...ئەمما ماۋۇمۇ خىلى ياخشى چىقىپتۇ.....
مۇنبەردە بۇرۇن بىر كۆرگەن بۇ تېمىنى
| intezar11 | 2011-06-25 16:34 |
|
شامال ئوغلى شامال ئوغلى دىسەم مۇنبەردىكى تورداشلار ھەيران قالدىغۇ دەيمە ، چۈنكى شامال ئوغلى دېيىش پۇتبول ئۈچۈن بىر مۇناسىۋەتسىز سۆز . بىراق ، پۇتبولچىلىق دۇنياسىدە « شامال ئوغلى » نامغا ئىرىشكەن پۇتبولچىلىدىن بىرىسى ئۆتكەن . مەن تۆۋەندە شۇ پۇتبولچى ئۈچۈن بۇ تىمامنى يازماقچى . گەپنى قىسقا قىلاي ، ئۇزۇن بولۇپتۇ مۇنبەرگە ياخشىراق تىمىدىن بىرنى يوللىمىغىلى ، شۇڭا بۇ تىمامنى بارلىق ئارگىنتىنا پۇتبول مەستانىلىرى ئۈچۈن يوللايمەن ! شامال ئوغلى - كانىگگىيا 90-يىللاردىكى دۇنيا پۇتبولچىلىق ئىشلىرىغا نەزەر سالىدىغان بولساق ، 1990-يىللىق ئىتالىيدە دۇنيا لوڭقىسىدە ئۇنتۇلماس ئەسلىمىلەر ساقلىنىپ قالغان . بولۇپمۇ كانىگگىيادەك بىر پۇتبولچىنىڭ دۇنيا پۇتبولچىلىقىدە پەيدا بولۇشى ھەقىقەتەنمۇ پۇتبولچىلىق دۇنياسىغا زور ئۆزگىرىشلەرنى ئىلىپ كەلدى . 1990-يىلى 6-ئاينىڭ 8-كۈنى ، ئافرىقىدىن كەلگەن كامىرۇن ئەزىمەتلىرى تۇنجى ئۇچرىششىدىلا ئالدىنقى نۆۋەتلىك دۇنيا لوڭقىسىنىڭ چېمىپيونى ئارگىنتىنا كوماندىسىنى 1-0 نەتىجە بىلەن يىڭىپ ، ئەڭ تۇنۇشلۇق بولغان « سوغۇق مۇسابىقە » دىن بىرنى مەيدانغا كەلتۈردى . مۇسابىقىنىڭ 46-مىنۇتىدا مەيدانغا چىققان كانىگگىيا ئارگىنتىنا كوماندىسى ئۈچۈن ئۇلۇغ مۇسابىقىلەردىن بىرنى ئوينىدى . ئۇنىڭ مۇسابىقىدىكى زور بۆسۈپ ئۆتۈشلىرى مۇسابىقە مەيدانىغا كۆرگىلى كەرگەن مەستانىلەرنى ئۆزىگە جەلىپ قىلدى . بىراق ، تەتۈر پەلەك مۇسابىقىنىڭ 67-مىنۇتىدا يىتىپ كەلدى . كامىرۇنلىقلار ناھايىتى چىرايلىق پاسلىشىپ ئارگىنتىنالىقلارنى يەرگە يىقىتتى . مۇسابىقە تاكى ئاخىرغىچە 1-0 نەتىجە بىلەن ئاياقلاشتى . مۇسابىقىدە پەقەت ئىككى كۆرۈنۈشلا ئادەمنىڭ ئىسىدىن چىقمىغۇدەك بولدى . بىرىنجىسى ، ئارگىنتىنا ئۈچۈن مۇسابىقىگە چىققان كانىگگىيانىڭ 4 ئادەمنى ئالداپ ئاخىرى بىك تەرىپىدىن يىقىلىشى ، ئىككىنجىدىن ياش كامىرۇن چولىپىنىڭ كامىرۇن ئۈچۈن بىر توپ تەقدىم قىلىشى ! تىز يۈگۈر شامال ئوغلى ، تىز يۈگۈر !! شامال ئوغلى - ھاياتلىقىتىكى بوران -چاپقۇن 1967-يىلى 1-ئاينىڭ 9-كۈنى ، كانىگگىيا ( Claudio Caniggia) ئارگىنتىنانىڭ پايتەختى بۇئىنىس-ئايرىس شەھىرىدە دۇنياغا كەلگەن . كىچىكىدىنلا پۇتبولغا ھىرىس بولغان كانىگگىيا پۇتبول ئۈچۈن بۇ دۇنياغا تۇغۇلغانلىقىنى ھېس قىلمىدى . تا ئۇ 18 ياشقا كىرگەن كۈنىسى ئۇ بۇنى ھىس قىلدى . يەنى 1985-يىلى ئۇ 18 ياشقا كىرگەن ۋاقىتىدا ئۇنىڭ تۇنجى پۇتبولچىلىق ھاياتى باشلاندى . ئۇ ئارگىنتىنا بىرلەشمىسىنىڭ زەردارى بولغان ئارگىنتىنا دەريا قىنى كوماندىسىغا قىتىلدى . 1985-يىلىدىن 1988-يىلىغىچە ، ئۇ ئۈچ يىل ئىچىدە دەريا قىنى كوماندىسى ئۈچۈن 53مەيدان مۇسابىقىدە 8 توپ ئۇردى . ھەمدە 85\86-يىللىق ئارگىنتىنا بىرلەشمە مۇسابىقسىنىڭ چېمىپىيونلۇقىغا ئىرىشتى . 1987-يىلى ،ئۇ 20 ياشقا كىرگەن كۈنىسى ئامىرىكا قىتئەسى بىرلەشمە لوڭقىسىنىڭ چېمىپىيونلۇقىغا ئىرىشتى . ئامىرىكا قىتئەسىدە ئۆتكەن بۇ ئۈچ يىل ئۇنى ياۋروپا پۇتبولچىلىقىغا تۇنۇتتى . 90-يىللاردىكى پۇتبولچلىق دۇنياسى رەسمىي تەرەققىي قىلغان بىر ئۆتكۈنچى دەۋىر ھىساپلىنىدۇ . نۇرغۇنلىغان ئامىرىكا قىتئەسىلىك پۇتبولچىلار ئۆز يۇرتىنى تاشلاپ ، ياۋروپا قىتئەسىگە يۆتكەلدى .بۇ خۇددى كۆچمەنلەرنىڭ باشقا يۇرتقا بىرىپ تۇرمۇش كەچۈرۈشىگە ئوخشايتتى . كانىگگىيامۇ بۇنى ھىس قىلدى بولغاي ، ھەم نۇرغۇن سەپداشلىرىنىڭ ياۋروپا پۇتبولچىلىقىنى تاللىشىغا ئەگىشىپ ، ئۇمۇ شۇ قارارغا كەلدى . مېنىڭچە دەل ياۋروپا پۇتبولچىلىقىنىڭ بۈگۈنكىدەك تەرەققىي قىلىشىغا شۇ پۇتبولچىلارنىڭ تۆھپىسىنى ئايرىپ قاراشقا بولمايدۇ . 1988-يىلى يازدا ، ئۇ ئارگىنتىنا دەريا قىنى كوماندىسىدىن رەسمىي ئايرىلدى . ئۇنىڭ ئەمدىكى قەدىمى ئىتالىيە بولدى . گۈزەل دۆلەت دەپ قارىلىپ كىلىۋاتقان ئىتالىيە كانىگگىيانىڭ ئەڭ ياخشى تاللىشى بولۇپ قالدى . 1988\89-يىللىق ئىتالىيە بىرلەشمە مۇسابىقىسى باشلاندى . كانىگگىيانىڭ تاللىغان كوماندىسى بولسا ۋىلونا كوماندسىى بولۇپ ، ئۇ بۇ كوماندىدا پەقەت بىر يىللا توپ تەپتى . ئۇنىڭ پۈتۈن بىر پەسلىك مۇسابىقىدە پەقەت 21مەيدان مۇسابىقىگىلا قاتىنشالىدى . ئۇ بۇ 21مەيدان مۇسابىقىدە3 توپ ئۇردى . 