پۇتبولدىكى بىز ئۆچ كۇلۇبلار،ئۆچ چولپانلار بولمىسا،ئۆزىمىز ياخشى كۆرىدىغان كۇلۇب ۋە چولپانلارمۇ بولمايدۇ. بۇ يەردە ھەممە نەرسە پۇتبولغا مۇناسىۋەتلىك شۇڭا مەيلى ئۆچ مەيلى ئامراق بولايلى ئەڭ ئاخىرىدا پۇتبولغا بىرىپ تاقىشىدۇ، بۇ خۇددى پۇلنى مەينەت نەرسە دەپ تۇرۇپ ئەتۋارلىغانغا ئوخشاش. مەن دىمەكچى پۇتبول توغىرىسىدا نىمە دىسەك بولىۋىرىدۇ،ئۆچ توپچىلارنى تىللىساقمۇ بولىدۇ.بۇ بىزنىڭ زىغىرچىلىك ئەركىنلىكىمىز.

ئىناق   - ئىتتىپاق  ئۆتكەن  ياخشى  !

بۇ تىما ياخشى يېزىلىپتۇ ...  
مەنمۇ بىر نەچچە ئېغىز كۆڭلۈمدىكى گەپنى قىلىپ قوياي ،:
مەن مۇنبەر باشلىقى ھەم مۇشۇ مۇنبەردىكى ھازىرقى ئەڭ قېرى ئەزا (نىجاتتىن قالسا) لىكىن مەن ھازىر مۇنبەردە ئۇنداق جېق ئىنكاسلارنى يازمايمەن ھەم يازماسلا بولدۇم ، نىمىشقا ؟ ياق، مەن مۇنبەرگە ئۆچ بولمۇدۇم ، مۇنبەرگە ئۆچ بولغە ان بولسام ،مۇنبەرگە خۇشۇم قالمىغان بولسا  مۇنبەرنى يەنە ئىشىم چىقىپ قالمىسىلا ،تورغا چىقىش ئىمكانىيىتىم بولسىلا كۆرۈپ تۇرمايتتىم. مەن مۇنبەرگە يانىلا شۇنداق كۆيىمەن، مېھرىم بار، جىگدىنىڭ ئۇرۇقىچىلىك بولسىمۇ ئەجرىم بار. نىمىشقا ؟ مەن قورقتۇم! ئىنكاس يېزىشتىن قورقتۇم ، ئېغزىدىن گەپ دىگەن تۆكۈلۈپ تۇرىدىغان ، بىرنى دەپ بولغىچە ئىككىنى دەيدىغان ، ئەپەندىنىڭ ئىشىكى ئالتۇن تىللا چىچقاندەك گەپ دىگەننى ياغدۇرۋىتىدىغان بالىلارنىڭ ئالدىدا تىلىم تۇتۇلۇپ قالامدىكىن دەپ قورقتۇم ،ياسامدىكى دەپ قورقتۇم، چانامدىكى دەپ قورقتۇم . ئۆزۈمنىڭ پۇتبولغا بولغان قارىشىمنىڭ پۇتبولغا بولغان تۇنۇشۇمنىڭ ئۆزگۈرۈپ كىتىشىدىن قورقتۇم!
ئەڭ مۇھىمى  پۇتبولغا ئۆچ بوپ قېلىشىمدىن قورقتۇم !
شۇڭا مەن ھازىر ئەركىن دۇنيانىڭ پارتىزانى ،ئىنكاس يازمايمەن ، تاماشا كۆرۈمەن . تەركى-دۇنيا بوپ كەتتۇق !! ھا ھا ھا !!!

ئۆزىڭىزنىڭ ئەمەس بەلكى مۇنبەردىكى دائىملىق ئەزالارنىڭ يۈزدە توقسەن بەش پىرسەنتىنىڭ يۈركىدىكى سۆزنى دەپسىز.   بەزى ئىللەتلەرمىز قاچەنمۇ تۈگەر؟؟؟؟؟؟؟؟؟؟

  شەنبە يەكشەنبىدىكى ئەمەلىي ھەرىكەتتىن باشقىلىرىغا ئانچە قىزىماس بولۇپ قاپتىمەن. قىزىل ئالۋاستى مەن دەيدىغاننىڭ يېرىمىنى دەپتۇ، مۇنبەردە كۈنبويى ئولتۇرغۇدەك ۋاقىت يوق، بىرەر تېمىغا ئىنكاس يېزىپ قالسا تايىنى يوق نەقىللەرنىڭ قۇربانى بولۇپ ئىنكاس باسقۇنچىلىقىغا ئۇچراپ كېتىپ قالىدىكەن، ئارتۇقچە ئىنكاس يېزىپ قوزغىلاڭنىڭ ئوت پىلتىسى بولۇپ قېلىپ <جەڭ> دە كەيپىياتىمىزنى بۇزۇپ يۈرگۈچە جىم يۈرىدىغان بولۇپ كەتتۇق. مۇنبەردىن زېرىكمىدۇق، بىر قىسىم ئوت يۈرەك ،جەڭگىۋار ئىنقىلابچىلاردىن زېرىكتۇق، شۇ باللا ئەقلى ھوشىنى تېپىۋالغۇچە مېھمان بولاپ تۇرامىز.

  بۇرۇنمۇ ئوت مۇنازىرىلەر بولۇپ تۇرىتى، ئىككى قۇر تايىنى يوق سېسىق گەپ ھەم ھەزىل چىراي ئىپادىلىرى بىلەن ئەمەس پاكىتلار بىلەن بولىتى. كەسكىن مۇنازىرىلەردە سېسىق گەپلەر ھەم زىددىيەتلىشىشلەر بولىتى، بىراق كۆپىنچە مۇنازىرىنىڭ يېشىمىدا مۇنازىرىداشلار ئۆز ئارا چۈشىنىش ھاسىل قىلىشاتتى، مۇھىمى شۇ مۇنازىرىدىن نۇرغۇن بىلىمگە ئېرىشىۋالغىلى بولاتتى. ھازىر بىر قىسىم مۇنازىرىلەر مۇنبەرگە كۇسىرىنىڭ ئىچىدىكىنىمۇ قوشۇپ يازالايدىغان ئەزىمەتلەر بىلەن < قىززىيدۇ>كەن. مۇنبەردە ئاشۇنداقلارنىڭ تايىنى يوق ئىنكاسلىرىغا ئومۇميۈزلۈك قارشى تۇرىدىغان كەيپىيات شەكىللەنسە ئۇلارمۇ ئۆزىگە قايتىۋالالايتتى. بىراق ھەممىمىز ئۆزىمىزنى ئەپ قېچىپ ئادىل گەپ قىلىشتىن قاچقاندىكىن ئۇلارمۇ ئۆزىنىڭكىنى توغرا دەپ قاراپ داۋاملىق باشقىلارنىڭ زىتىغا تېگىدىغان ئىنكاسلارنى يېزىۋېرىدىغان بولدى، شۇنىڭ بىلەن بىز كۆرۈشنى خالايدىغان مۇنازىرىلەر يوقاشقا باشلىدى......

كۆڭلىمىزدىكىنى تېپىسزى جۇما