گلادىئاتور سىپارتاك قوزغىلىڭى

گلادىئاتور سىپارتاك قوزغىلىڭى

گلادىئاتور سىپارتاك قوزغىلىڭى

  سىپارتاك ﻗﻮﺯﻏﯩﻠﯩﯖﻰ ﻗﻪﺩﯨﻤﻜﻰ ﺭﯨﻤﺪﯨﻜﻰ ﻛﯚﻟﯩﻤﻰ ﺋﻪﯓ ﺯﻭﺭ ﺑﯩﺮ ﻗﯧﺘﯩﻤﻠﯩﻖ ﻗﯘﻟﻼﺭ ﻗﻮﺯﻏﯩﻠﯩﯖﻰ ﺑﻮﻟﯘﭖ، ﺑﯘ ﻗﻮﺯﻏﯩﻼﯕﻨﯩﯔ ﺭﻩھﺒﯩﺮﻯ ﮔﻼﺩﯨﺌﺎتوﺭ ﺳﭙﺎﺭﺗﺎﻙ ﺋﯩﺪﻯ. ﺳﭙﺎﺭﺗﺎﻙ ﺋﻪﺳﻠﯩﺪﻩ ﻓﯩﺮﺍﻛﯩﻴﯩﻠﯩﻚ ﺑﻮﻟﯘﭖ، ﺭﯨﻤﻨﯩﯔ ﺑﻮﻳﺴﯘﻧﺪﯗﺭﯗﺷﯩﻐﺎ ﻗﺎﺭﺷﻰ ﺑﯩﺮ ﻗﯧﺘﯩﻤﻠﯩﻖ ﺟﻪﯕﺪﻩ ﺋﻪﺳﯩﺮﮔﻪ ﭼﯜﺷﻜﻪﻥ. ﻛﯧﻴﯩﻦ ﻛﺎﭘﯘﻳﻪ ﮔﻼﺩﯨﺌﺎﺗﻮﺭﻻﺭ مەشىق ئورنىغا  ﺋﻪﯞﻩﺗﯩﻠﯩﭗ، ﮔﻼﺩﯨﺌﺎﺗﻮﺭ ﻗﯘﻝ ﺑﻮﻟﯘﭖ ﻗﺎﻟﻐﺎﻥ ﮔﻼﺩﯨﺌﺎﺗﻮﺭﻟﯘﻕ-ﺭﯨﻢ ھﯚﻛﯜﻣﺮﺍﻧﻠﯩﺮﯨﻨﯩﯔ ﻳﺎﯞﺍﻳﻰ ﯞﻩھشىياﻧﻪ ﻛﯚﯕﯜﻝ ﺋﯧﭽﯩﺶ ﺋﻮﻳﯘﻧﻰ ﺑﻮﻟﯘﭖ، ﺑﯘ ﺋﻮﻳﯘﻧﺪﺍ ﻗﯘﻟﺪﺍﺭﻻﺭ گلادىئاتورلارنى ﺑﯩﺮ-ﺑﯩﺮﯨﻨﻰ ﺋﯚﻟﺘﯜﺭﯛﺷﻜﻪ ﻣﻪﺟﺒﯘﺭﻻﻳﺪﯗ. گلادىئاتورلار مەيداندا بىر-بىرى بىلەن قانلىق جەڭ قىلىدۇ. گلادىئاتورلار ئادەتتە قاتتىق مەشىق كۆرگەن قۇللار بولۇپ ئۇلار ھايات قېلىپ داۋاملىق ياشاش ئۈچۈن رەقىبىنىڭ كىم بولىشىدىن قەتئىي نەزەر جېنىنى تىكىپ قاتتىق ئېلىشىدۇ. ئۇلار ھەتتا يولۋاس، شىر، ئېيىق قاتارلىق ياۋايى ھايۋانلار بىلەنمۇ ئېلىشىشقا مەجبۇرلىنىدۇ.

