كۇلۇبتا ئىپادىسى ياخشى بولغان توپچىلار ئاقىۋەتتە .....

قۇتلۇغ

پۇتبول تارىخىغا نەزەر سالىدىغان بولساق ، بەزى بىر قىسىم كوماندىلار ، بەزى بىر توپچىلارنىڭ ھەقىقەتەن ھەسرەتتە قالىدىغان نۇرغۇنلىغان ئىشلار يۈز بەرگەن ئىدى . مىسالغا ئالساق 2002- يىلىدىكى دۇنيا لوڭقىسى مۇسابىقىسىدە لىمىڭنىڭ جۇڭگو كوماندىسىغا چاقىرتىلمىغانلىقى ، 2006- يىلىدىكى دۇنيا لوڭقىسى مۇسابىقىسىدە ماكەينىڭ گوللاندىيە كوماندىسىغا چاقىرتىلمىغانلىقى ، 2008- يىلىدىكى ياۋروپا لوڭقىسى مۇسابىقىسىدە رائۇلنىڭ ئىسپانىيە كوماندىسىغا چاقىرتىلمىغانلىقى ، 2012- يىلى لوندون ئولىمپىك تەنھەرىكەت مۇسابىقىسىدە بىكھامنىڭ كوماندىغا چاقىرتىلماسلىقى قاتارلىقلار ... بۇنىڭغا ئوخشاش مىساللار ناھايىتى كۆپ ، ئۇلار بىر ئورتاق ئالاھىدىلىككە ئىگە بولۇپ ، دەل كۇلۇبدىكى ئىپادىسى ناھايىتى ياخشى بولغان ، لىكىن دۆلەت كوماندىسىنىڭ ئەتىۋارلىشىغا مۇيەسسەر بولالمىغان ئىدى . شۇنىڭ بىلەن كەسپىي ھاياتىدىكى شانلىق ۋاقىتلارنى قولدىن بېرىپ قويغان . ئۇنداقتا ھازىر توپ ئويناۋاتقان توپچىلار ئىچىدە ، زادى قايسى توپچىلار مۇشۇنىڭغا ئوخشاش ئوسال ئەھۋالغا چۈشۈپ قالغان ؟ قىنى بىز بىرلىكتە بۇ تىمىنى كۆرۈپ باقايلى .

لاكازىت ، فىرانسىيە ، 1991- يىلى تۇغۇلغان



لاكازىت لىئون كوماندىسىنىڭ مەشىقلەندۈرۈش بازىسىدىن يېتىشىپ چىققان توپچى بولۇپ ، ئاللبۇرۇن 2010-2011 پەسلىدە ئۇ ئاستا ئاستا لىئون كوماندىسىنىڭ بىرىنچى سەپ كوماندىسىدا پۇت تىرەپ تۇرۇشنى باشلىغان ئىدى . 2013-2014 مۇسابىقە پەسلىگە قەدەم قويغاندا لاكازىت كوماندىنىڭ ئوتتۇرا ھۇجۇمچىسى بولۇپ ئورۇنلاشتۇرۇلغان . كىيىن لىئون كوماندىسى بۇ توپچىنى چۆرىدىگەن ھالدا جەڭ تاكتىكىسى تۈزۈشكە باشلىغان بولۇپ ، لاكازىت شۇنىڭ بىلەن ئادەمنىڭ ئەقلىي يەتمەيدىغان دەرىجىدە توپلارنى كىرگۈزۈشكە باشلىدى . سانلىق مەلۇماتقا قارىغاندا ، 2013-2014  ، 2014-2015 ، 2015-2016 مۇسابىقە پەسللىرىدە ، بۇ توپچىنىڭ توپ كىرگۈزۈش سانلىق مەلۇماتى ئايرىم ئايرىم 22 ، 33 ۋە 23 توپ بولغان . شۇ مەزگىلىدە پۈتكۈل فىرانسىيە بىرلەشمىسىدە پەقەتلا ئىبراھىموۋىچنىڭ توپ كىرگۈزۈش ئۈنۈمى بۇنىڭدىن يۇقىرى بولغان . ھالبۇكى بۈگۈنكى لاكازىت ئەمدى 20 ياشنىڭ قارىسىنى ئالغان ياش توپچى بولۇپ ، يەنىلا كەسپىي ھاياتىنىڭ ئۆرلەش باسقۇچىدا تۇرماقتا .

2013-2014 مۇسابىقە پەسلىدە ، لاكازىت پۇتبول مۇنبىرىنى زىلزىلىگە سىلىپ كىشىلەرنىڭ دىققىتىنى قوزغىغان ئىدى . ئۇنىڭ چەكلەنگەن رايون ئىچىدىكى شەخسىي ئىقتىدارىغا تايىنىپ ۋارتارغا توپ ئۇرۇش  جەھەتتە ناھايىتى تالانتى بار ئىدى . لىكىن دەل شۇ يىلى يازدا لاكازىت فىرانسىيە كوماندىسىنىڭ بىرازىلىيەدە ئۆتكۈزۈلگەن دۇنيا لوڭقىسى پۇتبول مۇسابىقىسىگە قاتنىشىدىغان چوڭ تىزىملىكىگە كىرگۈزۈلمىگەن ئىدى . دىشام تاللىغان ھۇجۇمچىلار ئىچىدە ، گىرىزمان ، بىنزىما ، رىمى ۋە جىرۇ قاتارلىقلار بار ئىدى . لاكازىت بولسا كاندىدات ماھىر تىزىملىكىدە چىققان بولۇپ ، ئاخىرىدا تىزىملىككە تاللىنالمىغان . تىلغا ئېلىشقا ئەرزىيدىغىنى شۇكى ، ئەينى ۋاقىتتا پوگبا ئاللىقاچان فىرانسىيە كوماندىسىنىڭ ماھىرىغا ئايلىنىپ بولغان ، ئەينى چاغدا ئاخبارات ۋاستىلىرى بۇ فىرانسىيەنىڭ ئوتتۇرا مەيداندىكى يىڭى يۇلتۇزىنى « دولقۇن » دەپ ئاتىغان ئىدى .

