• 2010-12-10

    چەۋەندازلار بلوگىغا بىلەت تاشلاپ قويۇڭ Qawandazlar Blogigha Bilet Tashlap Qoyung - [بىلوگ ئۇقتۇرۇشى]

    چەۋەندازلار بلوگىغا بىلەت تاشلاپ قويۇڭ
    Qawandazlar Blogigha Bilet Tashlap Qoyung

    ئەسسالامۇ ئەلەيكۇم قېرىنداشلار! 2010-يىللىق ئۇيغۇرلارنىڭ <<10 نادىر بلوگ>> نى باھالاش پائالىيىتى ئوڭۇشلۇق ھالدا بىلەت تاشلاش باسقۇچىغا بېسىپ كىردى. بۇ جەرياندا نۇرغۇنلىغان تورداشلارنىڭ قوللىشىغا ۋە مەدىتىگە ئېرىشىپ كەلدى. نامزاتلار تىزىملىكىدە ئالدىنقى 20 بلوگ تاللىنىپ چىقىلغان بولۇپ تەجىربىسى مول غوللۇق بلوگگىرلار تاللاندى دەپ ئېيتىشقا بولىدۇ. چەۋەندازلار بلوگىمۇ مەزكۇر 20 بلوگنىڭ بىرسى بولۇپ تاللىنىپ بىلەت تاشلاش باسقۇچىغا تاللىنىپ كىردى. ئۇزۇندىن بېرى چەۋەندازلار بلوگىدىن زوقلىنىپ كېلىۋاتقان تورداشلارنىڭ چەۋەندازلار بلوگىنىڭ ياخشى نەتىجىلەرنى قولغا كەلتۈرىشى ئۈچۈن ئۆزلىرىنىڭ قىممەتلىك بىر پارچە بىلىتىنى تاشلىشىنى ئۈمۈد قىلىمەن. پائالىيەتنىڭ تۈزىمى بۇرۇنقىغا قارىغاندا مۇنتىزىملاشقان ۋە مۇكەممەللەشكەن بولۇپ ھەربىر تورداش پەقەت بىرلا قېتىم بىلەت تاشلاش ھوقۇقىغا ئىگە بىر قېتىم بىلەت تاشلاش مەشغۇلاتىدا 10 بلوگقا بىراقلا ئاۋاز بەرگىلى بولىدۇ.  ئەگەر سىز قايتا ئوخشاش بىر IP دا بىر قېتىمدىن ئارتۇق مەشغۇلات قىلسىڭىز پائالىيەت تۈزىمىگە خىلاپلىق قىلغان بولۇپ ئەكسىچە سىز قايتا كۆرسەتكەن بلوگقا جازا يۈرگۈزۈلۈپ سالاھىيتى ئېلىپ تاشلىنىدۇ. شۇڭا ھەربىر تورداشنىڭ سەمىمىيلىك بىلەن پەقەت بىر قېتىملا بىلەت تاشلىشىنى تەۋسىيە قىلىمەن.(ئالاقىدار تۈزۈملەرنى يۈكسەل بلوگىدىكى پائالىيەت مەزمۇنىدىن كۆرگەيسىز).

    ئىشىنىمىزكى چەۋەندازلار بلوگى سىزنىڭ ئەڭ ياخشى تاللىشىڭىز بولالايدۇ، چەۋەندازلار بلوگى پۈتۈن تورداشلارغا تېخىمۇ ياخشى بولغان مۇھىت ھازىرلاش ئۈچۈن تىرىشىدۇ! چەۋەندازلار سىزگە ھەمراھ!

    چەۋەندازلار بلوگىنىڭ بىلەت تاشلاش ئورنى


    بىلەت تاشلاش ئورنى يۈكسەل بلوگىنىڭ ئوڭ تەرەپ يان سىتونىدا. مەنزىل:http://www.yuksel.me/ (ئۈستىدىكى رەسىمنى چەكسىڭىزمۇ بىۋاستە كىرەلەيسىز)


    收藏到：Del.icio.us




    خەتكۈچ:

    评论

  • ئەسسالامۇ ئەلەيكۇم ، چەۋەنداز ... قانداق ئەھۋالىڭىز ؟
    مەن سىزنىڭ بىلوگىڭىزنىڭ 2010-يىللىق ئون چوڭ بىلوگلار قاتارىدىن ئورۇن ئېلشىنى چىن كۆڭلۈمدىن ئۈمىد قىلىمەن .
    回复9bulaq说：
    ۋەئەلەيكۇم ئەسسالام قېرىندىشىم، ئاللاھقا شۈكرى. ئۆزىڭىز ياخشى تۇردىڭىزمۇ؟ 9 بۇلاق بلوگىنىڭ مەدىتىگە كۆپ تەشەككۈر قېرىندىشىم. چەۋەندازلار بلوگىنىڭ سىزنىڭ ياقتۇرىشىڭىزغا ئېرىشكىنىدىن ئىنتايىن خۇرسەنمەن.
    2010-12-29 01:38:54
    9bulaq | 发表于2010-12-29 00:34:41 [回复]
  • ئەسسالامۇ ئەلەيكۇم . چەۋاندەزلار بىلوگىنىڭ بۇ قېتىمقى 10 چوڭ بىلوگ نامزاتلىقىغا كۆرسىتىلگەنلىكىنى تەبرىكلەيمەن .
    回复سەيياھ يازمىسى说：
    سەيياھ بلوگىنىڭ ئۇزۇندىن بۇيان چەۋەندازلار بلوگىنى قوللاپ كەلگىنىگە كۆپ رەھمەت! چەۋەندازلار بلوگى ئۆزىنىڭ ئۆزگىچىلىكى بىلەن ياخشى نەتىجىلەرنى قولغا كەلتۈرۈشكە تىرىشىدۇ. ئامان بولۇڭ قېرىندىشىم، چەۋەندازلار سىزگە ھەمراھ!
    2010-12-13 00:50:37
    سەيياھ يازمىسى | 发表于2010-12-12 20:16:06 [回复]
  • چەۋەندازلار بىلوگىنىڭ داڭلىق 10 چوڭ بىلوگلار قاتارىدىن ئورۇن ئېلىشىنى چىن دىلىمدىن تىلەيمەن، شۇنداقلا داۋاملىق ھازىرقىدەك ئۆزگىچە تەرەققىياتىنى ساقلىشىنى ئۈمىد قىلىمەن.
    回复Arghu说：
    ئارغۇ بلوگىنىڭ مەدىتىگە كۆپ تەشەككۈر! چەۋەندازلار بلوگى داۋاملىق ئۆزىنىڭ خاسلىقى بىلەن تورداشلارغا ئۆزگىچە مۇھىت ھازىرلاشقا تىرىشىدۇ! ئامان بولۇڭ قېرىندىشىم، چەۋەندازلار سىزگە ھەمراھ!
    2010-12-12 18:49:21
    Arghu | 发表于2010-12-12 00:16:31 [回复]
  • رەھمەت سىزگە قېرىندىشىم،شۇ تاپ چىكىنسەم مىنى ئۇزاقتىن قوللاپ كىلۋاتقان سىزدەك قېرىنداشلىرىمغايۈز كىلەلمەيدىكەنمەن،ئەخمىقانە قارارىمدىن ياندىم.
    回复ھونزادە 说：
    سىزنىڭ بۇ قارارىڭىزدىن سۆيۈندۈم. چەۋەندازلار بلوگى ھونزادە بلوگىنىڭ زور نەتىجىلەرنى قولغا كەلتۈرىشىگە تىلەكداشلىق بىلدۈرىدۇ! تېخىمۇ تىرىشچانلىق كۆرسىتىڭ قېرىندىشىم. چەۋەندازلار سىزگە ھەمراھ!
    2010-12-12 18:46:32
    ھونزادە | 发表于2010-12-11 21:00:41 [回复]
  • ئاتەش گۈزەل سەنئەت بلوگى چەۋاندازلار بلوگىنىڭ بۇقېتىملىق 10 چوڭ بلوگ بولۇپ چىقىشىنى قوللايدۇ ۋە ئۈمۈد قىلىدۇ.
    تېخىمۇ تىرىشىڭ ،قىرىندىشىم.
    回复Atash说：
    رەھمەت سىزگە قېرىندىشىم. مەن سىزنىڭ بلوگىڭىزنى ئۇزۇندىن بېرى ئىنتايىن ياخشى بولغان بلوگلارنىڭ ۋە بلوگگىرلارنىڭ بىرسى دەپ قاراپ كېلىۋاتىمەن. بلوگىڭىزنىڭ بۇ قېتىمقى پائالىيەتتە كىچىككىنە ئوڭۇشسىزلىققا ئۇچرىغانلىقىنى كۆرۈپ يەتتىم لىكىن سىزنىڭ بۇنىڭدىن كېيىن تېخىمۇ تىرىشچانلىق كۆرسىتىدىغانلىقىڭىزغا ئىشىنىمەن قېرىندىشىم.ئاللاھ نىسىپ قىلسا 2011-يىللىق 10 نادىر بلوگقا ئەگەر مۇشۇنداقلا تىرىشىدىغان بولسىڭىز ئالدىنقى قاتاردىن كىرەلەيدىغانلىقىڭىزغا ئىشىنىمەن. ئامان بولۇڭ قېرىندىشىم، چەۋەندازلار سىزگە ھەمراھ!
