ئىلگىرىكى نىيمارنى تالىشىش جىڭى قانداق بولغان ؟

قۇتلۇغ · ۋاقتى: 2017-4-21 18:36:33

ئىلگىرى خان جەمەتى مادرىد كوماندىسى بىلەن چىلسىي كوماندىسى سانتۇس كوماندىسىدىن نىيمارنى كىرگۈزۈشنى ئۈمىد قىلغان بولۇپ ، لېكىن بۇ بىرازىلىيەلىك چولپان ئاخىرىدا ئۆزىنىڭ كەلگۈسىنى بارسېلونا كوماندىسىغا تاپشۇرۇشنى قارار قىلدى . بىر پارچە يىڭىدىن نەشىر قىلىنغان كىتابتا كۆرسىتىلىشىچە ، نىيمارنى تالىشىش كۆرىشىنىڭ ئاخىرىدا سوت مەھكىمىسىدە ھەل قىلىنغانلىقى سۆزلەنگەن .

2011-يىلى 7 ئاينىڭ بىر كىچىسى ، ئەينى ۋاقىتتا پۇتبول دۇنياسىدىكى كۆزلەر سانتۇس كوماندىسىنىڭ ئۆز مەيدانىدا بىل مىلوۋ كوماندىسى بىلەن بولغان مۇسابىقىسىگە تىكىلدى . بۇ توپ مەيدانى ئىلگىرى پىلى توپ تەپكەن ۋاقىتتىكى ئەھۋالى بىلەن كۆپ پەرقلىنىپ كەتمەيتتى . بۇ پۇتبول شاھى ئىلگىرى بۇ مەيداننىڭ كۆرۈش سۇپىسى ئاستىدىكى بىر ياتاقتا تۇرۇپمۇ باققان ئىدى .

ئەمما شۇ كۈنى كەچتە ، ئىسمى نىيمار دەپ ئاتىلىدىغان 19 ياشلىق كىچىك ماھىر ئۇدا ئىككى قىتىم دۇنيا پۇتبول ئەپەندىسى بولغان رونالدىنھو بىلەن كۈچ سىناشتى . بۇ بىرازىلىيەنىڭ دەرىجىدىن تاشقىرى چولپىنى رونالدىنھونىڭ ئەڭ كىشىلەرگە داڭلىق يىرى بولسا ، ئۇنىڭ خۇددى تىلسىم كەبى يۇقىرى بولغان توپ كونتىرول قىلىش تىخنىكىسىنىڭ  يۇقىرىلىقى ۋە بەلگە خاراكتېرلىك ھىجىيىپ كۈلۈش بولغان . بۇ ئىككەيلەننىڭ مۇسابىقىسىنى كۆرۈشكە شاھىد بولۇش ئۈچۈن ، ھەرقايسى دۆلەتلەرنىڭ مەشقاۋۇللىرى دۇنيا لوڭقىسى مۇسابىقىسى ئالدىن تاللاشقا چەك تارتىشتىن بۇرۇن بۇ مەيدانغا يېتىپ كەلگەن ئىدى .

توپ مەيدانىدا نىيمارنىڭ سۈرئىتى ناھايىتى تىز بولغان بولۇپ ، ئۇنىڭ ئۈستىگە ھاياتى كۈچكە تولغان ئىدى . شۇ مەيدان مۇسابىقىدىن كېيىن ، پۈتۈن بىرازىلىيە ياشلىرى نىيمارنىڭ موخاۋك چاچ پاسونىنى دوراشقا باشلىغان ئىدى . ئۇ مۇسابىقىدە خۇددى تولغۇما ئۇسۇل ئوينىغاندەكلا تۆت بەش ئادەمدىن ئالداپ ئۆتۈپ توپنى تېپىپ كىرگۈزدى . نىيمارنىڭ شۇ ۋاقىتتىكى بۆسۈپ كىرىش ئىقتىدارى مەيداندىكى نۇرغۇنلىغان كىشىلەرنىڭ ئەقلىنى لال قىلغان بولۇپ ، تاماششىبىنلارنىڭ ھەممىسى ئاستا قويۇلغان قايتا كۆرىنىشى ئارقىلىق نىيمارنىڭ كىرگۈزۈپ توپىدىن ھوزۇر ئالغان ئىدى .

نىيمار شۇنىڭدىن كېيىن تىزلا ياۋروپادىكى زەردار كۇلۇبلارنىڭ ئىرىشىشنى ئارزۇ قىلىدىغان توپچىسىغا ئايلانغان ، نىيمارنىڭ ۋاستچىسى ۋاگنېر رىبىيرو ئىلگىرى 30 مىليۇنلۇق باھا بىلەن روبىنىھۇنى  خان جەمەتى مادرىد كوماندىسىغا ئىلىپ كەتكەن ئىدى . يەنە بىر يىل ئۆتكەندىن كېيىن ، ۋاگنېر تىخى 14 ياشقا كىرمىگەن نىيمارنى ئىلىپ بىرنابو مەيدانىدا مۇسابىقە كۆرگەن .