  ھﺎﻗﺎﺭﻩﺗﻠﯩﻚ ﺗﯘﺭﻣﯘﺵ ﻛﻪﭼﯜﺭﯛﯞﺍﺗﻘﺎﻥ ﺑﯘ ﮔﻼﺩﯨﺌﺎﺗﻮﺭﻻر (‹ﺋﯧﻠﯩﺸﯩﺸﻘﺎ ﺳﯧﻠﯩﺶ› ﺩﯦﮕﻪﻥ ﻣﻪﻧﯩﺪﻩ) ھﯚﺭﻟﯜﻛﻜﻪ ﺗﻮﻟﯩﻤﯘ ﺗﻪﺷﻨﺎ ﺋﯩﺪﻯ. ﺳﭙﺎﺭﺗﺎﻙ ھﻪﻗﻪﻣﺴﺎﻳﯩﻠﯩﺮﯨﻐﺎ «ھﯚﺭﻟﯜﻙ ﺋﯜﭼﯜﻥ ﺟﻪﯕﮕﺎھﺘﺎ ﺋﯚﻟﺴﻪﻙ ﺋﯚﻟﻪﻳﻠﯩﻜﻰ، ھﻪﺭﮔﯩﺰﻣﯘ ﺩﯛﺷﻤﯩﻨﯩﻤﯩﺰﻧﯩﯔ ﻛﯚﯕﻠﯩﻨﻰ ﺧﻮﺵ ﻗﯩﻠﯩﺶ ﺋﯜﭼﯜﻥ ﻣﺎھﺎﺭﻩﺕ ﻛﯚﺭﺳﯩﺘﯩﺶ ﻣﻪﻳﺪﺍﻧﯩﺪﺍ ﺟﯧﻨﯩﻤﯩﺰﻧﻰ ﺳﯧﻠﯩﭗ ﺑﻪﺭﻣﻪﻳﻠﻰ» ﺩﻩﭖ ﭼﺎﻗﯩﺮﯨﻖ ﻗﯩﻠﺪﻯ. ﻣﯩﻼﺩﯨﺪﯨﻦ ﺋﯩﻠﮕﯩﺮﯨﻜﻰ 73-ﻳﯩﻠﻰ ﺋﻪﺗﯩﻴﺎﺯ ﺑﯩﻠﻪﻥ ﻳﺎﺯ ﺋﺎﺭﻟﯩﻘﯩﺪﺍ ﮔﻼﺩﯨﺌﺎﺗﻮﺭﻻﺭ ﻗﻮﺯﻏﯩﻼﯓ ﻛﯚﺗﯜﺭﯛﺷﻨﻰ ﻣﻪﺧﭙﯩﻲ ﭘﯩﻼﻧﻠﯩﻐﺎﻧﯩﺪﻯ، ﺑﻪﺧﺘﻜﻪ ﻗﺎﺭﺷﻰ ﺳﯧﺰﯨﻠﯩﭗ ﻗﺎﻟﺪﻯ. ﺳﭙﺎﺭﺗﺎﻙ 70 ﻧﻪﭘﻪﺭ ﮔﻼﺩﯨﺌﺎﺗﻮﺭﻧﻰ ﺑﺎﺷﻼﭖ ﯞﯦﺰﯗﯞﻯ ﻳﺎﻧﺎﺭ ﺗﯧﻐﯩﻐﺎ ﻗﯧﭽﯩﭗ ﺑﯧﺮﯨﭗ، ﻗﻮﺯﻏﯩﻼﯓ ﺗﯘﻏﯩﻨﻰ ﻛﯚﺗﯜﺭﯛﭖ، ﻗﻮﺷﻨﺎ ﻗﻮﺭﯗﻗﻼﺭﺩﯨﻜﻰ ﯞﻩ ﺷﻪھﻪﺭﻟﻪﺭﺩﯨﻜﻰ ﻗﯘﻟﺪﺍﺭﻻﺭﻏﺎ ھﯘﺟﯘﻡ ﻗﯩﻠﯩﭗ ﺯﻩﺭﺑﻪ ﺑﻪﺭﺩﻯ. ﺷﯘﻧﯩﯔ ﺑﯩﻠﻪﻥ ﺷﯘ ﺋﻪﺗﺮﺍﭘﺘﯩﻜﻰ ﺯﻭﺭ ﺑﯩﺮ ﺗﯜﺭﻛﯜﻡ ﻗﯘﻟﻼﺭ، ﻧﺎﻣﺮﺍﺗﻼﺭ ﺑﻪﺱ-ﺑﻪﺳﺘﻪ ﺗﻮﭘﻘﺎ ﻗﻮﺷﯘﻟﺪﻯ، ﺑﯘﻧﯩﯔ ﺑﯩﻠﻪﻥ ﻗﻮﺯﻏﯩﻼﯕﭽﯩﻼﺭ ﻗﻮﺷﯘﻧﻰ ﺗﯧﺰﺩﯨﻦ ﻛﯧﯖﯩﻴﯩﭗ، ﺋﺎﺩﻩﻡ ﺳﺎﻧﻰ 10 ﻣﯩﯔ ﻛﯩﺸﯩﺪﯨﻦ ﺋﺎﺷﺘﻰ. ﻗﻮﺯﻏﯩﻼﯕﭽﯩﻼﺭ ﺳﭙﺎﺭﺗﺎﻛﻨﻰ ﺋﯚﺯﻟﯩﺮﯨﮕﻪ ﺭﻩھﺒﻪﺭ ﻗﯩﻠﯩﭗ ﺳﺎﻳﻠﯩﺪﻯ .

