تەركىبى: دۇرنەج ئەقرەبى 6 گرام، زورەمبات 6 گرام، كۇشتە قىلىنغان مەرۋايىت 6 گرام، كەھرىۋا 6 گرام، بىخ مارجان 6 گرام، قىرقىلغان پىلە 18 گرام، ئاق بەھمەن 15 گرام، قىزىل بەھمەن 15 گرام، سۇمبۇل ھىندى 15 گرام، سازەچ ھىندى 15 گرام، قاقىلە 15 گرام، قەلەمپۇر 15 گرام، ئۆشنە 12 گرام. پىلپىل 12 گرام، توم زەنجىۋىل 12 گرام، ئىپار 15 گرام، ھەسەل 480 گرام. 

تەييارلىنىشى: دورىلارنى يۇمشاق سوقۇپ ئەلگەكتىن ئۆتكۈزۈپ، ھەسەلنى سۇس ئوت بىلەن بىر ئۆرلىتىپ كۆپۈكىنى ئېلىۋېتىپ، قىرقىلغان پىلە ئارىلاشتۇرۇپ، ھەسەل سوۋۇغاندىن كېيىن ئاۋال ئىپارنى، ئاندىن كېيىن سوقۇلغان دورىلارنى ئارىلاشتۇرۇپ تەييارلىنىدۇ. 

تەسىرى: يۈرەك، مېڭە، ئاشقازان، ئومۇمىي بەدەننى قۇۋۋەتلەش، نېرۋىنى تىنىچلاندۇرۇش، نەپەسنى راۋان قىلىش، قان كۆپەيتىش، رەڭگىرويىنى چىرايلىق قىلىش تەسىرىگە ئىگە. 

ئىشلىتىلىشى: يۈرەك تىترەش،  يۈرەك سانجىقى، نېرۋا ئاجىزلىقتىن بولغان خىيالپەرەسلىك، ئۇنتۇغاقلىق، سوغۇقتىن بولغان پالەچ، لەقۋا، مۇۋاسىل، رەئىشە، دەم سىقىلىش ئۈچۈن ئىشلىتىلىدۇ. 

ئىشلىتىش مىقدارى:  چوڭلار بىر كۈندە ئىككى قېتىم بەش گرامدىن، كىچىكلەرگە مۇۋاپىق ئازايتىپ بېرىلىدۇ.