ﻛﯚﭖ ﺋﯘﭼﺮﺍﻳﺪﯨﻐﺎﻥ ﺩﯨﻨﻰ ﺋﺎﺗﺎﻟﻐﯘﻻﺭ

ﻛﯚﭖ ﺋﯘﭼﺮﺍﻳﺪﯨﻐﺎﻥ ﺩﯨﻨﻰ ﺋﺎﺗﺎﻟﻐﯘﻻﺭ

ﺋﯩﺴﻼﻡ:

ﺑﻮﻳﺴﯘﻧﻤﺎﻕ، ﺋﯩﺘﺎﺋﻪﺕ ﻗﯩﻠﻤﺎﻕ ﺩﯦﮕﻪﻥ ﻣﻪﻧﯩﻠﻪﺭﺩﻩ ﺑﻮﻟﯘﭖ ﺑﯘ ﮬﻪﻕ ﺩﯨﻨﯩﻤﯩﺰﻧﯩﯔ ﺍﻟﻠﻪ ﺗﻪﺭﻩﭘﺘﯩﻦ ﻗﻮﻳﯘﻟﻐﺎﻥ ﻧﺎﻣﯩﺪﯗﺭ. ﺑﯘ ﮬﻪﻗﺘﻪ ﺍﻟﻠﻪ ﺗﻪﺋﻪﻻ ﻗﯘﺭﺋﺎﻥ ﻛﻪﺭﯨﻤﺪﻩ ﻣﯘﻧﺪﺍﻕ ﺩﯦﮕﻪﻥ : «ﮬﻪﻗﯩﻘﻪﺗﻪﻥ ﺍﻟﻠﻪ ﻧﯩﯔ ﻧﻪﺯﯨﺮﯨﺪﻩ ﻣﻪﻗﺒﯘﻝ ﺩﯨﻦ ﺋﯩﺴﻼﻡ(ﺩﯨﻨﻰ)ﺩﯗﺭ.» (ﺳﯜﺭﻩ ﺋﺎﻝ ﺋﯩﻤﺮﺍﻥ 19- ﺋﺎﻳﻪﺕ)

 ﺋﯩﻤﺎﻥ:ﺋﯩﺸﯩﻨﯩﺶ ﺩﯦﮕﻪﻥ ﻣﻪﻧﯩﺪﻩ ﺑﻮﻟﯘﭖ ﺍﻟﻠﻪ ﻗﺎ، ﺍﻟﻠﻪ ﻧﯩﯔ ﭘﻪﺭﯨﺸﺘﯩﻠﯩﺮﯨﮕﻪ ، ﭘﻪﻳﻐﻪﻣﺒﻪﺭﻟﯩﺮﯨﮕﻪ، ﻛﯩﺘﺎﺑﻠﯩﺮﯨﻐﺎ ، ﻗﯩﻴﺎﻣﻪﺕ ﻛﯜﻧﯩﻨﯩﯔ ﺑﻮﻟﯩﺪﯨﻐﺎﻧﻠﯩﻘﯩﻐﺎ ﯞﻩ ﻳﺎﺧﺸﯩﻠﯩﻖ – ﻳﺎﻣﺎﻧﻠﯩﻘﻨﯩﯔ ﺍﻟﻠﻪ ﻧﯩﯔ ﺗﻪﻗﺪﯨﺮﻯ ﺑﯩﻠﻪﻥ ﺭﻭﻳﺎﭘﻘﺎ ﭼﯩﻘﯩﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﺶ ﺋﯩﻤﺎﻥ ﺩﻩﭖ ﺋﺎﺗﯩﻠﯩﺪﯗ.

