مەجۈنى دورىلارنىڭ تەرىپى: مەجۈنى دورىلار ھەسەل بىلەن يۇغۇرۇپ تەييارلانغان مۇرەككەپ دورا ياسالمىسى مەجۈن دەپ ئاتىلىدۇ.

مەجۈنى دورىلارنىڭ ئارتۇقچىلىقى: مەجۈن دورىلارنىڭ باشقا دورىلارغا قارىغاندا ئاشقازاندا ھەزىم بولۇشى تېز بولۇپ تېز تەسىر كۆرسىتىدۇ. مەجۈنى دورىلارنىڭ تەمى ياخشى بولۇپ، ئىستېمال قىلىشقا قولايلىق ھەم مەجۈنى دورىلارنىڭ ئىشلىتىلىش دائىرىسى كەڭ بولۇپ، ئەڭ كۆپ ئىشلىتىلىدىغان دورا ياسالمىسى بولۇپ ھېسابلىنىدۇ. مەجۈنى دورىلار سوزۇلما خاراكتېرلىك كېسەللىكلەرگە نىسبەتەن كۆرۈنەرلىك ئۈنۈمگە ئىگە.

مەجۈنى دورىلارنىڭ تەييارلىنىشى ۋە تەلەپ: مەجۈنى دورىلار تەركىبىدىكى يەككە دورىلارنىڭ سان-سۈپىتىگە، ئۈنۈمىگە ئالاھىدە دىققەت قىلىش، مەجۈنى دورىلار تەركىبىدىكى يەككە دورىلارنى يۇمشاق سوقۇپ ئەلگەكتىن ئۆتكۈزۈپ، ھەسەل بىلەن ياكى شېكەرنى قىيام قىلىپ ئۈستىگە ھەسەلنى قويۇپ، كۆپۈكنى ئېلىۋېتىپ، ھەسەل سوۋۇغاندىن كېيىن سوقۇلغان دورىلارنى ئارىلاشتۇرۇپ تەييارلىنىدۇ.