1989-يىلى ئۇ ۋىلونا كوماندىسىدىن ئايرىلىپ ئىتالىيە ئاتلانتا كوماندىسىغا يۇقىرى باھا بىلەن يۆتكەلدى . ئاتلانتادا ئۇنىڭ كۈنلىرى ئۇزاق ئۆتتى ، 1992-يىلىغىچە بولغان ئۈچ يىل ئىچىدە كانىگگىيا 85مەيدان مۇسابىقىدە 26 توپ ئۇرۇپ ، ھاياتىدىكى زور مۇۋەپىقىيەتلەرنى قولغا كەلتۈردى . ئۇنىڭ مەيداندىكى بۆسۈش خاراكىتىرلىك ئىپادىسى پۈتۈن دۇنيا پۇتبولچىلىقىدا زور تەسىرلەرنى قوزغىدى . ئۇنىڭ مەيدانىدىكى ئاشۇ قارشى تەرەپىتىكى بىكلەردىن بىر-بىرلەپ بۆسۈپ ئۆتۈشى ئۇنىڭ ئۆزگىچىلىك خاراكىتىرنى تۇنۇتقۇزدى . شۇنداق قىلىپ ئۇ ئىتالىيدىمۇ « شامال ئوغلى » دىگەن شەرەپلەرگە ئىرىشىتى . شۇنداق قىلىپ شامال ئوغلى ئۇنىڭ خاراكىتېرلىك لەقىمى بولۇپ قالدى . 1992-يىلى يازدا ئۇ رىمغا چاقىرتىلدى . ۋە ئاتلانتا كوماندىسىدىن رىمغا يۆتكىلىش ئىشلىرى مۇۋەپىقىقىيەتلىك بولدى . بىراق ، ئۇنىڭ يۆتكىلىش ئىشلىرىدا مۇۋەپىققىيەتلىك بولغان بىلەن ، ئۇ رىم كوماندىسى ئۈچۈن ئۆز ئىپادىسىنى تاپالماي قالدى . 1992-يىلىدىن 1994-يىلىغىچە بولغان 2يىل ئىچىدە ئۇ رىم كوماندىسى ئۈچۈن 15 مەيدان مۇسابىقىگە چۈشۈپ 4 توپ ئۇردى . بۇ كانىگگىيا ئۈچۈن ياخشى بىر باشلىنىش ئەمەس ئىدى . ئويلاپ باقساق بولىدۇكى ، ئۇنىڭ ئۈچۈن ئىككى يىل نىمىدىگەن ئۇزاق مەنىسىز ئۆتكەن ھە ؟ ئۇ بۇ ئىككى يىل ئىچىدە نىمىشلەرنى قىلدى بىر بىلىپ باقىلى : 1993-يىلى ئىتالىيە رىمدا بىر پاجىئەلىك ۋەقە يۈز بەردى . « شامال ئوغلى » ئاتىلىپ كەلگەن كانىگگىيا كوكائىن چىكىش سەۋەبلىك 15 ئاي سوراقتا تۇردى . ئۇ بۇ جەريانىدا ياشلىق يوپۇرماقلىرىنى بىر-بىرلەپ تۇزۇتۇپ بولغانىدى . شۇنداق قىلىپ ، ئۇ پۇتبولچىلىق ساھەسىدە غۇلغۇلا قوزغىغان شەخسلەرنىڭ بىرىگە ئايلىنىپ قالدى . پۇتبول مەستانىلىرى نەزىرىدىن چۈشۈپ كەتتى . رىم كوماندىسىمۇ بۇ رىئاللىقنى قوبۇل قىلالماي ، 1994\1995-يىللىق پەسىلدە ، ئۇنى پورتۇگالىيە بىنفىيكا كوماندىسىغا يوللاپ بەردى. ئۇنىڭ ئەمدىكى ئىتالىيە ئىشلىرى بەكلا ئوڭۇشسىزلىق ئىچىدە بولدى . پورتۇگالىيە ئۇنىڭ ئۈچۈن بىر پاناھلىنىش ئىدى . بىراق ، ئەسەبىيلەشكەن پۇتبول مەستانىلىرى ئۇنىڭغا تۇيۇقسىز ھۇجۇم قىلدى. ۋەھىشىيلەرچە ئۇنىڭ يۈز قىسىمىنى ئىغىر دەرىجىدە يارىلاندۇردى . بۇ كانىگگىياغا بەكلا ئىغىر كەلدى . ئامال يوق ، كىشى نەزىرىدە چۈشۈپ كەتكەن « شامال ئوغلى » ئەمدى بولسا بىر مەھبۇستەك ياشىدى . بىر يىل تەستە ئۆتتى . ئۇ بۇ بىر يىل ئىچىدە بىنفىيكا كوماندىسى ئۈچۈن 23مەيدان مۇسابىقىدە 8 توپ ئۇردى . |
|
