كىتاب ئۇقۇشنىڭ پايدىلىق تەرەپلىرى

ئېزىز ھەسەن كىتاب-بىلىم بۇلىقى.ئادەم كىتاب ئۇقۇسا روھى ئوزۇققا ئىگە بولۇپلا قالماستىن،بىلىمىمۇ ئاشىدۇ، شۇنداقلا سالامەتلىكىمۇ پايدىلىق.كىتاب ئۇقۇش بىلەن سالامەتلىك قارىماققا ئىككى خىل ئۇقۇمدەك كۈرۇنسىمۇ ،پىسخولوگىيە نوقتىسىدىن قارىغاندا ،كىتاب ئۇقۇش بىلەن سالامەتلىك ئوتتۇرسىدا ھەقىقەتەن مۇئەييەن باغلىنىش بار. گېرمانىيىلىك دوختۇرلار ئاغرىقلار ئۈچۈن كۇتۇپخانا قۇرۇپ،كىتاب ئۇقۇش ئارقىلىق كېسەل داۋالاپ،سوزۇلما خاراكتىرلىك كېسەلگە گىرىپتار بولغانلارنىڭ سالامەتلىكىنىڭ ئەسلىگە كىلىشىنى تېزلەتكەن. ئىتالىيە«شىپالىق شېئىر چەكلىك شىركىتى'» قۇرۇپ،ھەرخىل كېسەلگە مەلۇم دەرىجىدە شىپالىق رولى بار دەپ قارالغان شېئىرلارنى نەشىر قىلدۇرۇپ،ئاغرىقلارنىڭ ئۇقۇشىنى تەۋىسيە قىلدىكەن.   ئۇنداقتا كىتاب ئۇقۇشنىڭ سالامەتلىككە قانداق پايدىسى بار؟ 1.چوڭ مېىڭنىڭ فۇنكىسىيەسىنى كۈچەيتىشكە پايدىلىق. ئادەمنىڭ چوڭ مېڭىسى ئىشلەتكەنسىرى ئۆتكۇرلىشىدۇ،كىتاب ئۇقۇش ئادەمنىڭ تەپەككۇر قىلىشىنى تىزلىتىدۇ. كىتابتا سۆزلەنگەن مەزمۇنلارنى ئەستە ساقلاش ئارقىلىق چوڭ مېڭىنىڭ قان ئايلىنىشىنى تىزلەتكىلى ئادەمنىڭ ئەقلى قابىليىتىنى ئاشۇرغىلى بولىدۇ. بۇ ئارقىلىق پۇتۇن بەدىندىكى ھەر قايسى ئەزا ۋە سىستىمىلارنىڭ ئىقتىدارى تۇلۇق تەڭشىلىپ ۋە جارى قىلدۇرۇلۇپ.روھى،جىسمانى جەھەتتىن بالدۇر زەئىپلىشىشنىڭ ئالدى ئېلىنىپ،ئۇزۇن ئۆمۈر كۆرۇش مەقسىتىگە يەتكىلى بولدۇ. 2.ئادەمنىڭ نەزەر دائىرسىنى كېڭەيتىپ روھى كەيپىياتىنى تەڭشەشكە پايدىلىق. بىزدە:« بىر ياخشى كىتاب ئۇقۇساڭ،نۇرغۇن ئالىجاناپ كىشىلەر بىلەن سوھبەتلەشكەندەك بولسۇن »دېگەن گەپ بار. ئادەم بىر ياخشى كىتاب ئۇقۇغاندىن كىيىن يېڭى تۇيغۇ،يېڭى بىلىم،يېڭى تەسىراتقا ئىگەبولدۇ.كىتابتا سۆزلەنگەن ۋەقەلىكلەر ،گۈزەل ئەسلىمىلەر،ئېسىل بايانلار ئادەمنىڭ قەلبىنى ھاياجانغا سېلىپ،ئۆگىنىش،ئىجاد قىلىش تۇيغۇسى بەخىش ئېتىدۇ. ئادەم ئوڭۇشسىزلىققا ئۇچىراپ ئۈمۇدسىزلەنگەندە ياكى بىرەرە كۆڭۈلسىزلكىككە يۇلۇققاندا ئىمكان بار كىتاب ئۇقۇسا،بارلىق كۆڭۈلسىزلىكلەرنى ۋە بولمىغۇر خىياللارنى ئۇنتۇپ،روھى كۆتۇرلۇپ،ئۈمۇدكە تولىدۇ.بۇ ھەقتە ماركىس:«بىرخىل ياخشى كەيپىيات فىزىلۇگىيىلىك چارچاش ۋە ئازاپنى 10خىل ئېسىل دورىغا قارىغاندا تېخىمۇ ياخشى تۇگۇتەلەيدۇ»دېگەن. 3.ئاغرىقىنىڭ سالامەتلىكىنىڭ ئەسلىگە كېلىشىنى ئىلگىرى سۈرۇشكە پايدىلىق. ئاستا خارەكتىرلىك كېسەللىكلەرگە گىرىپتار بولغان ئاغرىقلار تۇرمۇش بىلىملىرى،تېببى ساۋات،ساقلىقنمى ساقلاش،داۋالاشقا دائىر مەزمۇنلاردىكى كىتابلارنىڭ ئۇقۇسا،سالامەتلىكنىڭ ئەسلىگە كىلىشىنى ئىلگىرى سورىدۇ.بۇنىڭ ئىپادىللىرى توۋەندىكلىچە:1.كىتاب ئۇقۇش ئارقىلىق ئاغرىقنىڭ تېبابەتچىلىككە ئائىت بىلىمى ئېشىپ شۇ خىلدىكى كېسەللىك توغرىسىدا بەزى مۇجىمەل،خاتا كۆز قاراشلارنى تۈگىتەلەيدۇ،بۇنىڭ بىلەن ئۆزىنىڭ كېسىلىنى داۋالاشقا قوللىدىنغان ئۇسۇللارنى،دېققەت قىلىشقا تىگىشلىك نوقتىلارنى تېخىمۇ ئەتىراپلىق چۇشىنىۋالالايدۇ. دوختۇرلار بىلەن تېخىمۇ كۆپرەك پىكىر ئالماشتۇرۇش،مەسلەھەتلىشىش ئىمكانىيىتىگە ئىگە بولۇپ،داۋالىنىشتا تەشەببۇسكار ئۇرۇندا تۇرالايدۇ.2.كىتاب ئۇقۇش ئارقىلق قورقۇش،ئۈمۇدسىزلىنىش،ئۆزىنى ئەيىبلەش قاتارلىق روھى ھالەتنى تۇگەتكىلى ۋە ساقىيىش ئىشەنچىسىنى ئاشۇرۇپ سالامەتلىكىنىڭ ئەسلىگە كېلىشىنى ئىلگىرى سورەلەيدۇ.3.كىتاب ئۇۇش ئارقىلىق كېسەلنى ۋاقىتلىق بولسىمۇ ئۇنتۇپ،روھى ۋە جىسمانى جەھەتتىكى جىددىيلىشىشتىن قۇتۇلغىلى بولدۇ. مەنبە:ئۈرۇمچى كەچلىك گېرىتى

كۆرۈلۈشى:1461

قوشۇلغان ۋاقتى:2011/11/15 20:09:24

يوللىغۇچى ئەزا:ئاتايار