سانتۇس كوماندىسى بۇ ئەھۋالنى بىلگەندىن كېيىن ، سانتۇس كوماندىسى تىخى رەسمىي ھالدا كەسپىي توپچىغا ئايلانمىغان نىيمارنىڭ ئىسپانىيە كوماندىسى بىلەن توختام ئىمزالىشىدىن ئەنسىرەشكە باشلىغان . شۇنىڭ بىلەن سانتۇس كۇلۇبىنىڭ يۇقىرى قاتلىمىدىكىلەر ئادۇۋكاتى ماركوس بىلەن ئالاقىلىشىپ ، ھەمدە ئۇنىڭغا خان جەمەتى مادرىد كوماندىسىنى ئاگاھلاندۇرۇشنى ئۇقتۇرغان . كىيىن ئادۇۋكات ئۇلارغا مۇنداق دېگەن : '' ئاڭلاڭلار ، بۇ تىخى بىر بالا .''  .. كىيىن خان جەمەتى مادرىد كوماندىسى بۇنىڭغا ئىنكاس قايتۇرۇپ مۇنداق دېگەن :''  بىز ئاللىقاچان خەلقئارا پۇتبولچىلار بىرلەشمىسى بىلەن ئالاقىلىشىپ بولدۇق ، بىز يەنە بىرازىلىيە پۇتبولچىلار بىرلەشمىسى بىلەنمۇ ئالاقىلاشتۇق ''  . نىيمار پەقەتلا بىرنابۇغا مۇسابىقە كۆرگىلى بارغان بولۇپ ، ئۇزۇن ئۆتمەي نىيمار سانتۇس كوماندىسى بىلەن  كەسپىي ھاياتىدىكى تۇنجى قېتىملىق توختامنى تۈزگەن .

سانتوس كوماندىسى ياۋرۇپادىكى زەردار كۇلۇبلارغا ئوخشاش نىيمارغا يۇقىرى دەرىجىلىك مۇئاش تەمىناتى بىلەن تەمىنلەشكە ئامالسىز قالغان . شۇنىڭ ئۈچۈن نىيمار ئۇزۇن ئۆتمەي كۇلۇب بىلەن توختام ئۇزارتىدىغان ۋاقىتتا ، ئۇنىڭ ۋاستچىسى كەلگۈسىدىكى نىيمارنىڭ يۆتكىلىشنىڭ %40 نى نىيمارغا تەۋە بولىشى توغرىسىدا نىيمارنى قايىل قىلغان . جەنۇبىي ئافرىقىدا بۇنداق پارچىلاپ يۆتكىلىش ئىشلىرى ئەسلا يۈز بېرىپ باقمىغان ئىدى . شۇنى بىلىش كېرەككى 2015-يىلىدا خەلقئارا پۇتبولچىلار بىرلەشمىسى ئۆزىنىڭ يۆتكىلىش ھەققىنىڭ %15 نى ئالسا بولىدىغانلىقىغا يول قويغان بولۇپ ، سودىلىشىشتىن بۇرۇن بۇنداق توختامنىڭ ئىمزالىشىشى ناھايىتى ئاز كۆرۈلەتتى .

كېيىن سانتوس كوماندىسى نىيمارنىڭ دادىسىغا كوماندىنىڭ نىيمارنىڭ بارلىق ئىگىدارلىق ھوقۇقىنى سىتىۋالىدىغان چوڭ سىتىۋالغۇچى ئورۇنلاشتۇردىغىنىنى ئىيتقان . ئۇ زەنجىرسىمان چوڭ بازارنىڭ خوجايىن ساڭدا ئىدى . ئەينى ۋاقىتتا نىيمارنىڭ دادىسى ئوغلىنىڭ يۆتكىلىش باھاسىنى 5 مىليون رىيال ، ياۋرۇغا سۇندۇرغاندا 1.5 مىليون ياۋرو قىلىپ بىكىتكەن . سودىدا كىلىشىش ئۈچۈن ساڭدا تىخى بۇنىڭدىن سىرت يەنە نىيمارنىڭ ۋاتسچىسىغا 500مىڭ ئامېرىكا دوللىرى شىرىنكانە بىرىشنى دىگەن . شۇنىڭ بىلەن نىيمار 18 ياشلىق تۇغۇلغان كۈنىدىن بۇرۇن ئاللىقاچانلا مىليۇنىرغا ئايلىنىپ قالغان ئىدى .

ئىككىنچى كۈنى نىيمار مۇسابىقىنىڭ 60- مىنۇتىغا كەلگەندە زاپاس ئەزا بولۇپ مەيدانغا چىققان بولۇپ ، ئۆزىنىڭ سانتۇس كوماندىسىدىكى تۇنجى قېتىملىق چاقنىشىنى تاماملىدى . شۇ ۋاقىتتا ئۇ ئۇچىسىغا ئۆزى ئادەتتە كىيىدىغان كىيىمدىنمۇ چوڭ كىيىمىنى كىيىپ مۇسابىقىگە قاتناشقان . نىيمار مەيدانغا چىقىشتىن بۇرۇن نۇرغۇن مەستانىلەر نىيمارنىڭ ئىسمىنى توۋلاشقان باشلىغان ئىدى ، نىيمار ھەربىر قىتىم توپ بىلەن ئۇچراشقاندا مەيداندىكى توپ مەستانىلىرى ھاياجانلىنىپ كىتەتتى . بىر خەۋەرگە مۇنداق يىزىلغان : بۇ بالا مۇسابىقىگە قايناق ھېسسىيات ئاتا قىلدى .

تۇنجى پەسىللىك مۇسابىقىدە نىيمار بىرلەشمىدە 10 توپ كىرگۈزدى ، ئارقىدىن يەنە بىر قېتىملىق مۇسابىقە پەسلىدە 17 توپ كىرگۈزدى ، كىيىن نىيمار ئۈزلۈكسىز مۇكەممەللىشىقا قاراپ ماڭغان ، ھەمدە بارغانسېرى كۆپ بايلار مەبلەغ سېلىپ ئۇنىڭ ئىگىدارلىق ھوقۇقىنى سىتىۋىلىشقا ئويلاشقان . بىر تۈركۈم سانتوس كوماندىسىنىڭ باي مەستانىلىرى كۇلۇبقا 3.5 مىليون رىيال مەبلەغ سىلىپ نىيمارنىڭ %5 ئىگىدارلىق ھوقۇقىنى قولغا كەلتۈرگەن . بۇ قىسقىغىنە ۋاقىت ئىچىدە نىيمارنىڭ باھاسىنىڭ بەش ئۆسۈپ كەتكەنلىكىدىن دېرەك بىرەتتى .

سانتوس كوماندىسى بىلەن ئۇنىڭغا مەبلەغ سالغۇچىلارغا نىسبەتەن ئېيتقاندا ، ئۇلارنىڭ ئەڭ كۆڭۈل بۆلىدىغىنى شۇكى داۋاملىق نىيمارنىڭ دادىسى بىلەن دوستلۇق مۇناسىۋىتى ئورۇنتۇش ۋە بۇ مۇناسىۋەتنى تەرەققىي قىلدۇرۇش ئىدى . ھەمدە سودا ئىشلىرىدا نىيماردىن كۆپ پايدىغا ئېرىشىشنى ئارزۇ قىلاتتى . نىيمارنىڭ كىيىنكى بىكىتى ئەلۋەتتە ياۋروپا بولۇپ ھېسابلىنىدۇ . نىيمارنىڭ دادىسى ئىلگىرى چىلسىي كوماندىسىنىڭ خوجايىنى ئابراموۋىچ بىلەن لوندوندا كۆرۈشۈپ باققان ئىدى .

2010-يىلى 8- ئاينىڭ 1-كۈنى نىيمار ئامېرىكا كوماندىسى بىلەن بولغان دوستلۇق مۇسابىقىسىدە دۆلەت كوماندىسىدا تۇنجى قېتىم چاقنىغان . ھەمدە ئوخشاش بىر كۈندە چىلسىي كوماندىسى نىيمار ئۈچۈن بىر پارچە توختام تەييارلىغان . موتا ئىلگىرى مۇنداق دېگەن : بىز نىيۇيورك شەھىرىدىكى خىلتون مېھمانخانىسىدا كۆرۈشتۇق .
چوڭ زالنىڭ ئىچىدە نىيمارنىڭ دادىسى ، نىيمارنىڭ ۋاستچىسى ۋە ئابراموۋىچ ھوقۇق بەرگەن ۋەكىللەر ئۆمىكى ۋە سانتوس كوماندىسىنىڭ رەئىسى لۇيىسمۇ بىرلىكتە سۆھبەتكە قاتناشقان . بۇ يىڭىدىن سايلانغان سانتوس كوماندىسىنىڭ رەئىسى سۆھبەتنى تىزلا ئاخىرلاشتۇرغان . چۈنكى بۇ رەئىس چىلسىي كوماندىسىنىڭ 35 مىليونلۇق باھاسىنى رەت قىلىۋەتكەن .

گەرچە ئۇ تەمكىن بولۇشقا تىرىشقان بولسىمۇ ، لېكىن رەئىس لۇيىس ئەپەندى چىلسىي كوماندىسىنىڭ بۇنداق ئالدىراقسانلىق بىلەن توختام ئىمزالىشىنى كۆرۈپ قورقۇپ كەتكەن . ھەمدە دەرھال بىرازىلىيەدىكى باش شىتابىغا تىلىفۇن قىلىپ نىيمار ئۈچۈن بىر كەسپىي توختام لايىھەسىنى ئوتتۇرىغا قويۇپ نىيمارنى ئۇزۇن مەزگىل كوماندىدا ئېلىپ قىلىشنى ئىيتقان . بۇ لايىھەنىڭ كونكرېت مەزمۇنى نىيمارغا ئىنگىلىزتىلى ۋە ئىسپانىيە دەرىسلىكى بىلەن تەمىنلەشنى ، ھەمدە ئۇنىڭغا بەدەن مەشىقى دەرىسىنى ، ھەمدە بىر مالىيە باشقۇرۇش ئۆمىكى بىلەن تەمىنلەشنى ئۆز ئىچىگە ئالاتتى .

نىيمار سانتوس كوماندىسىغا ياردەم بېرىپ كوماندىنى جەنۇبىي ئامېرىكىدىكى ئالدىنقى كۈچلۈك كوماندىلار قاتارىغا ئىلىپ كىرگەن . ئۇنىڭ ئۈستىگە نىيمار كوماندىنى يېتەكلەپ 1963- يىلىدىن بۇيان ئىرىشىپ باقمىغان ئازادلىق لوڭقىسى چىمپىيۇنلۇقنى قولغا كەلتۈرگەن . پانا روللى كوماندىسى بىلەن بولغان ئىككىنچى قېتىملىق ھەل قىلغۇچ مۇسابىقىسى ئۇچىرشىشدا نىيمار كوماندىغا ۋاكالىتەن تۇنجى توپىنى كىرگۈزۈپ ، سانتوس كوماندىسىنىڭ 2:1 رەقىبىنى مەغلۇپ قىلىشىغا چوڭ ياردەم قىلغان بولۇپ ، چىمپىيۇنلۇقنى قولغا كەلتۈرگەن ، ھەمدە شۇ ۋاقىتتىكى 19 ياشقا كىرگەن نىيمار پۇتبولچىلار بىرلەشمىسى تەرىپىدىن ئەڭ مۇنەۋۋەر توپچى بولۇپ باھالانغان .