ﭘﻪﺭﺯ:ﺑﯘ ﺑﯩﺮ ﺗﯜﺭﻟﯜﻙ ﻣﻪﺟﺒﯘﺭﻻﺵ ﺗﯜﺳﯩﻨﻰ ﺋﺎﻟﻐﺎﻥ، ﻗﯩﻠﯩﺶ ﺗﻪﻟﻪﭖ ﻗﯩﻠﯩﻨﻐﺎﻥ، ﺗﻪﺭﻙ ﺋﯧﺘﯩﺸﻜﻪ ﻗﻪﺗﺌﯩﻲ ﺑﻮﻟﻤﺎﻳﺪﯨﻐﺎﻥ ﺋﯩﺸﻼﺭﻧﻰ ﻛﯚﺭﺳﯩﺘﯩﺪﯗ. ﭘﻪﺭﺯ ﻗﯘﺭﺋﺎﻧﻰ ﻛﻪﺭﯨﻤﻨﯩﯔ ﺩﻩﻟﯩﻠﻰ ﺋﯧﻨﯩﻖ ﺋﺎﻳﻪﺗﻠﯩﺮﯨﺪﯨﻦ ﺋﯧﻠﯩﻨﯩﺪﯗ. ﻣﻪﺳﯩﻠﻪﻥ؛ « ﺋﻰ ﻣﯚﻣﯩﻨﻠﻪﺭ! (ﮔﯘﻧﺎﮬﻼﺭﺩﯨﻦ) ﺳﺎﻗﻠﯩﻨﯩﺸﯩﯖﻼﺭ ﺋﯜﭼﯜﻥ، ﺳﯩﻠﻪﺭﺩﯨﻦ ﺋﯩﻠﮕﯩﺮﯨﻜﯩﻠﻪﺭﮔﻪ (ﻳﻪﻧﻰ ﺋﯩﻠﮕﯩﺮﯨﻜﻰ ﺋﯜﻣﻤﻪﺗﻠﻪﺭﮔﻪ) ﺭﻭﺯﺍ ﭘﻪﺭﺯ ﻗﯩﻠﯩﻨﻐﺎﻧﺪﻩﻙ، ﺳﯩﻠﻪﺭﮔﯩﻤﯘ (ﺭﺍﻣﯩﺰﺍﻥ ﺭﻭﺯﯨﺴﻰ) ﭘﻪﺭﺯ ﻗﯩﻠﯩﻨﺪﻯ» (ﺳﯜﺭﻩ ﺑﻪﻗﻪﺭ 183- ﺋﺎﻳﻪﺕ) ﭘﻪﺭﺯ ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻣﻨﯩﯔ ﺋﻪﯓ ﺋﯩﺸﻪﻧﭽﯩﻠﯩﻚ، ﻣﯘﺗﺎﯞﺍﺗﯩﺮ (ﻟﯩﻨﻴﻪﺳﻰ) ﺋﯜﺯﯛﻟﯜﭖ ﻗﺎﻟﻤﯩﻐﺎﻥ ﺳﻪﮬﯩﮫ ﮬﻪﺩﯨﺴﻠﻪﺭﺩﯨﻨﻤﯘ ﺋﯧﻠﯩﻨﯩﺪﯗ. ﻣﻪﺳﯩﻠﻪﻥ؛ ﻧﺎﻣﺎﺯﺩﯨﻜﻰ ﺗﻪﻛﺒﯩﺮ ﺗﻪﮬﺮﯨﻤﯩﮕﻪ ﺋﻮﺧﺸﺎﺵ. «ﻧﺎﻣﺎﺯﻧﯩﯔ ﺋﺎﭼﻘﯘﭼﻰ ﺗﺎﮬﺎﺭﻩﺕ ﺋﯘﻧﯩﯔ ﮬﺎﺭﺍﻡ ﻗﯩﻠﻐﯘﭼﯩﺴﻰ ﺗﻪﻛﺒﯩﺮ ﺗﻪﮬﺮﯨﻤﻪ ﯞﻩ ﮬﺎﻻﻝ ﻗﯩﻠﻐﯘﭼﯩﺴﻰ ﺳﺎﻻﻣﺪﯗﺭ» ﺩﯦﮕﻪﻥ ﮬﻪﺩﯨﺲ ﺩﻩﻟﯩﻠﺪﯗﺭ. (ﺑﯘ ﮬﻪﺩﯨﺴﻨﻰ ﺷﺎﻓﯩﺌﯩﻲ ، ﺋﻪﮬﻤﻪﺩ، ﺋﻪﺑﯘﺩﺍﯞﯗﺩ ، ﺋﯩﺒﻨﻰ ﻣﺎﺟﺠﻪ ﯞﻩ ﺗﯩﺮﻣﯩﺰﻯ ﻗﺎﺗﺎﺭﻟﯩﻖ ﮬﻪﺩﯨﺲ ﺷﯘﻧﺎﺳﻼﺭ ﺗﻮﭘﻠﯩﻐﺎﻥ)
ﭘﻪﺭﯨﺰﮔﻪ ﺋﻪﻣﻪﻝ ﻗﯩﻠﻐﯘﭼﻰ ﺳﺎﯞﺍﺑﻘﺎ ﺋﯧﺮﯨﺸﯩﺪﯗ. ﺗﻪﺭﻙ ﺋﻪﺗﻜﯜﭼﻰ ﮔﯘﻧﺎﮬﻜﺎﺭ ﺑﻮﻟﯩﺪﯗ . ﺋﯩﻨﻜﺎﺭ ﻗﯩﻠﻐﯘﭼﻰ ﺩﯨﻨﺪﯨﻦ ﭼﯩﻘﻘﺎﻥ ﮬﯧﺴﺎﺑﻠﯩﻨﯩﺪﯗ . 

