«ياردەم شىركىتى»ۋە ئۇنىڭ ئون چوڭ ئىشى

     (8)بايانداي كۆۋرۈكى --ئىلى-ئۈرۈمچى تاشيولىبايانداي بىلەن ماڭغانلىغى ئۈچۈن،بايانداي كۆۋرىكىنى ياساش ئىنتايىن ئىش بولۇپ قالدى.شۇڭا بايانداي سېيىنىڭ ئىككى تەرىپىنى كەڭرىپ كەتمەي تىزگىنلەپ قۇرغىدەك ھەم قاتناشنى راۋان قىلغۇدەك بىر كۆۋرۈك سېلىش ئىشىنى ئۈستىگە ئېلىپ تەلەپكە لايىق بىر كۆۋرۈك ياسالدى.بۇ كۆۋرۈك ئەنە شۇنىڭدىن 90- يىللارغىچىلىك كۈچ بېرىپ-90يىلى باشقىدىن يېڭىلاپ بىر كۆۋرۈك ياسالدى.(9). كۈرە كۆۋرىكى --غۇلجا بىلەن كۈرەنىڭ ئارىلىقىدىكى قاتناشنىڭ راۋان بولىشى ئۈچۈن كۈرەنىڭ شەرقىدە،چوڭقۇر بىر يارلىق بولۇپ بۇ يارلىقنىڭ ئاستى سېغىزلىق ھەم زەيلىك بولغانلىقتىن كۆۋرۈك توختاتماق تەس ئىدى.يەنىمىۇ پۇختا تەلەپكە لايىق ياساپ چىقىش ئۈچۈن نۇر  غۇن تاش توشۇپ ئاستىنى تاش بىلەن كۆتۈرۈپ چىقىپ،ناھايىتى ئېگىز ،كۆركەم پۇختا كۆۋرۈك ياساپ،كۈرە بىلەن ئىلى ئوتتۇرسىدىكى قاتناشنى راۋان قىلدى.(10).  1937-يىلى  تاشكۆۋرۈكنىڭ دەريا بويىغا توك ھەرە بىلەن ياغاچ ماتىرياللارنى ئىشلەپچىقىرىدىغان  پەن زاۋۇتى قۇردى.بۇنىڭدىن ئىلگىرى ئىلى رايۇنىدا،توك بىلەن پەن تىلىدىغان بىر زاۋۇت يوق ئىدى.ئەنە شۇندىن باشلاپ ،نۇرغۇن ياغاچلارنى توك ھەرە بىلەن ماتىريال قىلىپ ئىشلەيدىغان ھەم تېز ،ھەم سۈپەتلىك ،ئېھتىياجنى قامدايدىغان مۇھىم زاۋۇت بولۇپ قالدى.ئازاتلىقتىن كېيىنمۇ يېقىنغىچە دىۋىزىيە ئورۇنلىرى بۇ زاۋۇتتىن پايدىلىنىپ كەلدى. "ياردەم "شىركىتىنىڭ بۇ ئون ئىشىنى ئىلى خەلقى مەڭگۈ ئەستىن چىقارمايدۇ ھەم ئۇنتۇمايدۇ .شۇ مەزگىللەردە ھەرقانداق بىر شىركەتنىڭ پايدىسىنىڭ 50%تىنى ئايرىپ مەخسۇس مەدىنىي-مائارىپ،جامائەت پاراۋانلىغى،قاتناش ئىشلىرىغا ئىشلەتتى دىگەن خەۋەرنى ئاڭلاپ بېقىلمىغان ئىدى.