  ﺭﯨﻢ ﺩﺍﺋﯩﺮﯨﻠﯩﺮﻯ ﺩﻩﺳﻠﻪﭘﺘﻪ ﺑﯘ ﻗﻮﺯﻏﯩﻼﯕﻐﺎ ﺋﺎﻧﭽﻪ ﺋﯧﺘﯩﺒﺎﺭ ﺑﯧﺮﯨﭗ ﻛﻪﺗﻤﯩﺪﻯ، ﭘﻪﻗﻪﺕ 1200 ﻛﯩﺸﻠﯩﻚ ﻏﻪﻳﺮﻯ ﻣﯘﻧﺘﯩﺰﻡ ﻗﻮﺷﯘﻧﻐﺎ ﺑﯘﻳﺮﯗﻕ ﭼﯜﺷﯜﺭﯛﭖ، ﺟﺎﺯﺍ ﻳﯜﺭﯛﺷﻰ ﺋﻪﯞﻩﺗﯩﭙﻼ ﻗﻮﻳﺪﻯ. ﺑﯘ ﺟﺎﺯﺍ ﻳﯜﺭﯛﺵ ﻗﯩﻠﻐﯘﭼﻰ ﻗﻮﺷﯘﻥ ﺋﻮﻳﻠﯩﻤﯩﻐﺎﻥ ﻳﻪﺭﺩﯨﻦ ﻗﻮﺯﻏﯩﻼﯕﭽﯩﻼﺭ ﻗﻮﺷﯘﻧﻰ ﺗﻪﺭﯨﭙﯩﺪﯨﻦ ﺑﯩﺮﺍﻗﻼ ﻗﯩﺮﯨﭗ ﺗﺎﺷﻼﻧﺪﻯ. ﺭﯨﻢ ﻣﯩﻼﺩﯨﺪﯨﻦ ﺋﯩﻠﮕﯩﺮﯨﻜﻰ 73-ﻳﯩﻠﻰ ﻛﯜﺯﺩﻩ ﺋﺎﻧﺪﯨﻦ ﻛﻮﻧﺎ ﺳﻪﺭﻛﻪﺭﺩﻩ ﻛﺮﺍﺩﯨﺌﻮﺳﻨﻰ ﺧﯩﻞ ﻗﻮﺭﺍﻟﻼﺭ ﺑﯩﻠﻪﻥ ﻗﻮﺭﺍﻟﻼﻧﻐﺎﻥ 3000 ﻛﯩﺸﻠﯩﻚ ﺭﯨﻢ ﻗﻮﺷﯘﻧﯩﻨﻰ ﺑﺎﺷﻼﭖ ﺑﯧﺮﯨﭗ، ﯞﯦﺰﯗﯞﻯ ﻳﺎﻧﺎﺭ ﺗﯧﻐﯩﻨﻰ ﻗﻮﺭﺷﺎﯞﻏﺎ ﺋﯧﻠﯩﺸﻘﺎ ﺋﻪﯞﻩﺗﺘﻰ. ﻗﻮﺯﻏﯩﻼﯕﭽﻰ ﻗﻮﺷﯘﻥ ﭘﻪﻡ-ﭘﺎﺭﺍﺳﻪﺗﻠﯩﻚ ﯞﻩ ﺗﻪﺩﺑﯩﺮﻟﯩﻚ ﺳﭙﺎﺭﺗﺎﻛﻨﯩﯔ ﻗﻮﻣﺎﻧﺪﺍﻧﻠﯩﻘﯩﺪﺍ ﺋﯜﺯﯛﻡ ﺷﯧﺨﯩﺪﯨﻦ ﺋﺎﺭﻏﺎﻣﭽﺎ ﺷﻮﺗﺎ ﺗﻮﻗﯘﭖ، ﺗﯩﻚ ﻗﯩﻴﺎﻻﺭﺩﯨﻦ ﺋﺎﺭﻏﺎﻣﭽﺎ ﺷﻮﺗﺎ ﺑﯩﻠﻪﻥ ﺳﯧﻴﺮﯨﻠﯩﭗ ﭼﯜﺷﯜﭖ، ﺩﯛﺷﻤﻪﻧﻨﯩﯔ ﺋﺎﺭﻗﺎ ﺗﻪﺭﯨﭙﯩﮕﻪ ﺋﯚﺗﯜﭖ، ﺩﯛﺷﻤﻪﻥ ﻗﻮﺷﯘﻧﯩﻐﺎ ﺯﻩﺭﺑﻪ ﺑﻪﺭﺩﻯ. ﺑﯘ ﺋﯘﺷﺘﯘﻣﺘﯘﺕ ﺯﻩﺭﺑﯩﺪﯨﻦ ﻣﯘﺩﺍﭘﯩﺌﻪ ﻛﯚﺭﯛﺷﻜﻪ ﺋﯜﻟﮕﯜﺭﻣﻪﻱ ﻗﺎﻟﻐﺎﻥ ﺭﯨﻢ ﻗﻮﺷﯘﻧﻰ ﻳﻪﺭ ﺑﯩﻠﻪﻥ ﻳﻪﻛﺴﺎﻥ ﺑﻮﻟﺪﻯ. ﻗﻮﺯﻏﯩﻼﯕﭽﯩﻼﺭ ﻗﻮﺷﯘﻧﯩﻨﯩﯔ ﺷﺎﻥ-ﺷﯚھﺮﯨﺘﻰ ﺗﯧﺨﯩﻤﯘ ﺋﯧﺸﯩﭗ، ﺋﺎﺩﻩﻡ ﺳﺎﻧﻰ ﻛﯚﭘﯩﻴﯩﭗ 60 ﻣﯩﯔ ﻛﯩﺸﯩﮕﻪ ﻳﻪﺗﺘﻰ. ﺋﯘﻧﯩﯖﺪﯨﻦ ﻛﯧﻴﯩﻦ ﻗﻮﺯﻏﯩﻼﯕﭽﯩﻼﺭ ﻗﻮﺷﯘﻧﯩﻨﯩﯔ ﺋﯩﭽﻜﻰ ﻗﯩﺴﻤﯩﺪﺍ ﺋﯩﺨﺘﯩﻼﭖ ﭘﻪﻳﺪﺍ ﺑﻮﻟﯘﺵ ﺑﯩﻠﻪﻥ ﻛﺮﯦﻜﺴﯘ 30 ﻣﯩﯔ ﻛﯩﺸﻠﯩﻚ ﻗﻮﺷﯘﻧﻨﻰ ﺑﺎﺷﻼﭖ ﺋﺎﺳﺎﺳﯩﻲ ﻗﻮﺷﯘﻧﺪﯨﻦ ﺋﺎﻳﺮﯨﻠﯩﭗ ﻛﻪﺗﺘﻰ، ﺋﻪﻣﻤﺎ ﺋﯘﻻﺭ ﺋﯘﺯﯗﻧﻐﺎ ﺑﺎﺭﻣﺎﻱ ﺩﯛﺷﻤﻪﻥ ﺗﻪﺭﯨﭙﯩﺪﯨﻦ ﻳﯧﯖﯩﻠﯩﭗ ، ﻛﺮﯦﻜﺴﯘ ﯞﻩ ﺋﯘﻧﯩﯔ ﻛﯚﭖ ﻗﯩﺴﯩﻢ ﺳﻪﺭﻛﻪﺭﺩﻩ-ﻟﻪﺷﻜﻪﺭﻟﯩﺮﻯ ﺟﻪﯕﺪﻩ ﺋﯚﻟﺪﻯ. ﺳﭙﺎﺭﺗﺎﻛﻨﯩﯔ ﺋﺎﺳﺎﺳﯩﻲ ﻗﻮﺷﯘﻧﻰ ﺋﺎﭘﯩﻨﻨﯩﻦ ﺗﺎﻍ ﺗﯩﺰﻣﯩﺴﯩﺪﯨﻦ ﺋﯚﺗﯜﭖ، ﺷﯩﻤﺎﻟﻐﺎ ﺋﺎﺗﻠﯩﻨﯩﭗ، ﻗﻮﻏﻼﭖ ﻛﻪﻟﮕﻪﻥ ﺩﯛﺷﻤﻪﻧﻨﯩﯔ ﻣﯘھﺎﺳﯩﺮﯨﺴﯩﻨﻰ ﯞﻩ ﺗﯘﺭﺍﻟﻐﯘﻟﯩﺮﯨﻨﻰ ﺗﺎﺭﻣﺎﺭ ﻗﯩﻠﯩﭗ، ﭘﻮ ﺩﻩﺭﻳﺎﺳﻰ ﯞﺍﺩﯨﺴﯩﻐﺎ ﻛﯧﻠﯩﭗ ﺋﻮﺭﯗﻧﻼﺷﺘﻰ. ﺑﯘ ﭼﺎﻏﺪﺍ ﻗﻮﺷﯘﻧﻨﯩﯔ ﺋﺎﺩﻩﻡ ﺳﺎﻧﻰ ﻛﯚﭘﯩﻴﯩﭗ 120 ﻣﯩﯖﻐﺎ ﻳﻪﺗﺘﻰ. ﺋﯘﻧﯩﯖﺪﯨﻦ ﻛﯧﻴﯩﻦ ﻗﻮﺯﻏﯩﻼﯕﭽﯩﻼﺭ ﻗﻮﺷﯘﻧﻰ ﺟﯩﺪﺩﯨﻲ ﺗﯜﺭﺩﻩ ﺋﺎﺭﻗﯩﻐﺎ ﻗﺎﻳﺘﯩﭗ، ﺟﺎﺳﺎﺭﻩﺕ ﺑﯩﻠﻪﻥ ﺟﻪﻧﯘﺑﻘﺎ ﺋﺎﺗﻠﯩﻨﯩﭗ ﺋﯘﺩﯗﻟﻼ ﺭﯨﻢ ﺷﻪھﯩﺮﯨﮕﻪ ھۇﺟﯘﻡ ﻗﯩﻠﺪﻯ. ﺭﯨﻢ ﺩﺍﺋﯩﺮﯨﻠﯩﺮﻯ ﻗﺎﺗﺘﯩﻖ ﺳﺎﺭﺍﺳﯩﻤﯩﮕﻪ ﭼﯜﺷﺘﻰ، ھﻪﺗﺘﺎ ﭘﯜﺗﯜﻥ ﻣﻪﻣﻠﯩﻜﻪﺕ ﺧﯘﺩﺩﻯ ھﻪﻧﻨﯩﺒﺎﻝ ﺭﯨﻤﻐﺎ ھﯘﺟﯘﻡ  ﻗﯩﻠﻐﺎﻥ ﯞﺍﻗﯩﺘﺘﯩﻜﻰ ﻗﺎﺑﺎھﻪﺗﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺑﺎﺷﺘﯩﻦ ﻛﻪﭼﯜﺭﯛﯞﺍﺗﻘﺎﻧﺪﻩﻙ ﺟﯩﺪﺩﯨﻲ ھاﻟﻪﺗﺘﻪ ﺋﯚﺗﺘﻰ، ﺭﯨﻢ ﺩﺍﺋﯩﺮﯨﻠﯩﺮﻯ ﺭﯨﻤﻨﻰ ﻗﻮﻏﺪﺍﺷﻘﺎ ﺟﯩﺪﺩﯨﻲ ﻗﻮﺷﯘﻥ ﻳﯚﺗﻜﯩﺪﻯ. ﺭﯨﻤﻨﯩﯔ ﺑﺎﺵ ﻗﻮﻣﺎﻧﺪﺍﻧﻰ ﻛﺮﺍﺳﻮ ﻗﻪﺩﯨﻤﻜﻰ ﺯﺍﻣﺎﻧﺪﯨﻜﻰ «ﺋﻮﻧﺪﯨﻦ ﺑﯩﺮﯨﻨﻰ ﺗﺎﺭﺗﯩﭗ ﺋﯚﻟﺘﯜﺭﯛﺵ ﻗﺎﺋﯩﺪﯨﺴﻰ» ﻧﻰ (ﺟﻪﯓ ﻗﯩﻠﻐﺎﻧﺪﺍ ﻗﺎﭼﻘﯘﻧﻼﺭﻧﯩﯔ ﺋﻮﻧﺪﯨﻦ ﺑﯩﺮﯨﻨﻰ ﺗﺎﺭﺗﯩﭗ ﭼﯩﻘﯩﭗ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﺶ ﻗﺎﺋﯩﺪﯨﺴﯩﻨﻰ) ﺋﻪﺳﻠﯩﮕﻪ ﻛﻪﻟﺘﯜﺭﯛﭖ، ﺋﯚﺯ ﺋﺎﺩﻩﻣﻠﯩﺮﯨﻨﻰ ﻗﻮﺯﻏﯩﻼﯕﭽﯩﻼﺭ ﻗﻮﺷﯘﻧﯩﻐﺎ ﻗﺎﺭﺷﻰ ﺟﻪﯓ ﻗﯩﻠﯩﺸﻘﺎ ﻣﻪﺟﺒﯘﺭﻟﯩﺪﻯ. ﻧﻪﺗﯩﺠﯩﺪﻩ ﺳﭙﺎﺭﺗﺎﻙ ﺭﯨﻤﻨﻰ ﺗﺎﺷﻼﭖ، ﺟﻪﻧﯘﺑﻘﺎ ﻳﯜﺭﯛﺵ ﻗﯩﻠﯩﭗ، ﻳﯧﺮﯨﻢ ﺋﺎﺭﺍﻟﻨﯩﯔ ﺟﻪﻧﯘﺑﯩﻲ ﭼﯧﺘﯩﺪﯨﻜﻰ ﺑﺮﯗﺗﯩﻴﯩﮕﻪ ﻳﯧﺘﯩﭗ ﺑﺎﺭﺩﻯ ﯞﻩ ﺩﯦﯖﯩﺰﺩﯨﻦ ﺋﯚﺗﯜﭖ، ﺳﯧﺴﺘﯩﻠﯩﮕﯩﻴﯩﮕﻪ ﺑﺎﺭﻣﺎﻗﭽﻰ ﺑﻮﻟﺪﻯ. ﺑﯩﺮﺍﻕ، ﻣﯘﯞﻩﭘﭙﯩﻘﯩﻴﻪﺕ ﻗﺎﺯﯨﻨﺎﻟﻤﯩﺪﻯ. ﺑﯘ ﭼﺎﻏﺪﺍ ﺋﺎﺭﻗﯩﺴﯩﺪﯨﻦ ﻗﻮﻏﻼﭖ ﻛﻪﻟﮕﻪﻥ ﻛﯩﺮﺍﺳﺴﯘ ﻗﻮﺯﻏﯩﻼﯕﭽﯩﻼﺭ ﻗﻮﺷﯘﻧﯩﻨﯩﯔ ﺋﺎﺭﻗﺎ ﺗﻪﺭﯨﭙﯩﺪﯨﻜﻰ ﺋﺎﭘﯩﻨﻨﯩﻦ ﻳﯧﺮﯨﻢ ﺋﺎﺭﯨﻠﻰ ﻗﯘﺭﯗﻗﻠﯩﻘﯩﻨﯩﯔ ﺋﻪﯓ ﺗﺎﺭ ﺟﺎﻳﯩﻐﺎ ﻗﻮﺯﻏﯩﻼﯕﭽﯩﻼﺭﻧﯩﯔ ﭼﯧﻜﯩﻨﯩﺶ ﻳﻮﻟﯩﻨﻰ ﺋﯜﺯﯛﭖ ﺗﺎﺷﻼﺵ ﺋﯜﭼﯜﻥ ﺋﯩﻜﻜﻰ ﺋﯘﭼﻰ ﺩﯦﯖﯩﺰﻏﺎ ﺗﯘﺗﯩﺸﯩﺪﯨﻐﺎﻥ ﭼﻮﯓ ﺧﻪﻧﺪﻩﻙ ﻗﺎﺯﺩﯗﺭﻏﺎﻧﯩﺪﻯ. ﯞﺍھﺎﻟﻪﻧﻜﻰ ﺳﭙﺎﺭﺗﺎﻙ ﺋﯚﺯ ﻗﻮﺷﯘﻧﯩﻐﺎ ﻗﻮﻣﺎﻧﺪﺍﻧﻠﯩﻖ ﻗﯩﻠﯩﭗ، ﻗﺎﺭ-ﺷﯩﯟﯨﺮﻏﺎﻧﻠﯩﻖ ﺑﯩﺮ ﻛﯧﭽﯩﺴﻰ ﺑﯘ ﻗﺎﻣﺎﻝ ﻟﯩﻨﯩﻴﯩﺴﯩﻨﻰ ﺑﯚﺳﯜﭖ ﺋﯚﺗﺘﻰ، ﺑﯩﺮﺍﻕ ﻳﻪﻧﻪ ﺷﯘﺋﺎﻥ ﺩﯛﺷﻤﻪﻧﻨﯩﯔ ﻗﻮﺭﺷﺎﯞﯨﺪﺍ ﻗﺎﻟﺪﻯ. ﺋﯘﺯﯗﻥ ﺋﯚﺗﻤﻪﻱ ﻳﻪﻧﻪ ﺑﯩﺮ ﺗﺎﺭﻣﺎﻕ ﻗﻮﺷﯘﻧﻰ ﭼﻮﯓ ﻗﻮﺷﯘﻥ ﺋﯩﭽﯩﺪﯨﻦ ﺑﯚﻟﯜﻧﯜﭖ ﭼﯩﻘﯩﭗ ﻛﯧﺘﯩﭗ، ﺭﯗﮔﺎﻥ ﻛﯚﻟﻰ ﺑﻮﻳﻠﯩﺮﯨﺪﺍ ﺋﺎﻳﻠﯩﻨﯩﭗ ﻳﯜﺭﯛﭖ، ﻛﯩﺮﺍﺳﺴﻮ ﻗﻮﺷﯘﻧﻰ ﺗﻪﺭﯨﭙﯩﺪﯨﻦ ﭘﯜﺗﯜﻧﻠﻪﻱ ﻳﻮقۇتۇلدى. ﻛﯩﺮﺍﺳﺴﻮ ﻳﻪﻧﻪ ﺋﯩﺴﭙﺎﻧﯩﻴﯩﺪﻩ ﻏﻪﻟﯩﺒﻪ  ﻗﺎﺯﯨﻨﯩﭗ ﯞﻩﺗﯩﻨﯩﮕﻪ ﻗﺎﻳﺘﯩﭗ ﻣﺎﯕﻐﺎﻥ ﻳﻮﻧﭙﯧﺮ ﻗﯩﺴﯩﻤﻠﯩﺮﯨﻨﯩﯔ ﻳﺎﺭﺩﯨﻤﯩﮕﻪ ﻣﯘﻳﻪﺳﺴﻪﺭ ﺑﻮﻟﺪﻯ. ﻣﯩﻼﺩﯨﺪﯨﻦ ﺋﯩﻠﮕﯩﺮﯨﻜﻰ 71-ﻳﯩﻠﻰ ﺋﻪﺗﯩﻴﺎﺯﺩﺍ ﺳﭙﺎﺭﺗﺎﻙ ﻗﻮﺯﻏﯩﻼﯓ ﻗﻮﺷﯘﻧﯩﻐﺎ ﻳﯧﺘﻪﻛﭽﯩﻠﯩﻚ ﻗﯩﻠﯩﭗ، ﺋﺎﭘﯘﻟﻠﯩﻴﻪ ﺩﺍﺋﯩﺮﯨﺴﯩﺪﻩ ﺩﯛﺷﻤﻪﻥ ﺑﯩﻠﻪﻥ ﻗﺎﻥ ﻛﯧﭽﯩﭗ ﺋﯧﻠﯩﺸﺘﻰ، ﺳﭙﺎﺭﺗﺎﻙ ﯞﻩ ﻧﻪﭼﭽﻪ 10 ﻣﯩﯔ ﻗﻮﺯﻏﯩﻼﯕﭽﻰ ﺳﻪﺭﻛﻪﺭﺩﻩ-ﻟﻪﺷﻜﻪﺭ  ﺋﺎﻟﺪﯨﻨﻘﯩﻠﯩﺮﻯ ﻳﯩﻘﯩﻠﺴﺎ، ﻛﯧﻴﯩﻨﻜﯩﻠﻪﺭ ﺋﯩﺰﯨﻨﻰ ﺑﯧﺴﯩﭗ، ﺋﻪﯓ ﺋﺎﺧﯩﺮﯨﻐﯩﭽﻪ ﺟﻪﯓ ﻗﯩﻠﺪﻯ. ﻛﯩﺮﺍﺳﺴﻮ ﺟﻪﯕﺪﻩ ﻣﻪﻏﻠﯘﺏ ﺑﻮﻟﻐﺎﻥ ﻗﻮﺯﻏﯩﻼﯕﭽﯩﻼﺭﺩﯨﻦ ﺩﻩھشەﺗﻠﯩﻚ ﺋﯚﭺ ﺋﯧﻠﯩﭗ، 6000 ﺋﻪﺳﺮﻧﻰ ﻛﯧﺮﯨﺴﺘﻘﺎ ﻣﯩﻘﻼﭖ، ﻛﯧﺮﯨﺴﺘﻨﻰ ﻛﺎﭘﯘﻳﺎﺩﯨﻦ ﺭﯨﻤﻐﯩﭽﻪ ﻳﻮﻟﻨﯩﯔ ﺋﯩﻜﻜﻰ ﻳﺎﻗﯩﺴﯩﻐﺎ ﺗﯩﻜﻠﻪﭖ ﻗﻮﻳﺪﻯ. ﺑﯘ ﻗﯧﺘﯩﻤﻘﻰ ﻗﻮﺯﻏﯩﻼﯓ ﺋﻪﻧﻪ ﺷﯘﻧﺪﺍﻕ ﺋﯜﺯﯛﻝ-ﻛﯧﺴﯩﻞ ﺑﺎﺳﺘﯘﺭﯗﻟﺪﻯ.

ﺑﯘ ﻗﯧﺘﯩﻤﻘﻰ ﺩﺍﻏﺪﯗﻏﯩﻠﯩﻖ ﻗﯘﻟﻼﺭ ﻗﻮﺯﻏﯩﻠﯩﯖﻰ ﺭﯨﻤﻨﯩﯔ ﻗﯘﻟﻠﯘﻕ ﺗﯜﺯﯛﻣﯩﻨﻰ ﺗﻪﯞﺭﯨﺘﯩﭗ، ﺭﯨﻢ ﻗﯘﻟﺪﺍﺭﻟﯩﺮﯨﻐﺎ ﻗﺎﻗﺸﺎﺗﻘﯘﭺ ﺯﻩﺭﺑﻪ ﺑﯧﺮﯨﭗ، ﺭﯨﻢ ﺟﯘمھۇﺭﯨﻴﯩﺘﯩﻨﯩﯔ ھﺎﻻﻙ ﺑﻮﻟﯘﺷﯩﻨﻰ ﺗﯧﺰﻟﻪﺗﺘﻰ.

ﻣﻪﻧﺒﻪ : «ﺩﯗﻧﻴﺎﻏﺎ ﺗﻪﺳﯩﺮ ﻛﯚﺭﺳﻪﺗﻜﻪﻥ 100 ﺋﯘﺭﯗﺵ» ﻧﺎﻣﻠﯩﻖ كىتاپتىن ئېلىندى

توردىكى مەنبەسى: مىسرانىم مۇنبىرى