كىشىلىك ھاياتىدىكى مۇھىم بولغان بىر مۇسابىقىنى قولدىن بېرىپ قويغاندىن كېيىن ، لاكازىت ئۆزىنىڭ توپ كىرگۈزۈش رىكورتىنى توختىتىپ قويمىغان . كىيىنكى مۇسابىقە پەسلىدە ، ئۇ لىئون كوماندىسىدا داۋاملىق قالتىس ئىپادىسىنى جارى قىلدۇرۇپ ، ئاستا ئاستا فىرانسىيە بىرلەشمىسىدىكى ئالدىدىن سانىغاندا بىرىنچى ۋە ئىككىنچى ئورۇندا تۇرىدىغان ھۇجۇمچىغا ئايلانغان . شۇنىڭ بىلەن بىر ۋاقىتتا توپ كىرگۈزۈشتە نەچچە قىتىم ئىبراھىموۋىچقا بىسىم ئەكەلگەن توپچى بولۇپ قالغان . 2014-2015 مۇسابىقە پەسلىدە ، لاكازىت ئۇرغان 32 توپنىڭ ئىچىدە 27 سىنى بىرلەشمىدە كىرگۈزگەن . مۇشتا ئۇدا نەچچە پەسىل ئىپادىسى قالتىس بولغان توپچىنىڭ ئەلۋەتتە فىرانسىيە كوماندىسىدا بىر ئورنى بولىشى كېرەك .

كۆزنى يۇمۇپ ئاچقۇچە 2016- يىللىق فىرانسىيە ياۋروپا لوڭقىسى مۇسابىقىسى يىتىپ كەلدى . فىرانسىيە توپچىسى بولۇش سۈپىتى بىلەن ، ئۆز دۆلىتىدە ئۆتكۈزۈلگەن دۇنياۋى دەرىجىلىك مۇسابىقىگە قاتنىشىش شەك - شۈبىھىسىزكى ھاياتتىكى زور خۇشاللىق بولۇپ ھېسابلىنىدۇ . لىكىن لاكازىت يەنە بىر قېتىم دۆلەت كوماندىسىغا تاللىنالمىغان . بۇ قېتىم فىرانسىيە كوماندىسىنىڭ ھۇجۇمچى ئورنىنى ئوينايدىغان توپچىلار جىرۇ ، جىنىياق ، گىرىزمان ، پايىت ۋە كومان ئىدى . گىرىزمان بىلەن جىرۇ شۈبھىسىزكى فىرانسىيە كوماندىسىنىڭ تاكتىكا جەھەتتىكى ئەڭ ئىھتىياجلىق توپچىسى ئىدى . جىنىياق ، لايىت ۋە كومان ئۈچەيلەننىڭ ھەركىتى ئىنتايىن جانلىق ۋە چاققان بولۇپ ، مەشقاۋۇل ئورۇنلاشتۇرغان جەڭ تاكتىكىسىنى تىخىمۇ مول قىلالايدۇ . لاكازىت پەقەتلا كۈزىتىش ئوبىكتى بولۇپ قالغان ئىدى .

بۇ پەسلىدە لاكازىتنىڭ ئىپادىسى يەنىلا ناھايىتى ياخشى بولغان بولۇپ ، ھازىرغىچە بولغان ھەرقايسى تۈرلۈك مۇسابىقىدە 27 توپ كىرگۈزۈپ بولغان . توپ كىرگۈزۈش ئۈنۈمى فىرانسىيەلىك بولغان ھەرقانداق ھۇجۇم ئوينايدىغان توپچىدىن يۇقىرى ئورۇندا تۇرغان . لىكىن راس گەپنى قىلغاندا فىرانسىيە كوماندىسىنىڭ ئادەملىرى تولۇق بولۇپ ، ئەزالىرى ئىنتايىن مول ئىدى .

  گامېرو ، فىرانسىيە ، 1987 - يىلى تۇغۇلغان



دۆلەتدىشى لاكازىتقا سىلىشتۇرغاندا گامېرونىڭ سەرگۈزەشتىسى ئەگرى توقايلىقتا ئۆتكەن . لاكازىت 2009 - 2010 مۇسابىقە پەسلىدە قالتىس ئىپادىسىنى جارى قىلدۇرۇشقا باشلىغان بولسىمۇ ، لىكىن گامررو ئاللىقاچان فىرانسىيە بىرلەشمىسىنىڭ قاتىل ھۇجۇمچىسىغا ئايلىنىپ بولغان ئىدى . مەسىلەن لاكازىت كۈچلۈك كوماندىدىن ئۆسۈپ يېتىلگەن بولسا ، ئەكسىچە گامېرو ئۈزۈل كېسىل تۆۋەن قاتلامدىن پىشىپ يېتىلىپ ، باش كۆتۈرگەن بىرىنچى مەرگەن بولۇپ قالغان . شۇ يىلى  كوماندىسى لورىيېنت گامېرو كوماندىسىنىڭ ئۇنىڭغا بەرگەن ھۇجۇم يولىدىكى لىنىيىسى چەكسىز   بولغان بولۇپ ، بۇمۇ بۈگۈنكى ئۆزگىرىشچان ۋارتارغا توپ تىپىش تىخنىكىسىنىڭ ئومۇملىشىشىغا تۈرتكە بولغان .

ئەمەلىيەتتە لاكازىت بىلەن سىلىشتۇرۇپ كۆرىدىغان بولساق ، جۇڭگودىكى مەستانىلەرگە گامېرو ئىشلىرى تىخىمۇ چۇڭقۇر تەسىر قالدۇرغان ئىدى . جۇڭگو ياشلار كوماندىسىنىڭ دۇنيا پۇتبول مۇنبىرىدە بىركىشىلىك ئورۇن ئىلىشتىن 10 يىل ئىلگىرى ، تۇلۇن لوڭقىسى مۇسابىقىسىدە فىرانسىيە كوماندىسىنىڭ جۇڭگو كوماندىسىنى مەغلۇپ قىلىشىغا ياردەم قىلغان توپچى دەل گامېرو ئىدى . شۇ مەيداندىكى تۇلۇن لوڭقىسى ھەل قىلغۇچ مۇسابىقىسىدە ، گامېرو تۇماق كىيىپ فىرانسىيە كوماندىسىنىڭ جۇڭگو كوماندىسىنى مەغلۇپ قىلىشىغا ياردەم بېرىپ ، چىمپىيۇنلۇقنى قولغا كەلتۈرگەن . ھەمدە شۇ نۆۋەتلىك مۇسابىقىنىڭ يىرىم ھەل قىلغۇچ مۇسابىقىسىدە ، گامېرو ئۇرغان بىر توپى بىلەن فىرانسىيە كوماندىسى 1-0 پورتۇگالىيە كوماندىسىنى مەغلۇپ قىلىپ ھەل قىلغۇچ مۇسابىقىسىگە قاتناشقان . ئىپادىسى قالتىس بولغان گامېرو شۇ نۆۋەتلىك تۇلۇن لوڭقىسى مۇسابىقىسىنىڭ ئەڭ مۇنەۋۋەر توپچىسى بولۇپ باھالانغان . لېكىن ئەپسۇسلىنارلىقى شۇكى شۇ مۇسابىقىدىن كېيىن گامېرونىڭ خەلقئارالىق مۇسابىقىدە توپ تىپىدىغان پۇرسىتى بولمىغان .

2005 - يىلى يىڭى توپ تەپكەن ۋاقىتتا ، گامېرو ھەر مۇسابىقىدە ئۆزىنىڭ ئىقتىدارىنى ئۆستۈرۈپ كەلگەن . بىرلەشمىدىكى ئۇرغان توپى ستراسبۇرگ كوماندىسىدىكى ۋاختىدىكى بىر توپتىن ، تەدرىجىي ھالدا ئىشىپ مىڭىپ 2010 - 2011 پەسىللىك مۇسابىقىدە 22 توپقا يەتكەن . شۇنداقتىمۇ ئەجەپلىنەرلىك ئىش شۇكى، ئەينى ۋاقىتتىكى فىرانسىيە كوماندىسىنىڭ مەشقاۋۇلى گامېروغا تامامەن كۆڭۈل بۆلمىگەن ، شۇ پەسىللىك مۇسابىقىنىڭ كۆمۈش ئايىقىغا ئىرىشكەن توپچى بولۇش سۈپىتى بىلەن ، گامېرو دۆلەت كوماندىسىغا تاللىنالمىغان . لىكىن 2010- يىللىق دۇنيا لوڭقىسى مۇسابىقىسىدە ، فىرانسىيە كوماندىسى ئەڭ ئىچىنىشلىق مەغلۇبىيەتكە ئۇچرىغان بولۇپ ، كىيىم ئالماشتۇرۇش ئۆيىدىكى ئىچكى نىزالار مەغلۇپ بولۇشنىڭ ئوت پىلتىسى بولۇپ قالغان ئىدى .

لىكىن توپ تىپىش تىخنىكىسى بارغانسېرى پىشىپ يېتىلگەن گامېرو پارىژ سانىت گېرمان كوماندىسىنىڭ ياقتۇرۇشىغا ئېرىشكەن بولۇپ ، كىيىن پارىژ سانت گېرمان كوماندىسىغا قوشۇلغان بولۇپ ، شۇنىڭ بىلەن بۇ كوماندىنىڭ ئاساسلىق ئەزاسىغا ئايلانغان . گەرچە 2011 - يىلى گامېرو بىلانكو مەشقاۋۇللۇق قىلغان فىرانسىيە  كوماندىسىغا تاللانغان بولسىمۇ ، لىكىن يەنىلا 2012- يىلىدىكى ياۋروپا لوڭقىسى مۇسابىقىسىگە قاتنىشىشقا تاللىنالمىغان ، بىنئالفا ، بىنزىما ۋە جىلۇ قاتارلىق يىڭى توپچىلار تاللىنىشقا باشلىغان ئىدى .

كىيىن بۇ توپچى پارىژ سانت گېرمان كوماندىسىنىڭ يىڭى توپچى ئەكىلىشكە ئەگىشىپ ، ئىسپانىيە بىرلەشمىسىدىكى سەۋىليە كوماندىسىغا قوشۇلغان بولۇپ ، ماسلاشتۇرۇش ئىلىپ بارماستىن ، بىراقلا بۇ كوماندىنىڭ كوزۇرلۇق توپچىسىغا ئايلانغان ئىدى . 2013-2014 مۇسابىقە پەسلىدە ، گامېرو ھەرقايسى تۈرلۈك مۇسابىقىدە 21 توپ كىرگۈزگەن بولۇپ ، بىنزىما بىلەن ئانچە پەرقلىنىپ كەتمەيدۇ . لىكىن ياش پەرقى ئانچە پەرقلەنمەيدىغان بىنزىما بىلەن بولغان رىقابەتتە گامېرو يەنە بىر قېتىم يىڭىلگەن بۇلۇپ ، 2014 - يىللىق دۇنيا لوڭقىسى مۇسابىقىسىدە كاندىدات  ئەزا قاتارىغىمۇ كىرەلمىگەن ئىدى . بۇ شۇنىڭ بىلەن گامېرونىڭ ئۇدا ئۈچ قېتىم دۇنياۋى دەرىجىلىك مۇسابىقىدىن قۇرۇق قول قالىشى بولۇپ قالغان ئىدى .

