تەركىبى: پىلپىل 9 گرام، قارىمۇچ 9 گرام، توم زەنجىۋىل 9 گرام، قوۋزاقدارچىن 9 گرام، ئامىلە پوستى 9 گرام، بەلىلە پوستى 9 گرام، شەترەنجى ھىندى 9 گرام، يۇمىلاق زىراۋەندە 9 گرام، سۆئىلەپ مىسرى 9 گرام، نارجىل مۇقەششەر 9 گرام، بابۇنە يىلتىزى 9 گرام، بابۇنە گۈلى 2 گرام، ئاق بەھمەن 6 گرام، قىزىل بەھمەن 6 گرام، جۇزام 6 گرام، بەسباسە 6 گرام، ئاقىرقەرھا ھىندى 6 گرام، سەئىدى كۇفى 6 گرام، سۆرۈنجان مىسرى 3 گرام، ئەرمىدۇن ئۇرۇقى 6 گرام، پەنەرمايە 6 گرام، ئۇد سەلىب 6 گرام، چىلغوزا مېغىزى 9 گرام، زەپەر 3 گرام، قۇندۇز قەھرى 1.5 گرام، پەرپىيۇن 1 گرام، پارپا ھىندى 3 گرام. ھەسەل 950 گرام.

تەييارلىنىشى: دورىلارنى يۇمشاق سوقۇپ ئەلگەكتىن ئۆتكۈزۈپ، ھەسەلنى سۇس ئوت بىلەن بىر ئۆرلىتىپ كۆپۈكىنى ئېلىۋېتىپ، چىلغوزا مېغىزىنى يۇمشاق سوقۇپ ئارىلاشتۇرۇلىدۇ. ھەسەل سوۋۇغاندىن كېيىن ئاۋۋال زەپەرنى، ئاندىن كېين سوقۇلغان دورىلارنى ئارىلاشتۇرۇپ تەييارلىنىدۇ. 

تەسىرى: مېڭە، ئاشقازان، بۆرەك، باھ، ئومۇمىي بەدەننى قۇۋۋەتلەش، ئومۇمىي بەدەندىكى ھۆللۈكنى قۇرۇتۇش، پەينى چىڭىتىش، زېھىننى ئېچىش، رەڭگىرويىنى چىرايلىق قىلىش، قان تولۇقلاش، بۆرەكنى، ئومۇمىي بەدەننى سەمرىتىش، جىنسىي قابىلىيەتنى ئاشۇرۇش، بۆرەكتىكى، دوۋساقتىكى تاشلارنى پارچىلاپ چۈشۈرۈش، ئورۇقلىتىش تەسىرىگە ئىگە. 

ئىشلىتىلىشى: پۇت-قول، بەل ئاغرىقى، جىنسىي ئاجىزلىق، كەم ماغدۇرلۇق، كەم قانلىق، ھۆللۈك ئېشىپ كېتىشتىن بولغان سېمىزلىك، سوغۇقتىن بولغان پالەچ، لەقۋا، تىل ئېغىرلىقىنى ياخشىلاش ئۈچۈن ئىشلىتىلىدۇ. 

ئىشلىتىش مىقدارى: چوڭلار بىر كۈندە ئىككى قېتىم ئون گرامدىن، كىچىكلەرگە مۇۋاپىق ئازايتىپ بېرىلىدۇ.