    2010-12-11 01:11:56
    Atash | 发表于2010-12-10 19:02:21 [回复]
  • سىزنىڭ بۇ يىللىق 10 چوڭ بىلوگ بۇلۇپ باھالىنىشىڭىزغا ئىشەنچىم كامىل قېرىندىشىم.سىزگە مۇۋاپقىيەت تىلەيمەن.
    回复ھونزادە 说：
    ئەسسالامۇ ئەلەيكۇم قېرىندىشىم. سىزنىڭ مەدىتىڭىزغا تەشەككۈر! سىزنىڭ يۈكسەل بلوگىدىكى ئىنكاسىڭىزنى كۆرۈپ ئىنتايىن ئەپسۇسلاندىم. ئۈمۈدۋار بولۇڭ قېرىندىشىم! سىزنىڭ بۇ باھانىڭىز ئاساس بولالمايدۇ، ھەممە ئادەم بلوگ ياساشنى بىلمەيدۇ، شۇنداقلا بلوگ ياساشنى بىلگەن ئادەمنىڭ بلوگىنى ياخشى يېزىشىمۇ ناتايىن. سىز ئىنكاسىڭىزدا يەنىلا جاھىللىق بىلەن ئۆزىڭىزنىڭ قارىشىدا چىڭ تۇرۇپ <<مەن بلوگ ياساشنى بىلمەيمەن، سىزنىڭ ياردىمىڭىز بولغاچقىلا بلوگ يېزىشنى نورمال ئېلىپ كېتىپ بارىمەن>> دەپ ئۆزىڭىزنىڭ گېپىنى يورغىلىتىپ يەنىلا چېكىنىمەن دەپ ئىنكاس يېزىپسىز. ئېسىڭىزدا بولسۇن <<يولۋاس ئىزىدىن قايىتماس، ئەرك سۆزىدىن>>. بۇ ئاتىلار سۆزىنى تارىخچى بولۇش سۇپىتىڭىز بىلەن مەندىن ئوبدان ۋە ئېنىق بىلىسىز دەپ قارايمەن. شۇڭا سىزنىڭ بۇ ئىنكاسىڭىزغا چەۋەندازلار بلوگىنىڭ نامى بىلەن قاتتىق قارشى ئىكەنلىكىمنى بىلدۈرىمەن! بلوگىڭىز قۇرۇلغاندىن بېرى چەۋەندازلار بلوگى بىلەن ھونزادە تارىخ بلوگىنىڭ مۇناسىۋىتى ئىنتايىن ياخشى بولۇپ كەلدى. ھەتتا يۈزتۇرانە كۆرۈشۈپ ھەمداستىخان بولۇپ ئائىلىڭىزدىكىلەر بىلەن گۈزەل مىنۇتلارنىمۇ ھەم بىللە ئۆتكۈزدۇق، ئىنشا ئاللاھ ئاللاھ بۇنداق گۈزەل مىنۇتلارنى تېخىمۇ زىيادە قىلغاي. ھەمدە بۇ جەرياندا بىر-بىرىمىزگە يار يۆلەك بولۇپ مەسىلىلەر كۆرۈلسە بىللە ھەل قىلدۇق. سىز بۇنى بىر دوستانە سۇنىلغان قول بىلسىڭىزلا كۇپايە. لىكىن سىز بۇنى ئۆزىڭىزنىڭ ئېغىر نۇقسانى دەپ بىلىۋالسىڭىز بولمايدۇ. نەچچە مىلىيونلۇق مەبلىغى بار شىركەتلەرنىڭ لىدىرلىرى ئۆزىنىڭ كارخانىسىنى تەشۋىق قىلىش ئۈچۈن تور بىكىتىنى ئۆزى ياسىمايدۇ ھەتتا يازمايدۇ ئۇلار تېخنىكلارنى تەكلىپ قىلىدۇ خالاس. شۇنىڭدەك ھەممە ئادەمنىڭ چوقۇم تور بەتنى بلوگنى بىزەشنى ئىگەللىشى زۆرۈر شەرىت ئەمەس، ئۇ ئۆزىنىڭ ھاجىتىدىن چىقىپ ئۆزىنى نامايەن قىلالىسىلا يەنىلا مۇنەۋۋەر دەپ قارايمىز. سىز ئۆزىڭىزنىڭ ھاجىتىدىن ئۆزىڭىز چىقىپ بلوگىڭىزنى باشقىلار ئىتراپ قىلغۇدەك ھالغا ئەككىلەلىگەنىكەنسىز دىمەك سىز مۇنەۋۋەر بلوگگىر. شۇڭا سىزنىڭ باتۇرلۇق بىلەن ئىلگىرىلەپ تورداشلارنىڭ قايىللىقىنى ۋە مايىللىقىنى قولغا كەلتۈرىشىڭىزگە تىلەكداشمەن قېرىندىشىم!

