|
|
بۈگۈن كەچتە ئېلىپ بېرىلىدىغان ياۋروپا ئۇزغۇنلۇق لوڭقىسىنىڭ گۇرۇپپا مۇسابىقىسىدە ، ئىسپانىيە زەردارى خانلىق مادرىد كوماندىسى مېھمان مەيداندا دورتمۇند كوماندىسى بىلەن مۇسابىقىلىشىدۇ . بۇ قېتىملىق مۇسابىقىدە داڭلىق چولپان كىرىستىيانو رونالدو بىلەن ئوبامىياڭ ئوتتۇرىسىدىكى كۈچ سىنىشىش بۇ مەيدان مۇسابىقىدىكى ئەڭ قىززىق نۇقتىغا ئايلانغان بىر كۆرۈش نوقتىسى بولۇپ ھېسابلىنىدۇ .
مۇسابىقە تۈرى : ياۋروپا ئۇزغۇنلۇق لوڭقىسى
كوماندا : دورتمۇند - خانلىق مادرىد
ئورنى : ۋېستفالېن مەيدانى
ۋاقتى : بۈگۈن كەچ سائەت 12:45
كۆرسىتىلىدىغان ئورنى : cctv5
بۇ مەيدان مۇسابىقىدىكى ئەڭ قىززىق نۇقتىغا ئايلانغان مۇلاھىزە قىلىش نوقتىلىرى تۆۋەندىكىچە :
بىرىنچى مۇلاھىزە نوقتىسى : كىرىستىيانو رونالدو pk ئوبامىياڭ
بۇ قېتىملىق مۇسابىقە كىرىستىيانو رونالدونىڭ 150- مەيدان ياۋروپا ئۇزغۇنلۇق لوڭقىسى مۇسابىقىسى بولۇپ ، بڭ 150 مەيدان مۇسابىقىدە كىرىستىيانو رونالدو جەمئىي 107 توپ كىرگۈزۈپ مېسسىدىن ئېشىپ بىرىنچى ئورۇندا تۇرغان . ئۈچ قېتىم ۋېستفالېندا ئۆتكۈزۈلگەن ئوزغۇنلۇق مۇسابىقىدە رونالدۇ ھەر مەيداندا بىردىن توپ كىرگۈزگەن . يىقىنقى 6 قېتىملىق ياۋروپا ئۇزغۇنلۇق لوڭقىسى مۇسابىقىسىدە ، كىرىستىيانو رونالدو ئۆزى يالغۇز ئىككى ۋە ئۈچ توپتىن كىرگۈزگەن . تىخى ئالدىنقى قېتىملىق گۇرۇپپا مۇسابىقىسىدە قالتىس ئىپادىسىنى جارى قىلدۇرۇپ مۇسابىقىدە ئىككى توپ كىرگۈزدى . ئەمما بىرلەشمە مۇسابىقىسىدە ھازىرغىچە قاتناشقان ئىككى مەيدان مۇسابىقىدە توپ كىرگۈزۈپ باقمىدى . دورتمۇند كوماندىسىنىڭ ماھىرى ئوبامىياڭنىڭ ياۋروپا ئۇزغۇنلۇق لوڭقىسى مۇسابىقىسىدىكى ئىپادىسى ئادەتتىكىچە بولسىمۇ ، لېكىن بىرلەشمە مۇسابىقىسىدىكى ئىپادىسى ناھايىتى ياخشى بولۇپ ، ھازىر مەرگەنلەر رەت تەرتىپىدە بىرىنچى ئورۇندا تۇرىۋاتىدۇ . بۇ قېتىملىق مۇسابىقىدە كىمنىڭ ئىپادىسىنى جارى قىلدۇرۇشى ياخشى بولىدۇ ؟
ئىككىنچى كۆرۈش نوقتىسى : ۋېستفالېننىڭ سىرلىق ئەپسۇنى خانلىق مادرىدنى قاپلىۋالدى !
