ئالجىرىيە مۇستەقىل بولۇپ،ئىلگىرىكى مىللى ئازاتلىق فرونتىنىڭ 1948-يىلىدىن بۇيان ئىشلىتىپ كەلگەن بايرىقىنى دۆلەت بايرىقى قىلىپ كەلگەن .بايراقتىكى يېشىل رەڭ خەلقنىڭ كەلگۈسىگە بولغان ئۈمىدىنى بىلدۈرگەن ، ئاق رەڭ پاكلىق ۋە تېنچلىققا سىمۋول قىلىنغان .قىزىل رەڭ  ئىنقىلاپ ۋە غايە ئۈچۈن كۈرەش قىلغان پىداكارلىق روھىنى ئىپادىلىگەن .ئالجىرىيىنى 6-ئەسىردە ۋىزانتىيە ئىمپىريىسى بېسىۋالغان  16-ئەسىردەئوسمان ئىمپىرىيىسىنىڭ كونتۇرۇللىغىدا بولغان .1905-يىلى يەنە فرانسىيىنىڭ مۇستەملىكىسىگە ئايلانغان .مۇرەككەپ ۋە ئۆزگىرىشچان تارىخ  بۇ بايراقنىڭ بارلىققا كېلىش مەنبەسى ھەققىدە نۇرغۇن سكز -چۆچەكلەرنى پەيدا قىلغان ،ئەنئەنىۋى قاراشتا بۇ بايراقنى  19-ئەسىرنىڭ باشلىرىدىكى فىرانسىيەگە قارشى مەشھۇر قەھرىمان  ئابدۇللا قادىر دەۋرىدە پەيدا بولغان دىيىلگەن ،ئەمما تېخىمۇ كۆپرەك كىشى ئۇنىڭ 1928-يىلى مۇسالى ھاجى باشلاپ بەرگەن «شىمالىي ئافرىقا يۇلتۇزى» سىياسى ھەركىتىدىن كېيىن لايىھىلەنگەن دەپ قارايدۇ.

       1976-يىلى  تۈزۈلگەن دۆلەت گېربى تۈز ئۇزارتىلغان بىر ئالقاننى ئاساسلىق كۆرۈنۈش قىلغان ،زەيتۇن شېخىنى ئېلىپ كەلگەن  ئىككى كەپتەر  باش بارماق بىلەن چىمچىلاق بارماققا قونغان .قالغان ئۈچ بارماق  پەلەككە قادالغان بولۇپ ،سانائەت ،يەر ۋە مەدىنيەت ئىنقىلاۋىدىن ئىبارەت دۆلەتنىڭ  ئۈچ چوڭ ئىنقىلاۋىغا سىمۋول قىلىنغان .قىزىل قۇياش  قولنىڭ ئۈستىدىن كۆتۈرلۈپ گۈزەل ۋە باياشات يېشىل زىمىننى يورۇتۇپ،دۆلەتنىڭ مۇستەقىللىغى ۋە كېلەچەككە بولغان ئۈمىد ۋە ئىشەنچىنى  نامايەن قىلغان .ئالقاننىڭ سول يېنىدا تىك تۇرغان زاۋۇت ،بورىۋاي مۇنارلىرى ۋە قويۇق ئورمان  ئايرىم ئايرىم ھالدا  سانائەت ،كان ،نېفىت ۋە ئورمانچىلىقنى بىلدۈرگەن ،ئوڭ تەرەپتىكى بۇغداي باشاقلىرى ۋە يېشىل زەيتۇن شېخى يېزا ئىگىلىك ئىشلەپچىقىرىشقا سىمۋول قىلىنغان .قىزىل ھىلال ئاي بىلەن بەش بۇرجەكلىك يۇلتۇز ئالجىريىنى ئىسلام دىنى ۋە ئەرەپ دۇنياسى بىلەن باغلاپ تۇرغان .