Vasiyet
Orhan Seyfi Orhon
ۋەسىيەت
ئورخان سەيفى ئورخون ( تۈركىيە)
دوستلىرىم، توپلىنىڭلار مەن ئۆلگەن زامان؛
رىيانى بىر كۈنلۈك بىر يانغا تاشلاپ قويۇڭلار!
تۇتۇڭلار جىنازەمنىڭ بىر ئۇچىدىن؛
چۇڭقۇر بىر ئورەككە پىقىرىتىپ ئېتىڭلار!
قالغىنىمدا سىلەردىن ئۇزاق جايلاردا،
بەدىنىم چىرىشكە باشلار تۇپراقتا،
راھەتلىنىپ يېتىڭ ئىسسىق ياتاقتا،
ياشاشنىڭ غۇرۇرى بىلەن يېتىڭلار!
يۈزلەشتۈرمەس بىزنى ھەرگىز ئەسىرلەر،
مەيدانلارغا تۆكۈلسۇن ساقلانغان سىرلار،
دەپ قارالسۇن بىر ماڭا ئائىت قۇسۇرلار،
قورقماڭلار، ئىچىگە يالغانلار قېتىڭلار!
كۆرەي قېنى؛ كىملەر ئىمىش دوست تۇتقانلىرىم،
گۇڭۇر-مۇڭۇر پاراڭلىرىنى قىزغانغانلىرىم،
كۆرەي قېنى؛ نېمىلەرمىش ئىشەنگەنلىرىم،
شۇ يالغان ھاياتنى ماڭا ئاڭلىتىڭلار!
دوستلىرىم ياد ئەتمەڭلار ئەمدى ئىسمىمنى،
ئۆچۈرۈڭلار كۆڭلۈڭلاردىن ماڭا ئائىت ھەممىنى،
ئاخىرىدا ئۇرۇڭ، چېقىڭ، يوق قىلىڭ ئىشەنچىمنى،
ئۆلگىنىمدە يەنە بىر رەت ئالدىۋىتىڭلار!
تۈركچىدىن ئەنۋەر ھامىت( ئايپالتا) ئۇيغۇرچىلاشتۇردى.