ئەرەبچە نامى: قەشرى رومان

پارسچە نامى: پوستى ئانار

خەنزۇچە نامى: 石榴皮

تونۇش: بۇ ئانار ئائىلىسىدىكى ئۆسۈملۈك دەرىخىنىڭ مېۋىسىنى كۈزدە پىشقاندا يىغىۋېلىپ، ئانار دانىلىرى ئايرىۋېتىپ قالغاندىن كېيىنكى قۇرۇتۇلغان پوستىدىن ئىبارەت بولۇپ، <ئانار پوستى> نامىدا دورىغا ئىشلىتىلىدۇ. 

تەبىئىتى: قۇرۇق سوغۇق.

شىپالىق رولى: ئارتۇق ھۆللۈكنى قۇرۇتۇش، پەينى چىڭىتىش، قۇرت ئۆلتۈرۈش، ئىچ سۈرۈش ۋە قاناشنى توختىتىش، مەنىينى قويۇلدۇرۇش قاتارلىق خۇسۇسىيەتلەرگە ئىگە. 

ئىشلىتىلىدىغان كېسەللىكلەر: ئۇزۇنا سوزۇلغان ئىچ سۈرۈش، تولغاق، قانلىق تەرەت، مەقئەت چىقىپ قېلىش، مەنىي سۇيۇلۇپ كېتىش، قان تۈكۈرۈش، ئۈچەي مەددە قۇرتى، قان قۇسۇش، بالىياتقۇ قاناش قاتارلىقلاردا ئىشلىتىلىدۇ. 

ئىشلىتىش ئۇسۇلى: قاينىتىپ ھەسەل قوشۇپ ئىچىلىدۇ ياكى مۇناسىپ دورىلار بىلەن قوشۇپ قاينىتىپ ھەسەل قوشۇپ ئىچىلىدۇ. 

ئىشلىتىش مىقدارى: 3-9 گرام.

زىيانلىق تەسىرى: قەۋزىيەت پەيدا قىلىدۇ.

تۈزەتكۈچىسى: ھەسەل

ئورۇنباسارى: ئانارگۈلى.

چىقىش ئورنى: ئېلىمىزنىڭ ھەم رايونىمىزنىڭ ھەممە يەرلىرىدىن چىقىدۇ ۋە ئۆزبېكىستان، پاكىستان قاتارلىق قوشنا ئەللەردىنمۇ چىقىدۇ.