مۇھەببەتنىڭ تەمى

ئەرنىڭ نەزەرىدىكى مۇھەببەت   دەسلەپ تونۇشقاندا : ئۇ خۇددى بىر پەرىشتە . مۇھەببەتلىشىۋاتقاندا : ئۇ دۇنيا بويىچە ئەڭ ياخشى قىز ، مەن چوقۇم ئۇنىڭ بىلەن توي قىلىمەن .   توي قىلىپ بىر يىل بولغاندا : مېنىڭ خوتۇنۇم ھەر ھالدا يامان ئەمەس ، قەدىردان رەپىقە بولۇشقا لايىق ، پەقەت بەزىبىر ئۇششاق ئىللەتلىرى بار ، تۇرۇپ -تۇرۇپلا سەپرالىشىپ قالىدۇ .   توي قىلىپ بەش يىل بولغاندا : ئۇ بارغانسېرى تېتىقسىزلىششقا باشلىدى ، بارغانسېرى ئازازۇل بولۇپ كېتىۋاتىدۇ .   توي قىلىپ 10يىل بولغاندا : ئۇ دۇنيا بويىچە ئەڭ سەت ، ئەڭ بېشەم ، ئەڭ غەرەز ئۇقمايدىغان خوتۇن . نېمىشقىمۇ ئۇنىڭ بىلەن توي قىلغان بولغىيتتىم ؟   توي قىلىپ 20يىل بولغاندا : ئۇنىڭ ئاشۇ كەمچىلىكلىرى ، مىجەزىنىڭ ئوساللىقىنى دېمىگەندە ، ئەپلەپ - سەپلەپ ئۆتۈپ كەتكىلى بولىدۇ .   توي قىلىپ 30 يىل بولغاندا :ئۇ ناھايىتى غەرەز ئۇقىدۇ ، ئادەمنىڭ كۆڭلىنى چۈشىنىدۇ ، تۇرمۇشتا ناھايىتى ئىدىتلىق .   توي قىلىپ 40 يىل بولغاندا : كەمپىرىم ھەقىقەتەن يامان ئەمەس ، ئائىلە باشقۇرۇشتا ئوبدانلا پەمى بار ،   سىرتلاردىمۇ بىرەر ئىشنىڭ ھۆددىسىدىن چىقالايدۇ ، ئۇ دۇنيادىمۇ چوقۇم ئۇنڭ بىلەن توي قىلىمەن .   ئۇ ئالەمدىن ئۆتتى : ئېيتقۇسىز ئازابقا قالدىم ، چۈنكى ، مەن دۇنيادىكى ئەڭ ياخشى ئايالدىن ئايرىلىپ قالدىم .   ئايالنىڭ نەزەرىدىكى مۇھەببەت    دەسلەپ مۇھەببەتلەشكەندە : دۆت ھەم ھاڭۋاقتى ، ھەقىقەتەن سېپى ئۆزىدىن ھاماقەت .   مۇھەببەتلىشىۋاتقاندا : ئۇ بەكلا ياۋاش ، ئەمما بەك قۇلۇقى يۇمشاق ، ئادەمنىڭ ئىچىنى كۆيدۈرىدۇ ، مەن ئۇنىڭغا تېگەرمەنمۇ ؟   توي قىلىپ بىر يىل بولغاندا : مېنىڭ ئېرىم ھەر ھالدا بولىدۇ ، غەرەز ئۇقىدۇ ، ئادەمگە كۆيۈنۈشنىمۇ بىلىدۇ ، تېخى ئازراق سېھرى كۈچىمۇ بار .   توي قىلىپ بەش يىل بولغاندا : ئۇنىڭ ئادەتتىكى ئادەم ئەمەسلىكىنى ، ئەقىل - پاراسەتلىك ، تالانتلىق ، كامالەتكە يەتكەن ئەر ئىكەنلىكىنى ئەمدى بىلدىم .   توي قىلىپ 10يىل بولغاندا : ئۇ دۇنيادىكى ئەڭ ياخشى ئادەم ، ئۇ بولمىغان بولسا قانداق ياشايدىغانلىقىمنى ھەقىقەتەن بىلمەيمەن .   توي قىلىپ 20 يىل بولغاندا : ھەي ، ئۇنىڭ ماختاشقا ئەرزىگۈدەك يەرلىرى بارغانسېرى ئازىيىپ كېتىۋاتىدۇ ، ناھايەت ئۇنىڭ تۇرقىلا بىر ئەر كىشى .   توي قىلىپ 30 يىل بولغاندا : ئۇنىڭ ئىللەتلىرى بارغانسېرى كۆپىيىۋاتىدۇ ، ھورۇن ،گالۋاڭ ، جاھىل ، ئىقتىدارسىز...    توي قىلىپ 40 يىل بولغاندا : دۆت ھەم گالۋاڭ ، ئالجىغان قېرى .    ئۇ ئالەمدىن ئۆتتى : بۇ ئۆلگۈر قېرى مېنى بىر ئۆمۈر داغدا قويدى ، مېنى تاشلاپ قويۇپ ئۆزى كېتىپ قالدى .

كۆرۈلۈشى:507

قوشۇلغان ۋاقتى:2012/1/4 18:58:44

يوللىغۇچى ئەزا: