خانلىق مادرىد خەۋەرلىرى ...

قۇتلۇغ

خانلىق مادرىد ئۇدا 12 قېتىم مىھمان مەيداندا غەلبىنى قولغا كەلتۈردى !

ئۈرۈمچى ۋاقتى بۈگۈن كەچ سائەت 8:15 ئۆتكەندە ، ئىسپانىيە بىرلەشمىسىنىڭ 6- ئايلانما مۇسابىقىسى ئېلىپ بېرىلغان بولۇپ ، ئىسپانىيە زەردارى خانلىق مادرىد كوماندىسى مېھمان مەيداندا ئالاۋېس كوماندىسى بىلەن مۇسابىقىلەشتى . نەتىجىدە خانلىق مادرىد كوماندىسى مېھمان مەيداندا 1:2 ئالاۋېس كوماندىسىنى مەغلۇپ قىلىپ ، يەنە بىر يىڭى بولغان رىكورتنى بارلىققا كەلتۈرگەن .
خانلىق مادرىد كوماندىسىنىڭ بۇ يىل يازدا قوشۇۋالغان يىڭى توپچىسى سېباللوس بۇ قېتىملىق مۇسابىقىدە ئىككى توپ كىرگۈزگەن غەلبىنى قولغا كەلتۈرگەن بولۇپ ، شۇنىڭ بىلەن خانلىق مادرىد كوماندىسى ئىسپانىيە بىرلەشمىسى مۇسابىقىسىدە مىھمان مەيداندا ئۇدا 12 قېتىم غەلبىنى قولغا كەلتۈرۈپ كوماندىنىڭ يىڭى رىكورتىنى ياراتقان .
بۇ 12 قېتىملىق مۇسابىقىدە خانلىق مادرىد كوماندىسى 33 توپ كىرگۈزۈپ 12 توپ كەتكۈزۈپ قويغان . بۇ قېتىملىق مۇسابىقىدە غەلبىنى قولغا كەلتۈرگەندىن كېيىن ، خانلىق مادرىد كوماندىسى بىرلەشمە رەت تەرتىپىدە تۆتىنچى ئورۇنغا تىزىلغان .


خانلىق مادرىد 33 قېتىم مىھمان مەيداندا توپ كىرگۈزدى !

بۇنىڭدىن باشقا يەنە بىر خەۋەردە دېيىلىشىچە ، سېباللوس بۇ قېتىملىق مۇسابىقىدە ئىككى توپ كىرگۈزگەندىن كېيىن ، خانلىق مادرىد كوماندىسى مىھمان مەيداندا ئاللىقاچان ئۇدا 33 مەيدان توپ كىرگۈزگەن .
خانلىق مادرىد كوماندىسىنىڭ ئالدىنقى قېتىمقى مىھمان مەيداندا توپ كىرگۈزمىگەن ۋاقتى بولسا 2015- يىلى 12- ئاينىڭ 13- كۈنى بولۇپ ، ئەينى ۋاقىتتا خانلىق مادرىد كوماندىسى مېھمان مەيداندا ۋىللارېئال كوماندىسى بىلەن بولغان مۇسابىقىدە توپ كىرگۈزەلمىگەن . شۇنىڭدىن كىيىنكى 33 قېتىملىق مىھمان مەيداندا خانلىق مادرىد كوماندىسى ئىزچىل توپ كىرگۈزۈپ كەلگەن . ھازىرغىچە بولغان ۋاقىتتا خانلىق مادرىد كوماندىسى مىھمان مەيداندا جەمئىي 89 توپ كىرگۈزگەن .  


لورېنتى توختام ئۇزارتتى !



ئۈرۈمچى ۋاقتى بۈگۈن سەھەردە خانلىق مادرىد كوماندىسى ئورگان تورىدا لورېنتى بىلەن 2021- يىلىغىچە توختام ئۇزارتقانلىقىنى ئېلان قىلدى .  ئورگان تورىدا دىيلىشچە توپچى ئۈرۈمچى ۋاقتى چۈشتىن كېيىن سائەت 6 دە  توختام ئۇزارتىپ بولغاندىن كېيىنكى ئاخبارات ئېلان قىلىش يىغىنىغا قاتنىشىدىكەن .  يىڭى توختامدا لورېنتىنىڭ توختامغا خىلاپلىق قىلىش سوممىسى 200 مىليون ياۋرو قىلىپ بېكىتىلگەن .  
بۇ يىل 22 ياشقا كىرگەن لورېنتى خانلىق مادرىد كوماندىسىغا ۋاكالىتەن 3 قېتىم مۇسابىقىگە قاتناشقان بولۇپ ،  بۇنىڭ ئىچىدە بىر قېتىم ئاساسلىق ئەزا بولۇپ قاتناشقان . ئالدىنقى پەسىللىك مۇسابىقىدە خانلىق مادرىد كوماندىسى لورېنتىنى ئالاۋېس كوماندىسى بىلەن ئىسپانىيەلىكلەر كوماندىسىغا ئىجارىگە بېرىۋەتكەن بولۇپ ،  شۇ كوماندىدا جەمئىي 38 قېتىم مۇسابىقىگە قاتنىشىپ 2 قېتىم پاس بەرگەن .

LM10

مادىرىدنىڭ   ھالى   بوشمۇ  نېمە  ، لاتارىيەدىغۇ  تىككىلى  بولماسلا  بولۇپ  كەتتى  بۇلاغا·

ئازغۇن

بۇنداق رىكورىتلارنىڭ تالايلىرىنى بۇزۋەتتى لىكىن يەنە تۇگمەيدىغان نىمىكەن بۇ رىكورىت دىگەن

A.alim

ساھىبخان مەيداندا بىتىس بىلەن تەڭلىشىپ ، رېكۇرتنىڭ ھەممىسى مىھمان مەيدانغا باغلىنىپ قاپتىدە ...  ھەممىمىز شۇنى ھىسقىلدۇقكى رېكۇرت ئانچە موھىم ئەمەس ، شۇكۈنى ئۇرۇشقىلا كۈچىمەي ، مۇداپىيەگىمۇ كۈچەپ قويغان بولسا 1 نۇمۇر بولسىمۇ كىلەتتىدە ...

足球111

ۋاي  يەنە  رېكوت  بۇزۇپتىما  ؟  رېكورت  يارتىپ   يارتىدىغان  رېكورتمو  قالمىغان  چىراي

قورۇل

پوققا پايدىسى يوق رىكورت، مىڭ رىكورت يارىتىپ باسانىڭ كەينىدە قالسا بۇ نىمە پايدىسى، ئالدى بىلەن ھەممىنىڭ ئالدىدا مىڭىپ سۈرتوقاي قىپ ئاندىن رىكورتنى ئويلاشسا بولىتتى

ئارزۇيۇم

ھازىر بۇلاردا شەخسىيەتچىلىك بەك ئىغىرلاپ كىتىپتۇ، بولۇپمۇ ئاسىنسىيونىڭ تاناۋىنى تارتىپ قويمىسا بولماپتۇ، بارسىلوناغا ئىككى توپ ئۇرۇپ قوياپ ئۆزىنى بىلەلەمەي قالدى.

FaRuH777

مەن ھازىر مادرىدنىڭ بىرلەشمىدىكى ساھىبخان مۇسابىقىسىدىن مىھمان مەيداندىكى مۇسابىقىسىنى خاتىرجەمراق كۆرىمەن.ئۇزغۇنلۇقتىغۇ ياخشى،لېكىن بىرلەشمىدە ئۆز مەيدانىدىكى نەتىجىسى كۆڭۈلدىكىدەك ئەمەس.

مۇھەممەد0999

رىكۇرتقا   ھىچنىمە  كالمەيدۇ  مۇھىمى  بىرلەشمىدىكى  ئۈچ  نۇمۇر  غەيرەت  قىل  مادىرىد بىز  يەنىلا  ساڭا   ھۇررا  تولايمىز

皇马CR7

ئاخشام  ئىسكو  بىر  توپنى  پاس  بىرۋەتكەن  بولسا  سىلوغا ، شەخسىيەتچىلىك  قىلدى  ئىسكومۇ

مۇزات

توپ كىرگۈزۈش رىكورتىنى سانىماي ئۇتۇش رىكورتىنى سانىسۇن . مادرىد كىرگۈزسە خەقمۇ كىرگۈزىدۇ ئەمەسمۇ . مۇھىمى غەلبە .

زېرەك

A.alim يوللىغان ۋاقتى  2017-9-24 11:04
ساھىبخان مەيداندا بىتىس بىلەن تەڭلىشىپ ، رېكۇرتنىڭ ھە ...

سىزنىڭچە مادرىد رىكورت بۇزۇش بىلەن ئاۋارىكەندە؟