ياشانغانلارغا دورا ئىشلىتىش ﯰﺳﯘﻟﻰ

ياشانغانلارغا دورا ئىشلىتىش ﯰﺳﯘﻟﻰ
    دورا كېسەللىككە قارشى تۇردىغان مۇھىم ۋاستە. ئۇنى توغرا ۋە مۇۋاپىق ئىشلەتسە ، كېسەلنى ساقايتىدۇ ، ئەگەر ئىشلىتىش مۇۋاپىق بولمىسا ، سالامەتلىككە زىيىنى كۆپ ، يېقىنقى يىللاردىن بۇيان مەملىكەت ئىچى ۋە سىرتىدا ياشانغانلارغا دورا ئىشلىتىش مەسىلىسى ئۈستىدە مەخسۇس تەتقىقاتلار ئېلىپ بارماقتا . ياشانغانلارىڭ ھەر قايسى ئەزالىرى بولۇپمۇ مېڭە ، يۈرەك ، جىگەر ، ئۆپكە ۋە بۆرەكلەرنىڭ ئىقتىدارى ئاجىزلاشقان بولۇپ ،دورىلارغا بولغان چىداملىقى تۆۋەنلەيدۇ . ئۇنىڭدىن باشقا ، ياشانغانلاردا كۆپ خىل كېسەل بىرگە قوشۇلۇپ كېلىپ ، ئىشلەتكەن دورا تۈرى كۆپ ھەم ئىشلەتكەن ۋاقتى ئۇزۇن بولغاچقا ، ئازراقلا بىخۇدلۇق قىلغاندا دورىدىن زەھەرلىنىش كېلىپ چىقىدۇ .

        ياشانغانلار دورا ئىشلەتكەندە تۆۋەندىكىلەرگەدېققەت قىلىش كېرەك :

        1. دورىنى مۇۋاپىق تاللاش كېرەك. دورىنىڭ باھاسى قانچە يۇقىرى ، مىقدارى قانچە كۆپ بولسا ئۈنۈمى شۇنچە ياخشى بولىدۇ دىگەن كۆز قاراش خاتا . يەنە بىرنەچچە خىل دورىنى بىراقلا ئىچمەسلىك كېرەك . ئەگەر بىر خىل دورا بىلەن ساقىيىدىغان كېسەلگە ھەرگىز ئىككى خىل دورىنى قوشماسلىق ، يېگىلى بولدىغان دورا بولسا ، ھەرگىز ئوكۇل قىلىپ سالماسلىق ، شۇنىڭدەك بېخەتەر بولغان دورىلارنى ئىشلىتىش كېرەك .

        2. دورىنىڭ ئەكىس تەسىرىدىن ساقلىنىش كېرەك . بۇرۇنقىلارنىڭ دىيىشىچە ، ھەرخىل دورا زەھەردۇر . بۇ گەپىڭ مەلۇم مەنىسى بار . ياشانغانلارغا دورا ئىشلەتكەندە دورىنىڭ ئەكىس تەسىرىگە دېققەت قىلىش كېرەك . بەزى دورىلار ئاڭلاش قۇۋۋىتىگە تەسىر يەتكۈزسە ، بەزىلىرى يىلىكنىڭ قان ئىشلەش رولىغا توسقۇنلۇق قىلىدۇ . ھەتتا كېسەللەر كېسەللىكتىن ئەمەس بەلكى ئىشلەتكەن دورىدىن زەھەرلىنىپ ئۆلۈپ كېتىدۇ .

        3.دورا ئىشلەتكەندە مىقدارىنى كونتىرول قىلىش كېرەك . ئازلىقتىن تەدرىجىي كۆپەيتىش . بەك چوڭ مىقتاردا ئىشلەتمەسلىك كېرەك . شۇڭا ئىمكانقەدەر دوختۇرنىڭ تاپشۇرۇقى بويىچە دورا ئىشلىتىش كېرەك .

        4. دورىلارنى قالايمىقان ئىچىۋەرمەسلىك كېرەك. بەزىلەر ئېلانلاردا ياخشى دەپ ماختالغان دورىلارنى ئىچىۋېرىدۇ . بۇنداق ماختالغان دورىلارنىڭ ئەكىس تەسىر بولىدۇ . مەسىلەن : بۇرۇن قاناش ، ئاشقازان قىززىش ۋە ئاغرىش قاتارلىقلار .

        5. ياشانغانلار كېسەل بولسا ، ساقىيىشى ئاستا بولغانلىقتىن دورا ئىچىشتىن باشقا يېمەكلىككە دېققەت قىلىش ، دەم ئېلىش ، چېنىقىپ بېرىش كېرەك .

مەنبە : شىپايى تور بېتى