Bir Yerde ölüm Güzel Oluyor
ümit Yaşar Oğuzcan
بىر يەردە ئۆلۈم گۈزەل
ئۈمىت ياشار ئوغۇزجان( تۈركىيە)
ئىنسان بىر رەت ئۆلىدۇ، ئەپسۇس
بۇ قانۇنىيەتنى ئۆزگەرتىش كېرەك
بىر رەت ياشاپ، تالاي رەت ئۆلۈش كېرەك
ئەڭ بۈيۈك تەقدىرلەر بىز ئۈچۈن
بىز ئۈچۈن جاۋاپسىز سۆيگۈلەر
كور قۇدۇقلار، چىقماس كوچىلار بىز ئۈچۈن
دۇنياغا قانداق كەلدۇق، سورىماڭلار
قەدىرلىك ئانىلار رەنجىپ قالمىسۇن
ھەر يېرىم ئايرىم-ئايرىم ئۆلىشى كېرەك
بولمىسا ئۆلۈم يوقتۇر ماڭا بۇ دۇنيادا
بىر پاي ئوق مېڭەمگە كىرسۇن
بىر پىچاق يۈرىكىمگە تىقىلسۇن
چوغدەك تۆمۈر كۆزۈمنى داغلىسۇن
ئاندىن كەلسۇن بىر پاتمان ئەسكەر
قوپال بىر بۇيرۇق، ئۇچۇۋاتقان ئوت
قويۇپ بەر كىم باغلىسا مەيلى كۆزۈمنى.
بىلەك تومۇرۇمنى كېسىۋېلىشنى جىق ئويلىدىم
ئوتتۇرا ئەسىردىن قېپقالغان زەھەر ئىچىۋىلىشنى
ۋە ئۆزۈمنى ئىگىز مۇنارلاردىن مەر-مەر تاشلار ئۈستىگە تاشلىۋېلىشنى
پۇتلىرىمغا تاش باغلاپ دېڭىز ئاستىدا ئۆلۈشنى
مەن يەنىلا ئۆلمىدىم، كۆرۈپ تۇرۇپسەن ئۆلمىدىم
چاكىنا ھېساپ- كىتاپلار، رەزگى قورقاقلار مېنى قويۇۋەتمىدى
بەلكى سەن قويۇۋەتمىدىڭ، بىلمىدىم
قويۇۋەتكەن بولساڭ، ئاللىقاچان ئۇنتۇپ كېتەتتىم
ھالبۇكى، ئەمدى مەندىن قېچىشىڭمۇ تەس
بىلىمەن، مېنى ياخشى كۆرىشىڭمۇ تەس
دېگەن ئىدىم: بىر يەرلەرگىچە ياشاش گۈزەل
لېكىن يەنە بىر يەرلەردە ئۆلۈم بەك گۈزەل!
تۈركچىدىن ئەنۋەر ھامىت( ئايپالتا) ئۇيغۇرچىلاشتۇردى.