ئەرەپچە نامى: ئەنزىرۇت، غەزرۇت

پارسچە نامى: كەھۇل كىرمانى

ئوردۇچە نامى: لائى

خەنزۇچە نامى: 甘草味胶

تونۇش: بۇ بىرخىل تىكەنلىك دەرەخنىڭ يېلىمى بولۇپ، ئەنزىرۇت ياكى گۆشخور نامىدا دورا ئورنىدا ئىشلىتىلىدۇ.

تەبىئىتى: ئىككىنچى دەرىجىدە قۇرۇق ئىسسىق.

شىپالىق رولى: ئارتۇق ھۆللۈكنى قۇرۇتۇش، توسالغۇلارنى ئېچىش، يەل تارقىتىش، ئىششىق قايتۇرۇش، يارىلارنى قۇرۇتۇش قاتارلىق خۇسۇسىيەتكە ئىگە.

ئىشلىتىلىدىغان كېسەللىكلەر: بوغۇم ئاغرىقى، ئولتۇرغۇچى نېرۋا ئاغرىقى، ھەرخىل يىرىڭلىق جاراھەتلەر، قۇلاق ئاغرىقى ۋە قۇلاق ئېقىش كېسەللىرى قاتارلىقلاردا ئىشلىتىدۇ.

ئىشلىتىش ئۇسۇلى: يۇمشاق سوقۇپ جاراھەتكە سېپىلىدۇ ياكى مەلھەم تەييارلاپ ئىشلىتىدۇ ھەم مۇرەككەپ دورا تەركىبىگە قوشۇلىدۇ. 

ئىشلىتىش مىقدارى: 0.5-3 گرام.

زىيانلىق تەسىرى: ئۈچەيگە زىيان قىلىدۇ.

تۈزەتكۈچىسى: بادام يېغى، كەتىرا.

ئورۇنباسارى: باراۋەر مىقداردا سەبرى.

چىقىش ئورنى: ئۆزبېكىستان، تۈركمەنىستان قاتارلىق ئەللەردىن چىقىدۇ.