گيورگى مارگۋېلاشۋىلى

گيورگى مارگۋېلاشۋىلى

ئېنگىلىزچە: Giorgi Margvelashvili

خەنزۇچە: 格奥尔基•马尔格韦拉什维利

گيورگى مارگۋېلاشۋىلى 1969-يىلى 9-ئاينىڭ 4-كۈنى گرۇزىيە پايتەختى تىبلىستا تۇغۇلغان، 1992-يىلى گرۇزىيە تىبلىس دۆلەتلىك ئۇنىۋېرسىتېتىنى پۈتتۈرگەن، ۋېنگىرىيە بۇداپىشىتى ئوتتۇرا ياۋروپا ئۇنىۋېرسىتېتىدا سوتسىئولوگىيە ۋە پەلسەپە ئۆگەنگەن ((1993-1994) ھەمدە 1998-يىلى تىبلىس دۆلەتلىك ئۇنىۋېرسىتېتىدا پەلسەپە دوكتورلۇق ئۇنۋانىغا ئېرىشكەن. 

مارگۋېلاشۋىلى گرۇزىيەنىڭ ئوبزورچىسى، سىياسىئونى بولۇپ، 2010-يىلىدىن 2012-يىلىغىچە،  بىدزىنا ئىۋانىشۋىلى (Bidzina Ivanishvili) رەھبەرلىكىدىكى ئىچكى كابىنېتتا گرۇزىيە مائارىپ ۋە ئىلىم-پەن مىنىستىرى بولغان. 2013-يىلى 2-ئايدا گرۇزىيەنىڭ مۇئاۋىن باش مىنىستىرى بولغان. 2013-يىلى 5-ئاينىڭ 11-كۈنى، ئىۋانىشۋىلى رەھبەرلىكىدىكى  گرۇزىيە چۈش ئىتتىپاقى (Georgian Dream coalition) ئىتتىپاقى مارگۋېلاشۋىلىنى 2013-يىلى 10-ئايدا ئۆتكۈزۈلىدىغان گرۇزىيە پرېزىدېنت سايلىمى نامزاتىغا كۆرسەتكەن. 2013-يىلى 10-ئاينىڭ 27-كۈنى ئۆتكۈزۈلگەن گرۇزىيە پرېزىدېنت سايلىمىدا غەلبە قىلىپ پرېزىدېنتلىققا سايلانغان. گرۇزىيە مەركىزىي سايلام كومىتېتى 10-ئاينىڭ 28-كۈنى ئېلان قىلغان %90 تىن يۇقىرى سايلام رايونىدىكى بېلەتنى ئىستاتىستىكىلىشىچە، گيورگى مارگۋېلاشۋىلى %62 سايلام بېلىتىگە ئېرىشىپ، سايلامدا غەلبە قىلغان.

مارگۋېلاشۋىلى تاكى 2013-يىلغىچە توي قىلمىغان، مۇخبىرلارغا شەخسىي تۇرمۇشىنى ئۆزگەرتىش ئويىنىڭ يوقلىقىنى بىلدۈرگەن.