2015-2016 مۇسابىقە پەسلىدە ، گامېرو ھەرقايسى تۈرلۈك مۇسابىقىدە 29 توپ كىرگۈزگەن بولۇپ ، كەسپىي ھاياتىدىكى ئەڭ يۇقىرى پەللىنى ياراتقان . ئەمما ناھايىتى ئەپسۇسلىنارلىقى شۇكى بۇنداق قالتىس ئىپادىسى بولغان گامېرو يەنىلا 2016 - يىللىق ياۋروپا لوڭقىسى مۇسابىقىسىگە قاتنىشدىغان بىلەتكە ئىرىشەلمىگەن . ئۇ يەنە بىر قېتىم دۆلەت كوماندىسىغا چاقىرتىلمىغان ئىدى . لىكىن ئىسپانىيە بىرلەشمىسىدىكى قالتىس ئىپادىسىنى كۆرگەن ئىسپانىيەدىكى داڭلىق كوماندىلار ئۇنىڭغا قىزىقىشقا باشلىغان . شۇ يىلى يازدا گامېرو ئاتلېتىكا كوماندىسىغا قوشۇلغان بولۇپ ، باھاسى سەۋىليە كوماندىسىغا قىتىلغاندىكى باھادىن بەش ھەسسە يۇقىرى بولغان .

تىلغا ئېلىشقا ئەرزىيدىغىنى شۇكى ، گامېرو سەۋىليە كوماندىسىدا توپ تەپكەن ئۈچ پەسىللىك مۇسابىقىدە ، كوماندىنىڭ ئىتتىپاق لوڭقىسىدا ئۇدا ئۈچ قېتىم چىمپىيۇنلۇق بولىشغا ئالاھىدە كۈچ چىقارغان ئىدى . ئۈچ پەسىللىك مۇسابىقىدە گامېرو ئىتتىپاق لوڭقىسىدا ئايرىم ئايرىم ھالدا 6 توپ ، 4 توپ  ۋە 8 توپ كىرگۈزگەن بولۇپ ، كوماندىنىڭ لوڭقىنى قولغا كەلتۈرۈشتىكى ئالاھىدە تۆھپىكار توپچىسى بولۇپ قالغان .

بۇ پەسىللىك مۇسابىقىدە ئاتلېتىكا كوماندىسىنىڭ ھۇجۇم يولىدىكى ئاساسلىق توپچسى بولۇش سۈپىتى بىلەن ، گامېرو تىزلا ئۆزنىڭ قىممىتىنى نامايەن قىلغان . مەيلى بىرلەشمە مۇسابىقىسى بولسۇن ۋە ياكى ئوزغۇنلۇق لوڭقىسى مۇسابىقىسى بولسۇن ، ھازىرغىچە ھەرقايسى تۈرلۈك مۇسابىقىدە 13 توپ كىرگۈزگەن .

ئۇدا نەچچە پەسىل ئىپادىسى ياخشى بولغان گامېرو ئاخىرى فىرانسىيە كوماندىسىنىڭ مەشقاۋۇلىنىڭ دىققىتىنى قوزغىغان بولۇپ ، فىرانسىيە كوماندىسىنىڭ 2018- يىللىق دۇنيا لوڭقىسى ئالدىن تاللاش مۇسابىقىسىنىڭ چوڭ تىزىملىكىدە ئۇنىڭ ئىسمى ئاخىرى پەيدا بولدى . تاللاش مۇسابىقىسىنىڭ ئىككىنچى ئايلانمىسىدا ، گامېروغا ئاساسلىق ئەزا بولۇپ مەيدانغا چىقىدىغان پۇرسەت كەلگەن بولۇپ ، تىزلا كوماندا ئۈچۈن بىر توپ كىرگۈزۈپ نومۇرنى تەڭلەشتۈرگەن . ھەمدە كوماندىنى يېتەكلەپ بۇلغارىيە كوماندىسىنى چوڭ نۇمۇر پەرقى بىلەن يەڭگەن . گامېرو بۇ مۇسابىقىدە ئىككى توپ كىرگۈزگەن ئىدى

ئارتىز ئادۇرىز ، ئىسپانىيە ، 1981- يىلى تۇغۇلغان



گەرچە ئادۇرىزنىڭ مۇسابىقە ئوينىغىنىغا ئاز بولمىغان بولسىمۇ ، لىكىن ئۇنىڭ ئىككىنچى قېتىملىق بىرباۋ رىقابەت كوماندىسىدا توپ تىپىۋاتقان مەزگىلىدە ئاندىن كىشىلەر ئۇنى تونۇشقا باشلىغان ئىدى . ئەمىلىيەتتە ئون نەچچە يىلى بۇرۇنلا ، ئۇنىڭ ئىسپانىيە بىرلەشمىسىدىكى توپ كىرگۈزۈش ئۈنۈمى نىسپىي مۇقىملىقنى ساقلاپ كەلگەن ئىدى . 2008 - 2009 يىلىدىن باشلاپ ئادۇرىز مۇسابىقە پەسلىدىكى ئوزۇن مۇددەتلىك سەپىرىنى باشلىغان بولۇپ ، شۇ پەسىللىك مۇسابىقىدە مالۇكا كوماندىسى ئۈچۈن ھەرقايسى تۈرلۈك مۇسابىقىدە 11 توپ كىرگۈزگەن . ئىككى پەسىلدىن كېيىن ، ئۇنىڭ تاق پەسىلدىكى كىرگۈزگەن توپ سانى 18 گە يەتكەن ئىدى . ئالدىنقى پەسىلگە كەلگەندە ، ئۇنىڭ تاق پەسىللىك مۇسابىقىدە كىرگۈزگەن توپ سانى ئىلگىرىكىدىن بىر قاتلىغان بولۇپ ، 36 گە يىتىپ ھەقىقەتەن كىشىنى قايىل قىلىدۇ .

مۇشۇنداق تۇرسىمۇ ، ئادۇرىز ئىزچىل دۆلەت كوماندىسىغا قاتنىشىش پۇرسىتىگە ئىرىشەلمەي كەلگەن ، يىڭى توپ تەپكەن مەزگىلىدە ئىسپانىيە كوماندىسىغا قاتنىشالمىغان بولۇپلا قالماستىن ، گەرچە ئوتتەك ئىپادىسى ياخشى بولغان بولسىمۇ ، يەنىلا دۆلەت كوماندىسىغا چاقىرتىلمىغان . لىكىن بۇ توغرىسىدا مەشقاۋۇلنى ئەيىبلەشكە بولمايدۇ ، چۈنكى يىڭى ئەسىر كىرگەندىن بۇيان ئىسپانىيەنىڭ ھۇجۇمچى قىسمىدا داڭلىق بولغان چولپانلار كەم بولغان ئەمەس بولۇپ ، رائۇلدىن باشلاپ تورىسقىچە ، تورىستىن باشلاپ ۋىللاغا كەلگۈچە مەزگىلىدە ھەربىر توپچى ئىسپانىيە كوماندىسىنىڭ ھۇجۇمچى بايرىقىنى ئېگىز كۆتۈرۈپ مۇسابىقىگە قاتناشقان . ئاساسلىق ئەزادىن باشقا يەنە ئىسپانىيە كوماندىسى نۇرغۇن ياخشى بولغان توپچىلارنى كۆزلەپ قويغان ئىدى  . ئادۇرىزنىڭ گەرچە بىرلەشمىدە مۇقىم بولغان توپ كىرگۈزۈش سانلىق مەلۇماتى بولسىمۇ ، لىكىن  ئىسپانىيەگە ئوخشاش بۇقىلار ئارىسدا ، ئىزچىل تۈردە بۇ توپچىغا ئورۇن تەگمىگەن .

لېكىن ئۆتكەنكى بىر يىلدا ئادۇرىز دۆلەت كوماندىسىغا تاللانغان بولۇپ ، ئۇنىڭ ئۈستىگە دۆلەت كوماندىسىدىكى تۇنجى توپىنى كىرگۈزگەن . بۇيىل 36 ياشقا كىرگەن ئادۇرىز ئۈچۈن ، دۆلەت كوماندىسىغا ۋاكالىتەن مۇسابىقىگە قاتنىشىش پۇرسىتى جىق قالمىدى .

لارس سىتىندل ، گىرمانىيە ، 1988- يىلى تۇغۇلغان



يىقىندا سىتىندل شەھ شۈبھىسىزكى مىنشىنگىلادباخ كوماندىسىنىڭ مەستانىلىرىنىڭ قەلبىدىكى مەبۇدىسىگە ئايلانغان بولۇپ ، ئىتتىپاق لوڭقىسى فىلورىنسا كوماندىسى بىلەن بولغان مۇسابىقىدە ، مىنشىنگىلادباخ كوماندىسى ئىككى توپ كەينىدە قالغان ئەھۋال ئاستىدا ، ئارقىمۇ ئارقا تۆت توپ كىرگۈزگەن . سىنتىندل بۇ مۇسابىقىدە ئۇدا ئۈچ توپ كىرگۈزگەن بولۇپ ، كوماندىنىڭ مۇمكىن ئەمەس بولغان ۋەزىپىنى ئورۇندىشىدا تۆھپىسى ئەڭ زور بولغان توپچىغا ئايلانغان ئىدى . شۇنىڭ بىلەن ، مىنشىنگىلادباخ كوماندىسى ئورگان تورىغا بىر پارچە 11 كىشىلىك مۇنەۋۋەر سەپ شەكلىنى ئېلان قىلغان بولۇپ ، بۇ 11 كىشىنىڭ ھەممىسى سىتىندل ئىدى . بۇنىڭدىن كوماندىنىڭ ئۇنىڭغا بولغان مىننەتدارلىق تۇيغۇسىنى كۆرىۋالغىلى بولىدۇ . شۇنداقتىمۇ بۇ توپچىنى ئۈستىدىكى بىر نەچچە سىلىشتۇرغاندا ، سىتىندلنىڭ دۆلەت كوماندىسى توغرىسىدىكى كەچۈرمىشلىرى ئىنتايىن ناچار بولغان . گىرمانىيەنىڭ كۈچلۈك كوماندىسى بولغان مىنشىنگىلادباخ كوماندىسىنىڭ كاپىتانى بولۇش سۈپىتى بىلەن ، سىتىندل ھازىرغىچە بولغان ۋاقىتتا گىرمانىيە دۆلەت كوماندىسىغا تاللىنىپ باقمىغان ئىدى .