ﯞﺍﺟﯩﭗ:ﺳﻪﮬﯩﮫ ﮬﻪﺩﯨﺴﻠﻪﺭﺩﯨﻦ ﺋﯧﻠﯩﻨﻐﺎﻥ ﻳﺎﻛﻰ ﺋﺎﻳﻪﺗﻨﯩﯔ ﺋﯩﺸﺎﺭﯨﺘﻪﻥ ﻣﻪﻧﯩﻠﯩﺮﺩﯨﻦ ﺋﯧﻠﯩﻨﻐﺎﻥ ﺋﻪﮬﻜﺎﻣﻼﺭﻧﻰ ﻛﯚﺭﺳﯩﺘﯩﺪﯗ. ﻣﻪﺳﯩﻠﻪﻥ: ﻧﺎﻣﺎﺯﺩﺍ ﺳﯜﺭﻩ ﻓﺎﺗﯩﮭﻪ ﻧﻰ ﻗﯩﺮﺍﺋﻪﺕ ﻗﯩﻠﯩﺸﻘﺎ ﺋﻮﺧﺸﺎﺵ. ﯞﺍﺟﯩﭙﻨﻰ ﺗﻪﺭﻙ ﺋﻪﺗﻜﯜﭼﻰ ﮔﯘﻧﺎﮬﻜﺎﺭ ﺑﻮﻟﯩﺪﯗ . ﺋﻪﮔﻪﺭ ﯞﺍﺟﯩﭗ ﻧﺎﻣﺎﺯ ﺋﯩﭽﯩﺪﻩ ﺗﻪﺭﻙ ﺋﯧﺘﯩﻠﺴﻪ ﻗﺎﻳﺘﺎ ﻗﯩﻠﯩﻨﯩﺪﯗ. ﻳﺎﻛﻰ ﺳﻪﺟﯩﺪﻩ ﺳﻪﮬﯟﻩ ﻗﯩﻠﯩﻨﯩﺪﯗ. (ﮬﺎﺯﯨﺮﻗﻰ ﺯﺍﻣﺎﻥ ﭘﯩﻘﮭﻰ ﺷﯘﻧﺎﺳﻠﯩﺮﻯ ﯞﺍﺟﯩﭙﻤﯘ ﭘﻪﺭﺯﻧﯩﯔ ﮬﯚﻛﻤﯩﮕﻪ ﺋﻮﺧﺸﺎﺵ ﺩﻩﭖ ﻗﺎﺭﯨﻤﺎﻗﺘﺎ)

ﺳﯜﻧﻨﻪﺕ:ﻳﻮﻝ، ﺋﯩﺶ ﮬﻪﺭﯨﻜﻪﺕ ﺩﯦﮕﻪﻥ ﻣﻪﻧﯩﺪﻩ، ﺳﯜﻧﻨﻪﺕ ﺋﯘﻣﯘﻣﻪﻥ ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻣﻨﯩﯔ ﻗﯩﻠﻐﺎﻥ ﺋﻪﺗﻜﻪﻧﻠﯩﺮﻯ ﺑﻮﻟﯘﭖ ﺑﯘﻧﯩﯖﻐﯩﻤﯘ ﻗﯘﺭﺋﺎﻥ ﻛﻪﺭﯨﻢ ﯞﻩ ﺳﻪﮬﯩﮫ ﮬﻪﺩﯨﺴﻠﻪﺭﺩﻩ ﺋﯧﻨﯩﻖ ﻳﻮﻝ ﻳﻮﺭﯗﻕ ﺑﺎﺭ، ﻗﯘﺭﺋﺎﻧﻰ ﻛﻪﺭﯨﻤﺪﯨﻜﻰ :« ﭘﻪﻳﻐﻪﻣﺒﻪﺭ ﺳﯩﻠﻪﺭﮔﻪ ﺑﻪﺭﮔﻪﻧﻨﻰ ﺋﯧﻠﯩﯖﻼﺭ، ﭘﻪﻳﻐﻪﻣﺒﻪﺭ ﭼﻪﻛﻠﯩﮕﻪﻥ ﻧﻪﺭﺳﯩﺪﯨﻦ ﭼﻪﻛﻠﯩﻨﯩﯖﻼﺭ،» (59- ﺳﯜﺭﻩ ﮬﻪﺷﯩﺮ 7- ﺋﺎﻳﻪﺕ) ﮬﻪﺩﯨﺴﺘﯩﻜﻰ : «ﻣﯩﻨﯩﯔ ﺳﯜﻧﻨﯩﺘﯩﻤﻨﻰ ﯞﻩ ﺧﯘﻻﭘﺎﺋﻰ ﺭﺍﺷﯩﺪﯨﻨﻼﺭﻧﯩﯔ ﺳﯜﻧﻨﯩﺘﯩﻨﻰ ﭼﯩﯔ ﺗﯘﺗﯘﯕﻼﺭ ﯞﻩ ﺷﯘﻧﯩﯖﻐﺎ ﺋﯧﺴﯩﻠﯩﯖﻼﺭ.» (ﺋﻪﮬﻤﻪﺩ ﺭﯨﯟﺍﻳﻪﺕ ﻗﯩﻠﻐﺎﻥ)

 ﻣﯘﺳﺘﻪﮬﻪﭖ:ﺩﯨﻨﺪﺍ ﻳﺎﺧﺸﻰ ﻛﯚﺭﯛﻟﯩﺪﯨﻐﺎﻥ ﺋﯩﺸﻼﺭﻧﻰ ﻛﯚﺭﺳﯩﺘﯩﺪﯗ.

ﻣﻪﻛﺮﻭﮪ :ﺩﯨﻨﺪﺍ ﻳﺎﻣﺎﻥ ﻛﯚﺭﯛﻟﯩﺪﯨﻐﺎﻥ ﺋﯩﺸﻼﺭﻧﻰ ﻛﯚﺭﺳﯩﺘﯩﺪﯨﻐﺎﻥ ﺑﻮﻟﯘﭖ ﻣﯘﺳﺘﻪﮬﻪﭘﻨﯩﯔ ﺩﻩﻝ ﺋﻪﻛﺴﻰ. ﻣﻪﺳﯩﻠﻪﻥ: ﺳﻮﻝ ﻗﻮﻟﯩﺪﺍ ﺗﺎﻣﺎﻕ ﻳﯧﻴﯩﺸﻜﻪ ﺋﻮﺧﺸﺎﺵ.

ﻣﯘﺑﺎﮪ:ﺩﯨﻨﺪﺍ ﻗﯩﻠﯩﺸﻘﺎ ﺭﯗﺧﺴﻪﺕ ﺑﯧﺮﯨﻠﮕﻪﻥ ﺋﯩﺸﻼﺭﻧﻰ ﻛﯚﺭﺳﯩﺘﯩﺪﯗ.

ﺟﺎﺋﯩﺰ:ﺩﯨﻨﺪﺍ ﻗﯩﻠﺴﺎ ﺑﻮﻟﯩﺪﯗ ﺩﻩﭖ ﻗﺎﺭﺍﻟﻐﺎﻥ ﺋﯩﺸﻼﺭﻧﻰ ﻛﯚﺭﺳﯩﺘﯩﺪﯗ.

