رونالدونىڭ ساخاۋەت ئىشلىرى ئۈزۈلۈپ قالمىدى.

ئارزۇ · ۋاقتى: 4 كۈن بۇرۇن

　رونالدو يەر تەۋرەشكە قازا قىلغانلارنىڭ ئائىلە تاۋاباتىغا ئۆزى ئىمزا قويغان كىيىمىنى سوۋغا قىلدى.

يېقىندا مېكسىكىدا قاتتىق يەر تەۋرەپ 300دىن ئارتۇق كىشىنىڭ ئۆلۈشىنى كەلتۈرۈپ چىقاردى. بۇنىڭ ئىچىدە كىرىستىيانو رونالدونىڭ  6 ياشلىق بىر ئەشەددى مەستانسىمۇ بار ئىكەن. بۇ ئىشتىن خەۋەر تاپقان رونالدو بۇ مەستانىنىڭ ئائىلە تاۋاباتىغا ئۆزى ئىمزا قويغان كىيىمىنى سوۋغا قىلىش ئارقىلىق،ئۇلارنىڭ ئائىلە تاۋاباتىدىن سەمىمى ھال سورايدىغانلىقىنى ھەمدە ئۇنى مەڭگۈ ياد ئېتىدىغانلىقىنى بىلدۈرگەن.
رونالدو ئۆزىنىڭ تىۋىتتىرىغا مۇنداق يازغان.  « بۇ بىر قايغۇلۇق دەقىقە بولدى. مەن سانتىياگو ئائىلىسىدىكەردىن، شۇ يەردىكى يەر تەۋرەشتە يېقىنلىرىدىن ئايرىلغان كىشىلەردىن سەمىمى ھال سورايمەن.»
رونالدو ئۆزى ئىمزا قويغان كىيىمگە «مېنىڭ  مەستانەم سانتىياگوغا چوڭقۇر مۇھەببىتىمنى بىلدۈرىمەن» دەپ يازغان.

رونالدو تىلغا ئالغان سانتىياگو بولسا بۇيىل ئەمدىلا 6 ياشقا كىرگەن بولۇپ، رونالدونىڭ ئەشەددى مەستانىسىكەن.يەر تەۋرىگەن ۋاقىتتا ئۇ مەكتەپتە بەخىتكە قارشى قازا قىلغان.بۇ ئىش يۈز بەرگەندىن كىيىن ،ئۇنىڭ رونالدونى ياخشى كۆرىدىغانلىقى پۈتۈن دۇنياغا تارقالغان.
سانتىياگونىڭ تاغىسى رونالدوغا جاۋاپ قايتۇرۇپ:« ساڭا كۆپ رەھمەت،ئۇ ئىزچىل سېنى ئۆزىنىڭ چوقۇنغۇچىسى قىپ كەلگەن.ئۇ بالدۇرراق پۇتبول تېپىشنى باشلاپ ساڭا ئوخشاش داڭلىق چولپان بولۇشنى ئارزۇ قىلاتتى.ئۇ ھەردايىم سېنىڭ مۇسابىقەڭنى كۆرەتتى.ھەتتا سېنى دوراپ تەبرىكلەش ھەركىتى ئىشلەپ قوياتتى.سېنىڭ ئىمزا قويغان كىيىمىڭگە ئېرىشىش ئۇ ئىزچىل ئارزۇ قىپ كەلگەن ئىش ئىدى» دەپ يازغان.