گەرچە گېرمانىيە كۇلۇبلىرى خانلىق مادرىد كۇلۇبىنىڭ ئەڭ ئەشەددىي كۈشەندىسى بولسىمۇ بىراق، يېقىنقى بىر نەچچە يىلدىن بۇيان خانلىق مادرىد كۇلۇبىنىڭ گېرمانىيە كۇلۇبلىرى بىلەن بولغان مۇسابىقىلىرىدىكى نەتىجىلىرىدە ياخشىلىنىش بولغان. مەسىلەن: شالىك 04 كوماندىسىنى 6-1 نەتىجىدە مەغلۇپ قىلغان ۋە 4-0 نەتىجىدە بايرىن مىيۇنخىن كوماندىسىنى مەغلۇپ قىلغان كىلاسسىك مۇسابىقىلەر بۇنىڭ تىپىك مىسالى بولالايدۇ. ئەمما گېرمانىيەدىكى «سېرىق ھەرە قوشۇنى»دورتىمودنىڭ مەيدانىدا خانلىق مادرىد كۇلۇبىنىڭ نەتىجىسىدە ياخشىلىنىش بولمىغان. ۋېستفالېن مەيدانىدا ئېلىپ بىرىلغان يېقىنقى ئالتە مەيدان مۇسابىقىدە ، خانلىق مادرىد كوماندىسى بىر قېتىممۇ غەلىبە قىلىپ باقمىغان بولۇپ، ئۈچ مەيدان ئۇتتۇرۇپ، ئۈچ مەيدان تەڭلەشكەن، 5توپ كىرگۈزۈپ 11 توپ كەتكۈزۈپ قويغان . ئەمما گۇرۇپپا مۇسابىقىدىن سىىرت، شاللاش باسقۇچىدىكى مۇسابىقىلەر بولسىلا سامان يولى جەڭ كېمىسى دورتىموند كوماندىسىنى شاللاپ ئاخىرىدا چېمپىيونلۇق لوڭقىسىغا ئېرىشكەن .ئىككى كوماندىنىڭ يىقىنقى ئۇچرىشىشى ئالدىنقى پەسىللىك ئوزغۇنلۇق لوڭقىسى گۇرپپا مۇسابىقىدە يۈز بەرگەن بولۇپ ، ئىككى كوماندا ئاخىرىدا 2:2 تەڭلىشىپ قالغان ئىدى .خانلىق مادرىد كوماندىسىنىڭ يىقىنقى ئىپادىسى تازا دىگەندەك مۇقىم ئەمەس بولۇپ ، بۇ قېتىملىق مۇسابىقىدە خانلىق مادرىد كوماندىسى ئۈچ نۇمۇرنى قولغا كەلتۈرۈپ قايتالامدۇ يوق ؟
ئۈچىنچى كۆرۈش نوقتىسى : تونى كىروس ساقىيىپ مەيدانغا چۈشەلەمدۇ ؟ بارتىلا ئاساسلىق ئەزا بولىدۇ !
تونى كىروس يارىلانغانلىقتىن ئالدىنقى ھەپتىدىكى ئىسپانىيە بىرلەشمىسى مۇسابىقىسىگە قاتنىشالمىدى . ئەمما تونى كىروس ھازىر ئاللىقاچان ساقىيىپ ياۋروپا ئۇزغۇنلۇق لوڭقىسى مۇسابىقىسىنىڭ چوڭ تىزىملىككە كىردى ، بۇنىڭدىن باشقا يەنە يىتەرلىك ئارام ئالغان مودرىچمۇ بۇ قېتىملىق مۇسابىقىدە ئاساسلىق ئەزا بولۇپ مەيدانغا چىقىشى مۇمكىن . لېكىن بېنزىما ، مارسېلو ۋە كىۋاچىچ قاتارلىق توپچىلار يارىلىنىش سەۋەبىدىن بۇ قېتىملىق مۇسابىقىگە قاتناشمايدۇ . دورتمۇند كوماندىسىدا بولسا كاپىتان رېئوس ئۇزۇن مەزگىل داۋالىنىشتا ، گىرىلو ۋە رود قاتارلىق توپچىلاردا يارىلىنىش ئەھۋالى مەۋجۇت ، شۈرلى گەرچە ساقايغان بولسىمۇ ، لېكىن بۇ قېتىملىق مۇسابىقىگە قاتنىشىشى تەس ، لېكىن ئوتتۇرا بىك بارتىلانىڭ مەيدانغا چىقىش ئىھتىماللىقى يۇقىرى ! قىنى بىز بۇ ماھىرلانىڭ ئىپادىسى زادى قانداق بولىدۇ ؟ دىققىتىمىزنى بۇ مەيدان مۇسابىقىگە ئاغدۇرۇپ باقايلى !
|
|
ئاندرويىدتا يېزىلغان
ۋاقتى: 
ساقلاش
ھەمبەھر
تېما كۆتۈرۈش
تېما چوققىلاش
تېما تاقاش
变色卡
