1929-يىلى غۇلجا شەھرىدە سېتىۋالدى باي ،ئىلا ھاجىم ،باقى ھاجىم ،سوزەھەكىمباي،توختى قارى،مەھمۇت قارى قاتارلىق كىشىلەر بىرلىشىپ شىركەت قۇرغانىدى.ئۇ چاغدا شىركەتنىڭ نامىنى "پەرغانە شىركىتى "دەپ ئاتىغان .1935يىلى بۇ نامنى ئۆزگەرىپ "ياردەم شىركىتى"دىگەن نام بىلەن ئىش يۈرگۈزدى ھەم بۇ شىركەت تېخىمۇ كۆپ جامائەتچىلىككە تونۇلدى."ياردەم شىركەت" دىگەن نام ئاساسلىق بولسىمۇ ،بەزىدە "ئالتە شىركەت"دەپمۇ ئاتىلاتتى.چۈنكى بۇ شىركەتنىڭ ئاساسلىق ئەزالىرى ئالتە كىشىدىن تەركىپ تاپقانىدى.شىركەتنىڭ مۇدىرلىقنى سېتىۋالدى باي ئۈستىگە ئېلىپ باشقۇرغانىدى."ياردەم شىركىتى"دەپ نام قويۇشتىكى مەخسىتى شىركەتنىڭ بارلىق پايدىسىنىڭ 50%نى ئايرىپ،مەدىنىي مائارىپ،جامائەت پاراۋانلىغى،يول -قاتناش ئىشلىرىغا خىراجەت قىلىش ،قالغان 50%نى شىركەت ئەزالىرى مەبلەغقە قاراپ تەخسىم قىلىش دەپ بېكىتىپ شۇ ئاساستا مۇنداق ئون چوڭ ئىشنى ئىشلىگەن
1.
      ياردەم مەكتىپى-غۇلجا شەھەرنىڭ  شەرقىدىكى قارا دۆڭ،ھازىرقى22-باشلانغۇچۋە 14-ئوتتۇرا مەكتەپنىڭ ئورنى .1938-يىلى مەكتەپنىڭ ئالدىنى چوڭ يولغا قارىتىپ ،ئوتتۇۇرسى زال،ئىككى تەرىپىدە ئۈچتىن ئالتە سىنىپلىق ئاستى ‏-ئۈستى تاختايلىق ،ئالدى كارىدۇرلۇق مەكتەپ بىناسى سالدى.شەرقىي-جەنۇبىي تەرىپىگە ئاستى ئىككى ئېغىزلىق ،ئۈستى ئۈچ ئېغىزلىق ئىشخانا ياسىدى.مەكتەپ ئىشىكى كارىدۇرنىڭ ئۈستىگە ئۇيغۇرچە،خەنزۇچە،رۇسچە قىلىپ،پاشاخوجا قەلىمى بىلەن چىرايلىق يېزىلغان "ئىلى ۋىلايەتلىك 3-ياردەم مەكتىپى"دىگەن ئالتۇن ھەل بېرىلگەن ۋېۋىسكا ئېسىلدى.36-يىلى 8-ئايلاردا مەكتەپنىڭ پۈتۈشى بىلەن داغدۇغىلىق مۇراسىم ئۆتكۈزىلدى.مۇراسىمغا ئىلى ۋىلايەتنىڭ دوتىيى ۋالىسى ياقۇپ باي،ھەربىلەرنىڭ باشلىغى جۇسېلىڭ چوڭ بۆرە ئىشتى بىلەن كىلاسكىدا ئالدى ،ئارقىسىغا 40دەك ئەسكەرنى مۇھاپىزەت قىلدۇرۇپ چىقىپ لېنتا كەستى،شۇنىڭدىن كېيىن ئوقۇش باشلاندى. بۇ مەكتەپنىڭ دەرسلىرى پەننى ئاساس قىلىپ ،باشقىلارنى قوشۇمچە قىلدى .بۇ مەكتەپتە ئوقۇيدىغان ئوقۇغۇچىلار غۇلجا شەھرىدىن قارا دۆڭ،توپا دەڭ،تېرەكمازار،قازانچى،تەختىيۇن مەھەللىرىدىن بېرىپئوقۇيدىغانلارلا ئەمەس ،چاپچالنىڭ قاينۇق،كان يېزىلرىدىن،غۇلجا ناھىيىنىڭ  ئارا ئۆستەڭ ،يېڭى تام ،بايتوقاي،بۇلۇكەي،چۇلۇقاي ،مازار،سۇپتايلاردىن كېلىپ ئوقۇيدىغانلارمۇ كۆپ ئىدى.40-50بالا ياتاقتا يېتىپ-قوپۇپ ئوقۇيتى.ياتاقتا يېتىپ ئوقۇغانلارغا تاماق،ياتاق ،ئىسسىقلىق ھەتتاكى كەمبەغەللەرگە كىيىم -كېچەكتىن ياردەم قىلدى.ئىزچىلار تەشكىلاتىنى قۇرۇپ،ئۇلارنىڭ كىيىم -كېچەك،بارلىق قوراللىرىنى ھازىرلاپ بەردى.ئوقۇغۇچىلار خىللىشىپ قالماستىن بەلكى مەكتەپ مۇدىرى،ئوقۇتقۇچىلارمۇ خىللاندى.36-يىلى مەكتەپ مۇدىرلىقىنى مۇنىرەخانىم )تاتار( ،37-يىللىرىداموللا رازىيوۋ،40-39-يىللىرى تۇرسۇن تاھىر ئۈستىگە ئالدى،كېيىنكى يىللارداروزاخون ئاكا ،ھاشىم گۆھەرباقى قاتارلىقلار مەكتەپ مۇدىرى بولغان ،ئوقۇتقۇچىلاردىن ئەنۋەر ناسىرى،تۇران خانىم،تۇرسۇن ئۆمەر،ئابدۇرېھىم ئاكا ،ئاۋاكرى،ئابدۇرېھىم يۈسۈپ،ھەسەن قارىم،شاكۇرە،سارەتتە،مارزىيە،مەنسۇر ئەپەندى قاتارلىقلار ،كېيىنرەك زاھىر ساۋدانوپ،ئەنۋەر بېك،راشىدىن،راھىلەم ،خېلچەم قاتارلىق ئوقۇتقۇچىلار ئوقۇ-ئوقۇتۇش ئىشلىرىغا كۆپلەپ ئەجىر سىڭدۈرۈپ نۇرغۇن تۆھپىلەرنى قوشقان.قارا دۆڭ "ياردەم"مەكتىپى36-يىلىدىن ھازىرغىچىلىك قانچە مىڭلىغان بالىلارنى بىلىملىك قىلدى .ئۇلارنىڭ نۇرغۇنلىرى جەمىيەت ئۈچۈن ياراملىق كىشىلەردىن بولۇپ ،ئاز بولمىغان تۆھپىلەرنى قوشتى.ئاپتۇنۇم رايۇندا ئىشلىگەن  رۇستەم ،ماھىنۇر قاسىم،غوجىخان،ئابلىزخان،ھۈسەنجان جامى،،ئابلەت روزى،ئىمام سىيىت قاتارلىق 30نەچچە كىشى بار .غۇلجا شەھەر،غۇلجا ناھىيە ،نىلقا ناھىيە قاتارلىق جايلاردا ئىشلىگەنلەر تېخىمۇ كۆپ.