تېلېۋىزور تىزگىنىكىنىڭ كەشپىياتچىسى يۇجىن پولىي ئالەمدىن ئۆتتى

تېلېۋىزور تىزگىنىكىنىڭ كەشپىياتچىسى يۇجىن پوللىي ئالەمدىن ئۆتتى

 

   تەيۋەن رادىئو ئاخبارات تورىنىڭ 2012-يىلى 5-ئاينىڭ 23-كۈنىدىكى خەۋىرىگە ئاساسلانغاندا، تېلېۋىزورنىڭ سىمسىز تىزگىنىكىنى كەشپ قىلغۇچى يۇجىن پوللىي (Eugene Polley) ئامېرىكا ۋاقتى 5-ئاينىڭ 20-كۈنى چىكاگو شەھىرىنىڭ ئەتراپىدىكى بىر دوختۇرخانىدا 96 يېشىدا ئالەمدىن ئۆتكەن.

   يۇجىن پوللىي 1915-يىلى 11-ئاينىڭ 29-كۈنى ئامېرىكا چىكاكو شىتاتىدا دۇنياغا كەلگەن. چىكاگو شەھەر ئىنىستۇتى ۋە ئىللىنوئىس تېخنىك ئىنىستۇتىدا ئوقۇغان، ئەمما مەكتەپ پۈتتۈرمەيلا توختاپ قالغان. 1935-يىلى زېنىس ئېلكترون (Zenith Electronics) شىركىتىگە ياللىنىپ مال ساقلاش خىزمىتىنى قىلغان. كېيىن شىركەتنىڭ تېخنىك ئېنژىنېرى بولغان، ئاساسلىق تۆھپىسى ئىككىنچى دۇنيا ئۇرىشىدا ئامېرىكا دۆلەت مۇداپىئە مىنىستېرلىكىگە رادار لاھىيلەش ۋەزىپىسىگە قاتنىشىشنى ئۆز ئىچىگە ئالىدۇ.

   1955-يىلى، ئۇ«يالتراق ئاپتوماتلاشقان قۇرۇلما» غا سىمسىز تىزگىنەك كەشپ قىلغان، بۇ تىزگىنەك قول چىراغقا ئوخشايدىغان بولۇپ، تېلېۋىزورغا توغرىلاپ تۇرۇپ ئاچقىلى، ئېتىپ تاشلىغىلى ۋە قانال يۆتكىگىلى بولىدىغان نۇر تارقىتىدۇ. يۇجىن پوللىي ھايات ۋاقتىدا ئۆزىنىڭ بۇ كەشپىياتىدىن ناھايىتى پەخىرلىنىدىغان بولۇپ، ئەينى يىللاردىكى ئىپتىدائىي تىزگىنەكنى دائىم يېنىدا ئېلىپ يۈرەتتى.

 

  بۇنىڭدىن سىرت، ئۇ يەنە ماشىنا سىمسىز رادىئو كونۇپكىسى ۋە VCD ئىچىدىكى تېخنىكىنىڭ تەرەققىياتىنى ئىلگىرى سۈرگەن.

   ئۇ زېنىس ئېلكترون شىركىتىدە ئاساسلىقى مەھسۇلات ۋە تېخنىكا تەتقىقاتى خىزمىتى بىلەن شوغۇللانغان. ئەڭ ئاخىرى بۇ شىركەتنىڭ قۇرۇلۇش تارمىقىنىڭ يۇقىرى دەرىجىلىك باشقۇرغۇچىسىغا ئايلانغان. 1982-يىلى شىركەتكە 47 يىل تۆھپە قوشقان يۇجىن پوللىي پېنسىيەگە چىققان.

  ئۇ پۈتكۈل ھاياتىدا ئامېرىكىنىڭ 18 تۈرلۈك كەشپىيات پاتېنت ھوقۇقىغا ئېرىشكەن.

  تېلېۋىزىيە سىمسىز تىزگىنىكى تەرەققىياتىغا باشلامچى بولغانلىقتىن، يۇجىن پوللىي بىلەن تېلېۋىزىيە سىمسىز تىزگىنىكىنىڭ يەنە بىر كەشپىياتچىسى روبېرت ئادلېر (Robert Adler) تېخنولوگىيە قۇرۇلۇش ئەمىي مۇكاپاتى (Technology & Engineering Emmy Award) غا ئېرىشكەن.

  2009-يىلى، ماشىنا ئېلىكترون قۇرۇلىشى جەمئىيىتى يۇجىن پولىيغا IEEE ئىستىمالچىلار ئېلىكترون مۇكاپاتى بېرىپ، ئۇنىڭ تېلېۋىزىيە ۋە باشقا ئېلكترون ئەسلىھەلىرىنىڭ سىمسىز تىزگىنەك تېخنىكىسىغا قوشقان تۆھپىسىنى تارتۇقلىغان.

   زېنىس ئېلكترون شىركىتى يۇجىن پوللىينىڭ 2012-يىلى 5-ئاينىڭ 20-كۈنى چىكاگو شەھىرى ئەتراپىدىكى Advocate Good Samaritan  دوختۇرخانىسدا كېسەل بىلەن ئالەمدىن ئۆتكەنلىكىنى جاكارلىدى.

(نەپرەت تەييارلىدى)