«ﻣﻪھمۇد ﻗﻪﺷﻘﯩﺮﻯ ﯞﻩ ﺋﯘ ﻳﺎﺷﯩﻐﺎﻥ ﺩﻩﯞﺭ » ﻣﺎﯞﺯﯗﻟﯘﻕ ﺧﻪﻟﻘﺌﺎﺭﺍﻟﯩﻖ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻰ ﺗﯜﺭﻛﯩﻴﯩﻨﯩﯔ ﺋﻪﻧﻘﻪﺭﻩ ﺷﻪﻫﺮﯨﺪﻩ ﺭﻩﺳﻤﻰ ﺑﺎﺷﻼﻧﺪﻯ. ﺑﯘ ﺧﻪﻟﻘﺌﺎﺭﺍﻟﯩﻖ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﯩﻐﺎ ﺋﺎﻣﯧﺮﯨﻜﺎ، ﺋﻪﻧﮕﯩﻠﯩﻴﻪ ، ﺭﯗﺳﯩﻴﻪ ﻓﯧﺪﯦﺮﺍﺗﺴﯩﻴﯩﺴﻰ ، ﺋﻪﺯﻩﺭﺑﻪﻳﺠﺎﻥ، ﻗﺎﺯﺍﻗﯩﺴﺘﺎﻥ، ﻗﯩﺮﻏﯩﺰﯨﺴﺘﺎﻥ ﯞﻩ ﺗﯜﺭﻛﯩﻴﻪ ﻗﺎﺗﺎﺭﻟﯩﻖ 15 ﺩﯙﻟﻪﺕ ﯞﻩ ﺭﺍﻳﻮﻧﺪﯨﻦ ﻛﻪﻟﮕﻪﻥ 75 ﺋﻪﺗﺮﺍﭘﯩﺪﺍ ﺑﯩﻠﯩﻢ ﺋﺎﺩﯨﻤﻰ ﻗﺎﺗﻨﺎﺷﺘﻰ.
ﻳﯩﻐﯩﻨﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﻰ ﺑﺎﺷﻼﺷﺘﯩﻦ ﺑﯘﺭﯗﻥ، ﻣﻪﺧﻤﯘﺕ ﻗﻪﺷﻘﯩﺮﯨﻨﯩﯔ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﯩﯔ ﻫﻪﺭﻗﺎﻳﺴﻰ ﺗﯩﻠﻼﺭﺩﺍ ﻧﻪﺷﯩﺮ ﻗﯩﻠﯩﻨﻐﺎﻥ ﻧﯘﺳﺨﯩﻠﯩﺮﻯ ﯞﻩ «ﻣﻪھمۇد ﻗﻪﺷﻘﯩﺮﯨﻨﯩﯔ ﻣﺎﺯﯨﺮﻯ» ﻣﺎﯞﺯﯗﻟﯘﻕ ﻛﯚﺭﮔﻪﺯﻣﻪ ﺋﯧﭽﯩﻠﺪﻯ. ﺑﯘ ﻛﯚﺭﮔﻪﺯﻣﻪ 6-ﺋﺎﻳﻨﯩﯔ 10-ﻛﯘﻧﯩﮕﯩﭽﻪ ﺩﺍﯞﺍﻡ ﻗﯩﻠﯩﺪﯨﻜﻪﻥ. ﺑﯘ ﻛﯚﺭﮔﻪﺯﻣﯩﮕﻪ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﯩﯔ ﺋﯩﻨﮕﯩﻠﯩﺰﭼﻪ، ﺗﯜﺭﻛﭽﻪ، ﻫﺎﺯﯨﺮﻗﻰ ﺯﺍﻣﺎﻥ ﺋﯘﻳﻐﯘﺭ ﺗﯩﻠﻰ، ﯞﻩ ﺋﯚﺯﺑﯧﻜﭽﻪ ﻗﺎﺗﺎﺭﻟﯩﻖ 9 ﺗﯩﻠﻐﺎ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ ﻧﯘﺳﺨﯩﻠﯩﺮﻯ ﻗﻮﻳﯘﻟﻐﺎﻧﺪﯨﻦ ﺑﺎﺷﻘﺎ، ﻣﻪھمۇد ﻗﻪﺷﯩﺮﯨﻨﯩﯔ ﻗﻪﺷﻘﻪﺭ ﺋﻮﭘﺎﻟﺪﯨﻜﻰ ﻣﺎﺯﯨﺮﯨﺪﯨﻦ ﻛﯚﺭﯛﻧﯜﺷﻠﻪﺭﻣﯘ ﻛﯚﺭﮔﻪﺯﻣﻪ ﻗﯩﻠﯩﻨﻐﺎﻥ.
ﻳﯩﻐﯩﻨﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﻰ 5-ﺋﺎﻳﻨﯩﯔ 28-ﻛﯜﻧﻰ ﺋﻪﺗﯩﮕﻪﻥ ﺋﻪﻧﻘﻪﺭﻩ ﻫﺎﺟﻪﺗﺘﻪﭘﻪ ﺋﯘﻧﯩﯟﻩﺭﺳﯩﺘﯧﺘﯩﻨﯩﯔ ﻣﻪﺭﻛﻪﺯ ﺑﯩﻨﺎﺳﯩﺪﯨﻜﻰ ﺯﺍﻟﺪﺍ ﺋﯚﺗﻜﯜﺯﯛﻟﺪﻯ. ﻳﯩﻐﯩﻨﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﺗﯜﺭﻛﯩﻴﻪ ﻣﻪﺩﻩﻧﯩﻴﻪﺕ ﯞﻩ ﺳﺎﻳﺎﻫﻪﺕ ﻣﯩﻨﯩﺴﺘﯩﺮﻯ ﺋﻪﺭﺗﯘغرۇل ﮔﯘﻧﺎﻱ، ﺭﻩﺋﯩﺲ ﺟﯘﻣﻬﯘﺭﻯ ﺋﺎﺑﺪﯗﻟﻼﻫ ﮔﯜﻟﻨﯩﯔ ﺑﺎﺵ ﺳﯧﻜﺮﯨﺘﺎﺭﻯ ﻣﯘﺳﺘﺎﻓﺎ ﺋﯩﺴﻪﻥ، ﺋﻮﺗﺘﯘﺭﺍ ﺋﺎﺳﯩﻴﺎ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﯨﻨﯩﯔ ﻣﻪﺩﻩﻧﯩﻴﻪﺕ ﻣﯩﻨﯩﺴﺘﯩﺮﻟﯩﺮﻯ ﯞﻩ ﺑﯩﻠﯩﻢ ﺋﺎﺩﻩﻣﻠﯩﺮﯨﺪﯨﻦ ﺑﻮﻟﯘﭖ ﻛﯚﭖ ﺳﺎﻧﺪﺍ ﻛﯩﺸﻰ ﻗﺎﺗﻨﺎﺷﺘﻰ.
ﻳﯩﻐﯩﻨﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﺗﯜﺭﻛﯩﻴﻪ ﻣﻪﺩﻩﻧﯩﻴﻪﺕ ﻣﯩﻨﯩﺴﺘﯩﺮﻯ ﺋﻪﺭﺗﯘغرۇل ﮔﯘﻧﺎﻱ ﺋﻪﭘﻪﻧﺪﻯ ﺳﯚﺯ ﻗﯩﻠﺪﻯ. ﺋﯘ ﺳﯚﺯﯨﺪﻩ ﻣﻪھمۇد ﻗﻪﺷﻘﯩﺮﯨﻨﯩﯔ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻧﺎﻣﻠﯩﻖ ﺋﻪﺳﯩﺮﯨﻨﯩﯔ ﺋﻪﻫﻤﯩﻴﯩﺘﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ :"ﺑﯜﮔﯜﻥ ﺑﯩﺰ ﺗﯘﻏﯘﻟﻐﺎﻧﻠﯩﻘﯩﻨﯩﯔ 1000- ﻳﯩﻠﻠﯩﻘﯩﻨﻰ ﻗﯘﺗﻼﯞﺍﺗﻘﺎﻥ ﻣﻪﺧﻤﯘﺕ ﻗﻪﺷﻘﯩﺮﻯ ﺋﺎﻧﺎ ﺗﯩﻠﯩﻤﯩﺰﻏﺎ ﺑﻮﻟﻐﺎﻥ ﺳﯚﻳﮕﯜﻣﯩﺰﻧﻰ ﻛﯜﭼﻪﻳﺘﻜﻪﻥ ﺑﻮﻟﺴﺎ، ﻳۈسۈپ ﺧﺎﺱ ﻫﺎجىپنىڭ « ﻗﯘﺗﺎتقۇبىلىك» ﻧﺎﻣﻠﯩﻖ ﺋﻪﺳﯩﺮﻯ ﺋﺎﺭﻗﯩﻠﯩﻖ ﺑﯩﺰﻧﯩﯔ ئۇيغۇر خەلقىنى ﺗﻮﻧﯘﺷﯩﻤﯩﺰﻧﯩﯔ ﺋﺎﺳﺎﺳﯩﻨﻰ ﻗﯘﺭﻏﺎﻥ. ﻣﻪھمۇد ﻗﻪشقەرى ﺗﺎﺭﯨﺨﯩﻤﯩﺰﺩﯨﻜﻰ ﺋﻪﯓ ﻣﯘﻫﯩﻢ ﺷﻪﺧﺴﻠﻪﺭﺩﯨﻦ ﺑﯩﺮﻯ. ﺗﯜﺭﻙ ﺩﯗﻧﻴﺎﺳﯩﺪﯨﻜﻰ ﻛﯩﺸﯩﻠﻪﺭ ﻣﻪھمۇد ﻗﻪﺷﻘﯩﺮﯨﻨﻰ، ﺑﯩﺰﺩﻩﻙ ﻳﺎﺧﺸﻰ ﺑﯩﻠﯩﺪﯗ. ﺑﯩﺰ ﻫﺎﺯﯨﺮ ﺋﯧﭽﯩﯟﺍﺗﻘﺎﻥ ﻣﻪھمۇد قەشقەرى ﻫﻪﻗﻘﯩﺪﯨﻜﻰ ﺑﯘ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﯩﻨﯩﯔ ﻗﺎﺯﺍﻗﯩﺴﺘﺎﻧﺪﺍ، ﻗﯩﺮﻏﯩﺰﯨﺴﺘﺎﻧﺪﺍ، ﺗﯜﺭﻛﻤﻪﻧﯩﺴﺘﺎﻥ، ﺋﯚﺯﺑﯧﻜﯩﺴﺘﺎﻧﺪﺍ ﯞﻩ ﺋﻪﺯﻩﺭﺑﻪﻳﺠﺎﻧﺪﯨﻤﻰ ﺋﯧﭽﯩﻠﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ. «ﻣﻪھمۇد قەشقەرى ﯞﻩ ﺋﯘ ﻳﺎﺷﯩﻐﺎﻥ ﺩﻩﯞﺭ» ﻣﺎﯞﺯﯗﻟﯘﻕ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻰ ﯞﻩ ﺑﯘ ﻛﯚﺭﮔﻪﺯﻣﻪ ﺑﯩﺰ ﺋﯜﭼﯜﻥ ﺑﯩﺮ ﺑﺎش قەدەم ﺑﻮﻟﺴﯘﻥ.»دىدى.
ﺋﻪﺭﺗﯘغرۇل ﮔﯘﻧﺎﻱ ﺋﻪﭘﻪﻧﺪﻯ يەنە "ﻣﻪﺧﻤﯘﺕ ﻗﻪﺷﻘﯩﺮﯨﻨﯩﯔ ﺗﯘﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻧﺎﻣﻠﯩﻖ ﺋﻪﺳﯩﺮﯨﻨﯩﯔ ﻗﻮﻝ ﻳﺎﺯﻣﯩﺴﯩﻨﻰ ﺋﯩﻜﻜﻰ ﻛﯜﻥ ﺑﯘﺭﯗﻥ ﺋﯩﺴﺘﺎﻧﺒﯘﻟﺪﯨﻜﻰ ﻣﯩﻠﻠﯩﻴﻪﺕ ﻛﯘﺗﯘﭘﺨﺎﻧﯩﺴﯩﺪﺍ ﻛﯚﺭﮔﻪﺯﻣﯩﮕﻪ ﻗﻮﻳﺪﯗﻕ. ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻧﺎﻣﻠﯩﻖ ﺋﻪﺳﻪﺭﻧﯩﯔ ﻣﯩﻠﻠﻰ ﻛﯜﺗﯜﭘﺨﺎﻧﯩﺪﯨﻜﻰ ﻧﯘﺳﺨﯩﺴﻰ ﺩﯗﻧﻴﺎﺩﺍ ﺑﯩﺮﻻ ﻧﯘﺳﺨﺎ ﺑﻮﻟﯘﭖ، ﻛﯜﺗﯜﭘﺨﺎﻧﯩﺪﺍ ﻣﻪﺧﺴﯘﺱ ﺑﯩﺮ ﺋﯚﻱ ﺋﺎﻳﺮﯨﭗ ﺋﯘ ﻳﻪﺭﺩﻩ ﻛﯚﺭﮔﻪﺯﻣﻪ ﻗﯩﻠﯩﯟﺍﺗﯩﻤﯩﺰ. ﻫﻪممىڭلاﺭغا ﻣﻪﻟﯘﻡ ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﺩﯨﯟﺍﻧﻰ ﻟﯘﻏﺎﺗىن ﺗﯜﺭﻛﻨﻰ ﺗﺎﭘﻘﺎﻥ ﻛﯩﺸﻰ، ﺋﯘ ﺑﯩﺮ ﻛﯩﺘﺎﭘﭙﯘﺭﯗﺵ ﺑﻮﻟﯘﭖ ﭘﯘﺗﯘﻥ ﺋﯚﻣﺮﻯ ﺑﻮﻱ ﺗﻮﭘﻠﯩﻐﺎﻥ 10 ﻣﯩﯔ ﺋﻪﺗﺮﺍﭘﯩﺪﺍ ﻛﯩﺘﺎﺑﻨﻰ ﻣﯩﻠﻠﯩﻴﻪﺕ ﻛﯘﺗﯘﭘﺨﺎﻧﯩﺴﯩﻐﺎ ﺑﯧﻐﯩﺸﻠﯩﻐﺎﻥ. ﺋﻪﮔﻪﺭ ئەلى ﺋﻪﻣﯩﺮﻯ ﺋﻪﭘﻪﻧﺪﻯ ﺑﯘ ﺋﻪﺳﻪﺭﻧﻰ ﺗﺎﭘﻤﯩﻐﺎﻥ ﺑﻮﻟﺴﺎ، ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﺩﯗﻧﻴﺎﺩﺍ ﺑﻮﻟﻤﯩﻐﺎﻥ ﺑﻮﻻﺗﺘﻰ. ﺋﻪﻟﻰ ﺋﻪﻣﯩﺮﻯ ﺋﻪﭘﻪﻧﺪﯨﻨﯩﯔ ﺗﯜﺭﻙ ﻣﻪﺩﻩﻧﯩﻴﻪﺕ ﺗﺎﺭﯨﺨﯩﻐﺎ ﻗﻮﺷﻘﺎﻥ ﺑﯘ ﺗﯚﻫﭙﯩﺴﻰ ﺋﯜﭼﯜﻥ ﻳﯧﻘﯩﻨﺪﺍ ﺋﯩﺴﺘﺎﻧﺒﯘﻝ ﺷﻪﻫﻪﺭﻟﯩﻚ ﻫﯚﻛﯜﻣﻪﺕ« ئەلى ﺋﻪﻣﯩﺮﻯ ﻣﻪﺩﻩﻧﯩﻴﻪﺕ ﻣﻪﺭﻛﯩﺰﻯ» ﻧﺎﻣﻠﯩﻖ ﺑﯩﺮ ﻣﻪﺩﻩﻧﯩﻴﻪﺕ ﻣﻪﺭﻛﯩﺰﯨﻨﻰ ﺋﺎﭼﻤﺎﻗﭽﻰ...»دىدى.
