بۇ يازمىنى ئاخىرىدا زەردار تەھرىرلىگەن. ۋاقتى 2016-3-14 13:32
ئەسسالامۇ ئەلەيكۇم !
مادرىدنىڭ مۇداپىئە سېپى ئاجىزلىشىپ كەتتىمۇ ؟
ئىسپانىيە بىرلەشمىسىنىڭ 29-ئايلانمىسىدا رېئال مادرىد كوماندىسى بىرلەشمىدىكى يېڭىدىن دەرىجە ۆرلەپ چىققان كوماندا لاس بالماس بىلەن مۇسابىقىلەشتى ، بۇ مۇسابىقىدە راموسنىڭ ئالدى بىلەن توپ كىرگۈزۈشى بىلەن ئاكتىپ ئورۇنغا ئۆتكەن مادرىد كوماندىسى كېيىنكى مەيداندا بىر توپ ئىستىمال قىلىۋالدى ، كېيىن كاسمېرونىڭ بوغۇزلاش خارەكتىرلىق توپى بىلەن مېھمان مەيداندىن ئۈچ نۇمۇرنى ئېلىپ قايتتى ، شۇنىڭ بىلەن مادرىدنىڭ بىرلەشمىدە كەتكۈزگەن توپى 28 گە يەتتى ، بۇ سان ئاتلېتكا مادرىد ( 12 توپ ) ، بارسېلونا ( 22 توپ ) لاردىنلا ئەمەس ئۆزىنىڭ كەينىدىن قوغلاپ كېلىۋاتقان ۋېللا رېئال ( 23 توپ ) تىنمۇ كېيىن تۇرىدۇ ، بۇ پەسىلدىكى مۇسابىقىلەردە ئاخىرىدىكى 24 مەيداندا پەقەت بەش مەيدانلا مۇسابىقىدە توپ كەتكۈزمىگەن بولۇپ ئۇلارنىڭ ئارىسىدا ئىسپانيولدىن باشقا ھەممىسى ئاجىز كوماندىلار ھېسابلىنىدۇ .
راموس بىلەن پىپى كېيىنكى ئايلانمىغا قاتنىشالمايدۇ
لاس بالماس بىلەن بولغان مۇسابىقىنىڭ 90-مىنۇتىدا راموس ئىككىنجى سېرىق كارتىسىنى ئىستىمال قىلىپ ئىككى سېرىقنىڭ بىر قىزىلغا ئايلىنىشى بىلەن مەيداندىن ئايرىلدى ، بۇ ئۇنىڭ كېيىنكى ئايلانمىدا مەيدانغا چۈشەلمەيدىغانلىقىدىن دېرەك بېرىدۇ ، مۇسابىقە جەريانىدا پىپىمۇ بىر سېرىق كارتا ئىستىمال قىلغان بولۇپ ئۇنىڭ كارتىسى بەشكە يېتىپ بىر مەيدان بىرلەشمىدىن توختايدۇ ، شۇنداق بولغاندا مادرىدنىڭ مۇداپىئەسى ۋارانى بىلەن ناچوغا قالىدۇ ، مادرىدنىڭ بۇ ئايلانمىدىكى رەقىبى سېۋىللا بولۇپ يېقىنقى مۇسابىقىلەردە ئىپادىسى تازا ياخشى بولمىسىمۇ سەل قاراشقا بولمايدىغان رەقىب ھېسابلىنىدۇ ، ئۇنىڭ ئۈستىگە ئالدىنقى ئۇچراشمىدا سېۋىللا ئۆزىنىڭ مەيدانىدا 3:2 نەتىجە بىلەن مادرىدنى ئۇتقان بولۇپ ھازىر بىرلەشمىدە 5- ئورۇندا تۇرىۋاتىدۇ ، بۇ زىدانىغا نىسبەتەن دېربىينىڭ ئالدىدىكى بىر سىناق بولۇپ قالغۇسى ...
راموس مادرىد تارىخىدىكى ئەڭ كۆپ قىزىل كارتا ئىستىمال قىلغۇچى
لاس بالماس بىلەن بولغان مۇسابىقىدە مادرىد مۇداپىئەچىسى راموس قىزىل كارتىغا ئېرىشكەن بولۇپ گەرچە بۇ كارتا ئۇنىڭ بۇ پەسىل بىرلەشمىدىكى تۇنجى قىزىل كارتىسى بولسىمۇ ئۇنىڭ مادرىد تارىخىدا ئۇمۇمىي ئىستىمال قىلغان قىزىل كارتىسى 20 گە يەتكەن بولۇپ تارىختىكى مادرىد توپچىللىرى ئارىسىدا 1-ئورۇندا تۇرىدۇ ، ئۇنىڭدىن كېيىنكىسى ھېرىرو بولۇپ ئۇنىڭ 12 قىزىل كارتا ئالغانلىق تارىخى بار ، 3- ئورۇندىكىسى گۇتى بولۇپ 10 قىزىل كارتا .
مادرىدنىڭ سابىت توپتا نۇمۇر ئېلىشى ياۋروپادا 1- ئورۇندا
ئىككى بۇلۇڭ توپتىن پايدىلىنىپ لاس بالماس ئۈستىدىن غەلبە قىلىشى بىلەن مادرىدنىڭ بۇ پەسىلدە سابىت توپ ( ئىختىيارىي توپ ، بۇلۇڭ توپ ۋە نۇقتا توپلارنى ئۆز ئىچىگە ئالىدۇ -ت) ئارقىلىق نۇمۇر ئېلىشى بەش چوڭ بىرلەشمىدە 1- ئورۇنغا ئۆتتى ، ئۇلار بۇ پەسىل ئىچىدە بۇ ئارقىلىق 22 توپ ئۇردى ، بۇ ئورۇننى ئەسلى ئېنگلاند بىرلەشمىسىدىكى توتتىنھام كوماندىسى ساقلاۋاتقان بولۇپ 21 توپ ئۇرغان ، كېيىنكىسى فىرانسىيە موناكو كوماندىسى بولۇپ 18 توپ . | 
ۋاقتى: 2016-3-14 06:55:00
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2016-3-14 07:21:53
