تەپسىلىي مەزمۇنى

سەئىدى ئوغلىغا نەسىھەت قىلىپ مۇنداق دەپتۇ :
- ئوغلۇم ،پالاكەتكە دۇچار بولۇشنى خالىمىساڭ ،مەغرۇر ۋە تەكەببۇر بولما . راھەت - پاراغەتتە ياشاشنى ئارزۇ قىلساڭ ،دىلىڭنى ھېرىستىن پاك قىل . خار- زارلىقىنى خالىمىساڭ ،تەمەگەر بولما .ئۆزەڭگە ياخشىلىق قىلىنىشنى ئارزۇ قىلساڭ ،ياخشىلىق قىل ،ھېچكىمگە ئازار بەرمە ،ياخشىلىقنى ئۇلۇغ ئىش دەپ بىل . قەدىر - قىممىتىڭنىڭ ئېشىشىنى تىلىسەڭ ،ھىممەتلىك بول . ئۆزەڭنى ھەممىگە سۆيدۇرۇشنى خالىساڭ ، ئەدەپلىك ،دىيانەتلىك بول .ئىززەت - ھورمەتكە ،ئاتاق -ئابرۇيغا ئىگە بولۇشنى خالىساڭ ،ھالال ئەجىر قىل ،جاسارەت بىلەن ئىشلە .ئىشەنچىلىك ئادەم بولۇشنى خالىساڭ ،يالغانچىلىقتىن ساقلان . قايغۇ -ھەسرەت ئىچىدە قالساڭ، سەۋرە قىل .ئىشلىرىڭنىڭ پۇشايمان بىلەن يەكۇنلىنىشىنى خالىمىساڭ ،ئاۋۋال ياخشى ئويلاپ دانا، تەجرىبىلىك كىشىلەر بىلەن مەسلىھەتلىشىپ ، ئاندىن ئىشقا كىرىش .