ﺋﻪﺭﺗﯘغرۇل ﮔﯘﻧﺎﻱ ﺋﻪﭘﻪﻧﺪﻯ ﻣﻪھمۇد قەشقەرى ﻳﯘﺭﺗﻰ ﺑﻮﻟﻐﺎﻥ ﻗﻪﺷﻘﻪﺭﺩﯨﻜﻰ ﻗﻪﺑﺮﯨﺴﯩﻨﻰ ﻗﺎﻳﺘﯩﺪﯨﻦ ﺭﯦﻤﻮﻧﺖ ﻗﯩﻠﺪﯗﺭﯨﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ:"ﺑﯩﺰ ﻗﯩﻠﯩﯟﺍﺗﻘﺎﻥ ﺧﯩﺰﻣﻪﺗﻠﻪﺭ ﻳﯘﻗﯘﺭﯨﺪﯨﻜﯩﻠﻪﺭﺩﯨﻦ ﺋﯩﺒﺎﺭﻩﺕ ﺋﻪﻣﻪﺱ. ﻣﻪﺧﻤﯘﺕ ﻗﻪﺷﻘﯩﺮﯨﻨﯩﯔ ﻳﯘﺭﺗﻰ ﺑﻮﻟﻐﺎﻥ ﻗﻪﺷﻘﻪﺭﺩﯨﻜﻰ ﻣﻪﻗﺒﻪﺭﻩﺳﯩﻨﻰ ﺭﯦﻤﻮﻧﺖ ﻗﯩﻠﺪﯗﺭﯗﺵ ﺋﯩﺶ ﭘﯩﻼﻧﯩﻤﯩﺰ ﺑﺎﺭ. ﻣﻪﺧﻤﯘﺕ ﻗﻪﺷﻘﯩﺮﻯ ﻫﻪﻗﻘﯩﺪﻩ ﺭەسىم ﻛﯚﺭﮔﻪﺯﻣﯩﺴﻰ ﺋﯧﭽﯩﺶ ﭘﯩﻼﻧﯩﻤﯩﺰ ﺑﺎﺭ. ﺑﯘ ﻳﯩﻞ« ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ» ﺗﻪﺭﯨﭙﯩﺪﯨﻦ « ﻣﻪھمۇد قەشقەرى ﻳﯩﻠﻰ» دەپ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﻐﺎﭼﻘﺎ، ﺑﯘ ﻳﯩﻠﻨﯩﯔ ﺋﺎﺧﯩﺮﯨﺪﺍ ﻓﺮﺍﻧﺴﯩﻴﯩﻨﯩﯔ ﭘﺎﻳﺘﻪﺧﺘﻰ ﭘﺎﺭىژدا ﻳﯧﭙﯩﻠﯩﺶ ﻣﯘﺭﺍﺳﯩﻤﻰ ﺳﯜﭘﯩﺘﯩﺪﻩ ﻳﻪﻧﻪ ﺑﯩﺮ «ﺧﻪﻟﻘﺌﺎﺭﺍﻟﯩﻖ ﻣﻪھمۇد قەشقەرى ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻰ» ﭼﺎﻗﯩﺮﯨﺸﻨﻰ ﺋﻮﻳﻼﯞﺍﺗﯩﻤﯩﺰ. ﻣﻪھمۇد قەشقەرى ﭘﯜﺗﯜﻥ ﺗﯜﺭﻙ ﺩﯗﻧﻴﺎﺳﯩﻨﯩﯔ ﺋﻮﺭﺗﺎﻕ ﺳﯩﻤﯟﻭﻟﻰ! ﺷﯘﯕﺎ ﭘﯜﺗﯜﻥ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﻪﺭﻧﯩﯔ 2008-ﻳﯩﻠﻰ ﺋﯩﭽﯩﺪﻩ ﻣﻪھمۇد قەشقەرى ﻫﻪﻗﻘﯩﺪﻩ ﻛﯚﭘﻠﻪﭖ ﭘﺎﺋﺎﻟﯩﻴﻪﺗﻠﻪﺭ ﺋﯧﻠﯩﭗ ﺑﯧﺮﯨﺸﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ.»
