شاماللار يەتكۈزدى سېغىنىشىڭنى

بىل،جېنىڭ ئولتۇرار كونا جايدا دەپ،    سېنىلا سېغىنىپ خىيال سۈردى دەپ،     ئۇخلىماي چۈشىدە سېنى كۆردى دەپ،  شاماللار يەتكۈزدى سېغىنىشىڭنى.   ھەر كېچە ئۇتۇڭدا قىينالدىغۇ دەپ،  سېغىنىش يىپىنى ئۈزەلمىدى دەپ،      تۈنلەرنى ئۇلىدى كۈندۈزلەرگە دەپ ، شاماللا يەتكۈزدى سېغىنىشىڭنى. شاماللار ماڭا قەلىب تىۋىشلىرىڭنى يەتكۈزدى جېنىم،شاماللاردىن  مىنى سېغىنغىنىڭنى ئاڭلاپ بىردە خۇشال بولسام، بىردە بىئارام بولدۇم، يۈرەكلىرىم يالغۇزلۇق ئازاۋىدا قىينىلىۋاتقان يىگانە دەرەختەك چاڭقاق قەلبىڭ نالىلىرىگە  چىدىماي ياش تۆكتى... ،مىنى سېنى  سېغىنمىدى دەمسەن؟ شۇ قەدەر سېغىندىمكى لەيلى، مەجنۇنىنى سېغىنغاندەك، زۆھرە،تاھىرسىنى سېغىنغاندەك، سەنەم ،غېرىپىنىسېغىنغاندەك... سېنى ھەر بىر رەت سېغىنغىنىمدا ،سىنىڭ بىلەن بىرگە يۈرگەن گۈزەل كۈرۈنۈشلەرنى خىيال ئىكرانىمدىن ،خۇددى كنو لىنتىسىدەك بىر-بىرلەپ ئۆتكۈزۈپ چىقىمەن...نىمە دېگەن، شېرىن، نىمە دىگەن گۈزەل مىنۇتلار-ھە! دۇنيادا ئىككىمىزدىن بەخىتلىك ئادەم بولمىسا كېرەك دەپ ئويلايىتتىم، كىم بىلسۇن قارا قىسمەتنىڭ ،بىزنى ھىجرانلار چۆلىگە سۈرگۈن قىلىشىنى... ھەر ۋاقلىق نامىزىمدا ئاللاھتىن قايتا جەم بۇلۇشىمىزنى تىلەيمەن ،سەنمۇ تىلە جېنىم، ئاللاھ بىزدەك ئامراق  بىر جۈپ-ئاشىق مەشۇقنى ھامان بىر كۈنى  جەم قىلىپ مۇرادىمىزغا يەتكۈزىدۇ.چېدا جېنىم، جىسمىم ساڭا ھەمراھ بۇلالمىسىمۇ،روھىم ھەمىشە سەن بىلەن بىللە،سنىڭدىن بىر مىنۇتمۇ ئايرىلمايدۇ، سەن بىلەن ئۈنتسىز مۇڭدىشىدۇ، ھالىڭدىن خەۋەر ئالىدۇ ... ئىشەن ،ھامان جەم بۇلىدىغىنىمىزغا ئىشەن! سېنى مەڭگۈ سۈيۈپ: يىراقتىكى ئاشىقىڭدىن.

كۆرۈلۈشى:1004

قوشۇلغان ۋاقتى:2012/1/18 18:25:12

يوللىغۇچى ئەزا: