دورىلىق ئۆسۈملۈكلەر ۋە شىپالىق رولى(3)

بىھى

خۇسۇسىيتى : مېڭە، يۈرەك، جىگەر، ئاشقازاننى قۇۋۋەتلەش، ئىچىنى توختىتىش، سۈيدۈك ھەيدەش

ئىشلىتىلىشى: مىڭە، يۈرەك، جىگەر، ئاشقازان ئاجىزلىقى، سۈيدۈك تۇتۇلۇش، ئىچ سۈرۈش، ئۇسسۇزلۇق قاتارلىق كېسەللىكلەرگە ئىشلىتىلىدۇ.

ياسالمىلىرى: بىھى شەربىتى، بىھى مۇرابباسى

نىلۇپەر

خۇسۇسىيتى : يۈرەك ۋە مېڭىنى تىنىچلاندۇرۇش، ئۇسسۇزلۇقنى پەسەيتىش

ئىشلىتىلىشى: يۈرەكنىڭ ئىسسىقتىن بولغان كېسەللىكلىرى، مېڭىنىڭ قۇرۇقلۇقى، يۆتەل، ئۇيقۇسىزلىق قاتارلىقلاردا ئىشلىتىلىدۇ.

ياسالمىلىرى: دىنار شەربىتى

ئادراسمان

خۇسۇسىيتى : باھنى قۇۋۋەتلەش، بەدەننى سەمرىتىش، سۈيدۈك ۋە ھەيزنى ماڭدۇرۇش، يەللەرنى تارقىتىش.

ئىشلىتىلىشى: باھ ئاجىزلىقى، ئۈچەي كېسەللىكلىرى، سۈيدۈك ۋە ھەيز كەلمەسلىك، بەدەن ئورۇقلاپ كېتىش قاتارلىقلارغا ئىشلىتىلىدۇ.

ياسالمىلىرى: مەجۇنى ھۆرمىل

رۇم بادىيان

خۇسۇسىيتى : يۇمشىتىش، يەللەرنى تارقىتىش، كۈچلۈك زەھەر قايتۇرۇش، تۇتۇش، ئاغرىق پەسەيتىش، سۈيدۈك ۋە ھەيزنى ماڭدۇرۇش، سۈت كەلتۈرۈش، پارقىرىتىش، ھەزىمنى ياخشىلاش، كۆزنى روشەنلەشتۈرۈش.

ئىشلىتىلىشى: سوغۇقتىن بولغان لەقۋا، باش ئاغرىقى، شەقىقە، باش قېيىش، كۆز قاراڭغۇلىشىش، سۈيدۈك، ھەيز توسۇلۇش، ھەزىم ناچارلىقى، بۆرەك ئاغرىقى قاتارلىق كېسەللىكلەرنى داۋالاشتا ئىشلىتىلىدۇ.

ياسالمىلىرى: مەزى بىزى ئىچىملىگى، مەتبۇخى سۆرىنجان، لوبوبى كەبىر، مەجۇنى مۇقەۋۋى مەدى

سازەج ھىندى

خۇسۇسىيتى : ئاشقازان ۋە مېڭىنى قۇۋۋەتلەش، كۆڭۈلنى ئېچىش، يەللەرنى تارقىتىش، سۈيدۈك ۋە ھەيزنى ماڭدۇرۇش، چىرىشكە قارشى تۇرۇش، بەتبۇيلۇقنى يوقىتىش.

ئىشلىتىلىشى: يۈرەك ئاجىزلىقى، ئاشقازان خىزمىتى سۇسلىشىش، خىيالپەرەسلىك، ئۈچەي يېلى، ئىستىسقا، يەرقان، تال توسالغۇسى ۋە مەقئەت كېسەللىكلىرىنى داۋالاشتا ئىشلىتىلىدۇ.

ياسالمىلىرى: مەجۇنى داۋايى مىسكى

سەبرى

خۇسۇسىيتى : يۇمشىتىش، سۈرۈش، ئىششىق قايتۇرۇش، جاراسىم ئۆلتۈرۈش ۋە جاراھەتلەرنى تازىلاش

ئىشلىتىلىشى: جاراھەت، سۇلۇق تەمرەتكە، بوغۇم ئاغرىقى، قەۋزىيەت، سىيىش قىيىنلىشىش، ئادەتلەنگەن قەۋزىيەت، كۆز ئاجىزلىقى ۋە ھەيز توسۇلۇپ قېلىش قاتارلىقلاردا، شۇنداقلا كۆيۈك يارىسىنى داۋالاشتا ئىشلىتىلىدۇ.

ياسالمىلىرى: ھەببى سۆرىنجان، ھەببى تەنكار، ھەببى قوقىيا، ھەببى سەبرى

سەئىدى

خۇسۇسىيتى : رەئىس ئەزالار ۋە ئاشقازان، ئۈچەينى قۇۋۋەتلەش، يەلنى ھەيدەش، ھەيز ماڭدۇرۇش

ئىشلىتىلىشى: نېرۋا ئاجىزلىقى، خەفەقان، پالەچ، لەقۋا، ھەزىم بۇزۇلۇش، تولغاق، قۇسۇش قاتارلىقلاردا ئىشلىتىلىدۇ.

ياسالمىلىرى: لوبوبى كەبىر

شاكال بادىيان

خۇسۇسىيتى : ئاشقازاننى قۇۋۋەتلەش، ھەزىمنى ياخشىلاش، يەل ھەيدەش

ئىشلىتىلىشى: سوغۇقتىن قۇسۇش، قورساق ئاغرىش، بۆرەك ئاجىزلىقى قاتارلىق كېسەللەرگە ئىشلىتىلىدۇ.

ياسالمىلىرى: سۇپۇپى سىپ

سىماب

خۇسۇسىيتى : ساغلاملىقنى ئاسراش، يەل ھەيدەش، پەي، ئاشقازان ۋە باھنى قۇۋۋەتلەش

ئىشلىتىلىشى: ئاشقازان ئاغرىش، باھ ئاجىزلىقى، سىفلىس، قوتۇر، قىچىشقاق، يىرىڭلىق چاقا، ئاكىلە، چاچ بالدۇر ئاقىرىش قاتارلىقلاردا ئىشلىتىلىدۇ.

ياسالمىلىرى: مەلھىمى ئەمراز، ھەببى سىماب

سېرىق ھېلىلە

خۇسۇسىيتى : مېڭىنى تازىلاش، ئاشقازاننى قۇۋۋەتلەش، سەپرانى سۈرۈش، ئاغرىق توختىتىش، سۈيدۈك ماڭدۇرۇش.

ئىشلىتىلىشى: ئۇنۇتقاقلىق، كۆرۈش ئاجىزلىقى، باش ئاغرىش، چاچ بالدۇر ئاقىرىپ كېتىش، مالىخۇلىيا، لەقۋا قاتارلىقلاردا ئىشلىتىلىدۇ.

ياسالمىلىرى: ھېلىلە مۇرابباسى، مەتبۇخى سۆرىنجان، مەجۇنى مۇقەۋۋى مەدى، مەجۇنى ئۆشبە، ئىتىرپىل ئەپتىمۇن، ھەببى سۆرىنجان

سىيادان

خۇسۇسىيتى : ئىششىق تارقىتىش، يەل تارقىتىش، ھەيز ۋە سۈيدۈك ماڭدۇرۇش، ئاشقازان ۋە پەيلەرنى قۇۋۋەتلەش، سۈت پەيدا قىلىش، چاچنى قارايتىش، ئاغرىق توختىتىش ۋە تېرىنى گۈزەللەشتۈرۈش

ئىشلىتىلىشى: قورساق ئېسىلىش، قۇلۇنجى، نېرۋا ئاجىزلىقى، ئۇنۇتقاقلىق، رەئىشە، چاچ ئاقىرىش، بەرەس ۋە ھەيز توسۇلۇش قاتارلىقلارنى داۋالاشتا ئۈنۈملۈك دورا سۈپىتىدە ئىشلىتىلىدۇ.

ياسالمىلىرى: سىيادان يېغى، سۇپۇپى ھېلىلە سىيا، سىيادان ئوكۇلى

سوقمۇنىيا

خۇسۇسىيتى : ئىششىق ۋە يەللەرنى تارقىتىش، سەپرا ۋە شىلىمشىق ماددىلارنى چىقىرىش، قورساقتىكى ئۆلۈك بالىنى چۈشۈرۈش

ئىشلىتىلىشى: قاتتىق قەۋزىيەت، ئومومىي بەدەن ئىششىقى، بوغۇم ئاغرىقى، ئۈچەي مەددىسى، ئاشقازان ئاجىزلىقى قاتارلىقلارنى داۋالاشتا ئىشلىتىلىدۇ.

ياسالمىلىرى: ھەببى سىماب، ھەببى شاھتەرە، ھەببى قوقىيا

سۆرۈنجان

خۇسۇسىيتى : ئاغرىق توختىتىش، ئىششىق تارقىتىش، چوڭ- كىچىك تەرەتنى ماڭدۇرۇش، باھنى قۇۋۋەتلەش.

ئىشلىتىلىشى: چوڭ- كىچىك بوغۇملار ئاغرىقى، يەرقان قاتارلىقلارنى داۋالاشتا ئىشلىتىلىدۇ.

ياسالمىلىرى: مەتبۇخى سۆرىنجان، لوبوبى كەبىر، ھەببى سۆرىنجان، سۇپۇپى سۆرىنجان

سوزاپ

خۇسۇسىيتى : مېڭىنى قۇۋۋەتلەش، توسالغۇلارنى ئېچىپ، زەھەر قايتۇرۇش، ئاغرىق پەسەيتىش، سۈيدۈك ۋە ھەيز ماڭدۇرۇش ھەمدە تېرە قىل قان تومۇرلىرى خىزمىتىنى كۈچەيتىش

ئىشلىتىلىشى: قۇلاق ئاغرىقى، ئىشتىھاسىزلىق، جىگەر قېتىش، بەرەس، بەھەق، تەمرەتكە، پالەچ، تەشەننۇج ۋە بوغۇم ئاغرىقلىرى قاتارلىقلارنى داۋالاشتا ئىشلىتىلىدۇ.

ياسالمىلىرى: جاۋارىش كۇمۇنى

سۇماق

خۇسۇسىيتى : سەپرانى ۋە ئۇسسۇزلۇقنى پەسەيتىش، قان توختىتىش، ئىچىنى ھەم ھۆنى توختىتىش، سۈيدۈكنى ئازايتىش

ئىشلىتىلىشى: سەپرا مەنبەلىك كۆڭلى ئېلىشىش، تولغاق، تولا سىيىش قاتارلىقلارغا ئىشلىتىلىدۇ.

ياسالمىلىرى: قەنىت سىيىش كىسىلى كۇمۇلىچى

سۇنبۇل چىنى

خۇسۇسىيتى : رەئىس ئەزالارنى كۈچەيتىش، ئىششىق ۋە يەللەرنى تارقىتىش، سۈيدۈك ۋە ھەيزنى راۋانلاشتۇرۇش

ئىشلىتىلىشى: مېڭە ۋە يۈرەكنىڭ ئاجىزلىقى، ئىشتىھاسىزلىق، يۇقىرى قان بىسىمى، ئىسىتىسقا، زىققە، خەفەقان، سۈيدۈك ۋە ھەيز توسۇلۇش قاتارلىقلارنى داۋالاشتا ئىشلىتىلىدۇ.

ياسالمىلىرى: سۇنبۇل شەربىتى، ئەرقى چۆبىچىن، لوبوبى كەبىر، ئايارەج پەيقىرا، خىمر مەرۋايىت