سىتىندل كارلىسرۇخې كوماندىسىدىن يىتىشىپ چىققان بولۇپ ، بۇ كوماندا دەرىجە چۈشۈپ كەتكەندىن كېيىن ، ئۇ ئىزچىل توپ تىپىپ 2010- يىلىغا كەلگەندە ھاننوۋېر كوماندىسىغا قوشۇلغان ئىدى . ھەمدە ئىككى يىل ئىلگىرى مىنشىنگىلادباخ كوماندىسىغا قوشۇلغان . 19 ياشقا كىرىپلا گىرمانىيە بىرلەشمىسىدە توپ تەپكەن ، 20 يىشىدىلا ئاللىقاچان گىرمانىيە كۇلۇبىنىڭ ئاساسلىق ئەزاسى بولغان سىتىندل ، ئامالسىز گىرمانىيەنىڭ كوماندىسىنىڭ بىرنەچچە يىل ھۇجۇمچى كۆپ بولۇش ۋاختىغا دۇچ كەلگەن . كىلۇزدىن باشلاپ گومىس ، پودولىسكى ، لۇيىس ، موللىر ، شۈرلى قاتارلىقلار لىفنىڭ ئالدىن تاللىشى بولغان . شۇنىڭ بىلەن سىتىندل بۇلار بىلەن ئورۇن تالىشىش رىقابىتىدە مەغلۇپ بولغان .

لېكىن فىلورىنسىيە كوماندىسى بىلەن بولغان قالتىس ئىپادىسىنى كۆرگەن گىرمانىيە كوماندىسىنىڭ مەشقاۋۇلى لىف ئۇنى ماختىغان . بەلكىم كەلگۈسىدە سىتىندل گىرمانىيە دۆلەت كوماندىسىنىڭ تىزىملىكىگە كىرگۈزۈلىشى مۇمكىن . سىتىندلنىڭ ئالدىنقى قىتىملىق دۆلەتكە ۋاكالىتەن مۇسابىقىگە قاتناشقان ۋاقتىنى ئەسلەپ ئۆتىدىغان بولساق، 2009-يىلى 8 - ئاينىڭ 11-كۈنى سىتىندل گىرمانىيە u21 كوماندىسىغا ۋاكالىتەن مۇسابىقىگە قاتناشقان .

ناچۇ مۇنىرىئال ، ئىسپانىيە ، 1986- يىلى تۇغۇلغان



يۇقىرىدا تىلغا ئېلىنغان توپچىلارنىڭ ھەممىسى ھۇجۇمچىلار بولۇپ ، ئەمىلىيەتتە مۇداپىئە سىپىدىكى توپچىلارنىڭ دۆلەت كوماندىسىغا تاللىنالماي قىلىتەك ناچار ئەھۋاللارمۇ ئاز ئەمەس ئىدى . ھازىر ئارسېنال كوماندىسىدا توپ تىپىۋاتقان ناچۇ بۇلارنىڭ ئىچىدىكى ۋەكىللىك خاراكتېرلىك توپچىلارنىڭ بىرى ئىدى . مۇنىرىئال ئوساسۇنا كوماندىسىدىن چىققان بولۇپ ، 2006- يىلىلا ئاللبۇرۇن ئوساسۇنا كوماندىسىنىڭ ئاساسلىق ئەزاسى بولۇپ ، ئىسپانىيە بىرلەشمىسىدە مۇسابىقىگە قاتنىشىشقا باشلىغان . كىيىن كوماندا بۇنى ئاساسلىق قىلغان ئەھۋال ئاستىدا جەڭ تاكتىكىسى تۈزەشكە باشلىغان .

مۇنىرىئالنىڭ ھۇجۇم قىلىش ئىڭى ناھايىتى كۈچلۈك بولغان بولۇپ ، ياش ۋاقتىدىكى ئۇنىڭ يۈگۈرۈش سۈرئىتى ھەرقانداق توپچىنى بىسىپ چۈشەلەيتتى . كۆزگە كۆرۈنگەن پاس بېرىش تىخنىكىسى ۋە تۇراقلىق بولغان پاس ئىقتىدارىنىڭ بولىشى ، ئۇنىڭ ئارسېنال كوماندىسىغا قوشۇلغاندىن كېيىنمۇ ، ۋېنگېرنىڭ ئەتىۋارلاپ ئىشلىتىشىگە ئىرىشەلىگەن . تاكى بىرىللىن كۇلۇبقا قىتىلغىچە، ئۇ ئارسېنال كوماندىسىنىڭ جەڭ تاكتىكىسىدىكى مۇھىم توپچى بولغان . گەرچە توپ كىرگۈزۈش ئۈنۈمى يۇقىرى بولمىسىمۇ ، لىكىن مۇنىرىئال توپنى ئىلىپ يۈگۈرۈپ سەبداشلىرىغا ناھايىتى چوڭ بولغان بوشلۇق يارىتىپ بىرەلەيدۇ . بۇ پەسىلدىن باشلاپ مۇنىرىئالنىڭ بەدەن ساپاسىدا تۆۋەنلەش كۆرۈلگەن بولۇپ ، ئارسېنال كوماندىسىنىڭ سول بىك تەرىپىدىن قىلىغان ھۇجۇمنىڭ سۈپىتى تۆۋەنلەپ كەتكەن . مۇشۇنىڭدىن شۇنى كۆرۈۋېلىشقا بولىدۇكى مۇنىرىئالنىڭ كوماندىدىكى رولى ئىنتايىن مۇھىم ئىدى .

شۇنداقتىمۇ مۇنىرىئال ئۇدا نەچچە يىل ئىسپانىيە كوماندىسىنىڭ سىرتىدا قالغان . گەرچە ئۇ 2009- يىلىدىكى دوستلۇق مۇسابىقىسىدە تۇنجى قېتىم ئىسپانىيە دۆلىتىگە ۋاكالىتەن مۇسابىقىگە قاتناشقان بولسىمۇ ، لېكىن ئۇ دۇنيا لوڭقىسى ۋە ياۋروپا لوڭقىسى مۇسابىقىسى قاتارلىق دۇنياۋى سەۋىيەلىك مۇسابىقىلەرگە قاتنىشىپ باقمىغان ئىدى . 2013- يىلى ئۇ ئىتتىپاق بىرلەشمە لوڭقىسى مۇسابىقىسىگە قاتناشقان بولۇپ ، بۇ ئۇنىڭ بىردىنبىر چوڭ مۇسابىقىلەرگە قاتنىشىشى بولۇپ قالغان . بۇ مۇسابىقىدە مۇنىرىئال پەقەت بىرلا مەيدان مۇسابىقىگە چىققان بولۇپ ، بۇ مۇسابىقىدە ئىپادىسى ياخشى بولۇپ ، بىر پاس بەرگەن . شۇنىڭدىن كېيىن ئۇ يەنە بىر قېتىم ئىسپانىيە كوماندىسى تەرىپىدىن تاشلىۋېتىلگەن بولۇپ ، دۇنيا لوڭقىسى ۋە ياۋروپا لوڭقىسى مۇسابىقىسىگە قاتنىشالمىغان ئىدى .

يىقىنقى يىللاردىكى ئىسپانىيە كوماندىسىنىڭ خەلقئارادىكى مۇسابىقىدىكى بولغان ئىپادىسىدە زور داۋالغۇشلار بولغان . شۇنىڭ بىلەن مەشقاۋۇل دىققىتىنى تاللىنالماي قالغان توپچىلارغا چۈشكەن بولۇپ ، مۇنىرىئال قايتىدىن دۆلەت كوماندىسىنىڭ تىزىملىكىگە كىرگۈزۈلگەن . يىقىندا ئاخىرلاشقان تاللاش مۇسابىقىسىدە ، مۇنىرىئال ئىككى مەيداننىڭ ھەممىسىدە ئاساسلىق ئەزا بولغان بولۇپ ، بىرتوپ كىرگۈزۈپ بىر توپ ياردەمچى پاس بەرگەن . بەلكىم ئۇزۇن ئۆتمەي بۇ ئارسېنال توپچىسىنى بىز دۇنياۋى سەۋىيەلىك مۇسابىقىلەردە كۆرۈپ قىلىشىمىز مۇمكىن .

ئىكاردى ، ئارگېنتىنا ، 1993- يىلى تۇغۇلغان



بۇنىڭ سەۋەبى ھەممىگە ئايان بولۇپ ، ئىكاردىنىڭ دۆلەت كوماندىسىدىكى ئورنى ئىزچىل ياخشى بولماي كەلگەن . لېكىن بۇ توپچىنىڭ ئەمەلىي كۈچىدىن قارىغاندا ، ئىكاردى ئاللىقاچان ئىتالىيە بىرلەشمىسىدە ئۇدا ئۈچ يىل ئىپادىسى قالتىس بولغان . ئىكاردى نۇرغۇنلىغان كىشىلەرنىڭ گۇمانىغا ئۇچراپ كەلگەن بولۇپ ، بۇ توپچى ئاخىرى ئۆزىنىڭ قالتىس ئىپادىسى بىلەن ئۇلارنىڭ گۇمانىنى يوقىتىپ ئۆزىنىڭ ئەمەلىي كۈچىنى ئىسپاتلاپ بەرگەن .

شۇنداق بولسىمۇ ، ئىكاردى دۆلەت كوماندىسىدا پەقەتلا شۇ بىرلا قېتىم ئۆزىنى كۆرسىتىپ قويغان . 2014-2015 ۋە 2015-2016 ئىككى مۇسابىقە پەسلىدە ئىپادىسى ناھايىتى قالتىس بولغان بولسىمۇ ، لىكىن يەنىلا ئارگېنتىنا كوماندىسىغا چاقىرتىلمىغان ئىدى . دىيىشكە زۆرۈر بىر ئىش بولسا ، بۇ توپچى ئارگېنتىنانىڭ يەتتىنچى ھۇجۇمچىسى ئىدى . لىكىن ئىكاردى بۇنىڭغا بىلەن كۆڭلى يېرى بولماستىن ، بەلكى بىرلەشمە مۇسابىقىدە داۋاملىق قالتىس ئىپادىسىنى جارى قىلدۇرۇپ كەلگەن .



دەرۋەقە كۇلۇبتا ئىپادىسى ياخشى بولغان بىلەن ، دۆلەت كوماندىسىغا كەلگەندە ھەتتا مەيدانغا چىقىش پۇرستىگە ئىرىشەلمەيمۇ قالىدۇ . بۇنداق ئەھۋاللار كۆپىنچە ۋاقىتلاردا كۈچلۈك دۆلەتلەردە جىق يۈز بېرىپ قالىدۇ . مەسىلەن ئارگېنتىنا ، بىرازىلىيە ، گوللاندىيە ، گىرمانىيە ، ئىتالىيە ، فىرانسىيە ، ئىسپانىيە ، پورتۇگالىيە قاتارلىق كۈچلۈك دۆلەتلەردە بۇنداق ئەھۋال كۆپ يۈز بىرىدىغان بولۇپ ، چۈنكى كوماندىدا مۇنەۋۋەر توپچى ئاز ئەمەس . ئەلۋەتتە شۇنچە كۆپ مۇنەۋۋەر توپچىنىڭ بىر كوماندىدا بولۇپ قىلىشى ، شەھ شۈبىھىسىزكى دۆلەتنىڭ تەلىيى . توپچىغا نىسبەتەن ئېيتقاندا ئۇلارنىڭ تىخىمۇ يۈكسىلىنىشىگە ۋە تاۋلىنىشىغا ياردىمى بولىدۇ.

ئۈمۈت

تىما  يياخشى چىقىپتۇ

رىفات

قەلىمىڭلار ھېرىپ قالمىغاي ، تېمىللىرىڭىز كۈندىن كۈنگە سەرخىللىشىپ كىتىپ بارىدۇ

ئارگىنتىنادا ئاگۇيرو ھىگۇئايىنلار بار شۇڭا بۇنىڭ چاقىرتىلمىغىنى ئەجەبلىنەرلىك ئەمەس ، دىيبالا بىلەن مۇشۇ ئىككىسى سورامدۇ تېخى كىيىنچە

polan

تېما بەك ياخشى چىقىپتۇ.ھىگۇيىن بىلەن ئاگەيرو،مۇشۇ ئىككىسىنىڭ بىرىگە يىكاردىنى چاقىرىتقان بولسا بۇلتى       يەن بىرى2010دىكى رونالدىنخو  ئادەمنىڭ كۆڭلىنى بەك يېرىم قىلىدۇ.

diil-zat

مانا يەنە بىر ئىسىل تىما !~!  تىما ئىگىسىگە تەشەككۈر!~

ئۇيقۇت

ئاخىرى باردەك ھىس قىلدىم               

polan

تېما ئىگىسىنىڭ لۈكچەك بۇلۇشقا،شەرتى تۇشۇپ ئېشىپ كەتتى بولغاي       باشقۇرغۇچىلار ئويلۇشۇپ قويساڭلار    خېلىدىن بىرى مۇشۇ رونالدو1985مۇنباردىشىمىزلا مۇنبەرنى چۈرۈپ كىلىۋاتىدۇ.

ئىزھار820

ھەقىقەتەن ئېسىل،بولسا بۇنىڭدىن كېيىن بارسېلونا مادرىد، رونالدومۇ مېسسى توغرىسىدا تېما يازماي مۇشۇنداق تېمىلارنى يېزىشىڭىزنى تەۋسىيە قىلىمەن.

قۇتلۇغ

رەھمەت كۆپچىلىك . بۇندىن كىيىنمۇ داۋاملىق كۈچۈمنىڭ يىتىشىچە ياخشى تىما يىزىشقا تىرىشىمەن .

tagderem

بەزى سۆزلەرنىڭ باغلىنىشىنى ئوڭشىۋەتكەن بولسىڭىز تىخىمۇ تىتىملىق چىقاتتىكەن . ياخشى تىما بوپتۇ   ، 2002- يىللىق دۇنيا لوڭقىسىدا    سىكىلارىمۇ  جاھىللىق قىلىپ شۇ ۋاقىتلاردا   گىرمان بىرلەشمىسىدە  قىقاس ئويناۋاتقان بوينى قىسقا بىر بىرازىلىيىكنىمۇ ئالمىغان . بىرمىندا ئوينامتى ئەيتاۋۇر ، لىكىن سىكىلارى ئاخىرىدا چىمپىيۇنلۇق ئارقىلىق باشقىلارنىڭ ئاغزىنى ئەتكەن . خۇددى   78 -يىلدىكى ئارگىنتىنا تىرىنىرى مىنۇتتىدەك .  بەزى ياخشى ماھىرلار تىرىنىرنىڭ كاساپىتىگىمۇ كىتىپ قالىدۇ ،بەزىلىرىنى دۆلەت كوماندىسىنىڭ ئەمەلىي كۈچى بەلگىلەپ قويىدۇ ، ئامال يوقتە ،  پوتبۇلى تەرەققىي قىلغان ئەللەرنىڭ  كەسپى توپچىلىرى كۈرمىڭ ،لىكىن دۆلەت كوماندىسى كىيمىنى ئۇچىسىغا ئارتىدىغىنى 23.     تىرىنىرنىڭ كاساپىتىگە تولىراق فىرانسىيە كىتىپ قالىدۇ دەپ ئويلايمەن  ،  ئىلگىركى دومىنىكمۇ شۇنداراق ئادەمتى ،ماۋۇ   بۇرۇنقى كاپىتانى ھازىرقى تىرىنىرىمۇ   شۇنداقراق ئادەمكەن  شەخسى پەرىزىمدە .

پالتا

مېنىڭچە بەزى توپچىلارنى زورلاپ چاقىرتىشمۇ ياخشى ئىش ئەمەس  .  ھۆرمەت  ئابرويى چوڭ بولغان بىلەن  ھە دېگەندە  كوماندىنىڭ ئۆزىدىن كۈتكەن يېرىدىن چىقىپ  بولالمايدۇ . مىسسىنى ئېلىپ ئېيتساق  ئالدىنقى قېتىم ئۇنىڭ  كوماندىدىن ئۆزلىكىدىن ئايرىلغىنى ئەڭ ئاقىلانە قارار ئىدى . يا  بارسىلونا تېرنىرىنى ئارگىنتىناغا تېرنىر قىلىپ ئاپىرىش كېرەك يا بولمىسا مىسسى ئارگىنتىنا كوماندىسىغا  دەسسىمەسلىكى كېرەك . شۇنچە  سەرخىل  كوماندىنىڭ ،  مىسسى باشچىلىقىدا  پوققا دەسسەپ تۇرىشى قاملاشمىغانلا ئىش . رائۇلمۇ 2008-يىلى ئىسپانىيە دۆلەت كوماندىسىدا  يوق  ئاخىرىدا  ئىسپانىيە چىمپىيون بولدى .  شۇنىڭدەك  مىسسىنىمۇ  ………

HAKKER

نادىرلىق ئۆلچىمىگە چۇپ قلامدۇ نىمە بۇ تىما