ئۆزلىرى ئىشىنىپ يۈرىدۇ. 　　ئىقتىساد پەنلىرى ئوقۇتقۇچىسى: ئەرلەر مال ساتقۇچىغا ئوخشايدۇ، ئۇلارنىڭ ياغلىما گېپىگە ئاسانلىقچە ئىشەنگىلى بولمايدۇ. ئاياللار مال سېتىۋالغۇچىغا ئوخشايدۇ، ئۇلار مال ساتقۇچىنىڭ گەپلىرىگە ئىشەنمەسلىكى كېرەكلىكىنى بىلىپ تۇرۇپ ئىشىنىدۇ ۋە مال سېتىۋالىدۇ. 　　گېئولوگىيە ئوقۇتقۇچىسى: ئەرلەر يانار تاغقا ئوخشايدۇ، يىراقتىن تولىمۇ ھەيۋەتلىك كۆرۈنىدۇ، ئەمما دائىم پارتلايدۇ. ئاياللار قاشتېشىغا ئوخشايدۇ، نۇرغۇن ئەرلەر كۆزى ئوچۇق تۇرۇپمۇ سۈزۈك قاشتېشىنى تاپالمايدۇ، يەنە نۇرغۇن ئەرلەر كۆزىنى ئېتىپ قويسىڭىزمۇ ئەڭ ياخشى قاشتېشىنى تاپالايدۇ، بىراق ئېسىڭىزدە بولسۇنكى، ئەڭ ياخشىسىنى تېپىۋالغان ئەرلەر ئەڭ ئىشەنچسىزدۇر. 　　مۇزىكا ئوقۇتقۇچىسى: ئەرلەر مەڭگۈلۈك ساز، ئۇنى ئاياللار چالىدۇ، ئەرلەر ئۆزلىرى ئاڭلايدۇ. ئاياللار لىرىك ناخشا، لېكىن ئۇنى ئەرلەر بۇزۇپ ئېيتىدۇ. 　　تىل ئوقۇتقۇچىسى: ئەرلەر ئۇزۇن قۇلاق، ئەمما ئايالىنىڭ گېپىنى ئاڭلىيالمايدۇ؛ ئاياللار پاڭ، ئۇلار بىر - بىرى بىلەن پاراڭلاشقاندا ھېچكىمنىڭ گېپىنى ھېچكىم ئاڭلىيالمايدۇ، ئەمما ئەرلىرىنىڭ پىچىرلاپ قىلغان گېپىنى ئاڭلىۋالىدۇ. 　　ماتېماتىكا ئوقۇتقۇچىسى: ئەرلەر مۇرەككەپ تەڭلىمە، ئۇلار ئاياللارنىڭ يېشىۋېتىشىنى خالىمايدۇ، ئاياللار ئاددىي تەڭلىمە، ئەمما ئەرلەر ھەرقانچە قىلىپمۇ ئۇنى يېشەلمەيدۇ.

كۆرۈلۈشى:1168

قوشۇلغان ۋاقتى:2011/11/15 19:52:22

يوللىغۇچى ئەزا: