بەش خىل يېمەكلىك چوڭ مېڭىگە زىيان يەتكۈزىدۇ

   سۈت ، بېلىق گۆشى ، سەۋزە، غول پىياز قاتالرىق يېمەكلىكلەرنىڭ مېڭىنىڭ ساغلاملىقىنى ئاشۇرۇش رولى بار، بىراق چوڭ مېڭە بەزى يېمەكلىكلەرنى « ياخشى كۆرمەيدۇ ». تەتقىقاتلاردىن ئىسپاتلىنىشچە ، تۆۋەندىكى بەش خىل يېمەكلىكنى دائىم ئىستېمال قىلسا، چوڭ مېڭىنىڭ ئىنكاسى ئاستا بولۇش، ئەستە تۇتۇش قابىلىيتى تۆۋەن بولۇش قاتارلىق ئاقىۋەتلەرنى پەيدا قىلىدۇ.
زىيادە تۇزلۇق يېمەكلىكلەر ، ئادەم بەدىنىنىڭ تۇزغا بولغان ئېھتىياجى تۆۋەن بولۇپ ، قۇرامىغا يەتكەنلەر كۈنىگە يەتتە گىرامدىن ، بالىلار تۆت گىرامدىن ئاز ئىستېمال قىلسىلا كۇپايە. تۇزنى زىيادە ئىستېمال قىلغاندا ، ئارتېرىيە قان تومۇرلىرىغا زىيان يەتكۈزۈپ ، مېڭىگە قان يېتىشمەسلىكنى كەلتۈرۈپ چىقىرىدۇ .
قوغۇشۇن تەركىبلىك يېمەكلىكلەر : قوغۇشۇن تۆمۈر ، كالتىسىي ، سىنىك قاتارلىق ماددىلارنىڭ نېرۋا سېستىمىسىدىكى پائالىيەت ئورنىنى ئىگىلىۋالىدىغان بولغاچقا ، مېڭە ھۈجەيرىلىرىنىڭ « قاتىلى » سانىلىدۇ. قوناق ئېتىلدۇرمىسى ، ھاكتا پىشۇرۇلغان تۇخۇم قاتارلىقلارنىڭ قوغۇشۇن تەركىبى بىر قەدەر يۇقىرى .
  ئاليۇمىن تەركىبلىك يېمەكلىكلەر : دۇنيا سەھىيە تەشكىلاتىنىڭ كۆرستىشچە ، ئادەم بەدىنى بىر كۈندە قۇبۇل قىلدىغان ئاليۇمنىن مىقدارى 60 مىللىگىرامدىن ئېشىپ كەتمەسلىكى كېرەك ئىكەن . پىلتە قۇيماق تەركىبىدىكى زەمچە ئاليۇمىن تەركىبلىك ئانئورگانىك ماددا بولۇپ ، بىر كۈندە 50‏-‏‏100 گىرامغىچە پىلتە قۇيماق ئىستېمال قىلنسا ئۆلچەمدىن ئارتىپ كەتكەن ھېسابلىنىدۇ.
ئوكىسدلانغان ماي تەركىبى يۇقىرى يېمەكلىكلەر : 200 سلېتسىي گىرادۇسلۇق قىزىق مايدا پىشۇرۇلغان ياكى ئۇزاق مۇددەت ئاپتاپتا قۇرۇتۇلغان يېمەكلىكەرنىڭ تەركىبىدە ئوكىسدلانغان ماي تەركىبى يۇقىرى بولۇپ ، ئۇ ئادەم تېنىدە يىغلىپ قېلىپ ، چوڭ مېڭىنىڭ بالدۇر زەئىپلىشىشى ۋە ھاڭۋاقتىلىقىنى كەلتۈرۈپ چىقىرىدۇ .
  ساخارىن ( تاڭجىڭ ) ۋە تېتىقۇ تەركىبى يۇقىرى يېمەكلىكلەر : ساخارىن زىيادە كۆپ ئىستېمال قىلىنسا چوڭ مېڭە ھۈجەيرە تۇقۇلمىلىرىغا زەخىم يەتكۈزۈىدۇ . تېتقۇنى ئازىراق ئىستېمال قىلغان ياخشى ، چۈنكى بوۋاقلا تېتىقۇ ئىستېمال قىلسا مېڭە ھۈجەيرىلىرى نىكروزلىنىپ قېلىشى مۇمكىن . ھامىلدار ئاياللار ئىستېمال قىلسا ھامىلىگە سىنىك يېتىشمەي ، بالىلارنىڭ ئەقلىي تەرەققىياتىغا تەسىر يەتكۈزىدۇ.

« شىنجاڭ مائارىپ » گېزىتىدىن ئېلنىدى .