نىيمار قالتىس ئىپادىسىگە تايىنىپ نۇرغۇنلىغان كىشىلەرنىڭ دىققىتىنى تارتقان ، نىيمارنىڭ دادىسى شۇ چاغدا سانتوس كوماندىسىنىڭ رەئىسىنى قايىل قىلىپ ، كىشىلەرنىڭ نەزىرىدىكى ئەڭ كۈلكىلىك بولغان كىلىشىمدىن بىرنى ئىمزالىغان . مەسىلەن نىيمارنىڭ كوماندا بىلەن تۆت يىل توختام ۋاقتى بولسىمۇ ، يەنىلا كەلگۈسىدىكى يۆتكىلىش توغرىسىدا ئويلىنىشقا يول قويشىنى تەلەپ قىلغان . بۇ ئەسلىدىكى پىلاندىن بىريىل بۇرۇن ئىلىپ بېرىلغان ئىدى . باشقا كوماندا بىلەن يۆتكىلىش توغرىسىدا سۆھبەتلىشىشكە يول قويۇش كىلىشىمىنى ئىمزالاپ بولغاندىن كېيىن ، بۇ شۇنىڭدىن دىرەك بېرىدۇكى نىيمارنىڭ دادىسى يۆتكىلىش بازىرىغا بېرىپ باشقىلارنى نىيمارنى يۇقىرى باھادا سىتىۋىلىشقا جەلپ قىلسا تامامەن بولىدۇ . شۇنىڭدىن كېيىن نىيمارنىڭ دادىسى خان جەمەتى مادرىد كوماندىسى ، بارسېلونا كوماندىسى ۋە بەيرىن مىيۇنخېن كوماندىسىنىڭ باھاسىنى تاپشۇرۇپ ئالغان .

نىيمارنىڭ ئەترىتىنىڭ نىشانى بولسا نىيمارنى دۇنيا لوڭقىسى مۇسابىقىسى ئاخىرلىشىشتىن بۇرۇن نىيمارنى  سانتوس كوماندىسىدا ئىلىپ قىلىش ئىدى . ھەمدە نىيمار ياۋروپاغا قەدەم قۇيۇشتىن ئىلگىرى ، ئۇنىڭغا ياردەم بەرگۈچى تەرەپ مەسىلەن نىكى ، قىزىل كالا ۋە پاناسونىك قاتارلىق شىركەتلەر ئۇنىڭدىن تولۇق پايدىلىنىپ سودا جەھەتتە خىلى كۆپ كىرىم قىلغان ئىدى . خان جەمەتى مادرىد كوماندىسى نىيمارنىڭ سودا جەھەتتىكى جەلپ قىلىش كۈچىنىڭ ئىنتايىن كۈچلۈكلىكىنى بىلەتتى . بۇ ئىسپانىيە بىرلەشمىسىنىڭ زەردار كوماندىسىنىڭ مۇنداق بىر سىياسىتى بار بولۇپ ، ئۇ بولسىمۇ سودا جەھەتتە قىممىتى بار توپچىلار بىلەن توختام ئىمزالىغان ۋاقىتتا ئۇنىڭ %50 رەسىم ھوقۇقىغا ئىگە بولۇش ئىدى . شۇڭلاشقا كۆپ يىللارنىڭ بىرى مەسىلەن خان جەمەتى مادرىد كوماندىسى بىكھام قاتارلىق بۇنداق توپچىنى قوشىۋىلىپ غايەت زور پايدىغا ئېرىشكەن .

2011- يىلىنىڭ ئاخىرىدا خان جەمەتى مادرىد كوماندىسىنىڭ باش نازارەتچىسى ئانگېل سانچېس ئىلگىرى مادرىد شەھىرىدە ساڭدانىڭ ئادۇۋكاتى كالىزو بىلەن سۆھبەت ئېلىپ بارغان . شۇنىڭ بىلەن بىر ۋاقىتتا خان جەمەتى مادرىد كوماندىسى نىيمارغا 45 مىليون ياۋرو باھا قويغان ، لېكىن بۇ باھانى سانتوس كوماندىسى رەت قىلىۋەتكەن . شۇنىڭ بىلەن خان جەمەتى مادرىد كوماندىسى يەنە باشقا ئۇسۇللارنى قوللىنىپ باققان بولۇپ ، رەئىس فىلورىنتىنو سانتوس كوماندىسىنىڭ رەئىسىگە تىلىفۇن قىلغان ، ئەينى ۋاقىتتا سانتوس كوماندىسىنىڭ رەئىسى ئائىلىسىنى ئىلىپ فىرانسىيەدە ساياھەت قىلىۋاتقان بولۇپ ، فىلورىنتىنو بۇ رەئىسنى مادرىدتا چۈشلۈك تاماق يېيىشكە تەكلىپ قىلغان .

سانتوس كوماندىسىنىڭ رەئىسى تىلىفۇنى ئالغان ۋاقىتتا مۇنداق دېگەن : " مەن پەرەز قىلىپ باقاي ، سىز مىنى چۈشلۈك تاماققا تەكلىپ قىلىپ نىيمارنىڭ يۆتكىلىش ئىشىنى دىمەكچى شۇنداقمۇ ؟ سىز ۋاقىتنى ئىسراپ قىلماڭ ، چۈنكى بىزنىڭ بۇ توپچىنى سىتىپ چىقىرىش ئويىمىز يوق " . شۇنىڭ بىلەن فىلورىنتىنو يەنىلا بەل قويىۋەتمەي ئۆزىنىڭ شەخسىي ئايرۇپىلانىغا ئولتۇرۇپ فىرانسىيەگە بىرىپ سانتوس كوماندىسىنىڭ رەئىسى بىلەن چۈشلۈك تاماقنى بىللە يىگەن .  پارىژدىكى ئەڭ داڭلىق بولغان Guy Savoy تاماقخانا ئىچىدە سانتوس كوماندىسىنىڭ رەئىسى يەنىلا فىلورىنتىنوغا نىيمارنى سىتىش ئويىنىڭ يوقلىقىنى بىلدۈرگەن .

شۇنداقتىمۇ خان جەمەتى مادرىد كوماندىسى يەنىلا نىيمارنىڭ دادىسى ئارقىلىق بۇ سودىنى تاماملاش ئۈچۈن مىدىراپ باققان ، موتا ھەتتا خان جەمەتى مادرىد كوماندىسى بىلەن نىيمار ئوتتۇرسىدا بىر پارچە توختامنى تەييارلاپ قويغان . لېكىن چىلسىي كوماندىسىنىڭ رەئىسى ئابراموۋىچمۇ نىيماردىن ۋاز كىچەلمىگەن بولۇپ ، چىلسىي كوماندىسىنىڭ باش پۇتبول نازارەتچىسى مايكۇلنى سانتوس كوماندىسىغا ئەۋەتكەن بولۇپ ، يۆتكىلىش سۆھبىتىنى قايتا قوزغىتىشقا سىناپ باقماقچى بولغان . مايكول نىيمار بىلەن كۆرۈشۈپ ، موتادىنمۇ قالتىس بولغان سۆھبەتلىشىش ئىقتىدارىنى نامايەن قىلغان . ئۇ مۇنداق دېگەن : مەن ئەينى ۋاقىتتا نىيمارنىڭ دادىسىنىڭ باشقىلارنىڭ گىپىنى ئەستايىدىللىق بىلەن ئاڭلاپ ھەتتا ئۆزىنىڭ تىلىفۇنىغا قارىمىغان ۋاقتىنىڭ 30 مىنۇتتىن ئىشىپ كەتكەنلىكىنى ئېيتقان .

مايكول چىكاگو بۇقا كوماندىسى بىلەن مايكول جورداننىڭ ھىكايىسىنى سۆزلەپ بەرگەن : گەرچە چىكاگو بۇقا كوماندىسى بىر كۈچلۈك كوماندا بولمىسىمۇ ، لېكىن  بۇقا بىلەن مايكول جوردان بىرلەشكەن ۋاقىتتا ، ئۇلار تەرەققىي قىلىپ خەلىقئاراۋى بەلگىگە ئايلانغان . نىيمارمۇ ئوخشاش ، كىيىن ئۇ چىلسىي كوماندىسىنىڭ مايكول جوردىنىغا ئايلىنالايدۇ . مۇرىنىئو پات ئارىدا چىلسىي كوماندىسى بىلەن توختام ئىمزالايدۇ ، مۇرىنىئونىڭ نىيمارنى كوماندىغا قۇشۇۋىلىش ئارزۇسى بارلىقىنى بىلدۈرگەن .

نىيمار دادىسى ئىنگلاند كۇلۇبلىرى بىلەن ئالاقىسىنىڭ كۈچىيىشىغا ئەگىشىپ ، نىيمارنىڭ دادىسىنىڭ كاللىسىدا ئۇلاردىن تىخىمۇ كۆپ پۇل ئۈندۈرۋىلىشنى ئويلىدى . شۇنىڭ بىلەن نىيمارنىڭ دادىسى قەتئىي قارارغا كېلىپ مەيلى قايسى كوماندا بولسۇن ئوغلى بىلەن توختام ئىمزالىماقچى بولسا ، ئۇلارغا ئالدىن 10 مىليون ياۋرو تۆلىشىنى ئېيتقان . يۆتكىلىش سودىسى تاماملىنىشتىن بۇرۇن نىيمارنىڭ ئاز دېگەندە يەنە 30 مىليون ياۋروغا ئىرىشىشنى ئىيتقان .

ئەگەر مۇشۇنداق ئەھۋال ئاستىدا ، خالىغان بىر تەرەپ توختامغا خىلاپلىق قىلىدىغان بولسا ، ئۇنداقتا خىلاپلىق قىلغان تەرەپ قارشى تەرەپكە 40 مىليون جەرىمانە قويۇلىدىغانلىقىنى ئېلان قىلغان . شۇنىڭ بىلەن نىيمارنىڭ دادىسى نىيمارنىڭ يارىلىنىپ قىلىپ يۆتكىلىش سودىسىنىڭ نورمال ئىلىپ بىرىلىشىگە تەسىر يەتكۈزىشىدىن ئەندىشە قىلىپ ، نىيمارنى ناھايىتى چوڭ بىر سۇغۇرتىغا قاتناشتۇرغان .
[/size=4]
لېكىن نىيمار ئۇ چاغدا ئۆزىنىڭ كوللىكتىپىگە پەقەت بىرلا كوماندىدا توپ تىپىدىغانلىقىنى ئىيتقان ، ئۇ بولسىمۇ بارسېلونا كوماندىسى . ئەينى ۋاقىتتا نىيمار 19 ياشتا ئىدى ، مەخپىي ھالدا بارسېلونا كوماندىسى بىلەن كىلىشىم ھاسىل قىلغاندىن كېيىن ، نىيمار ئۆزىنىڭ ئۆيىدىن ئايرىلغان . 2011-يىلى 11-ئاينىڭ 15-كۈنى ئۇ بارسېلونا كوماندىسى بىلەن بىر كىلىشىمنامە ئىمزالىغان بولۇپ ، نىيمار ئۆزىنىڭ 2013 - يىلى بارسېلونا كوماندىسىغا قىتىلىشىنى كاپالەتكە ئىگە قىلغان .بۇ ئىسپانىيە زەردارى بارسېلونا كوماندىسى ئاۋۋال مۇددەتتىن بۇرۇن نىيمارغا 10 مىليون ياۋرو تۆلىگەن ، قالغان 30 مىليون ياۋرونى يۆتكىلىش سودىسى پۈتكەندىن كېيىن تۆلەيدىغانلىقىنى بىلدۈرگەن . ئۈچ كۈندىن كېيىن نىيمارنىڭ ئاتا ئانىسى 10 مىليون ياۋرونىڭ سانپاۋلودىكى بىر بانكا ھىساباتىغا ئاغدۇرۇلغانلىقىنى بىلگەن .

بۇ كىلىشىمنىڭ مەخپىي ئىلىپ بېرىلىشى شۇنداق ياخشى بولغان بولۇپ ، ھەتتا سانتوس كوماندىسىنىڭ بۇ ئىشتىن ئازراقمۇ خەۋىرى يوق ئىدى . سەككىز ئايدىن كېيىن ، بارسېلونا كوماندىسى بۇ 10 مىليون ياۋرونى مالىيە دوكلاتىنىڭ 383- بىتىگە يىزىشتىن يۇشۇرغان بولۇپ ، ناۋادا ئاشكارىلىنىپ كېتىدىغان ئىش بولسا بۇ پۇلنىڭ كەلگۈسىدىكى توپچى ئۈچۈن ئىشلەتكەنلىكىنى ئىيتىشقا تەييارلىق قىلىپ قويغان ، لېكىن بۇنداق بولمىغان بولۇپ ، كۇلۇبىمۇ باشقا تەپسىلاتلارنى ئاشكارىلىمىغان ، شۇنداقلا نىيمارنىڭ ئىسمىنىمۇ ئاشكارلاپ باقمىغان . كېيىن نىيمارنىڭ دادىسى سانتوس كوماندىسىغا بىسىم ئىشلىتىشنى باشلىغان بولۇپ ، ئوغلى بىلەن بولغان توختامنىڭ مۇددىتىنى 2013- يىلىغا قىسقارتىشنى تەلەپ قىلغان . بارسېلونا كوماندىسى نىيمارنى بالدۇرراق قىتىۋىلىشنى ئويلاشقان بولۇپ ، چۈنكى ئەشەددىي رەقىبى خان جەمەتى مادرىد كوماندىسى ئىزچىل نىيمارنىڭ كويىدا يۈرگەن ئىدى .

خان جەمەتى مادرىد كوماندىسى نىيمارغا يۇقىرى مۇئاش بىلەن تەمىنلەيدىغانلىقىنى ، ھەمدە بارسېلونا كوماندىسىغا ئوخشاش 40 مىليون ياۋرو تۆلەيدىغانلىقىنى بىلدۈرگەن . لېكىن بارسېلونا كوماندىسى نىيمارنى ئەسكەرتىپ ، نىيمارنىڭ ناۋادا خان جەمەتى مادرىد كوماندىسى بىلەن توختام ئىمزالاپ قالسا ، ئۇنداقتا بارسېلونا كوماندىسى نىيمارنىڭ ۋاكالەتچىلىكتىن ئېرىشكەن پۇلىنى بەرمەيدىغانلىقىنى ئېيتقان . شۇنىڭ بىلەن ئەڭ ئاخىرىدا بارسېلونا كوماندىسى بۇ جەڭدە غەلبىنى قولغا كەلتۈرگەن ، سۆھبەتلىشىش ئارقىلىق بارسېلونا كوماندىسى سانتوس كوماندىسىغا 17 مىليون ياۋرو پۇلنى ئۇرۇپ بەرگەن .

بۇ قېتىملىق يۆتكىلىش روسسېلنىڭ شەخسىي مۇۋەپپەقىيىتى بولۇپ ، لېكىن بۇ بارسېلونا كوماندىسىنىڭ رەئىسىنىڭ مۇۋەپپەقىيەتىنىڭ تەمى ئۇزۇنغا بارمىغان ، شۇنىڭ بىلەن بىر ۋاقىتتا رۇسسېل ئۆزىنى بارسېلونا كوماندىسىنىڭ مەستانىلىرىنىڭ دۈشمىنىگە ئايلاندۇرۇپ قويغان . كىيىن روسسېل قاتار ئاۋىئاتسىيە شىركىتى بىلەن 30 مىليون ياۋرولۇق ياردەم توختىمى ئىمزالىغان بولۇپ ، كاسىس روسسېلنىڭ بۇ ئىشىدىن ئىنتايىن خاپا بولۇپ كەتكەن . چۈنكى ئۇنىڭ قارىشىچە روسسېلنىڭ بۇنداق قىلىشى بارسېلونا كوماندىسىنىڭ‹‹ پەقەتلا بىر كۇلۇب ئەمەس ›› دىگەن ئەنئەنىسىگە خىلاپلىق قىلغان بولىدىكەن : .

گەرچە رۇسسېل ئىزچىل ياردەم توختام ئىمزالاشنىڭ بارسېلونا كوماندىسىنىڭ ئوزغۇنلۇقتىكى رىقابەت كۈچىنى ساقلاپ قېلىش ئىكەنلىكىنى كۆپ قېتىم تەكىتلەپ كەلگەن بولسىمۇ ، لېكىن يىل ئاخىرىدىكى ئومۇمىي يىغىندا ، پەقەت 697 نەپەر بارسېلونا ئەزاسى رۇسسېلنىڭ بۇ ياردەم توختىمىغا قوشۇلغان . كاسىس بۇ قېتىملىق ياردەمنىڭ كۇلۇبقا بىر چوڭ ئۆزگىرىش ئىلىپ كىلىدىغانلىقىنى بىلدۈرگەن ، شۇڭلاشقا بارلىق ئەزالارنىڭ ھەممىسى بۇ ئىش ئۈستىدە مۇزاكىرە ئېلىپ بارغان . ئۇ ۋە بىرقانچە دوستلىرى بارسېلوناغا بىسىم ئىشلەتكەن بولۇپ ، بىر قىتىمدىلا بارسېلونا كوماندىسىنىڭ 170000 ئەزاسىنىڭ بىلەت تاشلىشىنى مۇراجىئەت قىلغان . لېكىن ئۇلارنىڭ بۇ ھەرىكىتى ئىمزا قويۇش ئىتراپ قىلىشىغا ئىرىشەلمىگەن . نەزەرىيە جەھەتتىن ئېيتقاندا بارسېلونا كوماندىسىنىڭ رەئىسىنى ۋە مۇدىرىيىتىنى توپ مەستانىلەر بىۋاسىتە بىلەت تاشلاش ئارقىلىق قارار قىلىناتتى .

كاسىس باشقا مەستانىلەرنىڭ قىلىشقا تېگىشلىك بولغان ئىشىنى قىلمىغانلىقى ئۈچۈن ناھايىتى ئاچچىغى كەلگەن ، لېكىن كاسىس كۆرەش قىلىشنى توختىتىپ قويمىغان . كېيىن بۇ نەزىرىنى كۇلۇبنىڭ مالىيە دوكلاتىغا قاراتقان بولۇپ ، دوكلاتتا 40 مىليون ياۋرودىن سىرت يەنە 10 مىليون ياۋرو بار ئىدى . ئەجىبا بۇنى نىيمارغا بەرگەندىمۇ ؟ ئۇ روسسېل ۋە مۇدىرىيەت ئەزالىرىغا خەت يېزىپ بۇ ئىشنىڭ تەپسىلاتىنى ئۇقۇپ بىقىشقا سىناپ باققان بولسىمۇ ، لېكىن ئۇنىڭ بۇ ئىشى كۆڭۈل بۆلۈشكە ئىرىشەلمىگەن .
شۇ يىلى 12- ئايدا كاسىس ئۆزىنىڭ نارازىلىق ئەرزىنى ئىسپانىيە دۆلەت سوت مەھكىمىسىگە سۇنغان . ھەمدە ئۇلاردىن رۇسسېلنىڭ كۇلۇبنىڭ پۇلىنى قالايمىقان ئىشلەتكەن ياكى ئىشلەتمىگەنلىكىنى گۇمانى توغۇرلۇق سوت مەھكىمىسىدىن رۇسسېلنى تەكشۈرۈشنى تەلەپ قىلغان . ئۇمۇ ئەينى ۋاقىتتا ئۆزىنىڭ بۇنداق قىلىشىنىڭ ھەرگىزمۇ رەئىسلىكنى مەقسەت قىلمىغانلىقىنى ، پەقەت ئۆزىنىڭ كۇلۇبنىڭ بىر ئەزاسى بولۇش سۈپىتى بىلەن ، كۇلۇبنىڭ پۇللارنى قانداق ئىشلەتكەنلىكىنى بىلىپ بىقىشنى ئويلىغانلىقىنى ئېيىتقان .

بۇ نۆۋەت مۇدىرىيەت ئەزالىرى ئاكتىپ ھالدا كاسىسقا ئىنكاس قايتۇرغان بولۇپ ، ئەگەردە نىيمارنىڭ توختامىنىڭ تەپسىلاتلىرىنى سىرتقا ئاشكارلىغان بولسا ، ئۇ چاغدا كوماندىغا زور زىيان ئېلىپ كىلىدىغانلىقىنى بىلدۈرگەن . فىرىسا ئىنىق قىلىپ سىزمۇ بەلكىم ئويلاپ يىتەلىدىڭىز ، بۇ كوماندىغا زور سەلبىي تەسىر كۆرسىتىدىغانلىقىنى بىلدۈرگەن .بىراق كاسىس بۇنىڭلىق بىلەنلا توختاپ قالمىغان ، روژدېتسىۋو بايرىمىلىق دەم ئېلىش ئاخىرلاشقاندىن كېيىن ، سودىيە پائۇل بۇ ئىشنى تەكشۈرۈپ چىقىدىغانلىقىغا قوشۇلغان . شۇنىڭ بىلەن كاسىس ناھايىتى چوڭ سەتچىلىكى خەۋىرىدىن بىرنى ئاشكارىلىغان . شۇنىڭدىن كېيىن بارسېلونا كوماندىسىنىڭ رەئىسى رۇسسېل چاقماق تېزلىكىدە ۋەزىپىسىدىن ئىستىپا بەرگەن بولۇپ ، لېكىن ئۇ ئىزچىل ئۆزىنىڭ خاتالىق سادىر قىلغانلىقىنى ئىنكار قىلىپ كەلگەن . ئۇ ئىستىپا بىرىشنىڭ سەۋەبى بولسا بارسېلونا كوماندىسىنىڭ سەلبىي تەسىرىنى ئەڭ تۆۋەن چەككە چۈشۈرۈش سەۋەبلىك ئىستىپا بەرگەنلىكىنى ئېيتقان .

نىيمارنىڭ ئائىلىسىنىڭ قوشۇلىشىغا ئىرىشكەندىن كىيىن ، بارسېلونا كوماندىسى دەرھال ئاخبارات ئىلان قىلىش يىغىنى ئېچىپ بۇ ئەھۋاللارنى كەڭ جامائەتچىلىككە چۈشەندۈرگەن . شۇ ۋاقتتىكى ۋاقىتلىق رەئىس بارتۇمىئۇ بۇ قېتىملىق يۆتكىلىشكە جەمئىي 57.10 مىليون ياۋرو كەتكەنلىكىنى ، بۇ سانتۇس كوماندىسىغا بەرگەن 17،10 مىليون ياۋرو بىلەن بىۋاسىتە نىيمارغا 40 مىليون ياۋرونى ئۆز ئىچىگە ئالىدىغانلىقىنى بىلدۈرگەن . ئۇنىڭدىن سىرت يەنە نىيمارنىڭ ئائىلىسىدىكىلەرگە دىيىشىپ قويغان بىرقاتار مۇكاپات پۇلىمۇ بار ئىكەن .

نىيمار بارسېلونا كوماندىسىدا بىرازىلىيەنىڭ پۇتبول باش ئەلچىسى بولغان بولۇپ ، ھەريىلى 500مىڭ ياۋروغا ئىرىشەلەيدىكەن . بارلىق پۇلنىڭ ھەممىسى نىيمارنىڭ يىللىق مۇئاش سانلىق مەلۇماتىدا ئىنىق كۆرسىتىلگەن . رەئىس بارتۇمىئۇ مۇخبىرلارغا مۇنداق دېگەن : بىز ئاللىقاچان بارلىق ئىشلارنى ئوچۇق ئاشكارا ھالدا ئىلان قىلدۇق .
تەپتىش ئەمەلدارى خوسې پىئىرسى بارسېلونا كوماندىسىنىڭ مالىيە دوكلاتىدىكى توققۇز كىلىشىمنامىنى بىرقاتار تەكشۈرۈپ چىققاندىن كېيىن ، بارسېلونا كوماندىسىنىڭ 12 مىليون ياۋرو باجدىن قېچىش قىلمىشىنىڭ بارلىقىنى بايقىغان . بەش كۈندىن كېيىن بارسېلونا كوماندىسى باج ئىدارىسىغا بېرىپ 12 مىليون ياۋرو باجنى تولۇقلاپ تاپشۇرىۋەتكەن . شۇنىڭ بىلەن بىر ۋاقىتتا بارسېلونا كوماندىسى ئۆزىنىڭ ھىچقانداق گۇناھى يوقلىقىنى ، ھەمدە بۇ ئىشنى پەقەت باج مۇتەخەسىسىلىرىنىڭ دىگەنلىرى بويىچە قىلغانلىقىنى بىلدۈرگەن .

ئەمما بۇ يەنىلا ئۇلارنىڭ گۇناھىنى جازالاشقا يىتەرلىك بولمىغان بولۇپ ، سوت مەھكىمىسى بارسېلونا كوماندىسىنىڭ يىتەرلىك ئىسپات بولمىغان مەبلەغ ئالدامچىلىقى ئۈستىدە ئىسپات تىپىپ چىقىدىغانلىقىنى ئېلان قىلغان . كاسىس بۇ ئىشلارنىڭ بۇنداق چوڭ تەسىر كەلتۈرۈپ چىقىرىدىغانلىقىنى ئويلاپ باقمىغان بولۇپ ، كېيىن ئۇ سوت مەھكىمىسىگە بىرىپ ئەرزىنى قايتۇرۋالغىلى بارغان بولسىمۇ ، لېكىن ھەممىسى ئاللىقاچان كىچىككەن ئىدى . سوت مەھكىمىسىنىڭ جازا ھۆكۈمى يەنىلا داۋاملىشىۋاتقان . جازاغا ھۆكۈم قىلىنىپ قالسىلا ، بارسېلونا كوماندىسىنىڭ رەئىسى رۇسسېلغا تۈرمىدە 7 يىل يىتىشىپ جازاسى بىرىلەتتى . لېكىن كېيىن ئىسپانىيە دۆلەت سوت مەھكىمىسىنىڭ بىر سودىيەسى روسسېلغا بولغان ئەرز شىكايەتنى بىكار قىلغان . نىيمارنىڭ دادىسىمۇ ئۆزىنىڭ ھىچقانداق خاتالىق سادىر قىلمىغانلىقىنى بىلدۈرگەن . ئۇ ھىچقانداق ئەيىبلەشكە ئۇچرىمىغان بولۇپلا قالماستىن ، يەنە ئۆزىنىڭ بىرازىلىيەگە تۆلەيدىغان باجلىرىنىڭ ھەممىسىنى تۆلەپ بولغانلىقىنى ئېيتقان .