    سىزگە ھەدىيە قىلىدىغان ئاخىرقى سۆزۈم: بىز بۇ دۇنياغا تۈرەلگەن ئىكەنمىز بىزنىڭ تومىرىمىزدىكى ئېقىۋاتقىنى بىر قان، دىنىمىز، پەيغەمبىرىمىز بىر بولۇش سۈپىتى بىلەن قېرىنداشلىرىمىزغا ياردەم قولىمىزنى سونۇش بىزنىڭ ئېسىل ئەنئەنىمىز، خىسلىتىمىز ۋە شۇنداقلا ھەربىرىمىزگە يۈكلەنگەن مەجبۇرىيەت. شۇنداق بولغان ئىكەن بىز ھەممىمىز قېرىنداش. مېنىڭ نېمىشقا ھەر دائىم چەۋەندازلار بلوگىغا ئىنكاس يازغان بلوگگىر ياكى تورداشلار بولسۇن ھەممىسىگە "قېرىنداش" دىگەن سۆزىنى كۆپ ئىشلىتىدىغانلىقىمنى بىلەمسىز؟ دەل ھەر بىر چەۋەندازلار ھېرىسمەنلىرىگە ۋە قوللىغۇچىلىرىغا ھەربىر خەلقىمىزنىڭ ئەزاسىنىڭ قېرىنداشلىقىنى بىلدۈرمەكچى. باشتا نۇرغۇنلىغان كىشىلەرگە ئۆزگىچە ئاڭلانغان بولسا بارا-بارا تورداشلارمۇ ئىنكاسلىرىدا ۋە ئايرىم سۆھبەتلەردە "قېرىنداش" دىگەن سۆزنى ئىشلىتىدىغان بولدى ۋە بولىۋاتىدۇ. دىمەك مەن ئىنكاسقا چۈشكەن جاۋابلىرىم ئارقىلىق كۈنسېرى تۇرمۇش رېتىمىنىڭ تىزلىشىشىگە ئەگىشىپ سۇسلىشىپ قېلىۋاتقان مېھرىبانلىقىمىزنى ۋە قېرىنداشلىقىمىزنى سۆزلىرىم ئارقىلىق يەتكۈزۈپ كېلىۋاتىمەن. ئاللاھ خالىسا بۇنى ھەم جارى قىلدۇرۇپ مېڭىشقا تىرىشىمەن. مېنىڭ ۋە باشقا بلوگگىرلارنىڭ ئەمدى سەپكە قېتىلغان ۋە قېتىلماقچى بولىۋاتقان قېرىنداشلىرىمىزغا قىلىۋاتقان ئازغىنە ياردەملىرىمىز قانداقتۇر ئىقتىسادى مەنپەئەتنى كۆزلەپ قىلىۋاتقىنىمىز يوق. بۇنى سىز ۋە ھەربىر تورداشنىڭ توغرا چۈشىنىشىنى ئۈمۈد قىلىمەن. سىزنىڭ بېلىڭىزنى مەھكەم باغلاپ تېخىمۇ مەزمۇت قەدىمىڭىز بىلەن ئىلگىرىلىشىڭىزنى ۋە 2010 يىلدىكى بلوگگىرلارنىڭ ئىچىدە ياخشى بولغان نەتىجىنى قولغا كەلتۈرۈشىڭىزنى ئۈمۈد قىلىمەن. ئۈمۈدلۈك بولۇڭ ! ئامان بولۇڭقېرىندىشىم، چەۋەندازلار سىزگە ھەمراھ!


    2010-12-11 00:07:18
    ھونزادە | 发表于2010-12-10 02:31:38 [回复]