تەركىبى: سانايى مەككى 15 گرام، قارا ھېلىلە 7.5 گرام، يەر باغرى 15 گرام، بىستىپايەج 7.5 گرام، ئاق تۇربۇت 7.5 گرام. ئەفتىمون 7.5 گرام، سەرسىبىل 30 گرام، ئەنزىرۇت 10 گرام، كۆكنار پوستى 15 گرام، پىننە 10 گرام، چۆبىچىن 15 گرام، گاۋزىبان ھىندى 12 گرام، كۇشتە قىلىنغان سەرتان 15 گرام، قىزىلقولتۇق پاقا 10 گرام، ھەسەل 1500 گرام.

تەييارلىنىشى: دورىلارنى يۇمشاق سوقۇپ ئەلگەكتىن ئۆتكۈزۈپ، ھەسەلنى سۇس ئوت بىلەن بىر ئۆرلىتىپ كۆپۈكىنى ئېلىۋېتىپ، ھەسەل سوۋۇغاندىن كېيىن سوقۇلغان دورىلارنى ئارىلاشتۇرۇپ تەييارلىنىدۇ. 

تەسىرى: قان تازىلاش، ياللۇغ قايتۇرۇش، زەھەر قايتۇرۇش، مۇرەككەپ يەللەرنى تارقىتىش ۋە ھەرخىل ئاياللار كېسەللىكلىرىنى داۋالاش تەسىرىگە ئىگە. 

ئىشلىتىلىشى: قىچىشقاق، تەڭگە تەمرەتكە، بالىياتقۇ ياللۇغى، بالىياتقۇ سۇلۇق مۇسكۇل ئۆسمىسى، بالىياتقۇ راكى، داس بوشلۇقى ياللۇغى، جىنسىي يول ياللۇغى ۋە ھەرخىل راك كېسەللىكلىرى ئۈچۈن ئىشلىتىلىدۇ. 

ئىشلىتىش مىقدارى: چوڭلار بىر كۈندە ئىككى قېتىم ئون گرامدىن، كىچىكلەرگە مۇۋاپىق ئازايتىپ بېرىلىدۇ.