گلافكوس كلېرىدېس

گلافكوس كلېرىدېس

 جەنۇبىي قىبرىس (جەنۇبىي سىپرۇس) نىڭ سابىق پرېزىدېنتى گلافكوس كلېرىدېس (Glafcos Ioannou Clerides) نىڭ شەخسىي دوختۇرى 11-ئاينىڭ 15-كۈنى بىلدۈرۈشىچە، كلېرىدېس 11-ئاينىڭ 15-كۈنى جەنۇبىي قىبرىس جۇمھۇرىيىتىنىڭ پايتەختى نىكوسىيا (Nicosia) دىكى بىر دوختۇرخانىدا 94 يېشىدا ئالەمدىن ئۆتكەن.

كلېرىدېس 2013-يىلى 2-ئاينىڭ 28-كۈنى يېڭىدىن سايلانغان پرېزىدېنت نىكوس ئاناستاسىيادېس (Nicos Anastasiades) نىڭ ۋەزىپىگە ئولتۇرۇش مۇراسىمىغا قاتناشقاندا، ئەڭ ئاخىرقى قېتىم ئامما ئالدىدا نامايان بولغان.

گلافكوس  ئىئاننو كلېرىدېس 1919-يىلى 4-ئاينىڭ 24-كۈنى جەنۇبىي قىبرىسنىڭ پايتەختى نىكوسىيادا تۇغۇلغان، ئادۋوكات ۋە سىياسىئون لوننىس كلېرىدېس (Ioannis Clerides) نىڭ چوڭ ئوغلى. ئىككىنچى دۇنيا ئۇرۇشى مەزگىلىدە، ئەنگلىيە خان جەمەتى ھاۋا ئارمىيىسىدە خىزمەت قىلغان. 1942-يىلى، ئۇ ھەيدىگەن ئايروپىلان گېرمانىيەدە ئېتىپ چۈشۈرۈلگەن، ئۇ گېرمانلارغا ئەسىرگە چۈشكەن. تاكى ئۇرۇش ئاخىرلاشقۇچە تۈرمىدە ياتقان.

ئۇ ئۇرۇشتىن كېيىن لوندون پادىشاھ ئىنىستىتۇتىدا قانۇن ئۆگەنگەن، 1948-يىلى ئوقۇش پۈتتۈرگەن، كېيىن سىپرۇستا پراكتىكا قىلغان.

سىپرۇس 1960-يىلى مۇستەقىل بولغاندىن كېيىن، بىرلەشمە دېموكراتلار پارتىيىسىنىڭ ئەزاسى بولۇش سۈپىتى بىلەن سىياسىي ھوقۇققا ئېرىشكەن. 1974-يىلى قىسقا مەزگىل مۇۋەققەت باش پرېزىدېنت بولغان.

2003-يىلدىكى پرېزىدېنت سايلىمىدا، دېموكراتلار پارتىيىسىنىڭ پرېزىدېنت نامزاتىنى مەغلۇپ قىلىپ، جەنۇبىي قىبرىس جۇمھۇرىيىتىنىڭ 4-نۆۋەتلىك پرېزىدېنتى بولغان. 1998-يىلى قايتا پرېزىدېنتلىققا سايلىنىپ، جەنۇبىي قىبرىسنىڭ ياۋروپا ئىتتىپاقىغا كىرىش سۆھبىتىنى مۇۋەپپەقىيەتلىك تاماملىغان، 2003-يىلى 2-ئاينىڭ 28-كۈنى ۋەزىپە مۇددىتى توشۇپ پرېزىدېنتلىق ۋەزىپىسىدىن ئايرىلغان. 2013-يىلى 11-ئاينىڭ 15-كۈنى 94 يېشىدا ئالەمدىن ئۆتكەن.