ﻧﻪﭘﻠﻪ: ﺑﯘ ﺳﯜﻧﻨﻪﺕ ﺗﯩﭙﯩﺪﯨﻜﻰ ﺋﻪﻣﻪﻟﻠﻪﺭ ﺑﻮﻟﯘﭖ ﻗﯩﻠﺴﺎ ﺳﺎﯞﺍﺏ ﺑﻮﻟﺪﯨﻐﺎﻥ ﻗﯩﻠﻤﯩﺴﺎ ﮔﯘﻧﺎﮪ ﺑﻮﻟﻤﺎﻳﺪﯨﻐﺎﻥ ﺋﻪﻣﻪﻟﻠﻪﺭﻧﻰ ﻛﯚﺭﺳﯩﺘﯩﺪﯗ.

ﮬﺎﺭﺍﻡ:ﻗﯘﺭﺋﺎﻥ ﻛﻪﺭﯨﻤﺪﻩ ﯞﻩ ﺳﻪﮬﯩﮫ ﮬﻪﺩﯨﺴﻠﻪﺭﺩﻩ ﺋﯧﻨﯩﻖ ﭼﻪﻛﻠﻪﻧﮕﻪﻥ ﺋﯩﺸﻼﺭﻧﻰ ﻛﯚﺭﺳﯩﺘﯩﺪﯗ. ﮬﺎﺭﺍﻡ ﺋﯩﺸﻼﺭﻧﻰ ﻗﯩﻠﻐﯘﭼﻰ ﮔﯘﻧﺎﮬﻜﺎﺭ ﺑﻮﻟﯩﺪﯗ ﯞﻩ ﺗﯧﮕﯩﺸﻠﯩﻚ ﺟﺎﺯﺍﺳﯩﻨﻰ ﺗﺎﺭﺗﯩﺪﯗ. ﮬﺎﻻﻝ ﺩﻩﭖ ﻗﺎﺭﯨﻐﯘﭼﻰ ﺩﯨﻨﺪﯨﻦ ﭼﯩﻘﻘﺎﻥ ﮬﯧﺴﺎﺑﻠﯩﻨﯩﺪﯗ .

 ﮬﺎﻻﻝ:ﻗﯘﺭﺋﺎﻧﻰ ﻛﻪﺭﯨﻤﺪﻩ ﯞﻩ ﺳﻪﮬﯩﮫ ﮬﻪﺩﯨﺴﻠﻪﺭﺩﻩ ﻗﯩﻠﯩﺸﻘﺎ ﻳﻪﭖ - ﺋﯩﭽﯩﺸﻜﻪ ﺭﯗﺧﺴﻪﺕ ﺑﯧﺮﯨﻠﮕﻪﻥ ﻧﻪﺭﺳﻪ ﯞﻩ ﺋﯩﺸﻼﺭﻧﻰ ﻛﯚﺭﺳﯩﺘﯩﺪﯗ. ﮬﺎﻻﻝ ﯞﻩ ﮬﺎﺭﺍﻣﻨﯩﯔ ﺗﯜﺭﯨﻨﻰ ﺑﯧﻜﯩﺘﯩﺶ ﭘﻪﻗﻪﺕ ﺍﻟﻠﻪ ﻗﺎ ﯞﻩ ﺍﻟﻠﻪ ﻧﯩﯔ ﭘﻪﻳﻐﻪﻣﺒﯩﺮﯨﮕﻪ ﺧﺎﺳﺪﯗﺭ.

ﺑﯩﺪﺋﻪﺕ:ﺩﯨﻨﺪﺍ ﺋﻮﺭﻧﻰ ﻳﻮﻕ ﺋﯩﺒﺎﺩﻩﺕ ﻧﺎﻣﯩﺪﯨﻜﻰ ﺋﯩﺸﻼﺭﻧﻰ ﻛﯚﺭﺳﯩﺘﯩﺪﯗ. ﺑﯩﺪﺋﻪﺕ ﺑﯩﻠﻪﻥ ﺷﯘﻏﯘﻟﻼﻧﻐﯘﭼﻰ ﮔﯘﻧﺎﮬﻜﺎﺭ ﺑﻮﻟﯩﺪﯗ .