ناتايىن
مۇھەممەدجان راشىدىن
شاھلار تۇتقان قەدەھتە قۇت بولۇشى ناتايى،
سەن ماختىغان چىنارغا قۇش قونمىقى ناتايىن.
چۆچەك ئېيتساڭ بايقاپ ئېيت، تىڭشىغانلار قانچىلىك،
سەن سۆيگەننى بىراۋنىڭ ياقتۇرمىقى ناتايىن.
بۈگۈن تاتلىق ئەمگەكچىنى تەڭ ئەمگەنلەر سەن بىلەن،
تاڭلا كەتسەڭ كەينىڭدىن ئاھ ئۇرمىقى ناتايىن.
بايلىق دېگەن بىۋاپا، لاپ ئۇرغاننى كۆتۈرمەس،
ئوقۇرىڭدا ھەر كۈنى ئات تۇرمىقى ناتايىن.
تالايلارنى ئازدۇردى چۈنكى ھۆسنى دۇنيانىڭ،
شۇڭا ھەردەم ئىنساننىڭ ساق تۇرمىىقى ناتايىن.
بىخۇد يۈرمە دوستلىرىم، بولغاندىمۇ گەر پۇلۇڭ،
بىراۋ كېلىپ يېنىڭنى ئاختۇرمىقى ناتايىن.